Esciutu in lu 1996
Sorti en 1996
Pueta
Pueta
​
Sò pueta di l'alte cime,
U mo mondu à mè ghjè u sole,
Cù li cunfini di nuli ...
U mo circondu sò e stelle,
Sò pueta in le muntagne,
Da lu Padru insin' à Cagna ...
Sò pueta di li spinzi
Di le zenne è di le spilonche
Sò pueta di la terra
Di l'alture è di la ghjerba
Lu mo cantu hè superbu ...
Lu mo cantu hè superbu ...
Sò pueta di la luna
Bionda è chjara, lucicante
Lu mo cantu in la notte
Introna tutte le grotte ...
Sò pueta di l'elpale ...
Sò pueta di l'elpale ...
1769
Sunniatu mi so' di un ponte
Duve aghju vistu un zitellu
Scrittu ellu s'era in fronte,
Cù lu so sangue... RIBELLU...
Era Maghju sessanta nove
Di seculu settecentu...
U nemicu era francese,
L'associu era prussianu,
U falzacciu genuvese
E u ribellu paisanu
Venuti eran' d'Acquale
A la chjama di Pasquale...
A battaglia fù murtale,
A vindetta sanguinosa,
Morti sò quelli d'acquale,
vinuti à la ritrosa,
Anu sterpatu la ghjente
E brusgiatu li paesi...
O Corsu, ùn ascultà più
A sturiaccia chì t'imbrulla,
Quessa vuleria dì
Chì ribellu hè mortu per nulla
E chì mancu un francu vale
l'esiliu di Sgiò pasquale
Sunniatu mi so' di un ponte
Duve aghju vistu un zitellu
Scrittu ellu s'era in fronte,
Cù lu so sangue... RIBELLU...
Era Maghju sessanta nove
Di seculu settecentu...
Lingua Corsa
Sò a Lingua Corsa
Eiu sò la lingua corsa,
ùn voddu micca mora,
Sò la lingua materna
di li vosci antinati
Parchì à tempu d'oghji,
vulemu tena fora ?
O Corsi, senza mè,
sareti sbattizati !!!
M'aveti ghjà spuddatu
di li paroli antichi,
M'aveti infrustiritu
è m'aveti ingannatu
Di ciò ch'eiu sò stata,
ferma pochi vistichi
Parch'aveti vargugna
di tena u me parlatu...
Eiu sò la lingua corsa,
di li vosci maiori
Chì hè stata aduprata
frà i seculi sani
Quidda par dì "o mà",
quidda par dì "dulori"
Quidda chì hè stata sempri
in bucca di l'anziani...
Eiu sò la stanta lingua
chì dopu à u culombu
Ni chjamaia à l'aiutu
par salvà u paesi
Sò quidda chì chiria
a polvara è u piombu
Pà stripà Sarracini,
Grechi o Genuvesi...
Sò a lingua di quelli
chì oghje sò spariti
Chì ghjacenu in sta terra
di dolu è di pientu
E voi, i so figlioli,
firmate russuriti
S'è in giru à voi, in corsu,
vi si canta un lamentu !
Sò la lingua materna
di le vostre mammone
Chì cuntavanu fole
in giru à lu fucone
Chì cuntavanu gioie,
chì cuntavanu affanni
In l'unicu parlà
di tuttu lu rughjone...
Sò quella chì, luntanu,
chjamava u rispettu,
Frà la ghjente amica,
è ancu più furestera
Sò quella chì sincera,
sbuttava da u pettu
Di dui corsi spersi
in un fondu di galera...
S'è voi perdite à mè,
perdite a vostra razza
Un s'ammentarà più,
nè ceppu, ne casata,
Ne serete in stu mondu
una rubbaccia lazza
U corsu ùn serà più chè
lingua tralasciata...
Eiu sò a lingua corsa
Ch'ùn voli micca mora
Sò la lingua materna
Di li vosci antinati...
Luna nova
Luna chì splende in celu grande
Luna chì pende, fà ti falà…
Luna chì veghja, alliscia a teghja
Luna chì feghja, ci viderà !!!
Luna chì spia, ci hè qualchissia
A mezu a via… Chì vinerà ?
Luna canaglia, longu a muraglia
A mezu a paglia, chì ci serà ?
Luna niscentre, billicu è ventre,
Tù stai mentre chì u sole và…
Luna indè u pozzu, o chì singhjozzu
U Codimozzu ti piglierà !
Luna la nova ! Chì belle prova,
Perch' ellu piove… s'aspetterà !
