esciutu in lu 2010
Sorti en 2010
Sventulera
MEA LA BANDERA
A mea la bandera svintuleghja a vita.
E benchì bianc'è nera mi pare culurita
A mea la bandera svintuleghja à sulana
Quand'in ogni custera tira la tramuntana
A mea la bandera svintuleghja l'amore
E benchì prigiunera hè speranza chi corre
A mea la bandera svintuleghja à marina
Quand'a muntagna altiera basgia l'onda turchina
A mea la bandera svintuleghja u crede
Quand'in ogni preghera s'innalza la moi fede
A mea la bandera svintuleghja à palesu
Quand'à l'alba legera fala lu ghjornu offesu
A mea la bandera svintuleghja a prumessa
Di la so ghjente fiera è mai sottumessa
A mea la bandera svintuleghja a rivolta
D'une anima sincera ch'ùn ci pò esse tolta
Bandera Bandera Svintulerà
TRIBBIERA
Gira è volta volta è gira
Quandu chì lu tempu spira
Di le tristezze passate
O tribbiate o tribbiate
O tribbiate le disgrazzie
E simane ne sò stazie
Ancu più tristi li ghjorni
Chì fumonu senza forni
Tibbiate ogni manera
Inde l'aghja di i Chjami
Ci si face la spulera
Di le rime per dumane
O tribbiate la paura
Quella d'una sorte scura
Sappiate ch'ellu si cura
L'avvene d'ogni primura.
MANI
E centu mila fiori
E centu mila mani
E centu mila cori
Dà batte per dumane
Un ci hè fiore minori
Ch'un sia meraviglie
Messageru d'amore
O sudu di l'erbiglie
Un ci hè nazione chjuca
Ch'un sia di l'umane
Da fà ch'ellu si struca
U core ind'a manu
E centu mila fiori
E centu mila mani
E centu mila cori
Dà batte per dumane
Simu à passi minuti
A strada petricose
Infilarati à muti
A circanne qualcosa
Circhemu per i ciucci
U degnu di u campà
Mette in le so mannucce
U pane di la libertà
E centu mila fiori
E centu mila mani
E centu mila cori
Dà batte per dumane
I putenti in l'oscuru
Chi tenenu lu mondu
Anu poca primura
Di a terra è di l'onda
Or demuci la manu
Fem'una aola forza
Chi cio ch'elli anu in manu
Hà di suddore nostru
E centu mila fiori
E centu mila mani
E centu mila cori
Dà batte per dumane
Salvemu terra nostra
E l'avvene di tutti
Aprimu mille chjostre
A i labbri asciutti
Chi patenu la sete
E chi strazianu tantu
Per ingrassà cun fede
U riccu di u sò stantu
E centu mila fiori
E centu mila mani
E centu mila cori
Dà batte per dumane
A MORESCA
Simu e chjome sciolte
I centu cavallieri
I valurosi alfieri
Di l'eterne rivolte
Chì l'ochji sò di petre
E lacrime di fiori
Vivi è silenziosi
Cum'è ragi di lume
E l'estru canterinu
Voca da serr'à piane
Chì un populu simu
A e bocche di lu mare
L’ALMA VIVA
Eranu quaranta mila
Trecent'anni nanz'à Cristu
Pastore è donna chì fila
Campagnolu mai tristu
Un populucciu Cirnese
Ch'hà francatu tant'offese
Un populucciu Cirnese
Ch'hà francatu tant'offese
Cridianu à l'altru mondu
A quelle stantare alzate
A rispettu puù prufondu
Ch'ùn c'era in l'altre cuntrate
La ghjusizia era santa
Cume pane chi si stanta
La ghjusizia era santa
Cume pane chi si stanta
Ma li populi strangeri
Ghjunti cù putente armate
Cù li cavalli è l'alfieri
Purtendu focu è fraiate
Per difende l'isulottu
Nacquisti o patriottu
Per difende l'isulottu
Nacquisti o patriottu
Da Niolu à Ponte Novu
Cunnobbi a francisata
Per stagnà u sangue novu
Patesti la staffilata
Quella lagge culuniale
Fece quì tamantu male
In prima ligna i Corsi
O strangeri amuriti
Strascinendu i so rimorsi
I sò morti i so feriti
Artisgianu di la storia
Fù sguassata a to memoria
Artisgianu di la storia
Fù sguassata a to memoria
A punlenta in la musetta
Machjaghjolu per l'onore
A tracollu a mitraglietta
Per inchjustrà l'oppressore
Ma lu focu universale
Ti tolse bell'ideale
U to nome ind'una lista
L'amarezza in la to terra
Ti chjamonu terrurista
Purtendu torna la guerra
Più lu statu fù gattivu
Più fort'u populu vivu
Più lu statu fù gattivu
Più fort'u populu vivu
I marmari di u passatu
Tenenu ricordi scritti
Di qualch'omu aggalapatu
Vucalendu « corsi arriti »
Pezzu di storia zuccatu
Chì mai serà zifratu.
