esciutu in lu 2009
Sorti en 2009
Sparte
SPARTE
Sparte i canti toi azzincati a e lune
E rifa ssi viaghji di u nostru vechju anda
Piglia torna a strada di e nostre furtune
Canta torna canta eppo sempre canta
Sparte i canti mei e purtalli sereni
A i chjassi sicreti di i nostri sciali
Un scurdassi di nulla sia gioie o pene
Ci he sempre in qualchi portu un scalu
Eppo canta o cumpa
A l'alta strada di u novu anda
Sparte i ghjorni novi e l'amicizia antica
E notte d'istatina a l'ochji di e stelle
E porghje e nostre mani a u tempu ch'un trica
A invichja i tratti di noi altri zitelli
Sparte i nostri sogni cu i nostri figlioli
E dalli a virtu d'esse fieri e cunvinti
Ci he sempre un acellu chi piglia lu so volu
Da e muntagne altiere a e sponde di Cintu
Eppo canta o cumpa
A l'alta strada di u novu anda
Sparte i nostri canti cu chi ci ha vistu nasce
Sapemu chi a strada un he mai finita
L'agnellu muntagnolu in casa tene a pasce
E cusi deve anda u filu di a vita
Sparte di ogni cosa e billezza e i guai
E stagione tranquille quelle di u vulta
A l'altare maio ch'he quellu ch'e tu sai
Ci he sempre una rima chi ferma a invinta
Eppo canta o cumpa
A l'alta strada di u novu anda
RESISTI
Resisti solca u chjassu
Chhi i toi anu apartu
Resisti per ogni sassu
Per ogni passu fattu
Resisti e vai dirittu
A ghjustizia sempre insegna
Resisti un sta piu zittu
Chi u to viaghju he degnu
Resisti contr'a l'imperu
Di u soldu bruttu patrone
Ci he sempre una manera
D'accuncia u so scalone
Resisti per ogni petra
Per ogni tettu sfundatu
Per u stracciu a bandera
Di a to storia nigata
Resisti a l'addisperu
D'esse chjuchu e minuratu
Resisti a a to manera
Per sparghje u suminatu
Resisti chi si umanu
Chi resiste he esse arrittu
Un discorri piu in vanu
Sai u to viaghju he scrittu
SI RIBELLA
Tant'aghju sunniatu a lu grande viaghju
A lu batellu biancu in cunfine di mondu
D'abbanduna pe sempre u meu lu rinaghju
Per basgia quellu novu di l'isula la longa
Ava a casa he piena e lu passu si move
U soldu corr'a fiume a l'amich'infideli
Ma mi stringhje lu core cum'acellu chi more
D'un sentela piu corre l'acqua di i vadelli
Ne aghju vistu parte tant'amichi e parenti
L'antichi traditori cu quelli i piu stretti
E sentu u so passu nantu a tutti i venti
A notte quandu scoppia u tonu e a saetta
Eppuru eramu fieri d'ave per solu passu
A nostra puverta e i nostri i pienti
In casa da zitelli u soldu era scarsu
E ci chjamava fora ssu tamantu turmentu
So ribella chi canta e ribella chi scrive
Chi ten'in lu so verbu u tempu chi passo
Di l'ess'e di l'ave scegli'a forza di vive
D'accumpagna li soi chi so li mei dino
Sceltu soca un aghju chi va cusi a sorte
Ava chi tuttu he viulenza e fantasia
Viaghj'asssirinata a fiancu a la morte
Perche m'rricumandu a la nostra regina
U ROSSU DI L'ORE
U vechju pueta he mortu finiti so i so sciali
E li freti d'invernu e le pene prufonde
Ma traghje a so puesia cum'e ventu ch'addonda
U ghjornu senza fine di i so funerali
Avia trovu agrottu in le terre landane
Ind'e l'anticu versu chi per l'omu dillusu
In casa di u populu u santissimu usu
Appruntava l'alloghju e spartia u pane
