Esciutu in lu 1999
Sorti en 1999
Sumenti d'acqua
Mare
A riimpiera d'arechja
Vultuliera carezza
E sciacquigliera di razi... Mare
Di lampu sfulfariccia
Acqua appiccicaticcia
Ingutuppa sciumera... Mare
Abucantundulera
Sott'à un ragiu lucera
Rifrurate à cuprendula... Mare
In quantu purtaghjolu
Tu qui, arricaghjolu,
E tantu vultugliume... Mare
Vedi ancu di tempurale
Stu fiore menu male
Si tene capirittu
Lucia
Tù sì lu mio candidu fiordalisu
Lu me più dilettu surrisu
Sbucciatu ormai per stellà
è per stradà lu me campà
E fate accinte à lu to viculellu
Dedinu in regalu l'anellu di le virtù
Di e bellezze, di più è di più
Tù sì lu mio fiore inveranitu
Lu me infernu è paradisu
Raccoltu ormai per scaldà
è impenserà lu me campà
Avà, quandu ne venerà ferraghju
Ne serà più dolce u viaghju
è u ramentà di quella ormai
Addurmentata, tempi fà
Cum' è li santi , acelli di le fole
Bramendu à u celente, lu sole
Finch'ellu ùn si chjodi lu libru
Averai, figliola, lu t' ascosu nidu
Lascialà passa
Un la lascià più fora, lasciala passà, lasciala passà
I mangoni di la notti sò tutti quì à vatà
I mangoni surpatori sò quì à vatà, sò quì à vatà
E s'è tù la lasci fora, u fretu l'hà da piglià
Porti sempri cun tè issa sciarpa cusì fina
Chì mammata t'hà fattu, ch'edda ti rigalò
Innò ch'ùn porti più issa sciarpa damaschina
L'ai data par sempri à quiddu chì ti guardò
Un la lascià più fora, lasciala passà, lasciala passà
I mangoni di la notti sò tutti quì à vatà.
I mangoni surpatori sò quì à vatà, sò quì à vatà.
E s'è tù la lasci fora, u fretu l'hà da piglià
Parchì parli cusì cun quissa anima nera
Tù chì sè cusì bedda, in tè a ghjenti spera
Parchì parli cusì, paroli par traparlà
S'è tù ti ni stà fora, u fretu ti piglierà
Un la lascià più fora, lasciala passà, lasciala passà
I mangoni di la notti sò tutti quì à vatà
I mangoni surpatori sò quì à vatà, sò quì à vatà
E s'è tù la lasci fora, u fretu l'hà da piglià
U fretu la tumbarà ... u fretu l'hà da tumbà
Canterini
Noi simu li canterini, noi simu li pelegrini
Anderemu à cantà, anderemu à impaghjellà
Noi simu li musicanti, divertimu tutti quanti
Anderemu à impaghjellà, anderemu à cantà
Cù lu ghjornu è cù la notte, hè la fede chì ci porta
O chì gioia di sunà, cun viulinu è cun chità
Per li vechji è li zitelli, sempre di core cun elli
Cun viulinu è cun chità, o chì gioia di sunà
A la bella damicella, per quella Diana Stella
Noi vulemu puetà, u cantu ci uniscerà
E po sempre in cumunione, cù la più grande passione
U cantu ci uniscerà, noi vulemu puetà
Da la cima sin' à in fondu, noi furmemu lu rondu
Quatrigliu si ballerà, cappia è piglia si ferà
Po fendu li Punticelli, o ancu li Mulinelli
Cappia è Piglia si ferà, Quatrigliu si ballerà
Cù le Crucette Stellate è po le Curdette fatte,
Ballu Strintu è trallalà, Volta è Gira è tuttu và,
O Mazurca, o Scuttiscia, è chì più nimu sculisci !
