Spaventu
U MUNTAGNOLU
Annant'a lu monti Niellu
Ci truvareti un machjaghjolu
Chi campa solu ind'un casellu
Agrattu di lu muntagnolu
La so vita hè naturali
Hè quella d'un omu accampatu
Ellu ha ricusatu lu mali
Ch'infreba lu monti arrabiatu
O stondi cari è preziosi
Passati in la so cumpagnia
Asenta cuntà tanti fali
U cori sempri in alegria
Ghjunzi vaghjimu ghjastimatu
Per la muntagna infredulita
E l'inguernu s'ha purtatu
L'ultimu soffiu d'una vita
Annant'a lu monti Niellu
Ci campava un machjaghjolu
Oghji hè mutu ancu l'acellu
A natura ha persu un figliolu
Annant'a lu monti Niellu
Ci campara un machjaghjolu
RIVOLTA PAISANA
In li seculi passati
Tempu di focu è di guerra
S'eranu tutti uniti
Cu fucilu è carchera
In pettu a lu furesteru
Ch'invadisce la terra
U nemicu zillicava
I povari paisani
Ma u sangue di rivolta
Discitava ogni mani
U populu s'appruntava
A scaccia li furdani
A chjama di u culombu
Ribumbava pè a sera
L'omi pronti a difendi
A pupulazioni intera
Ind'un aiuta cumuna
Sott'a la santa bandera
U genuvese feroce
Cullava pè a lisciola
Pè ghjunghje a l'aghja foce
Di a pieve muntagnola
Induve s'era piattata
A riscossa machjaghjola
Di a battaglia murtale
Oghje ci ferma a memoria
Sott'a la mossa nustrale
Purtata a la vitoria
U strangeru fu lampatu
For' di locu incu gloria
U paese fu salvatu
Eccu viaghjà la storia
E PO MARCHJA
D'issa ghjente d'issa terra
Ne parlaraghju dino
Che ne semu a la miseria
A miseria d'un esse più
Eramu i schjavi fieri
Avessa la schjavitù
Chjocca messa a la manera
A manera d'un esse più
Ma mi quale hè chi s'affaca qui ?
Ricantu :
è po marchjà, è po cantà a nostra
Santa libertà
Ci ferma nant'a li ghorni
Ghjustu un pane d'un crepà
Ma si so spenti li forni
E u spiru un spuntera
Straziemu e strade di l'esiliu
Strannu passu a strascinà
Passu messu a e manere
E manere di quallà
Ma mi Quale hè chi s'affaca qui ?
Ricantu
Firmare sempre zitellu
Zitellu a to verità
Chi un mesu per un annu
Eccuti u to campà.
S'hè pisotu l'urfanellu
E s'hè messu a mughjà
E so stragge e so penne
U calveru di cantà
L'anu postu le catene
E lampati in le priggio
Ch'un si salva un paese
S'elli ci so sempre i sgio
Ma mi quale hè chi s'affaca qui ?
Ghjè un populu chi marchja
Incù lazziu di cantà
A parola Santa à pura
U nome di libertà
Ricantu
L'ALTU SILENZIU
Quand'ellu spunta lu soli
Da li cimi imaculati
E chi d'ogni fumaccioli
I monti so spurgulati
Dui muvri soli soli
Insemi so attippati
Fianc'a fiancu è pianu pianu
Ripiglianu l'alturaghja
Da li vali di lu Manganu
Sin'a la Sera Cimaghja
Versu l'eternu supranu
Quellu di l'alta nivaghja
Correnu nantu i pianuri
Mile fiumicelli chjari
L'acellu cogli l'annuri
E chjama li so cumpari
Mez'a l'elpe di verduri
Pasci l'agnellu in li sari
A lu cori di lu nivaghju
In la conca di friscura
Nasci lu fiori di maghju
Si spechja in l'acqua pura
Chi u muntesi in viaghju
Veni è frisgia in burdura
In la terra di l'altu silenziu eiu so natu
A fà viaghju supranu eiu ti chjamu
L'IMMENZA VERITA
Dali paesi intavunati
Codani i lagni addisperati
Di un populu sempre offese
Chi di apra a bocca li hè diffese
Se corsu è fieru di a to casata
Da l'onore c'hè vindicata
Ma ogni ghjornu un ha più pese
So ghjunti i stragneri in paese
Tu chi stai'n i to tarri muntagnoli
A campà Cume l'anziani pastori
Sbatagliendu Senza cuntà lu to sudori
Un hè vintu Di cantà Lu to valori
Di una natura incantata
Ferma una faccia scurticata
Causa a mane di u frusteru
Chi zinca focu per piacere
I nostri tarri so rubati
Da porta-fogli bè gunfiatti
U corsu un po più caminà
Chi li hè difesa a prupietà.
