Esciutu in lu 2009
Sorti en 2009
Trasmetta
Trasmetta
Trasmetta à tè da ùn mora
Tù chì ùn sai nudda ancora
Tù chì pensi chì a vita
Hè una cosa infinita
Duva si compra è si vendi
Duva si sà ùn si cumprendi
Trasmetta a firtà ch'eiu t'aghju
D'essa di issu locu santu
Chì ti darà lu curaghju
Di guadagnà u to stantu
ùn prumetti cà st'affari
Issu scogliu à mez'u mari
Trasmetta à tè un parlatu
È una manera d'essa
Di tena a famiglia à latu
D'ùn fà mai falsa prumessa
Ch'ogni parola datta
ùn devi essa ripigliata
Trasmetta à tè s'è tù voli
I chjavi d'un paradisu
Fattu di monti è di soli
D'un basgiu è d'un surrisu
Chì à l'ora di un traditori
Diventa infernu è dulori
Lamentu di un pueta à Maria
Bella Maria
Lamentu di un pueta à Maria
​
​
Diciossetti
U celu rossu à marina
luci tali un focu ardenti
Schiarisci quista cunfina
Di culori rutilenti
Li pari chì s'hè finita
Cù issa ghjurnata ogni vita
Vecu li me amicacci
Addurminati in sti prati
Eu ùn possu dorma in paci
Pensu à li ghjorni passati
Po ancu li ghjorni à vena
Ci ferma trè mesi à tena
O la me cara francesca
S'è tù vidissi a purezza
Di u rossu in l'aria fresca
Cù issu verdi chì biddeza
Pari una vechja pittura
Di a più bedda fattura
Ma ùn si movi la ghjenti
Nimu mi voli risponda
Si so pisati li venti
Faci una bedda stonda
Ma di l’amichi ùn si senti
Terza, bassu è siconda
O diù parini foli
Li me ghjambi so spariti
In stu locu semi soli
È ùn stemi manc’arritti
Forsi voi…seti morti ??
Dui ghjorni chì steti zitti
O la me cara francesca
S'è tù vidissi a purezza
Di u rossu in l'aria fresca
Cù issu verdi chì biddeza
Pari una vechja pittura
Di a più bedda fattura
Pigliu u stilettu di manu
Da caccià mi sta vitaccia
Ùn cregu più in l’umani
Anc’a me fedi si straccia
Com’è una vechja bibbia
Fatta cù a cartulaccia
Ùn sentu più ogni bomba
Lu me ciarbeddu chjarisci
Posu annant’à la me tomba
E la me vita sparisce
È la me corpu ferma solu
L’anima piglia u so volu
O la me cara francesca
S'è tù vidissi a purezza
Di u rossu in l'aria fresca
Cù issu verdi chì biddeza
Pari una vechja pittura
Di a più bedda fattura
L'acqua
L'aqua corre annant'à a rena
E lu fiume nun si ne và
E cusi sarà quella pena
Chi cola e cola è si ne stà
U me core s'hà da firmà
Cum'è ligatu di catena
U me core s'hà da firmà
Fich'ella và l'eternità
Ancu lu ponte si sustene
Ma pocu à pocu hà da lascià
E so petre annant'a rena
A mè mi pare chi la mio pena
Chi batte è batte è si ne stà
M'hà da ghjucà cum'è fulena
Chi batte è batte è si ne stà
Fin ch'ella và l'eternita
Sirinata di toniu
Cantu pè sermanu
​
