Un filu di melodia
Un filu di melodia
Quandi a galoppu saratu
U cavallu di a to vita
Di caldu e di fredu mugatu
Corre in la cità impazzita
T'aiuta a ripiglià fiatu
Quella musica svanita
Un filu di mdodia
Chi vene a rinfrisca l'anni
Una stonda di magia
Per guari li to malanni
Quandu torna a zitellina
A pigliatti per la manu
Nantu a un onda chiara è fina
Per andà in tempu luntanu
Quandu s'arremba lu male
A l'alba di e to passione
Quandi un lettu d'ospidale
Ti coglie per u stradone
S'accende cume un fanale
A memoria testimone
Un filu di melodia
Chi vene a rinfriscà l'anni
Un ansciu di nustalgià
Eccu li I to quindeci anni
Quandu torna a zitellina
A pigliatti per la manu
Nantu a un onda chiara e fina
Pe andà in tempu luntanu
Quandi un lumesi more
A l'angoscia di i to ghjorni
Ti vene un batticore
Si spenghjenu li to forni
Hè tandu chi sopra l'ore
Cantanu qualchi frastorni
Un filu di melodia
C'hi vene a rinfrisca l'anni
Un mazzulu d'armunia
Per cancellà tant'inganni
Quandu torna a zitellina
A pigliatti per la manu
Nantu a un onda chiara e fina
Per anda in tempu luntanu
Induve si ne va maghju
lnduve si ne va maghju
Quale hè chi sà
lnduve si ne va maghju
Quale hè chi sà
A cumprassi un anellu
Quale hé chi sà
A a l'inguernu un mantellu
Quale hè chi sà
lnduve si ne và maghju
Quale hè chi sà
lnduve si ne va maghju
Quale hè chi sà
A pettinà qualchi fiore
Quale hè chi sà
O a cercà qualchi amore
Quale hè chi sà
lnduve si ne và maghju
Quale hè chi sà
lnduve si ne va maghju
Quale hè chi sà
A piglià l'ore di e stelle
Quale hè chi sà
Per marità le zitelle
Quale hè chi sà
lnduve si ne và maghju
Quale hè chi sà
lnduve si ne va maghju
Quale hè chi sà
A piantassi una cria
Quale chi sà
ln un campu d'armunia
Quale hè chi sà.
Perche cantu
Pè li ghjorni di maghju
Arrembati à u celu
È la to notte scema
Di libertà fiurita
Pè u pane di tavula
Duve luce un candelu
Chì tradisce lu silenziu
Di a ghjente addunita
Di a ghjente addunita
Cantu
Pé u filu d’eternu
Chì un soffiu ritene
Nantu à e labre vechje
Dopu à lu paternostru
Pè e petre di u solcu
Chì ingonfianu le vene
Quandi u sole hè di troppu
À u sudore inchjostru
À u sudore inchjostru
Cantu
Pè e stonde di a scola
Quandi a mente corre
Nantu à e verde cunfine
Di a prima carezza
Pè i ghjochi di a piazza
Un ballò per amore
È la strana stridura
Di a prima tristezza
Di a prima tristezza
Cantu
Pè l’errante chì vene
À beie à a to funtana
Pè u suldatu persu
Tombu da la so spada
Pè u cantu di e cime
Nantu a la tramuntana
Pè a culomba viva
Chì t’insegna la strada
Chì t’insegna la strada
Cantu
Metti un piattu in piu
0 me sposa da sta sera
Sopra a lu to tavulinu
Mitterai un piattu in più
E da lu focu vicinu
Chi sa dumane piccherà
Quel elernu tragulinu
Simu soli oramai
Un n'avemu più cumpagnià
A casa si s'hè trista
Cume lagni d'angunia
L'acelli ci anu lasciatu
Ad ognunu la so via
Da la fine di lu ghjornu
A la fine di la notte
Quandu lu celu si copre
Sopra a le fureste morte
Per tanti chi au bisognu
Un so chjose le me porte
T'hè aperta la me casa
Caru vecchju tragulinu
lnduve do li to cumpagni
U stacciaiu e l'arrutinu
Chi battianu Ie pieve
Cu l'anticu caliscinu
Induve so li to cumpagni
Di sti tempi di cucagna
Ghjunghja da lu reginu
U mercante di balagna
Da l'ascu e da u niolu
Furmagliu a manghja manghja
U femu da bianc'agnelli
Ornati da l'alte virtù
Per l'omu for di strada
Laga sempre un piattu in più
Lagalu per u zitellu
Chi ricusa a servitù
A tè chi batti machja
Dapoi tante stagione
Parsicutatu, ribellu
Un ti chergu spiegazione
Assicura li to passi
E franca lu me cantone
Cu la notte chi s'avanza
Eccu l'ultime campane
O sposa metti issu piattu
Metti vinu, metti pane
Demu sperenza sta sera
Un n'aspettemu dumane
Amandulu fiuritu
​
Amandula fiuritu
Inzicculatu à cotru
Si sbucciatu di un colpu
In la notte
Cum'è una fucilata
Surghjente saltarina
Cristallu di fiscola
Si zirlata di un colpu
in la notte
Cum'è una fucilata
Arietta veraninca
Fola da anime sole
Si picciata di un colpu
in la notte
Cum'è una fucilata
Amore zitellescu
Fattu à coppiu è nescu
Amandulu spugliatu
Arietta secca
cum'è una ficilata
Scala d'inganni dolci
Spezzati in mille sensi
Amarezza d'un colpu
in una notte
Cum'è una scaccanata
