Un'ideale
Rigoberta
Nant'à e petre di l'Altiplano
È in Santa Rosa ùn poi più stà
Ti ne vole u capurale
Chì ti seguita, ti vole tumbà !
Tacenu u nome di Rigoberta
I cumpagneri in u to locu
Di a so vita anu pagatu
I to parenti di sangue è focu.
Tù chì ai vistu u dolu,
Di ste muntagne, sì clandestina
È ti dumandi perchè l'omu,
Di a so pace tomba u destinu.
Anu spiantatu i to culori
Neru hè u lagnu chì traccore
È s'acconcianu tempu è ghjorni
U nucente cù u so dulore...
Ma prestu ghjunghjerà lu ghjornu
Per una ghjustizia ti voli salvà
Vede cù i to ochji stanchi
E sponde nove di libertà.
L'omu chì si piglia a culomba
Mai l'eternu truverà
Sempre e voce d'addisperu
È u so stridu senterà.
A balagna
Schjaffu di ventu nantu a fronda
Trattu da stu mare prufondu
Hè a Balagna, c'hà un core à dì
Cù a voce muta di'ssu mondu.
Sò guai pari, dicenu i soi
Azzingati à listessi amori
Fermanu in celu e so parolle
È per i chjassi tanti fiori.
Ogni ventera si vole piglià
I so miraculi sbucciati,
È i ricordi da imaginà
Per i zitelli chì sò nati.
Alza u sguardu ver di Ghjunsani
C'hè una muntagna di neve
Sottu u Reginu chì di a funtana
In punt'à e case si vede.
Ùn sò risposte à u viaghjà
Chì ogni secretu si svene,
È tù chì voli sempre andà
Una strada sempre ti mena.
Ogni ventera si vole piglià
I so miraculi sbucciati,
È i ricordi da imaginà
Per i zitelli chì sò nati.
Aghju intesu
Aghju intesu chè vo site
Di e donne la più bella
È chì voi ùn vi vistite
Ca di seta è da dantella
À m'hà ghjurata sta mane
In piazza Zia Trinichella
S'ell'ùn sò fole nè canti
Mi facciu un passu davanti.
Aghju intesu chì vo fatte
Bone cene è cullazione
piatti rari priparate
Cù pacenza è devuzione
Quessa à tengu per certa
Da Zia Lucia trippone
S'ell'ùn sò fole nè canti
Dui passi facciu avanti.
Aghju intesu chè vo lacate
À nisunu in penitenza
Cù e porte spalancate
A notte di priferenza
Quessa po à m'hà fiscata
Ziu Ghjuvan Petru cuscenza
È cusì mi ne stò chettu
Voltu trè passi daretu.
Ferma
Ferma u ricordu di i toi
Terra calpighjata da la ghjente
Alba luminosa d'oriente
Aghja senza zampate di boi.
Ferma...
Orizonte suminati à fiori
Creste pettinate da u ventu
Sarre appiccate à u firmamentu
Valle senza canti di pastori.
Ferma...
Isula citatella
Sì celu carcu di stelle chì l'altri paesi ùn anu
Ghjunte l'albe cusì belle smariscenu pianu pianu
È tornanu rundinelle quandu spunta lu veranu
A mio cursichella, a mio cursichella.
Sì a terra ch'eu lavoru e mio lenze suminate
Sì u paese chì adoru i mio lochi e mio cuntrate
Di tè torna m'innamoru quand'ella affacca l'estate
A mio cursichella, a mio cursichella.
Sì fiume chì corre è salti è fali da l'alte cime
Da li monti li più alti in u buleghju di rime
È di prufumi ti carchi quandu vene u vaghjime.
Sì a nostra tradizione sì u spechju di l'eternu
Chì l'altre generazione anu impastatu fraternu
A sera à lu fucone quandu vinia l'inguernu
A mio cursichella, a mio cursichella.
Sì muntagna chì s'accorda cun quelli tempi beati
È poi chì s'arricorda chì i mio antichi sò nati
À u pede di a Paglia Orba, monte Cintu è Cinque Frati
A mio cursichella, a mio cursichella.
Sì l'isula citadella arradicata à u mare
A mio unica prighera e mio brame le più care
Sì a mio più bella ghjesgia u più splendurente altare.
Quantu si cambiata
Sé tu ti n'avveni la mio innamurata
Né facemu noi prumesse sulenne
Ancu senza festa per quelle le strenne
La volsemu bella la nostra abbracciata
Ma oghje mi pare di sente e tintenne
O Corsica mea quantu si cambiata
Sé tu t'arricordi di quella sbarcata
Colmi di sperenza è di l'allegria
C'era in core à noi cume diceria
Un rispiru novu d'una sventulata
Mi parenu oghje tutte niscentrie
O Corsica mea quantu si cambiata
U paese hè spentu da la spenserata
A Campagna hè guasta da u lasciacorre
A cità chi ride di lu so rimore
Ogni cosa cara la sentu sbandata
Hè ghjunta ammarezza in lu nostre amore
O Corsica mea quantu si cambiata
Ma un'vogliu perde la sperenza amata
Mancu vogliu sente la to malacella
In mare turchinu una navicella
Mi fermerà in core di neve impannata
E'in la mio memoria ci luce la stella
Di Corsica mea ch'un hè mai cambiata
U sognu viaghju
ln u celu sopra a l'alburoni c'hé una striscia bianca chi và
Per i zitelli u ventu cumpone tutti i sogni di l'umanità
Mi basteria à me poche cose una navicella per vultà
Per e cunfine e terre ascose abraccendu sta diversità
Per l'America à collu tortu
E a Spagna chi luce di notte ...