BORGU
Un generale fù mandatu quì
In Bastia pè tumbà è ferì
Stu conte scemu chì vulia fà
Dumà lu populu di Pasquà.
Mà 'ssi guerrieri,
Arditi è fieri
Sò di a sterpa di Sampieru
Di Sambucucciu, corsu sinceru
Luttonu contr’ à u strangeru
E quellu ghjornu
Compi u sugiornu
In Cirnu è in quelli cuntorni
Chì funu avvinti è arrivinti
Scacciati di l’isula vinti
St’armata feroce da serve i maiò
A l’omu tranquillu a guerra arricò
Li pasturelli a pobbenu parà
Sopra à la Bastia per a libertÀ.
Mà 'ssi guerrieri,
Arditi è fieri
Sò di a sterpa di Sampieru
Di Sambucucciu, corsu sinceru
Luttonu contr’ à u strangeru
E quellu ghjornu
Compi u sugiornu
In Cirnu è in quelli cuntorni
Chì funu avvinti è arrivinti
Scacciati di l’isula vinti
In quellu Borgu a storia chì fù
Scritta in u sangue torna dinù
Per rammintà ciò chì fù è serà
Ci tocca à cantà, ci tocca à cantà.
Mà 'ssi guerrieri,
Arditi è fieri
Sò di a sterpa di Sampieru
Di Sambucucciu, corsu sinceru
Luttonu contr’ à u strangeru
E quellu ghjornu
Compi u sugiornu
In Cirnu è in quelli cuntorni
Chì funu avvinti è arrivinti
Scacciati di l’isula vinti
CI FERMA A FA
Ci ferma à fà, per a testa di moru
Di la mio bandera, tracarca d'amore
D'un pientu zitellinu, lacrima di sudore
U tesoru...
E ci ferma à fà per andà aldilà
E per mintuà ste memorie ferite
Di quelle vite care, oramai smarite
Per l'eternità
Ch'ella campa la mio terra
Chi u strangeru ùn pò più tene
U lindumane ch'a dà vene
Firmerà à stantà
E ci ferma à fà per sta tamanta serra
Ch'o tenimu caru, ma chi ci hà da scruchjà
Ci ferma à mughjà, d'una voce chì sà
D'ùn vende più sta terra...
E ci ferma à fà per salvà l'armunia
D'un populu chì brama un dumane addulcitu
Di pientà le ste lite chì ci anu insichitu
E rifflete un cria
Ch'ella campa la mio terra
Chi u strangeru ùn pò più tene
U lindumane ch'a dà vene
Firmerà à stantà
Firmerà à stantà
Firmerà à stantà
RIMBECCU
Da longu marinu
E prime bunfulate
Carche d'adori rari
Di suchji di basilcate
Alliscianu e cunfine
Di u tepidu estate
E prime bunfulate
E la piaghja serena
Per sti lochi agguata
A fior'd'acqua è di rena
A pena ch'omu smatta
Sò rotti avà li patti
Chi di sperenza funu
In tempu di u cummunu
Chi ci dava ricatti
Chi ci dava ricatti
Strisce la navicella impuppata
l'onde d'argentu di la mareghjata
Sogna u vichjarellu à baretta incalfata
I muri di a vergigna
Alzanu e so sanne
Pessime quant'è rogna
In tempu di mattane
E lu sguardu si pone
Nant'à i tetti arditi
Rifugi da sbanditi
A lingua di straddone
Quellu tagliolu pasce
Appossu à lu pughjale
S'intisgianu i lombati i merlati
Una tintenna linda ci sona un madricale
I sciabi di a miseria
Piattanu a malavia
Di l'omu à l'angunia
Chi campa à vituperiu
'la sia maladetta
Quella trista sciagura
Oghje monti è pianure
Chjamanu a vindetta
Da longu marinu
E prime bunfulate
Carche d'ardori rari
Di suchji di basilcade
Alliscianu e cunfine
Di u tèpidu estate
E prime bunfulate
BOLIVIA
Soffiu di terra luntana
Pianure dà calvalcà
Pè a Mèrica suttana
Chi mi facce sunnià
Nant'un aria Buliviana
Di l'Indianu Quechua
Vò dà l'altiplano
Ad Atacamà
Cù lu moi cavallu
Chjoma in libertà
Li mùcanu e ferite
A quelli chi stanu quì
E venice di e lite
Un puderanu smarì
Dà e surghjente salite
A e mine di Potosì
Vò dà l'altiplano
Ad Atacamà
Cù lu moi cavallu
Chjoma in libertà
In lu campu suminatu
Strazii à ùn pudene più
Sotta à un sole spietatu
Chi ti brusgia dà quassù
Oramai accecatu
Dà e neve d'Illampu
Vò dà l'altiplano
Ad Atacamà
Cù lu moi cavallu
Chjoma in libertà
