So di quelli
'Ssu ventu
Quale serà 'ssu ventu?
Chi soffia in u nostru pratu
Un'ora di paura
O un buffulu di sperenza
Ellu serà spandicadore
O creatore d'un avvene
Empiendu u nostru core
D'allegria o di dulore
Ellu serà caldu
A brusgià u nostru mondu
O serà frescu
A purtacci un celu novu
Cù stu ventu infucatu
Schjarita hè sta ghjuventù
E d'un passu scurdatu
Rè hè u silenziu
Cù stu ventu infucatu
Schjarita hè sta ghjuventù
E d'un passu scurdatu
A purtacci un celu novu
Annu novu
Tù chi ghjunghji puntuale
È t'affachi spenseratu
Da tutti sè aspettatu
Per stancià u tempurale
Risonà u nostru male
È appacià u passatu
Sè u sonniu ideale
D'un avvene più sebiatu
Senza odiu ne peccatu
Ma solu piacè è sciali
Duve ferma tale è quale
U solcu di l'antenatu
Spalanca qui e to ale
Versu u celu bramatu
Ogni mumentu spannatu
Da un eternu fanale
D'amore tradiziunale
È rispettu incalcatu
Manteni u naturale
È l'estru aggalabbatu
Fà ch'ogni zitellu natu
Cù l'altri sia uguale
Sempre un corsu liale
A issa terra arradicatu
U celu
À u celu chi pesa l'ore
À u sole ch'ellu ci manda
A sta vita chi vene ava
Ellu pianu s'arricumanda
Ma la sera quand'ellu hè
Stancu si di a sarabanda
Face un sognu è da per sè
A speranza ellu a dumanda
Credici tù ci crede ellu
A l'amore quand'ellu c'hè
Quessu hè l'avvene u più bellu
Per ellu, per tutti è per tè
A so strada senza fà nice
I so passi di menu male
Mai nimu ferà da sè
S'ellu pensa chi nunda vale
Credici tù ci crede ellu
A l'amore quand'ellu c'hè
Quessu hè l'avvene u più bellu
Per ellu, per tutti è per tè
Pasturellu di San Pè
Quand'ellu spunta lu ghjornu
Cu la to musetta à collu
Ne pigli quelli stradelli
Chi longanu lu Cugnolu
Ai per solu cumpagnu
Lu to cane pediolu
I primi raghji di sole
Chi schjariscenu le muntagne
E calanche di San Petru
Induve ci dormenu l'altagne
Faci sente lu to fiscu
Tandu movenu le capre
Quandu lu to fiscu ribomba
Quassu per le calanche
Falanu a fuga serata
Elle chi un so mai stanche
Sanu ch'ai l'allusingu
Sempre piattu in la to manu
Dopu fattu la meranda
Ti faci una sunnata
Nant'à un lettu di filette
Passi una bella stondata
A lu frescu castagninu
Ti facianc'una cantata
E lu nostru pasturellu
Oghje si n'hè andatu
Soca versu d'altre cunfine
Induv'ellu hè piu ripusatu
Quassu ci hè sempre u sole
Hè fiuritu lu so pratu
In'ssu pratu di virdura
Pasturellu un hè piu solu
Quessa la so di siguru
E ghjè cusi ch'eo mi cunsolu
Cu lu so cuginu luisu
Stanu be in paradisu...
Malincunia
M'arricordu di'ssa machja
Cum'è mille soli, era luminosa
Maestosa natura abbandunata
È a terra, l'ai pigliata
In un paese era una vincighjata
ln'ssu mondu s'hè sminticata
Nant'à e piazzette ùn si balla più a pizzica
E a cultura, l'ai arrubbata
Nant'à'ssi vechji banchi, a gioia di parlà la
In un cricchennu ella, si suffoca
Furioso sintinella, d'una vita scurdata
È a nostra lingua, l'ai cundannata
Curagiosu, populu era
Di'ssa battaglia tante piaghje à sullivà
A to grande guerra, l'anu fatta
Ma a storia, l'ai scanciliata
In'sse muntagne l'acellu cantava
Mutu fubbe una ghjurnata veraninca
Ferita innucenta cum'è 'ssa prima trinca
Ma a libertà, l'ai incarcerata
Nant'à'ssi vechji banchi, a gioia di parla la
In un cricchennu ella, si suffoca
Furiosa sintinella, d'una vita scurdata
È a nostra lingua, l'ai cundannata
È a terra l'ai pigliata
A cultura l'ai arrubbata
E a storia l'ai scanciliata
E a libertà l'ai incarcerata
Ti vulia di
Ti vulia di u tempu passatu in furia
Ti vulia fà scopre 'ssu caminu di vita
Ti vulia dà lu mio batellu pè franca sta cunfina
Una notte mi so discitatu, pensavà ch'è tù c'era qui
Accantu à mè pè guarisce le mio ferite
So statu innamuratu d'una fulena d'amore
Chi hà fattu batte lu mio core
Quand'ella si sveglierà
