Radiche
A SPERENZA
A' me datemi l'amicizia chi què
Nimu ùn la pô cumprà
Eppô datemi un pocu di vita
Ch'hè cusi bella a'campa'
Datemi un pezzu di pane,
E a salute per canta'
E' pe'a Corsica dumane
Diu vi vogliu dumanda'
A sperenza, a sperenza ...
Pe'rivene a'l'usi anziani
Di u rispettu, di l'ospidalita'
E' per dacci un pocu a manu
Pe'ritruva'a nostra unita'
Per tutti quelli chi soffrenu
A forza è a dignita'
E'per stu popolu nostru.
Diu Santu vi vogliu dumanda'
A sperenza, a sperenza ...
Un vogliu ne furtuna, ne posterita'
Oghje ùn ci hè più nisunu chi po campà senza
A sperenza, a sperenza, a sperenza
Dateci a spenrenza.
MARIA ANGHJULA
A via ghjusru sett'anni
E'campavamu in Balagna
Quandu ci hè vulsutu a'spaisa'
Per me hè statu un scumpientu.
Stu maladettu cuntinente
Induve ùn vulia micca anda'
A via duie petre in borsa pizzatelli
Di a Corsjca
Per purtami furtuna
Strinte cum'è un paternostru
M'anu datu tanta forza
Ch'un le vulia più cappia'
Quandu emu pigliatu u battellu
Ancu a mo mamma e'e mio surelle
Aghju pruvatu a'scappa'
Mi sentia digià orfanu a famiglia stradicata
Mi n'arricordu sempre ava'
Nantu u portu di Bastia
C'era ùn so quantu mandili
Ghjunti per saluta'
Avia e mo petre in borsa
Pizzatelli di a Corsica
Per purtalle cun mè qualla'
O Maria Anghjula
lnduve si ava'
Simu sbarcati in ghjennaghju
Facia u frecu e'nivava
Un sapiamu duv'anda'
Grazia a'Diu avemu
Truvatu qualchi corsi spaisati
Sempre pronti a'aiuta'
Eppo hè passata a vita
Mà ci hè sempre sta ferita
Chi si chjama "diaspora"
Aghju sempre e mo petre in borsa
E' le mo radiche in Corsica
E' nimu ùn mi le po caccia'
Aghju sempre e mo petre in borsa
E' lemo radiche in Corsica
E' nimu ùn mi po stradica'
O SGIO PRESIDENTE
O sgio presidenle, vi scrivu sta lettera
Ch'i ci hè qualcosa chi vi vogliu dumanda'
Di u vostru palazzu so chjose le finestre
E' sin'a' qui ùn pudete guarda'
O sgio presidente. i paesi si ne morenu
A ghjuventu ùn ci po più sta'
Aghju ottant'anni e' si sbacca lu mio core
So sicuru chi ci hè qualcosa a' fa'
O sgio presidente eo aghju dodedi anni
E' vi scrivu per spiecavvi perchè
Un vogliu spaisami. nè ogbje, nè dumane
E' vogliu campa' qui chi so ind'è mè
O sgio presidente so natu ind'è sta casa
Chi li mio vechji anu straziatu a' fa'
Ci vogliu fa' la mio vita e'campa' lu mio avvene
Presidente ditemi cume aghju da fa'
O sgio presidence di u statu francese
He' Diu chi ci ha' datu per campa'
Ste muntagne, stu mare, St'isula per paese
E' di que' u pudemu ringrazia'
A Corsica hè una donna fiera di la so bellezza
Chi certi provanu a' sfigura'
O sgio presidente, vi facciu sta prumessa
Un li lasceremu micca fa'
O sgià presidente emu fattu tutte e guerre
I munumenti qui ponu parla'
Da Nicoli a' Scamaroni a' DanieIla Casanova
L'avemu pagata cara sta liberta'
O sgio presidente simu isulani
E' simu fieri di st' identita'
Ma u vostru palazzu he'un pocu luntanu
E' fin'a' qui ùn pudete guarda'
CECCE
Ci hè un certu Ceccè chi ghjè
lnd'è u s'amicu Cè
Ma quandu ci hè l'altru Cè
Chi cerca appressu a' ellu
Ci hè chi ùn si sente più chè què
In carughju quandu Cè
Chjama stu certu Ceccè
Chi li deve soldi
O Cè ! Ceccè ci hè ? No o Cè !
Ceccè ùn ci hè !
Stu Cè ùn si sà mai induv'ell'hè
Di u vechju portu a'San Ghjisè
Batte ind'è tutti i caffè
Tutte e cantine
So trè, trè a'chjamassi Francè
Dui Cè, e' un Ceccè
Quellu chi ha' capitu què
Ha tuttu capitu.
A VECHJA
Sola dipoi tantu tempu
Figlioli in cuntinente
Chi ùn si vedenu mai più
E' campa cusi sola
A' sente canta' u ventu
In stu paese quasi spentu
Induv' ell' ùn ci hè più giuventù
Ogni invernu quassù
Pesa dece anni in più
Salutela quand'ella passa a vechja
Abbracciala hè stata bella cum'è tè a vechja
Sola, ancu i so anziani ritratti
Un vechju cane e' dui gatti
Per ,unica cumpagnia
E' campa cusi sola
A' aspetta' a messa di a dumenica
Pe' u panatteru chi ha da vene
Per purta' pane e' nutizie
E' i ghjorni quassù
Un finiscenu più
Salute la quand'ella passa a vechja
Abbracciala hè stata giovana cum'è tè a vechja
Vechja hè, chjamala zia.
