Pè l'amore di tè
More
More
una stunduccia sola
cum'ella si ne scola
pe accuncià la sorte
e ficcalla à la morte
cum'e addurmentassi
una ora per favore
e cambià di culore
pe pruvà d' altri passi
More
More
More
e tene l' ochji aperti
pe vede a tristezza
nantu à la to bellezza
e li to gesti offerti
pe ti piace di ghjunghje
toma in la ta vita
e da la to ferita
sentemi torna punghje
More
More
More
Muri
Pianttanu u sole sanu
i muri d'indiferenza
cullati da i ghjorni chi vanu
quandu manca una prisenza
una prisenza
ma,
s'alzanu à basgià e stelle
i muri di i lochi amati
cullati da mani surelle
è d'amore incugnulati
incugnulati
ma,
s'alzanu à basgià u sole
i muri di fratellanza
cullati da mani mai sole
è scialbati di sperenza
è scialbati di sperenza
po,
s'alzanu in la luce bianca
millaie di fratelli inseme
cori di giuventù mai stanca
rampali di u nostru avvene
rampali di u nostru avvene
Libaru sò
Sonà l'ave Maria
un chjoccu di campana
chi sveglia u cantone
e issa chjama luntana
ci serà qualchissia
in fondu à u vangone
Ancu sottu à i marchjoni
in fondu à una prigio
in fondu à una prigio
sentu campà sti rughjoni
chi omu libaru sò
chi omu libaru sò
A zilefra cutrata
chi ci secca e dite
a sera di ghjennaghju
è u sole chi basgia
e viole sbuccite
à u mese di maghju
Una voce latina
u portone chi s'apre
è sentu li to passi
i ghjorni d'istatina
issa risa à le to labbre
quand'è tù vai à spassu
Ancu sottu à i marchjoni
in fondu à una prigio
in fondu à una prigio
sentu campà sti rughjoni
chi omu libaru sò
chi omu libaru sò
Apperlamanu
Omancu per l’amore
In l’ochji di a pena
Pè quandu un omu hè solu
In la notte amarena
Omancu pè u pettu
Chì batte mille brame
U sole di l’affettu
Arrubbatu à le mamme
Pigliacci apperlamanu
U core à lu veranu
Pigliacci pè luntanu
E à voce rivolta
Ùn sia che una volta
Risponde piu forte
Cambialla a sorte
Fallu vince l’avvene
Ancù a noi ci vene
Risponde a vita
Cambialla a vita
Omancu pè un pientu
Chi incroscia
U celu di u stentu
È u prussimu raggiu
Omancu pè u nostru
Ch’elli s’anu pigliatu
U rossu di l’inchjostru
Chi scrive u speratu
Pigliacci apperlamanu
A cursità
Incu isse parulle scritte
In fondu à l'ochji chjari
È isse lacrime zitte
Mezu à li to più cari
Cum'ella hè dolce
À parlà
A meia
A cursità
Incu issu trappu d'amore
Chi vi corre a pelle
Cusi bellu culore
Chi t'accende di stelle
Cum'ella hè bella
À cantà
A toia
A cursità
Incù i so paisoli
D'amarezze cutrate
Ùn ci so i figlioli
Hè finitu l'estate
cum'ella vene
À trimà
A meia
A cursità
Incù isse pagine storia
Mezu à u libru chjosu
Pe u ventu memoria
Quandu tuttu hè ritrosu
Cum'ella hè dura
À campà
A meia
A cursità
Caffè di u liceu
Issu zitellone asgiatu
à u core andarinu
chi si stava pusatu
di punta à un tazzinu
caffè di u liceu
caffè di u liceu
Issa giuvanotta fiore
cù a so chjoma bionda
chi ridia à l'amore
e piantava una stonda
caffè di u liceu
caffè di u liceu
Ci mettiamu in fondu
intomu à un caffé
e à rifà lu mondu
e circa li perche
caffè di u liceu
caffè di u liceu
E sculavanu l'ore
à parlaccile inseme
à scaldacci lu core
e sunnià l' avvene
caffè di u liceu
caffè di u liceu
Oghje facciu una arretta
caffè di u liceu
ma più nimu m'aspetta
e tu n'un ci si più
e un ci so più eiu
caffè di u liceu
caffè di u liceu
caffè di u liceu
Ella
Ella, ghje issa lumeruccia
Chi cunsola l’ore
Di u mal campà
Ella, ghje issa vecchja nanna
Chi imbellisce l’occhji
Nantu à l’annutà
Solu per tè
Solu per tè
Solu per tè
Ella, ghje cum’è un paese
E mille albe accese
A l’eternità
Ella, ghje l’immensu pratu
U zitellu natu
E a libertà
Solu per tè
Solu per tè
Solu per tè
Ella, ghje cum’è un viaghju
Culuritu à maghju
Ch’eo vurrià fà
Ella, ghje nantu à l’eternu
U sole maternu
