Rifatta Di Pezzi
Cusi Un Sonniu
​
Arrimbatu à una leccia, fighjolgu chjinà lu soli
Mi posu sottu à issa leccia è ni vecu mora u ghjomu
Arrimbatu à una leccia
Chitudina impiriali passa li monti è li vaddi
Ùn si senti più un soffiu à l'abbrucata maistosa
Arrimbatu à una leccia
Quandu affaccani i tinteni,
dopu dui canneddi d'acqua
Ripiddu
lu me strittonu, dipoi tant'anni mi porta
È vecu cascà la notti
Caminendu pianu pianu, pà aspittà l'animali
U cursinu si faci senta chi da la foci si vedi
Arrimbatu à una leccia
A fiara di ranticu chinchè
chi da nantu à u balco ci aspetta
Pà fà ci incù misginedda, à u ritornu bedda festa
ln u bughju vecu una stedda
Arrimbatu à una leccia, fighjolgu chjinà lu soli
Sunnieghju milli lecci fiurisciarani un ghjomu novu
Cusi un sonniu sottu à una leccia
Perula
Perula perula à mezu à u mari
Perula perula à mezu à u mari
Perula à mezu à u mari
Pari incù issu fluttuamentu
Di bulà nantu à un nivulu turchinu
Lu to visu anghjelicu s'inforza
di piattà è di sguassà
Tamanti danni chi so oghji
pretesti di a risa di l'umanità
Perula perula à mezu à u mari
Perula perula à mezu à u mari
Perula à mezu à u mari
Perula, perula d'amori
Ghjuveddu chi faci u nosdu unori
Ti volini cumprà
è ancu divida
Ma ùn sani chi tamanta biddezza
ùn si pô chè mirità
Perula perula à mezu à u mari
Perula perula à mezu à u mari
Perula à mezu à u mari
Ugni Mani
Si scorpi in u bughju
Scritta à nantu à i mura
O quanti'idda hè dura
A vita ch'eiu t'aghju
Ghjunghjini ghjuvanotti
U cori affannatu
Spaventu tadda fiatu
E pienghju ugni notti
Ingutuppati i nosci mani
Tali una donna in prighera
No'seremu liati ni
Mai piu rimisciu pà l'alba
Pà tè a vita avali hè calma
è saremu liati ugni mani
Si manghja pani siccu
U brocciu hè luntanu
Ci manca u tianu
Issu muscu cusi riccu
è ventu strascina
Hè un pocu tuntinu
Ma spazza u distinu
è una gloria si chjina
Ci So
Ci sò li visi
Ci sò li crisi
Ci sò li canta
E li trapianta
Par a difesa
Di a me tarra
Sempri uffesa
Da i visi fasciati à
I tempa ghjacciati
Si sciuvara u ghjocu
Si sciuvara u locu
Ma quali hè issu patronu
Putenti quant'è u sonu
Chì in i petri si chjina
E pidda a marina
Ci sò li visi
Ci sò li crisi
Ci sò li canta
E li trapianta
Par a difesa
Di a me tarra
Sempri uffesa
Da u rossu culori
A i tempa dulori
Ghjastimighja a Santa
In ghjesia ùn si canta
Ma quali hè issu latronu
Chì sveghja un cantonu
O righjina salva ci
Hè prontu à tumbà ci
Corsica
Ghj'e socu a corsa pura
Com'e tanti anni fa
E circu ad appicca mi
A u tempu chi passa
Ne astracu ne prugressu
Un mi farani cambia
A me vita he muntagna
Aria puru e liberta
Ma un crergu in stu mondu
Quiddu chi ci he ava u me fiddolu
Senti a boci chi ti chjama
Ziteddu meiu un li laca micca fa
U me fidduleddu
Sumineghja a to anima
Tu lu pastureddu
Chi da insu li vedi fa
Sparghja a to chjama
E po fa risuna
A quiddu imbuffatu
Di cuntinenti cula
Chi mancu paghendu
Un pudara chjama mi mamma
Ripiddu
Culà
Ti voddu da
Ti voddu da
Ti voddu da lu me cori
Ti voddu da
Ti voddu da
Ti voddu da lu me cori
E rigala
E rigala ti amori
Ie pa anda cula cula
Cula mi purteti
Un vintuleddu magicu
Incu poca forza suffieti
Ma incu vulinta ti dicu ti dicu
Ripigliu
Cula paradisu
Di a miludia incantata
Ch'e facciu incu surisu
E solu pa te o fata pa te
Ti voddu da
Ti voddu da
Voddu da un basgionu
Ti voddu da
Ti voddu da
Ti voddu da un basgionu
E un spira
E un spira tamantonu
Pa anda cula cula
Rifatta Di Pezzi
I sanguinicci d'arimani so vadini assiccati
Risorghjini in turrenti di vita infiarati
Grazia à tutti è tu l'amicu
U turchinu di l'avvena a forza chi ci leia
Cu l'astracu animosu t"èmu fattu una è sola
Grazia à tè è lu vicinu
Un pocu incu tecu è lu vicinu
I patriotti è po' tu l'amicu
Rifatta di pezzi
Oghji sè' arritta è viva
