In terra d'omi
Dumenicaccia
Ghjinnaghju era per finisce
È si n'andava à passi lenti
Versu d'altre ore più lisce
È d'altri ghjorni lucichenti
Cum'è s'è l'estate era natu
À risplende in cor d'inguernu
Cum'è s'ellu avessi appingatu
In celu, un luciore eternu
Un omu una voce
Era u so cantà
Cum'è u fiume in foce
Chi vole inzuccarà
U mare portacroce
Di i nostri sperà
U mare portacroce
Di i nostri sperà
Ghjente addunita è serena
Ghjente à trecce in carrughju
Da rode marchjone è catena
Era di pace u so mughju
Cum'è s'è un raghju era natu
Mez' à tamantu timpurale
Cum'è s'ellu avessi picciatu
In celu, un eternu fanale
Un omu una voce
Era u so cantà
Cum'è u fiume in foce
Chi vole inzuccarà
U mare portacroce
Di i nostri sperà
U mare portacroce
Di i nostri sperà
Ma soca ùn ne po esiste
Chjarore à mezu à 'ssa fumaccia
Chi si so scorse nere è triste
L'ore di 'ssa dumenicaccia
Cum'è s'è u bughju era natu
Foscu è prufondu in cor di ghjornu
Cum'è s'ellu avessi appingatu
In celu, un eternu frastornu
Un omu una voce
Era u so cantà
Cum'è u fiume in foce
Chi vole inzuccarà
U mare portacroce
Di i nostri sperà
U mare portacroce
Di i nostri sperà
In terra d’omi
Tù lu pueta chì
Sì lumera è fanale
Chì d’ogni vita sì
È u mele è u sale
Ti lasci à tutti quì
È francu d’ogni male
Ti ne voli cusì
Sparghjendu e to ale
Per tuttu supranì
Tù l’acellu reale
Eppo'in terra d’omi
Ne sò suspiri è pienti
È tù chì stai è dormi
Oramai ùn li senti
È tù chì stai è dormi
Oramai ùn li senti
Da tutte e rambelle
Di lu to alburone
Nasce tante granelle
È sò e to canzone
Cusì fiurite è belle
È u ventu spulone
È manda à e stelle
Da fà u to tendone
Tintu da fatalelle
À sognu di Nazione
Eppo in terra d’omi
Si stancianu i pienti
Avà chì stai è dormi
Spugliatu di turmenti
Avà chì stai è dormi
Spugliatu di turmenti
À issu tendone celu
Sopra à a to Balagna
À sdrisgiane u velu
Eccu avà l’altagna
Cacciendu ogni sbelu
Oramai ùn si lagna
Nimu da terra à celu
U signozzu s’attagna
Ùn ferma chè u bellu
È e mure di Spagna
Eppo in terra d’omi
Stannu zitti i lamenti
Chì tù chì stai è dormi
Ùn ne voli più pienti
Chì tù chì stai è dormi
Ùn ne voli più pienti
Ind'è me
A campa chi l'eternu ùn si compie dumane
Chi eiu vogliu vede e custere landane
Quelle chi tantu notte mi fecenu vighjà
Oghje cù i mio ochji e vogliu accarizzà
Vogliu vede u sole quand' ellu avvia insù
È scopre 'ssi paesi ch'ellu scalda di più
À rombu di calmane 'ssi lochi ch'ellu frusta
Fendu a ghjente mora è a tarra di rusta
Vogliu vede e stese di l'eterna cutrura
Ciuttammi in u silenziu, a pace cusi pura
Di 'ssa notte chi campa un paghju di stagione
È dorme sunniendu un antru viaghjone
Eppo' di l'oriente sapè ogni profume
Di e Meriche luntane vede splende u lume
Varcammi ogni mare, i calmi è i furiosi
Scopre d'ogni muntagna l'andati petricosi
È mezu à 'ssi viaghji chjode l'ochji una stonda
Arreghje di li ghjorni a corsa vagabonda
È vultà ind'è mè è beie à 'sse surgente
Chi da sempre stancionu e sete di a mio ghjente
Chi tanti sogni scemi, chi tanti viaghjoni
I sicreti da scopre l'aghju qui à miglioni
Di ventu, di muntagna, di machja è di strado
Ognunu più lucente cà quelli dil'altro ...