Luna chì splende, in celu grande,
Luna chì pende,
Fà ti falà…
Fà ti falà…
Fà ti falà…
Zia Maria
Zia Maria và à spassu, zia Maria và…
A tacchi alti è capu bassu à girandulà
Vol' sapè ciò chì si dice in tutta la cità
Zia Maria hè felice, zia Maria và…
Zia Maria hà tagliatu, zia Maria hà…
U so "chignon" racamatu per fassi tagnà
Ma a so nora li dici, "a sapete, o mà…
Pareti una vera attrici, v'anu da invidià"…
Zia Maria avà fuma, zia Maria avà…
Pesa quant' è una piuma par ùn ingrassà
Di u latti caccia a sciuma, zia Maria avà
Pianu pianu si cunsuma par ùn invichjà…
Zia Maria aval' cunduci, zia Maria avà…
Và in un fattu di cruci d'Aiacciu à Pruprià
Quand' ella colla in vittura, zia Maria ùn hà…
Nè pinseri nè paura di fassi aghjustà…
Zia Maria, tutti i mesi, zia Maria avà…
Cù a so serva portughesa, a Manuella
Indè Codec à fà spesa, à fassi carcà
Di cunservi à la francesa è di baccalà..
Zia Maria avà crocca, zia Maria avà…
Face u piglia, laca è tocca, li piaci à ballà
Ella salta, "djerca" è "rocca", zia Maria sà…
Fà prova di li so fiocca, in a sucetà…
E cusì chì monda donni, i donni d'avà…
Ch' ùn volenu avè frastorni, a si sanu fà…
Un sò com' è no faremu da quì ad andà…
O li tinti ch' è no semu
Ci anu à supranà…
Ci anu à supranà…
Ci anu à supranà…
Quassù
Istu paese di cuccagna
Ch'ella era a to giuventù
Oramai l'abbia in brama
Hè finitu un torna più
Spapersu in questu mondu
In cerca la to virtù
Piglia è ateppa le cunfine
A verità hè quassu
Quassù si pesa l'altagna
E lu muvrone dinù
Si discoglie ogni pena
E l'amore ùn more più
L'acqua di la funtanella
Corre tra mezu à li foi
Ne pasce la pecurella
Senza temene li boli
Qui si scopre l'orizonte
L'altui mare è l'al di là
Qui si marchja ad'alta fronte
E timore omu ùn ne hà
Qui si aprenu le porte
Per quellu chi sa pichjà
Nun si teme malamonte
Qui tuttu hè umanità
Che Guevara
Noi pienghjimu la to sorte
Sott'a la to grande storia
Duve u sole di a to furia
Hà inchjustratu la morte...
A to manu gloriosa è forte
A la to to storia ci spara
Quandu tuttu Santa Chjara
Si sveghja è ti lode
A qui se queda la clara
La entranable transparencia
De tu querida presencia
Comandente Che Guevara...
Veni brusgendu la "brisa"
Cun sole di primavera
E per pientar la bandera
Cu lu to bellu surrisu...
U to amor revoluzione
Ti porta à nova impresa
E sperendu la firmezza
Cun lu pugnu di liberazione...
A qui se queda la clara
La entranable transparencia
De tu querida presencia
Comandente Che Guevara...
E anderemu davanti
Sempre cun tè,avanzemu
E cun Fidel ti deremu
"Hasta siempre Comandente"!...
Giuventù corsa
Giuventù corsa,or femuci curagiu
Cù la pacenzia,un ghjornu vinarà
In cursichella,un nostru fuculaghju
Bandera bianca,feremu sventulà...
E quissu Regnu,regnu di i Sarracini,
D'issa manera,ùn si po piu campà
Per cursichella,ùn ci hè mai chè spini
E per quili altri,ci hè fiori in quantità
Simu uniti incù listessu ardore
Per la vittoria ch'avemu d'acquistà
E cumbattimu cun l'anticu furore
Per la salvezza di a nostra libertà
S'è simu uniti,feremu gran'surpresa
A Marianna chi ùn la cridarà,
Aio!furmemu quella lega cirnese,
Sinno si more è nimu ne hà pietà
Di fà li servi,hè cosa chi ci stanca,
Per noi sempre di Caribbe in Silia,
Or ripigliemu quella bandera bianca
U veru cennu di a nostra libertà
Siamu uniti incù listessu ardore
Per la vittoria ch'avemu d'acquistà
E cumbattimu cù l'anticu furore
Per la salvezza di a nostra Libertà...