Ci sô tanti deserti sfruttati e so cariole stanu qui
E d'altri animali sô vultati cù stu sole c'acceca custi
D'altri in una cità chi bolle d'Africa, Australia quallà
U sognu viaghju mi cunsola mi trica sempre di spaisà
Per l'America à collu tortu
E a Spagna chi luce di notte ...
Nantu à e fiure lochi beati un sole s'hé ciuttatu dinù
Nantu a carta fine allibrata carezzi sempre un sognu in più
E piglieremu l'altru caminu c'hé sempre un antra vita à ghjucà
Per francà stu lucucciu marinu ci tuccherà sempre a navicà
Per l'America à collu tortu
E a Spagna chi luce di notte ...
Un' ideale
Cerca sempre un ideale
per a to vita da fà
Ad ogni stridu di u ventu
ogni ghjornu a sminticà
A credenza in un desertu
chi fece nasce l'acquata
Quandu sempre in lu so celu
a sperenza era stanciata
Per u to locu di muntagna
scumpertu d'ogni core
Chi teme u tempu ingannu
e sfiere di tutte l'ore
Per u core di e zitelle
è u so cantu prufanu
So voce di sta terra
è a so speme luntanu
Cerca sempre l'infinitu
d'una bellezza spugliata
D'indiatura arrita
e cù l'abbriu lampata
Cum'una stantara antica
da u cecu alzata
E u cantu infinitu
di a voce impetrata
Per u to locu di muntagna
scumpertu d'ogni core
Chi teme u tempu ingannu
e sfiere di tutte l'ore
Per u core di e zitelle
è u so cantu prufanu
So e voce di sta terra
è a so speme luntanu
Cerchi mezz'à u destinu
l'agnu toiu ch'ellu porta
Duve c'era a to strada
quella ch'elli t'anu toltu
U versu ch'un s'assulcina
eternu in la to scrittura
Chi d'ogni morte rinasce
cume una verde natura
Per u to locu di muntagna
scumpertu d'ogni core
Chi teme u tempu ingannu
e sfiere di tutte l'ore
Per u to core di e zitelle
è u so cantu prufanu
So è voce di sta terra
è a so speme luntanu.
Una prumessa
Sott'un tendone à lu ventu
S'hè alzata una preghera
Chi so tanti a sciaccamanà
Tantu s'alza forte una spera!
Dice ch'un ghjornu canterà
Rivittulitu un giuvanottu
Chi a so voce moverà
Di rigiru cù un patriottu
C'hè un scalone à francà
Per u fiatu è l'anche sguestre
E'duie calle dà barcà
Per tante cuscenze maestre
Senza guerra dice una voce
Ch'ellu si ferà lindumani
Cun sullaccaria in i cori
Una prumessa in li so mani!
E'si d'altre qual'hè chi sà
Piglianu listessu destinu
Nant'a u chjassu anu da spuntà
L'ultime petre di u caminu
C'hè un scalone à francà
Per u fiatu è l'anche sguestre
E'duie calle dà barcà
Per tante cuscenze maestre
Per a terra chi dorme soda
A memoria chi ci rivene
A sole piattu a sole forte
U sangue corre in le mio vene!
E'si d'altre qual'hè chi sà
Piglianu listessu destinu
Nant'a u chjassu anu da spuntà
L'ultime petre di u caminu
C'hè un scalone à francà
Per u fiatu è l'anche sguestre
E'duie calle dà barcà
Per tante cuscenze maestre
Nant'a u solcu
Oghje stu cantu vene è ti piglia
Per discità la to passione
Chì simu tati, in sta famiglia
À vulè fà sempre l'unione
À mi dice stu ghjornu chì nasce
Nant'à u solcu di a Nazione
Di a Nazione...
Ti vene d'eri sta libertà
Di lotta mai finita
Paesi è macchje, per andà
Ver di a muntagna culurita
È a dice u to pugnu strintu
À e brame di a nostra vita
Di a nostra vita...
Ùn c'hè timore nè debulezza
Per quellu chì piglia sta strada
Chì un ghjornu strappa a so cavezza
Ti senti d'ardore infrebbatu
Quandu dice u to batticore
Hè quella fede ùn sò cambiatu
Ùn sò cambiatu...
Eiu è tù, elli è po tanti
Impasteremu per dumane
I to sogni sempre tamanti
Tuttu hè da fà da e nostre mane
À mi dice u ghjornu chì nasce
Nant'à u solcu di a Nazione
Di a Nazione...
​
​