Inghjottatu da u mare
S'hè chjinatu u sole
Daretu à ellu'ssa trista realità
Annigatu pè infine scurdà
Silenziosu hè u celu
Di sperà, hè stancu
U ritornu di l'immaculata culomba
Pè schiarisce'ssa digrazia nera
Sullivà e muntagne pè truvà lu so caminu
Seguità u fiume pè capi lu so destinu
À l'alba d'una ghjurnata turmentata
Cuscenza abbandunata à l'uscure pensate
Quand'ella si sveglierà pè fà la ingrandà
Quallà a ghjuventù serà
Chjode l'ochji è sente lu so stintu
Francà a notte pè sunnià dumane
E circà'ssu prufume di lindumane
Senzà riflette cio chi serà I'avvene
Sullivà e muntagne pè truvà lu so caminu
Seguità u fiume pè capi lu so destinu
À l'alba d'una ghjurnata turmentata
Cuscenza abbandunata à l'uscure pensate
Quand'ella si sveglierà pè fà la ingrandà
Quallà a ghjuventù serà
Ti daraghju
Ti daraghju a cuscenza
D'un lindumane più caru
Induve issu celu chjaru
Sarà a nostra partenza
Ti daraghju a passione
Chi mi fiurisce in pettu
Tale u versu dilettu
Di le più belle canzone
À tè, ogni pensata gradita
À tè, quessa gioia infinita
A tè, a speranza rinvivita
Ti daraghju a manera
Di pudè cresce inseme
Eppo l'emuzione streme
D'una passione sincera
Ti daraghju u surrisu
D'ogni sintimu beatu
Chi sarà sempre stampatu
A I'orlu di lu mio visu
À tè, u principiu d'un novu albore
À tè, a chjave di u mio core
A te, per sempre quest'amore
Bianca è nera
Sò di piaghje mare é monti
D'albore é di tramonti
In manu à l'omi ponti.
So di l'eterne passione
A mille rivedincazione
U stema d'una nazione
Da appende a ogni balcone.
So a spera d'una volta
a cuscenza chi va sciolta
E chi sempre si rivolta
Da un esse mai tolta.
So di fede rinvivitta
A l'andatura ardita
In vanu pruibita
Svintuleghju a l'infinita.
So tessa di storia fiera
Di rispettu di spartera
In core d'ogni ventera
A l'eternu Bianca é nera
So di l'eterne passione
A mille rivedincazione
U stema d'una nazione
Da appende a ogni balcone.
So di fede rinvivitta
A l'andatura ardita
In vanu pruibita
Svintuleghju a l'infinita.
Pensà
Pensà à tutte 'sse stonde beate
À tutti sti ricordi empiuti d'amore
Quandu ricevu lu to sguardu
Lu to visu mi pare più bellu
M'ai dattu u piacè di a vita
Un sintimentu d'eternità
Una raggiò di crede
Ch'è tù fù lu mio primu amore
È stà à sente la to voce
Carezzendu lu mo esse
Dendu mi a forza d'amà
A voglia d'amparà
U tempu passa ma mi ferma sempre
La to mente cù stu surrisu
Chì po' fà pianta l'ore d'una notte
Pè apre le so porte à un sognu eternu
È stà à sente la to voce
Carezzendu lu mo esse
Dendu mi a forza d'amà
A voglia d'amparà
È stà à sente la to voce
Carezzendu lu mo esse
Dendu mi a forza d'amà
A voglia d'amparà
A musa di l'esse
Aghju spechjatu a mio mente
In l'acqua d'una surgente
Per pudè cunnosce a musa
Ch'in u mio core hè rinchjusa
Trà u trimuleghju di l'onda
C'era issa donna vagabonda
Una fata fatta d'arcanu
Chi mi piglià per la manu
ln a bughjura a seguitu
Longu à un chjassu secretu
Trà la fede è u timore
Hè per mè u solu albore
M'accarezza à l'ispensata
Di fantasia incantata
Discitendu tutti i versi
Ch'in u mio capu si so persi
So di quelli
So di quelli ch'anu tracciatu
Un chjassu fattu di spartera
Omi di passione sincera
Incù u stintu indiatu
So di quelli ch'anu stantatu
A richezza di quessa terra
Da fà ch'ùn si pianti a sfiera
Di u nostru tempu beatu
So d'una leva ch'ùn si tace
Incù u spiritu tenace
È più ch'è mai so capace
À tesse l'avvene di pace
So di quelli ch'anu alzatu
Aldilà di ogni fruntiera
A voce eppo a bandera
Di un populu smisuratu
So di quelli ch'anu speratu
Incù a faccia alta è fiera
In un mondu di gioia vera
È di rispettu tramandatu
So d'una leva ch'ùn si tace
Incù u spiritu tenace
È più ch'è mai so capace
A tesse l'avvene di pace
So di quelli ...
​
​