Di l’umanità
Una altra mamma hè trista
Si pudianu stà
Anch' elli cum'e tanti
In pace a aspittà
Ma eranu davanti
Ma eranu davanti
Anu dettu di no, anu dettu di no, ma eranu davanti
Pudianu piantà
Anch'elli cum'e tutti
In case e travaglià
Ma elli so pertuti
Ma elli so pertuti
Anu dettu di no, anu dettu di no, ma eranu partuti
Anu dettu di no, e si ne so andati, e si ne so andati
Una altra mamma he trista
Una altra mamma he trista
S'he allungata la lista
A pagina chi manca
Ghje cum'e un dispacciu ch'eo ti mandu
un ricordu chi ti vole parlà
di quandu più nunda m'appartene
di tuttu l'amore ch'ellu sà
Ghje cum'è una sera di Nuvembre
chi a notte un vole addurmintà
quand'ellu hè finitu lu viaghju
chi u core ùn si vole piantà
chi u core ùn si vole piantà
In memoria
d'una casuccia bianca
di l'avvene chi ci stava diggia
vogliu scrive
a pagina chi manca
à u libru
chi m'aiuta à campà
Ghje cum'è una lacrima chi ferma
e mi face sofre una altra volta
l'ultima parulla chi rivene
e dumanda anch'ella una risposta
e dumanda anch'ella una risposta
Ghje cum'è un basgiucciu ch'eo ti mandu
pe quelli ch'eo ti vuglià dà
cum'è una piazzuccia ch'eo ti tengu
una porta aperta pe vultà
una porta aperta pe vultà
Rivecu
Rivecu li to ochji
di mare tralucente
e di risa sincera
à mezu à la to ghjente
U sole s'he ciuttatu
ci he un pezzu ad avà
ma s'he vivu lufiatu
e ti rivecu a bà
Rivecu di e to mani
a gesta misurata
à u bancu di legnu
ogni volta assestata
Rivecu le to labbre
attachendu lu cantu
di iss'alta puesia
chi ti piacia tantu
Cio che tu pensi
Ciucciarella cum'e un fiore
si cum'e mele chi corre
cù li to belli ochji immensi
dimmi tù cio che tu pensi
Pensu musica turchina
chi m'incanta la matina
eppo musica turchina
chi schjiarisce la marina
Pensu rusignolu d'oru
trilla e canta da l'alloru
eppo rusignalu d'oru
chi mi spanna lu mio core
Ciucciarella cum'e un fiore
si cum'e mele chi corre
cù li to belli ochji immensi
dimmi tù cio che tu pensi
Pensu muvrella chi nace
pe i monti corre e pasce
eppo muvrella chi nasce
impannata a belle fasce
Pensu stelle inargentale
chi fiuriscenu nuttate
eppo stelle inargentale
chi adornanu serate
Un volenu più
Da chi l’omu hè nantu à sta terra
I canta amore pace o guerra
Cun seriu risa o cun passione
Dice a so storia in canzone
Tempu di grilli o di capretti
Di strade fatte o ferri strinti
A quandu punghje à quandvanta
L’omu si mette in rima è canta
Subitu eccu i censori
A scrutanu a verita
A verita
Quand’ellaùn ha i so culori
A verita
Un hè micca a verita
Un volenu più
Un volenu più
Un volenu più
Ma cantu dinù
S’ellu he ricordu di pilone
D’arba tavacca à u fucone
Inguarniciatura di passatu
Tandu si site incurunatu
Cantate u malese d’oghje
A questi polpa à questi coghje
U vinu fattu di bastone
L’omi spapersi in le prigione
Un volenu più
Un volenu più
Ma l’acqua passata
Un macina più
Terra
Terra
Terra
O Terra
O Terra Corsa
Terra
O Terra
O Terra Nostra
Sole chì s'avvicina
Sole chi s’avvicina
A scoccu d’ore
T’avvinghje e si stiscina
Un vole more
Sole ch’avvaghjiuleghja
Quant’è l’amore
Chi pesa a la strateghja
Di u to core
Celu si scopre avale ancu piu bellu
Un bè, un male, in riturnellu
Dopu à lu piantu canta un acellu
Celu inturchina d’azzurru bellu
Sopra a i paesi fatti a u pinnellu
D’un mondu novu dinu fratellu
Falla sapè in giru à tè
Sole di l’estatina
E lu bullore
Chi luce e si manghina
Ind’u calore
Sole chi ti s’avvampa
Toccu l’albore
E da quassu si lampa
Senza timore
Tempu chi corre dumane serà piu bellu
Ditela a tutti ch’ùn hè più quellu
S’hè sbucinatu u so ghjumellu
Tempu chi vene dumane serà piu bellu
E dice à l’omi ch’ùn hè più quellu
S’apre a la vita lu so purtellu
Falla sapè in giru à tè