Volta è Gira è tuttu và, Ballu Strintu è trallalà
U screnu
Da sguassà le frizzure è rimirà ti, o cara
Tengu slibratu in mè, di villutu un iscrenu
Cara, ci balli tù di notte à lu sirenu
Da sguassà le frizzure è rimira ti, o cara
Tengu slibratu in mè, di villutu un iscrenu
Grentu t'ascondi tù, la me perula rara
Giuvellu addurmintatu è sognu di fiumara
Tengu slibratu in mè, di villutu un iscrenu
Cara, ci balli tù, di notte à lu sirenu
Cù le fate surelle è chjocchi di chitara
In li to ochji neri, aghju accesu una fiara
Cara, ci balli tù di notte à lu sirenu
Da sguassà le frizzure è rimirà ti, o cara
Viaghju per ste loche è mi dò di rimenu
Bramendu la to prisenza è l'eternu
vilenu ... vilenu ... vilenu
U corri currenti
Musicale
E avà
E avà ch'emu da fà si a sperenza si more,
Dumane chì serà si u sognu si ne và
Avà ch'emu da fà si ci cappia la sorte
Si ci piglia la notte, ùn si pò più viaghjà
Face più di vint'anni ch'un populu dicia
Cun fede è cun fervore, tuttu hà da cambià
Face più di vint'anni ch'un populu cridia
Di salvà la so lingua è parlà la dinù
Avà ch'emu da fà s'omu perde l'onore
S'ellu ùn ci hè più valore, di noi chì fermerà ?
Avà ch'emu da fà s'ellu ùn ci hè più avvene
Per giuventù chì spera, avà ch'emu da fà?
Ci anu da caccià qualchi lege per ride
Da fole in canzone, ci anu da purtà,
Ci volenu lampà in un tremendu abbissu
Chì di la terra antica ùn si parlerà più
Ma si brama chì dumane surgerà l'alba nova
Chì l'omi indiati vuleranu chjamà
Nigendu sta voce maladetta di a storia
Cursichella hè tinta è peghju anderà !
Ma si brama chì dumane surgerà l'alba nova
Chì l'omi indiati vuleranu chjamà
Mughjendu inseme ste parulle cù stintu
Chì la Cursichella hè fatta per campà
Campà per lu sempre cù tutti i so figlioli
Figlioli di a so Terra è di l'Umanità
Chì la Cursichella hè fatta per campà
GIUVANELLI
Voi site li Giuvanelli di la Corsica d'avà
In stu mondu di suffuria, ci vole à pudè avanzà
Quandu la vita vi muca, bisogna à andà piu in dà
Cu la ciarla, bocca risa, l'angoscia si po scaccià
O la mio Giuvanuttona, tu, a ti face valè
Si la fiera cavaliera cu maestria è arte
E la musica ti garba, è ti piace à cantichjà
U quatrigliu, la scutiscia so tutti boni à ballà
O lu mio giuvanuttone, à tè, ti piace à sunà
Pivana è po viulinu, quellu u sai fà trincà
La paghjella, lu terzettu, u lamentu, u madrigale,
Tu cunnosci tanti versi, campà hè per tè cantà
E l'amore chi vi unisce, à voi, vi face sperà,
In u avvene piu lindu, duvè tuttu cambierà
Averete li figlioli, elli feranu da bè
Cum'è avà fate voi, cun talentu è cun piacè.