Cuscenze intustate
Fede à vede tissute
Cù e mani di l'anni
U tempu hè biancu è neru
Hè bella a notte
Cum'è a sfiuricciata di l'esse
U tango di Rosetta
O cumpà ti n'arricordi quelli balli
Da u circondu ghjunghjianu centu cavalli
Intesu u primu sunettu di cumparsita
U paese intieru cambiava di vita
Tuttu u mondu s'accupiava in quattru salti
Vultulavanu i capelli è li tacchi alti
E Rosetta si facia un tango
C'un monsieur comme il faut
Era l'ora di cacciassi ogni vergogna
Mezu à i vapori di l'acqua di cologna
A vinaccia s'intrecciava à le zampate
I bicchjeri s'infilavanu è le cascate
L'orgoliu ùn n'era più chè ghjelusia
Quandi l'una vidia l'altra in cumpagnia
E Rosetta si facia un tango
C'un monsieur comme il faut
Era u tempu di u sintimu u più stranu
Quandu in l'ombra ci pigliavamu la manu
Era mele quellu son' di viulinu
I zitelli ci scherzavanu avvicinu
Ghjacumina cannuchjalava e so figliole
Cun quelli occhji chì parianu pistole
E Rosetta si facia un tango
C'un monsieur comme il faut
Oghje sò smariti balli è urganetti
Un n'hè più tempu di festa è di sunetti
Di u seculu mutanu e fantesie
I giovani, ùn ballanu più chè pazzie
Un si vede più capelli ne tacchi alti
Sò scappati li nostri usi in quattru salti
E spaisata Rosetta in un tango,
C'un monsieur comme il faut
Sunendu di viulinu
Sunendu di viulinu
Stamane sh'è fermatu
Un musichente cecu
A u quatru citatinu
E sona trimuloni
Pè a ghjente chi passa
E li misura l'arte
Cù quattru patacconi
U so amore persu
Dice cio ch'ellu era
E impressu in u so core
N'hà per sempre lu versu
U vechju musichente
Si lagna in u carrughju
E sona fin'à bughju
Sin'à ch'ellu ci hè ghjente
Pianu pianu si more
Ancu u vechju ricordu
S'ellu un hè più d'accordu
Cù lu so batticore
Di a vita so è cose
Chi li stringhjenu in gola
A dice da per ellu
U veru di a fola
Quand'o pensu à l'amori
Di a mio zitellina
Passati cum'è u ventu
E memoria in pulvinà
Mi frighje stu viulinu
Chi sonà in lu mio core
E ne scoccanu l'ore
Chi a vita striscina
Ditti lu ghjornu
Ditti lu ghjornu
Quellu di l'occhji assuliati
E di u core prufumatu nantu a l'erba croscia
Ditti lu ghjornu
Quellu di a vazza lucente
E di u trifogliu calatu nantu a le stonde d'aprile
Ditti lu ghjornu
Quellu di a vigna nova
E di l'arbitru serenu nantu a u chjassu di l'anni
Ditti lu ghjornu
Quellu di a brisa calma
E di u grillu vagabondu nantu a i basgi d'istatina
Ditti lu ghjornu
Quellu di u fenu teneru
E di a zitella surridente nantu a l'onde maliziose
Ditti lu ghjornu
Quellu di u focu accesu
E di un cantu àbbandunatu...
Nantu a i capelli di a notte
Passu verdi e celu
À tè sò l’ochji di l’alba è la prima riturnella
Chì t’accende core in pettu nantu à a strada la più bella
Quandu s’atteppa lu passu trà ghjinèparu è murzella
À tè sò li verdi chjassi, l’onde chjare di e puzzine
In gioia sò ghjàllicu è bassu, e taccule canterine
Chì vanu à cercà l’eternu sin’a le bianche cunfine
Quì si riposa lu ghjornu à l’ombra di qualchi fiore
A piverella è mintrastu hà furatu tant’odore
Per andà à truvà la notte è dumandalli l’amore
Quì sò li venti scherzosi chì pettìnanu le cime
Di nebbia arriciulita ind’un stranu fischjulime
Quandi a furesta si veste per e stonde di vaghjime
Avà sò le neve ardente, a to richezza infinita
Falata da l’alte sponde cume fata insunnulita
À quale tù dai l’anellu per imbellisce la to vita
I mei
In bocca qualchi filari
E in core la so terra
Luntanu so mondi e mari
Luntanu i celi di guerra
L'anni so nantu a li visi
Nantu a la trinata stanca
C'hè un lume in sti surrisi
Mentre la notte s'affianca
A i mei
Quandi u ventu a si spasseghja
Nantu a i tetti ammutuli
Quandi un c'hè più nimu a veghja
Quandu i canti so finiti
U capu cerca una spalla
ind'un ultima armunia
c'hè un rilogiù chi balla
l'eterna malincunia
Di i mei
Quandi a l'ora di l'estate
E muraglie so fiurite
Di e stonde e più sebbiate
Di prumesse intenerite
C'hè qualcosa chi rivene
Tale un ardente ciccona
Chi si marita a l'avvene
Torna la vecchja canzona
Versu i mei
Quandu u tempu camina
Nantu a un ricordu sfiatatu
Quandu l'inguernu stracina
Cio chi hè solu e chi ma invecchjatu
Nantu a brusta appena spenta
Verdi l'orizzonte chiaru
ogni passu mi ramenta
Quandu eo vi tengu caru
I mei
​
​