A giuvanotta è u rè
Era una bella zitella
Un fiore di giuventù
Lucia quant'una stella
È forse ancu di più
A so vita era un fiume
D'asgiu di risa è di ghjocu
Ma sottu à tantu dulciume
U so core era di focu
Brusgiata da l'ore,
l falzi piacè
Era pronta à more
Pel' l'ochji d'un rè
Ellu, ùn i vidia
L"ochji di a zitella
Lasccndu à umbria
Ss'alma cusi bella
Ere colma à tennerezza
Quant'ellu po esse un fiore
Ella, era tutta carezza
Ellu ùn era chè furore
Eiu, à son di ghitara
Aghju dettu à 'ssa zitella
Quantu a tinia cura
Quantu a vidia bella
E un bellu ghjornu
Chjappai a so manu
È senza ritornu
A purtai luntanu
U fior'di vaghjime
Ch'ùn volse u rè
À rombu di rime
U colsi per mè ...
Una ferita
M'arricordu d'un locu
profumatu
D'un mondu calmu di lume suminatu
D'un soffiu caldu, d'una
voce dulcezza
Di l'ore sepiate, e stonde d'asgiatezza
È m'arricordu, m'era
chjinatu
In l'arbicelle à u to latu
È l'ochji persi mezu à u
celu
Eramu in 'ssu pratu
Cum'hè quassù l'acellu
È li vecu sbarsendu di vita
Mezu à a virdura di 'ssa
stesa fiurita
È i to capelli
À u ventu dati
È 'ssi ghjorni belli
Sempre assuliati
M'arricordu d'una alba
smisurata
D'un accunsentu, di tamanta abbracciata
Di u to surrisu cum'è un sole novu
È di ssu calore ch'oghje ùn ritrovu
È m'arricordu t'avia basgiatu
À e to lapre m'era
imprigiunatu
È u sguardu intintu di mille culori
Eramu in 'ssu pratu
Cum'è so i tisori
Ma oghje, tù, si smarita
È solu ferma una ferita
È u to ramentu
Datu à u ventu
È 'ssi ghjorni beati
À celi nivulati ...
A maghjera
Avianu in core una terra
E muntagnere è l'impiaghjà
In quellu tempu di maghjera
Un cornu si misse à sunà
A millaie si so pisati
Pè i paesi è le cità
Partuti so fieri suldati
A difende a libertà
Avianu in core un paese
Tetti di teghje è fumaghjoli
Pur d'ùn campà sottu a l'offese
Dedenu un basgiu a i figlioli
À milluie si so pisati
Pè i paesi è e cità
ln la fiumaru so cascati
I suldati di a libertà
Fù tandu una cruda maghjera
Ne firmo pochi à suminà
È quandu ghjunse a tribbiera
L'aghje ùn l'anu intesi cantà
Ma pè lizzio ci anu lasciatu
Ch'ùn hà prezzu a libertà
È sottu à lu ponte sfalatu
Eternu è fieru, Golu và
Dui soli in u mio celu
À core solu è spinsiratu
M'incaminava à passi d'asgiu
Senza pinsà ch'à u mio latu
A vita ci era à dammi un basgiu
Longu l'acque d'un fiumicellu
Ci viaghjava una zitella
Un sole natu in u mio celu
Si cunsumava à dimmi: « hè ella »
È d'un surrisu, una carezza
'Ssu fiore fattu giuvanotta
Per fammine dolce cavezza
U so core in u meiu ciotta
A core doppiu, innamurati
C'incaminemu à u piacè
Sunniendu abbracciacati
Chi a vita venghi à facci trè
È longu à u fiumicellu
Ci spunterà una viola
Un antru fiore cusi bellu
A esse a nostra figliola
Vuleria centu ghitare
Da cantà a nostr'odissea
Divvi quantu vi tengu care
Quant'hè bella a vita meia
À l'ora di fammi ricordu
Mi n'andaraghju cù l'acellu
À fà sunà l'ultimu accordu
Cù dui soli in u mio celu
E strade turchine
Parianu scappati
D'un sognu lucichente
A culori d'oriente
'Ssi vascelli andati
Per e strade turchine
Per i chjassi di sciume
È l'andati di lume
A l'ultime cunfine
A l'orizonti chjari
Duve more u sole
È nascenu e fole
Figliole di i mari
Suvitendu e stelle
Sulchighjavanu l'onde
À circà d'altre sponde
D'altre loche più belle
Un'isula serena
Tarra senza mimoria
Da scrive una storia
Ch'ùn cunnosce catena
Una muntagna d'oru
Da chi a so bandera
Svintulessi più fiera
Chi u più fieru albore
È mezu à u silenziu
Fassi una piazzarella
Esse cum'una stella
Mezu à u celu immensu
Ma e strade turchine
Ùn ti portanu indocu
S'è t'ùn adopri focu
Per apre e cunfine
Ci volenu e strage
Da fà nasce a pace
S'è un mondu si face
L'altru si deve tace
È cusi và u fiume
Da l'altu di e sarre
Sin'à lampassi in mare
In e valle di sciume
È i vascelli vanu
Frà 'sse piane di luce
Circhendu un mondu à struge
Per e strade turchine
A l'ultime cunfine ...