maddalena
Sta sera mi sò decisu, chì n'aghju la mente ferma
Di mette mi à tavulinu, carta, calamaru è penna,
Per fà ti duie canzone, chì la mio manu ùn mi trema
Mancu lu core mi trema, la cosa hè bella spiecata,
A notte cum'è lu ghjornu, pensu à la mio innamurata,
Chì si chjama Maddalena, è mi hà discioltu ogni pena
Quandu vi aghju dumandatu, à lu caminu in salottu,
M'avete toccu la manu è m'avete strintu l'ochju,
Oghje mi vultate e spalle, fate cum'è le farfalle
Fate cum'è le farfalle, ingannate da le stelle,
S'elle sò tutte cusì, in paese le zitelle,
Chì di prumette è mancà, ùn s'averebbe da fà
Finiscu chì mi dà pena, à parlà di lu m'amore,
Vogliu dumandà quantunque una grazia à lu Signore
Ch'ellu mi tenghi in salute, sempre cun listessu core
U pancheraccese
Musicale
zitiddina
Corri lu tempu di la zitiddina
com'è l'acqua linda di la vadina
senza pinseri è primura manc'una
corri, ziteddu, a to libartà
Corrini l'anni è u tempu scappa,
A zitiddina passa in fughjina
Com'è a muvra quassù, spinsirata
corri, o ziteddu, a to libartà
com'è lu sonu di lu culombu
quandu luntanu si senti lu ribombu
Senza primura di lu so mughju
Corri, o ziteddu, a to libartà
Com'è una vela nant'à l'onda,
Quand'è u ventu in un soffiu strascina
Senza sapè duv'ella purtarà
Corri, o ziteddu, a to libartà
Quandu in un sognu si addurmenta
Stancu di corra è fiaccu di ghjucà
In un surrisu serenu si sveghja
Corri, o ziteddu, a to libartà
socera è nora
Sorte la mosca di fora à la muschera
sempre cuntrasterà socera è nora
Sorte lu grillu di fora à la grillera,
prende la mosca di fora à la muschera
Sempre cuntrasterà socera è nora
Sorte lu gallu di fora à la gallera,
prende lu grillu di fora à la grillera
Lu gallu, lu grillu, la mosca, la mora,
sempre cuntrasterà socera è nora
Sorte lu falcu di fora à la falchera,
prende lu gallu di fora à la gallera,
Lu falcu, lu gallu, lu grillu, la mosca,
la mora, sempre cuntrasterà socera è nora
Sorte la volpe di fora à la vulpera,
prende lu falcu di fora à la falchera,
La volpe, lu falcu, lu gallu,
lu grillu, la mosca, la mora,
Sempre cuntrasterà socera è nora
Sorte lu cane di fora à la canera,
prende la volpe di fora à la vulpera,
Lu cane, la volpe, lu falcu,
lu gallu, lu grillu, la mosca, la mora,
Sempre cuntrasterà socera è nora
Sorte lu lupu di fora à la lupera,
prende lu cane di fora à la canera,
Lu lupu, lu cane, la volpe, lu falcu,
lu gallu, lu grillu, la mosca, la mora,
Sempre cuntrasterà Socera è nora
Sorte lu lione di fora à la liunera,
prende lu lupu di fora à la lupera,
Lu lione, lu lupu, lu cane, la volpe,
lu falcu, lu gallu, lu grillu, la mosca, la mora,
Sempre cuntrasterà socera è nora
Sorte la tigra di fora à la tigrera,
prende lu lione di fora à la liunera,
La tigra, lu lione, lu lupu, lu cane,
la volpe, lu falcu, lu gallu, lu grillu,
la mosca, la mora Sempre cuntrasterà
SOCERA E NORA
TRÀ U BOIE È U SUMERE
Trà lu boie è u sumere
O guardate lu zitellu
Stesu nant'u à la filetta
Si ne dorme cusi bellu
Pare un cigliu dilicatu
Pare fattu à u pinnellu
Ninni nanna o divinu amore
Cusi bellu è cararellu
Ti feremu una cullana di stelle
Dormi nu a mandria u to biculellu
Senza panni nu a frisculina
L'asinellu ti riscalerà
È la Vergine Maria
Cù San Ghjaseppu ti biculerà
Cullaremu lu ghjesucciu
Nu li monti di Cuscione
Cume noi parlerà corsu
Tesseremu lu so pilone
Bierà latte di capra
Manghjerà brocciu è fiadone
Ninni nanna o divinu amore
Cusi bellu è cararellu
Ti feremu una cullana di stelle
Dormi nu a mandria u to biculellu
Senza panni nu a frisculina
L'asinellu ti riscalerà
È la Vergine Maria
Cù San Ghjaseppu ti biculerà
Cullaremu lu Ghjesucciu
Nu li monti di Cuscione
Cume noi parlerà corsu
Tesseremu lu so pilone
Bierà latte di capra
Manghjerà brocciu è fiadone
Ninni nanna o divinu amore
Cusi bellu è cararellu
Ti feremu una cullana di stelle
Dormi nu a mandria u to biculellu
Senza panni nu a frisculina
L'asinellu ti riscalerà
È la Vergine Maria
Cù San Ghjaseppu ti biculerà
È la Vergine Maria
Cù San Ghjaseppu ti biculerà
girandula
Musicale
mediterraniu
​
A me menti hè una tarra
un caminu indè la sarra,
Un viaghju, un locu santu
hè un ghjornu fioricantu,
Nant'à i steddi di li me sogni
nant'à i steddi di li me sogni.