Tu chi senti
A voce di a libertà
Chi ti chjama
Senza mai riviatà
Ti dumandi
Cio che tu ci voli a fà
In sti paesi intavunati
Tutt'i cori si so infiarati
Chi hè schiatata a verità
In a mente di l'umanità
Per u corsu chi hè sempre statu
A li so tarri arradicatu
Un ghjornu novu s'hè pisatu
U sognu s'hè realizatu
CIRCINELLU
Circinellu di Guagnu hè nativu
Per li guagnesi lu sangue ha virsatu
Per mill'anni u so nomu sia vivu
Fra le rose per sempre cantatu
Per guardallu c'è trè sintinelle
Santu liseu u ghjuvanni u tritorre
A sti canti currite o zitelle
L'esempiu soiu fra nai un po more
U curatu di Guagnu hè lu sole
Ch'ogni matina ci manda lu raghju
Face nasce le nostre viole ,
E c'innacqua l'anticu curaghju
I Fiumicelli turrenti è luntane
Cun viulini è pueti di sanna
A st'eroe la sera è la mane
Fatelli festa chi ride minanna
Di la giola ne schiatt'una bomba
Di circinellu u paese n'hè fieru
Un sintite chi balla in la tomba
Cun Sambucucciu Paoli è Sampieru
Un sintite chi balla in la tomba
Cun Sambucucciu Paoli è Sampieru
SPAVENTU
Aghju vistu un istati piccià focu la tassinca
S'innuzavanu tant'arburu stirpati come rimigna
Sopr'a tutti quelli costi hè smarita ancu la vigna
ln faccia di stu lucali s'infiarava l'alta rocca
Curria fiara di u mali nant'i tetti di casali
Sott'un fumu infernali stesieranu l'animali
Un saraghju mai quali tu se
Gattivu sughjettu senza faccia
Chi strughji pianu la nostra macchja
Senza misurà cio chi tu faci
Si so tesi i fiumicelli sott'a cenera meschina
Ancu l'antica mucchjetta hè riduta in pulvina
Fughjenu spessu l'acelli u circondu in ruina
Sott'u pesu di u calori a muraglia s'hè sfragliata
I fraschi portanu u dolu di a terra disguastata
Piegni lu vecchju cantonu a la testa musginata
Po esse fieru di i to misfatti
Tutt'i me lochi so sfigurati
Un ci hè Ch'un tribunali divinu
Chi po ghjudicà li to picati
Vuleria chi un ghjornu chjappu di altu rimorsu
Sii prontu a rinicà mancanzi é stradi torti
Lascia campà la natura libera di la so sorti
Lascia campà la natura libera di la so morti
SCRIVU A TE
Scrivu a tè fratellu di cantu
Le mio rime a l'addisperu
Quandi l'ochji so infiarati
Da u morsu furesteru
Oghje lampatu a malavia
In fondu di una prighjone... Luntanu
Scrivu a tè cumpagnu di sempre
A mo chjama addulurata
D'un verati piu incu
Animà una serata
D'una voce meravigliosa
Ch'incantava lu mondu sanu... Luntanu
Scrivu a tè ch'hè venuta l'ora
L'ora di lu to ritornu
Voltaci caru Natale
O beatu quellu ghjornu
Quandi tu t'avvicinerai
Liberu di u to destinu, Vicinu
Canteremu inseme vultati a l'avvene
Per una terra ch'un vole more
E scriveremu e nostre ore
TERZINU DI A GRAVONA
A lu flancu di lu monti Rinosu
Chi supraneghj'a face di Vizzavona
Fala furiosa la Gravona
ln la to onda chjara è luminosa
Si spechjanu i pinzi è l'Orienti
Maestuosa in la mio menti
Sott'a piscia fresca è cristalina
Ci solta l'acqua viva in abundenza
I fiuminali di la spirenza
I PASTRICCIALI
A lu Spunta di lu ghjornu
Quandu sonna la campana
Ci truvemi tutt'intornu
In piazza di la funtana
Per cullacci in muntagna
Passà una settimana
Lasciemi u nostru paesi
Passemi per l'usciatellu
Ci pizzica lu muntesi
Falla lu manti niellu
I fiari so tutti stesi
ln li prati da lu ghjellu
Franchendu lu cudizzollu
Per a strada pitricosa
Scuntremi un omu solu
Nant'a un monti si riposa
Salutemi lu pastori
Di puntu a l'aghjavintosa
Ci aviemi pianu pianu
Da cullandu a la fiumala
S'avvicina lu veranu
Volta è gira la farfalla
Hè sparita ancu la nevi
Da rama a petra mala
Ascasi in Lu fiumicali
Ci aquistemi una stonda
Per beie in cummunioni
A l'acqua pura è prufonda
Chi solta in lu ghjualli
Sott'a la piscia de l'onda
Qui finisci lu viaghju
A l'ortu di lu casoli
L'arbi nant'a lu tarraghju
So sbucciati in fiari ghjalli
Chi carezza cun amori
L'aria di li pastricciali
Quandu si chjina lu soli
Darett'a la falcunaghja
A ghjuventù riunita
Canta è sonna intorn'a l'aghja
E la paghjella risonna
Da li monti a la piaghja
QUAND'EDDI M'ACCURDARANI
Quand'eddi m'accurdarani chi sta tarra hè meia
Quandu avaraghju ancu eiu u me paesi a me
Quandu mi rispitarani senza marchjami in coddu
Quandu saraghju dino patronu di i me lochi
Quand'a me lingua anch 'edda sara para di a soia
Quandu eiu dino avaraghju a me scola
Quandu saraghju dino figliolu di i mei
Senza vargogna piu d'esse inferiori a eddi
Quandu eiu vultaraghju ind'è me a campacci
Tantu saremi amichi parchi saremi pari
Quand'eddi m'accurdarani chi sta tarra hè meià
Quandu un mi mugara piu u so sapè supranu
​
​