Castagneti aliveti vangoni sgrifiassati
Milli mani chi sani fà
milli mani pà campà
Grazia à tè è li vicini
Paesi novu è riccu sintimu lu to brionu
Par un vultà à l'antica
a piu bedda forza unioni
Grazia à tutti è l'amichi
Sintaraghju
Sintaraghju eiu u to canta
Vultaraghju eiu par ùn circà
Sintaraghju eiu a to chjama
Chì apri una strada un chjassu
Par tè hè vodda hè una brama
Chì porta avali qualchì passu
Chì eiu sintaraghju
Sintaraghju eiu u to cantà
Prigaraghju eiu nosciu spirà
Sintaraghju eiu a to boci
Chì lampa un brionu di vindetta
Casca in tarra, sò dui gocci
Caduti sò in chjirchju ma cheta
Chì eiu sintaraghju
Sintaraghju eiu u to cantà
Indiaraghju eiu u to pinsà
Sintaraghju eiu a to cursa
Chì faci u fracassu un fattu
Chì hè par dà ci forsa a forza
Par fà ci subbitu qualchì attu
Chì eiu sintaraghju
Sintaraghju eiu u to cantà
Guidaraghju eiu u to baddà
Sintaraghju eiu u passuchju
Davanti in daretu à dritta
Mancu à pena cusì ùn scruchju
Un trostu ma solu tanti ditta
Chì eiu sintaraghju
I Fanghi Russi
Socu un fiddolu di issu mari
A me ricchezza a so billeza
U so arrimbu i nosci tarri
A vattà tutti i disprezza
Hè d'italia issu batellu
Chi à no' ci laca u sbelu
U mari inghjutti u so muddizzu
Li pari stranu issu brumezzu
O isula di issi tisori
Se' a Dea
Isula Dea
Socu un fiddollu di issa tarra
U so mari a so billezza
Pà difenda a so musciara
Ugni statu hè a mutezza
Salvu pà dà un antru accordu
Ma u populu un hè mortu
In carrughju à falà tutti
No'un saremu mai muti
O isula di issi tisori
Se' a Dea
Isula Dea
Ostia parata da issa fangaccia
T'emu da caccià
Isula meia
Isula Dea
A Paulu
Eri in tuttu lu rughjonu cavalieru rinumatu
Oghje a machja si lagna,chì l'eternu t'hà chjamatu
À mez'à lu to caminu o Pà, ti ne si andatu..
O amicu, o frateddu,Cusì ingrata la sorti,
Arrubendu ti lu fiatu, chì sò stati li to torti ?
Tù chì amavala vita di manera cusì forti..
Purteraghju sempr'in mè lu t'amore di 'ssa terra,
A felicità di l'essa quandu spunta l'alba chjara,
Arriposati o Pà, in la to furesta cara..
Da lu Taravu è la Rocca è li vaddi d'Alisgiani,
Si sò tutti adduniti, amichi è paisani
Quand'hè ghjunta la nutizia causa di tanti danni..
Ùn si sinterà più rimi nant'à 'ssi verdi cullini
Ancu l'aceddi sò muti da lu chjosu à li marini
Ùn mughja mancu lu ventu pà sti furesti vicini..
Quanti galuppi 'emu fattu, quanti sirati di cantu
In sti tempi biniditti ogni ghjornu era un incantu
U soli chì si schiaria era un amori tamantu..
A passioni era lu to fiatu, u versu la to manera
Ti bastaia un caffè o qualchì campu di fiera
Per sminticà ogni cosa è passà a notti intiera..
Noscia Festa
Riintrendu a sera da a piaghja
Ci firmemu à la funtana
Dà ci una bedda rinfrlscata
Pà compia issa santa ghjurnata
Oghji hê festa di u paesi
Tuttu l'annu l'emu aspittata
lnsemu l'emu appruntata
Ghjochl friteddi è ghitarri
Ripiddu
Demu d a mani è impaghjillemu
Demu una boci à l'avvena
I maiori si lampani à baddà
È quidd"altri viniti à cantà
A piazzetta di risa boddi
A campana ringrazia u soli
Pà flstighjà i so fiddoli
Sona lu chjoccu di Sant'Antonu
Chi dolci friscura chi piacè
lntrimu ln baddu sin'à ùn più pudê
U capu ghjlra lachemu ci andà
Fin'chl l'albori vinissi à chjamà
Ripiddu
Idei
Vulendu suvità un paghju d’ali, aghju imaghjinatu
Un paradisu biancu è turchinu
Senza passatu pistighjatu, ogni ghjornu ramintatu
L’animi sò duvintati aceddi
Chì si lacani purtà da un vintuleddu Natu da a paci
è da a fraternità
Un sò ch’idei ùn sò chè sonniu ùn sò chè spiranzi
Ma eiu spergu sò li me cridanzi
Par chì dumani sighi schiettu è culuritu
assulidemu issa branca chì ci porta
salvemu la ch’idda si poschi ramificà
tandu d’ogni cacciu d’ogni ochju
nasciarà un ziteddu pienu à sincirità
chì u so pinseri sarà a so fiirezza di cantà
​
​