0 BA'
Ùn m'ai tantu parlatu ùn m'ai tantu basgiatu o bà
Ma a to manu nantu a mio spalla
Era u più bellu di i rigali, o Ba'
Hè passata in furia a vita
E' ne si a' l'iaguernu dighja'
T'ha' lasciatu u capu grisgiu
Ma ùn t'ha fattu scambia'
Rientravi ogni sera
Stancu e' carcu di penseri, o Ba'
Per noi ai straziatu
Quattru figlioli alivati dighja'
Un ai fattu tanti studii
Ch'ùn c'era tempu per què
Ma inde a scola di u carughju
Ai amparatu bè
Oghje so cum'è tè, so cum'è tè ...
So fattu cum'è te, cum'è te...
Qualchi volta so falate
Quelle riviste cutrate, o Ba'
Ma' mancu appena ùn ti ne vogliu
So fieru d'esse u to figliolu
Ai pientu una volta
Quandu mamma si n'hè morta, o Ba'
Di chi mi so sempre vergugnatu
A'ditti ti tengu caru, o Ba'
Oghje so cum'è tè .. .
So fattu cum'è tè .. .
A CASTAGNICCIA
A' Mezu mare e' muntagne
U mio core si ne va'
Versu un locu santu
Induv'ellu si campa a' l'incantu
A Castagniccia
Di l'ampugnani a' l'orezza
Sott' a' a filetta adurosa
Corre l'acqua d'argentu
Di e mille surgente di a Castagniccia
Franchendu u ponte biancu
Si pare di sunnia'
Di Croce di Casabianca
Un ti ne poi più anda'
Maestosu San Petrone
Ti vogliu saluta'
Tu chi veghji da quassù
E' per l'eternita' nant'a' a Castagniccia
U campanile di a Porta
Finu a' e stelle
Face canta' a Castagniccia
Face canta' a Castagniccia
A MIO GHITARA
Faci pienghje a mio ghitara
Quand' ella sona per tè
Si a so canzona a più cara
Ma ti ne scordi di mè
Fai pienghje a mio ghitara
Quandu ella canta per tè
E' so più belle sunate
Ma ti ne vai di mè
Si cume una farfalla d'estate
Chi s'ha da brusgià u core
A' tutti i lumi di a cita'
Si cume un acellu di passagiu
Chi ha persu tutte e so radiche
E' chi ùn sa' più induve anda'
Faci pienghje a mio ghitara
Quand' ella trema per tè
Canta chi ti tengu cara
Ma ti ne scordi di mè
E so note so cum'è parolle
Chi ti purtera' u ventu
Sè tu voli asculta'
E' ti cunteranu una storia
Quella di stu musicante
Ch'è tu ai lasciatu cula'
Fai pienghje a mio ghitara
Quand'ella brusgia per te'
Si a so canzona a più cara
Ma' ti ne scordi di mè
Si a so canzona a più cara
Ma'ti ne scordi di mè
I M'AMICHI A' ME'
I m'amichi a' me', so i fratelli ch'ùn possu avè
I mio amichi a' mè, so omi cum'è ùn ci n'hè
Ponu esse banditi, o ponu esse ghjente bè
I tengu cari listessu, so i m'amichi a' me'
I m'amichi a' me' sè cantuneri o piscadori
Ci hè ancu un curatu, un bancalaru, e' qualchi pastore
Anu per furtuna, quella chi u core pè avè
So riccu d'amicizia ancu i m'amichi a' me'
Un so micca di quelli chi si piglianu per sgio
Un ne vogliu scambia' i tengu cum'elli so
Dipoi a giuventù, ci cunniscimu cusi bè
Ava' sai perchè so i m'amichi a' mè
I m'amichi a'mè m'anu aiutatu tantu è più
Ancu da campa' quandu m'ai lasciatu tù
I m'amichi a' mè so più sinceri ch'è tè
Ava' sai perchè so i m'amichi a' mè
Ponu esse niulinchi, bastiacci o di Sartè
Ponu esse aiaccini, di Corti à di San Fiuren'
Mi tenenu caru listessu, ava' sai perchè
Valenu oru i m'amichi a' mè.
U COW BOY BALANINU
So un Cow Boy balaninu
E' mi dicenu untu e' finu
U ghjomu chi so natu
Pare chi so cascatu
lnd'è a farina pisticcina
So u Cow Boy di Muntice
Senza cavallu ne cappellu
L'America per mè cumencia in Belgudè
E' va' di l'Isula a' San Fiuren'
He' longa, longa. longa a cumpagnia
Di quelli chi ùn sunnieghjanu più
E' chi anu persu a so ghjuventù
So un Cow Boy balaninu
Sempre vestutu di "Bleu di chine"
Facciu a mo stracla solu cù a rnio ghitura
Senza deve qualcosa a' nimu
So u Cow Boy di Munticellu
Dipoi chi so un zitellu
U mio "ranch '' hè un pagliaghju
U mio più bellu viaghju
Va' da u fiuminale a' a cappella
(Chorus)
So u Cow Boy balaninu
E' mi dicenu untu e' finu
Chi tanti Kentucky, Texas, o Tennessee
Per me u paradisu hè qui
Perme u paradisu hè qui.
​
​