Una mani chì viaghja
d'una chitara à una ala,
Canti è foli sumineghja
una mani cum'è una apa,
Trà i veli di u ventu
trà i veli di u ventu.
Aghju un paesi in menti, spuma d'isula
Aghju un paesi in menti, sumenti d'acqua
Mediterraniu, Mediterraniu
U me paesi da fà ... Mediterraniu ...
U ventu porta i sumenti
D'isuli sogni in menti,
Cù lu cantu chì si movi
Circhendu versi novi,
À una puesia antica
à una puesia antica.
Hà da spuntà torna u soli
Nant'à i fraschi di i foli,
Nant'à a to gola, u to fronti
Si ni parlarà dumani,
Da u livanti à u punenti
da u livanti à u punenti.
Aghju un paesi in menti, spuma d'isula
Aghju un paesi in menti, sumenti d'acqua
Mediterraniu, Mediterraniu
U me paesi da fà ... Mediterraniu ...
Aghju un Paesi in menti
Mediterraniu
terraticu
Maladettu sia quellu
chi vene in li mo lochi
Per lu piacè di tumbà ci
quandu simu digià pochi
Cù li cappii è li fucili
è l'estate cù li fochi
Ditemi chì male facciu,
sterpe ingrate è insignurite
Quandu vò à caccià mi la fame
cù le castagne impassite
Ch'è più nimu ùn vole coglie,
troppu techje ch'è vo site
Almenu chì tanta zerga
piatti un estru più fanaticu
Di vulè stirpà li mei
per pigliassi lu terraticu
È truvendu cum' è scusa
ch'aghju un razzinu salvaticu
I razzoni ùn si toccanu,
chì ghjè robba guasi mansa
Si ponu tene i puchjini,
ingrassati à tutta mansa,
Senza libertà nè stimulu,
basta ch'ella sia piena la panza
Ma chì Diu mi ne liberi,
di issu destinu ùn ne vogliu,
A pensà mi ingabbiatu,
mi face tantu endogliu,
Megliu hè fracà è more,
cù lu curagiu di l'orgogliu
Quantu volte ne aghju vistu,
da lu fondu à la mio tana
Chì ghjunghjenu cum' è famiti,
bocca aperta, manu prufana
À impiastrà, rompe è purtÀ
si in casa soia a machja sana
Ch'ella sia cum'ella sia,
per ruspà o per fà mi guerra
Tutti iss'altri civilizati
ch'investiscenu ancu la serra
Un ghjornu o l'altru,
mortu eiu, si rumaranu
La mio terra
ballata di guagnu
Eccu la me Maddalena
eccu la me turturella
O la me arba barona
o la me arbaculella,
Quella chì nasce di branu
in la bocca la Misigella
Arrizzati, o Maddalena
primenati in lu giardinu,
Chì ci hè tanti fiori sparti,
spicu è rosulu marinu,
Senza tè, li nostri fiori,
ùn ghjettani odori à nimu
S'è m'affaccu à lu balconu,
vidaraghju à l'altri fora,
Ma tù ùn ci sarè micca,
u me fiori di la viola,
Chì sparghjicheghja l'odori,
tantu in casa com'è fora
Avà hè ghjuntu lu to babbu,
Si riposa in lu salone,
Vai prestu à abbraccià lu,
E dumanda à sgiÒ duttore,
Chi vuleti chÌ vi servi,
vuleti vinu o licori ?
Arritta, la me figliola !
Mira quant'ellu ci hè frusteri !
Fà li entra tutti in casa,
Servili igni bichjeri,
Ch'è tù la sai fà ne
E la faci vulinteri
Purtate li vostri panni,
O giuvanelle d'avà ne
Quelli di la Maddalena,
So tutti da spacchittà ne
O spiranza di la mamma
Chi ne aghju più da fà ne
​
​