Ma a sera a u balcone in lu rossu di l'ore
U filu d'orizonte in lu chjaru d'aprile
Purtava cum'un ombra l'ombra d'un campanile
Chi ciccunava pena in fondu a lu so core
A so terra u chjamava risponde n'un pudia
Tandu inchjostru e carta funu i so tesori
Per ricrea cun arte i primi so dicori
E di strad'a l'avvene inventassi una vita
Salutatu ella sia a la nostra manera
Incu sta puesia per pudelli fa onore
La sia ricuccata da i tre cantadori
Inde u celu corsu d'una notte chi spera
CUSI SO
Di marine e muntagna cusi he u mo cantu
Di paisoli arditi a resiste in cullana
Di passi tramandati e di fede tamanta
A circa l'orizonte quandu u tempu he stranu
Cusi so
Di mille voce antiche e di prighere degne
Di castagni d'alivi eppo di larici altieri
Di donne e l'omi arritti a sparte un impegnu
E di sarre turchine quandu vene a sera
Cusi so
Di stantare pisate in tempu di bughjura
Di castelli di torre e di cita regine
A di e brame nostre a i ghjorni paura
Quandu s'alza u ghjornu da sopr'a e marine
Cusi so
Di ghjente oneste e degne a difende i soi
D'una bandera antica chi nimu un po niga
Per ramintacci quelli chi fecenu a prova
Chi sta tarra he nostra e un he da cumpra
Cusi so
Di reginelle altiere e di ciucci ochji immensi
A talluza l'avvene ch'elle ci tocca a fa
Di passi in cumunu a l'eterne sperenze
D'una vita chi fu e chi ci ha da vulta
FIUMOR'ORBU
Imprestani i to fiumi che fia cullane
Per azzincale in pettu a chi dice no
E to fureste altiere chi so i mo varani
Quandu cercu a strada di i nostri maio
Imprestami e to petre di i caselli strutti
Eppo dami sperenza quandu u tempu trica
A spessu cercu in te e raggio d'esse forte
E so ch'in le to loche ci he sempre un amicu
Ci he sempre un parente di a sterpa piu vechja
Un fratellu di fede una surella amata
E quandu in le pianure a vargogna si spechja
Un omu d'ind'e te per me he un'armata
Ci aghju li mo passi di tant'anni sicreti
E strage ch'aghju intesu un le vogliu scurda
E'ssa tarra di forza di pienti e di fede
Fin ch'avaraghju fiatu eu a vogliu canta
D'isse petre impristate ne vogliu fa una tesa
E apre e so porte a chi ci porghje manu
Senza dumanda mai ne razza ne paese
Per chi vene ind'e noi a sparte un dumane
A vogliu ch'issi fiumi a le mimorie alpestre
Ingonfiinu e so acque per spartele putente
A a Corsica sana per dalli u so estru
E core sempre linde affiancate di ventu
AVA CHI SI SINTINELLA
N'aghju mille sogni d'oru
E centu cantu ribelli
E ssi ricordi d'amore
Sopr'a e stagione belle
Una canzona di vita
Ci purtava core in manu
Per suprana ogni lita
E spera in un dumane
E chjamu a regina altiera
Per salutatti o fratellu
E ti mandu una priighera
Ava chi si sintinella
N'aghju mille d'iss'abbracci
Chi di core eranu fatti
Sempre pronti a fa faccia
Mez'a vittorie e disfatte
E sse canzone viaghji
Scritte da manu nucente
Da le muntagne a e piaghje
Si so stampate in la mente
E chjamu
N'aghju mille d'isse feste
D'allegria pupulare
Per metteci cori a paru
A to voce he fanale
chi mai si spignera
Perche he u nidicale
Di u cantu umanita
E chjamu
E CANZONE DI NATA
E canzona di nata so qualcosa so qualcosa