Muntagna
Muntagna cara eternu amori
Muntagna fiera e sminticata
Fideli e muta tali una spusata
Ricca di storia e ricca di dulori
Par me sare sempri a me muntagna
Dundi a nevi ha tessu una curona
Imbalsamata da l'arburata
Indu si cala e si spechja l'altagna
Ha datu sempri aiutu a lu rimitu
Persu da la disgrazia o la sventura
In la to furesta zeppa e sicura
He piattu lu guerrieru e lu banditu
Muntagna corsa ascolta la me pena
Vardati da la piaghja traditora
Chi pianu pianu andara a more
Ava chi he calcicata a so rena
E i to ochji pieni di tristezza
Un poni vede stu mondu vanu
Un dati piu aiutu di i s omani
E culma u to cori d'amarezza
Ma prestu vinara chi a notti pagna
Si spannara par da piazza a u soli
Cantarani dino i to paisoli
E lu rinasciare la me muntagna
Un ghjornu vinara indu l'omu ingratu
Dumandera pardonu cu rimorsu
E tu muntagna cara mamma di u corsu
L'assultare malgradu u so piccatu
U Cantu
U cantu he spartimentu
Di la gioa di campa
U cantu caccia u turmentu
Da la forza di lutta
U canta he puesia
U cantu he liberta
Rughjoni
In li to ochji ci stanu accolte
E spere belle da rimira
In li to ochji ridenu mule
E brame vere da cinnula
In li to ochji cantanu tutti
I qualdi neri di l'abbruca
In li to ochji correnu lestri
I fumi pari di a liberta
In li to ochji spampiluleghja
A stella accosa pronta a sbuccia
In li to ochji ci face a filetta
Cu monte e marini da pude campa
In li to ochji cu spere di sognu
Ci so i rughjoni di l'eterna
Caldanelle
Ramentati quelli tempi
passati a la caldanelle
C'eranu le maritate
c'eranu le viduvelle
E lu purtai lu vantu
o fiore di le zitelle
T'arricordi quelle sere
ch'e no ghjucavanu a la fava
Ma ci era la vichjarella
chi mai un t'abbandunava
Parchi li nostri sicreti
ella sempre induvinava
A lu cuventu di vicu
un ghjornu di primavera
Fecinu un spassighjata
da meziornu fin'a sera
E lu mi ghjurasti in senu
d'esse nisempre sincera
Avanti di siparacci
fu d'accordu patuitu
Di truvaci u lindumane
a quel parsicu fiuritu
Tinisti la to prumessa
ma nun fu essauditu
Acilletti innamurati
chi cantate in sta verdura
Pieta per li me dulori
pieta per la moi sciagura
Chi sera sempre cucente
sin'a chi la vita dura
O alberu dillicatu
testimone di u nostru amore
Vive eternu u lo prufume
e eterni li to fiori
A cio quandu li rimiru
cessanu li moi dulori
U Cervu Corsu
Sogu u cervu u cervu corsu
l'animaleddu sbanditu
U culombu la me morti
laca u corvu ammululitu
Mai piu u mi visticare
o crudeli cacciatori
Da Capicorsu a Pumonti
maladettu vincidori
Sogu u cervu u cervu corsu
chi si n'inveni di l'aresta
Di la fricura lu boscu
quandi austu faci festa
Indi se la me faieta
sbucciata a middi maglioli
U me verdu puntiddonu
colmu a paci muntagnola
L'albora si ha spizzicatu
i me carri varmicosi
Ma ribomba la me chjama
in li lamenti vintosi
A surghjenti sara sicca
e l'acquaccia tricaticcia
Turrara lu biitoghju
in una nera fanganicia
O corsu fiddolu d'oghji
lu me sirvonu sfidatu
Arrimitu da lu soldu
di la mutra chi n'ai fattu
Eiu un temu ghjacaraccia
ne piumbu ne caccia mossa
Ti facciu per sempiternu
a lascita'lli me ossa
Tu chi va l'anima incheta
eiu sogu un agrunditoghju
S'e tu ci scontri l'arieta
li purtera lu me moghju
Lu me schiletru bianchicciu
chi si dissicca in la machjetta
Finch'un falcu ghjunghjiticiu
ni sumenghi la pruneta
Voddu cu l'antichi Corsi
movamini in paradisu
A brama per tempu eternu
signureddu a tlu to visu
Quandi l'ultima fuchera
s'avara tusu li monti
Quandi u primu sullionu
s'avara spintu li tonti
Petrosciani
E franchendu tutte le terre
Le pianure e le fruntiere
In core tutta l'alegria
Simu ghjunti qui in rumenia
Cu tutta l'umanita
Aviamu u nostru core a da
Per te rumenia a voce rivolta
Cun te simu pronti a la lotta
E parla ti di fraternita
D'amicizia e di liberta
Per te rumenia a voce rivolta
Cun te simu pronti a la lotta
E parla ti di fraternita
D'amicizia e di liberta
Avemu visti li zitelli
Sminticati e urfanelli
Avemu intesu avemu capitu
Di pop'andria lu stintu
Avemu vistu li zitelli
Sminticati e urfanelli
Avemu cantatu avemu spartutu
Di la sperenza lu fruttu
Per te rumenia a voce rivolta
Cun te simu pronti a la lotta
E parla ti di fraternita
D'amicizia e di liberta
Per te rumenia a voce rivolta
Cun te simu pronti a la lotta
E parla ti di fraternita
D'amicizia e di liberta
E zingavanu li viulini
Tutte ste musiche divine
E lu sguardu di l'anima
Vi purtava a impruvisa
Site voi li pelegrini
Luntani da li cunfini
Anderete sempre cusi
A canta a l'infini
​
​