U schiavu felice
À mille l'orizonti lampà i sguardi ingordi
Bramà di tarre nove avvicinà l'abbordi
È e mio notte lazze in vintalle più belle
Di strade luminose è celi pieni à stelle
À l'errenza d'un sonniu abandunami sanu
Andà cum'ellu và u tempu, prestu o pianu
E à fiure bugiarde fidami senza contu
Lascendumi purtà da ogni ventu tontu
È di tanti viaghji esse schiavu felice
Po' affullà i ghjorni à un passu andarice
Po' affullà i ghjorni à un passu andarice
Di l'ingegnu istrosu saraghju
prigiuneru
Di marchjoni ch'ùn so pataraghju l'imperu
Ma e mio notte luce mi daranu da fughje
È custruisce mondi chi nimu hà da strughje
È di tanti viaghji esse schiavu felice
Po' affullà i ghjorni à un passu andarice
Po' affullà i ghjomi à un passu andarice
D'umbria è di sulana
Coglie l' ore di l' alba
Quelle d'attempu ghjornu
Quandi u sole scialba
Di luce u cuntornu
Eppo' fanne canzone
Chjappà l'ultime stonde
Quelle di l'abbrucata
Quandu ciotta nù l
'onde
L'invistita stillata
Eppo' fanne canzone
Da umbria à sulana
Vanu e nostre rime
Cum'è a vita umana
Da murtoriu à sbuccime
Da billezze in cullana
À annate vaghjime
Suminà u deliziu
À centu e manate
Dassi à un spuzaliu
È forse à e ciucciate
Eppo' fanne canzone
Tenesi sempre in core
L'orme di quelli, andati
À i venti di u more
Lascenduci affannati
Eppo' fanne canzone
Da umbria à sulana
Vanu e nostre rime
Cum'è a vita umana
Da murtoriu à sbuccime
Da billezze in cullana
A annate vaghjime
U ghjornu di vaghjime
Era un celu tristu cum'è i sà ottobre
Da 'ssi nuli sculava u pientu di u mondu
Ma à spiralle belle, tante l'albe da scopre
Eranu, omi fieri, di pettu à u sprufondu
Era un ghjornu di vaghjime
Unu di quelli à spulà rime
Era un ghjornu di vaghjime
Eranu di 'ssi lochi o figlioli d'altronde
Arritti fiancu à fiancu sottu à stessa bandera
Pronti à more inseme da difende 'sse sponde
Ancu s'à dii varii facianu prighera
Era un ghjornu di vaghjime
Unu di quelli à spulà rime
Era un ghjornu di vaghjime
U sangue di e so vene hà bagnatu 'ssa tarra
Sottu à 'ssu celu tristu dormenu e so salme
Ma u fiume spiranza hè CORSU per a sarra
È s'hà paratu nanzu quella bestia infame
Era un ghjornu di vaghjime
Unu di quelli à spulà rime
Era un ghjornu in Teghjime ...
​
​