So e porte ind'omu va per e chjose per e chjose
Per e chjose di u pensa duve cresce l'erba scema
I fiori da imagina cio ch'ellu sera l'avvene
E canzone di nata so tremende so tremende
So a luce da spera chi s'accende chi s'accende
Ch'omu accende a l'abbughja per un perde u so chjassu
Pigliendu apperlama u cumpagnu d'ogni passu
E canzone di nata so tremende so tremende
Dicenu cio ch'omu sa ch'omu sente ch'omu intende
Ma dino cio ch'omu un sa o ch'omu teme di di
Per timore di cambia a paura di capi
E canzone di nata so sperenze so sperenze
Di ritratti d'azzinca ne so senza ne so senza
Preferiscen'a purta ochji aperti e core in fronte
Strada diritta da inventa a tra l'omi mille ponti
L'AMORE CONTRAPESU
Ma chi vita sera s'ella un ti porta gioia
S'ella un ti porta sogni e s'ella un ti cunsola
S'ella un ti da sperenza a l'alza di u sole
S'ella un ti lascia asgiu a fa nasce e fole
Ma chi vita sera s'ella un t'apre le porte
S'ella un la vole fa aperta la to sorte
D'un pude rispira al dila di li mari
S'ella un ti mette in capu d'essene tutti pari
Chi vita ci fera quell'orizonte lidu
Un frisgiu d'acqua liscia a l'ochji di l'umanu
Un rispiru malatu a l'entre di dumane
S'ellu un ne vole fa sinceru lu to nidu
Chi vita ci dara quellu paese appesu
Un paese chi fu ancu ellu cusi vivu
Terra di u castagnu e terra di l'alivu
S'llu un ci vene piu l'amore contrapesu
Chi vita ci fera quell'orizonte lidu
S'ellu un ne vole fa sinceru lu so nidu
Chi vita ci dara quellu paese appesu
S'ellu un ci vene piu l'amore contrapesu
l'amore contrapesu
QUELLI DI L'ESILIU
Ghjurnataghji scarpari lattaghji o bancalari
L'avete apprudate tutte e strade di l'esiliu
Po site ghjunti qui a circa una famiglia
E fa di e loche nostre e vostre loche care
Francesi Armeniani Grechi o Taliani
Era miseria para chi vi facia onore
Dand'a circa u pane eppo truva l'amore
Verdi ssi paisoli arritti a le sulane
A lingua di i mei divento lingua vostra
E vostre mani ardite eranu d'arte a fa
Tetti case e forni o callaghje a pisa
In'ssu tamantu tempiu chi frusto tante forze
Di e loche di qui pigliestite pratese
Quand'ellu chjucchitava u fascismu piu neru
E chi a tarra corsa andava a l'addisperu
Erate omi fieri d'ave trovu un paese
Oghje qund'e u sentu ssu dettu vargugnosu
Chi vole fa di moi razzisti e ghjente torte
Ramintaraghju o cari ssi tempi angusciosi
Di i povari me chi v'anu apartu e porte
E s'ellu ferma solu un orgogliu a sparte
Per mette d'accusente i vechji e i zitelli
Oghje mughjemu inseme senza fa tanti patti
A Corsica he nostra perche simu fratelli
VOGA PER L'ONDA
Voga per l'onda voga per l'onda
E viderai
Musa ghjoconda musa ghjoconda
Chi ti dara
L'arte d'un altr'anda
A strada a suvita
Corri li monti corri li monti
E senterai
U ventulellu u ventulellu
Chi cantera
L'arte d'un altr'anda
A strada a suvita
Per une stonde una siconda
d'eternita
Voga per l'onda corri li monti
A sunnia
Figlia la vita figlia la vita
Senza trema
Chi senza lita senza ferita
Ti cantera
l'arte d'un altr'anda
A strada a suvita
l'arte d'un altr'anda
Ver di a liberta
SEI PER OTTU
(Musicale )
​
​