Visu tondu in culore
Zitellucciu nata avà
Tù sè u più bellu fiore
Figliolu d'Atahualpa
Liberu come l'altore
In liventu d'Ajama
Vò dà l'altiplano
Ad Atacamà
Cù lu moi cavallu
Chjoma in libertà
CH'AVEMU FATTU
Aldilà di e nostre mosse
Induve sò sperenze chjose
Aldilà di u veranu
Cun tante rose pumpose
Aldilà di u veranu
Cun tante rose pumpose
Sò li nostri sogni andati
In le tagne fumicose
Sò li nostri sogni andati
In le tagne fumicose
Ch'avemu fattu
Ci aviamu fattu prumessa
D'avvene chjaru è giocondu
Di rompe tante muraglie
Chi inchjudavanu stu mondu
E d'armà tante tribbiere cù l'altri populi attondu
Ch'avemu fattu
Di e vigne luminose
Avemu lasciatu in vinu
E à i generalli pazzi
E chjave di u destinu
Per mette ind'i nostri cori
U sarpu u più mastintu
Ch'avemu fattu
Di isse spighe in onde d'oru n'avemu fattu tante croce
Di e lite in trà di noi n'avemu coltu dolu attroce
Un pensendu mai un ghjornu di francà ne tale foce
Ch'avemu fattu
Aldilà di u nostru sognu lumera sempre camina
Cù la so fiaccula antica
Un vole vede ruina
O sciagura prugrammata
Nè luntanu nè vicina
Chi femu
E DUIE SARDEGNE
Si l'isula surella
Sardegna immaculata
Sottu a listessa stella
Troppu volte bramata
Ci sò i paisani
U pastore chi tonde
E di li tempi arcani
Ulisse in le to sponde
E di li tempi arcani
Ulisse in le to sponde
O terra di Nuraghji
Di lingua è di cultura
Di guerrieri è di Maghi
D'amore chi sussura
Di un ala allibrata
Porta sempre u misteru
Di tutte e to cantate
Ci hè Gallura à l'oriente
Caprera è Maddalena
Serre di l'Iglesiente
Cù sbalargu è fulena
L'acque di Fiumendosa
E monte Gennagentu
Chi piglierà pè sposa
Cio chi porta lu ventu
Ti mandu una manella
Di note è d'armunia
U fiatu di muvrella
Eppò'ssa puesia
Da la terra à lu core
Crescenu e sperenze
Sardegna à tutte l'ore
Di tante indipendenze.
CANZONA PER BASTIA
U ventu hà pulitu li tetti
U campanile di Santa Maria
Scrive lu celu è l'architettu
Di l'universu a puesia
Vecu Ficaghjola è San Ghjisè
E Filippine è Sant'Antone
U mare estrosu quandu ci hè
A sciuma bianca di e mio canzone
In San'Niculà e guivanette
Spazzanu u sole e li cori
Trianguleghjanu le bissiclette
I vechji riden'à li ciucci novi
U portu vechju sente u caffè
Musca u pesciu è l'acqua vita
Tanti batelli ch'un sò per mè
Gira lu capu gira la vita
Bastia canta pè le cantine
Rock è paghjelle opera'inseme
Pett'à culombu li canterini
Mez'à e fole di dopu cena
Giranduleghjanu per a moi cità
I fondi e strette è po le piazze
Cercu la robba dà cantà
Incù e rime un pocu pazze
Bastia in zerga pè li carrughji
Introna lu ghjornu è la notte
Ancu i silenzii diventanu mughji
Bastia rise Bastia lotte
Bastia hè scema Bastia Ride
A tutte l'ore notte è ghjornu
S'è tù sì tristu ti cercu à lite
Bastia pienghje è ride torna.
U ventu hà pulitu li tetti
U campanile di Santa Maria
Scrive lu celu è l'architettu
Di l'universu a puesia
À TE
Li parie lu signore
E pè noi una surella
Tù lucie cum'è un fiore
D'anima la più ribella
Cù tutta issa niscentria
Sempre accolta l'allegria
In issi ghjorni de memoria
Ti vulemu faà ne attu
Si un pocu di issa storia
Ch'a noi altri ci ai fattu
Cù tutta a ricuniscenza
Sempre accolta a to presenza
Tù stirai belli pieghi
L'oghji sempre inghjuvellati
Le stonde chè tù ci lasci
Sò li mio celi stellati
Si scacciava un timore
Testimone hè lu to amore
La ti porti la to fede
A issu locu più santu
Duve no vulemu crede
Perche tu ci manchi tantu
Duve sò sunate l'ore
Duve più nimu si move
Avà sò sunate l'ore
Duve più nimu si move.
​
​
