Parla u core
Sperenza
​
Sperenza mora, sperenza nera
Si stresge a bandera
Isula stroppia, isula offesa
T'alzi sempre più fiera
Populu pienghji, populu canti
So stazii li to stanti
Paesi muti, paesi in dola
Si ne piagatu tanti
Anima corsa, anima forte
T'intrava la to sorte
Pesa lu capu, hè sempre tempu
S'aprenu le to porte
Fiatu criscente, fiatu mai stancu
Strinhji lu fasciu biancu
Eredu vivu, eredu veru
Incordati lu fiancu
Corsu di nome, corsu di core
S'infrebba u t'onore
L'ansciu anticu si face sente
Ch'ellu ùn si vole more
Sperenza mora, sperenza nera
Si stresge a bandera
Isula stroppia, isula offesa
T'alzi sempre più fiera
O Mà!
O Mà!
Hè a prima parolla
Ch'un ciucciarellu molla
Nanzu di marchjà
O Mà!
Ti dice u zitellu
Da u so biculellu
A u discità
O Mà!
Ti chjama u figliolu
Ellu si sente solu
Chi luntanu sta
O Mà!
Si lagna pianu pianu
Basgenduti a manu
L'urfagnu à u staccà
O Mà!
Sai, cume un fiore
Cresci in u mio core
Ti sentu sbuccià
O Mà!
E u to soffiu corre
Ci ricopre d'amore
Senza mai piantà
O Mà!
U toiu u ritrattu
In pettu, l'aghju piattu
Pe' sempre O Mà!
Tumasgiu
Eiu sò Tumasgiu
Dettu "Grisgione"
Cantu à San'Biasgiu
E sant'Antone
A nostra Santa Venerata
Ristituta, a Beata
Sò cunfratellu,
Mi sò ghjuratu
Messa a cappa,
Sò rimarcatu
E a mio voce in prucissione
Face trimà, tutt'u cantone
O Tumà, O Tumà!
A to cappa, a to cappa
O Tumà, O Tumà!
Eiu a t'aghju da stinzà
Ch'avà marchji troppu strambu
E ùn faci ca tracullà
O Tumà, O Tumà!
A to voce, a to voce
O Tumà, O Tumà!
Prestu s'hà da strangulà
Chì a festa ùn a compii mai
E e sborgne, ne pigli assai
Eio sò Tumasgiu
Gran'traculinu
Vendu u casgiu
Veru Balaninu
Pisatu nantu à u cantarettu
A contu ghjustu
E pesu nettu
O Tumà, O Tumà!
U to casgiu, u to casgiu
O Tumà, O Tumà!
Eiu ùn lu possu manghjà
Ch'à mè, mi da a fiarata
E mi face ancu pità
O Tumà!
Senti u Fiatu Muntese
Chì piglia e to pratese...
A chì tocca a to cappa
Un pattone li si sciacca
A chì spenghje a to voce
Pruni li si face roce
E u casgiu, s'ellu sinta
Si ciumba inde l'acquavita
O Tumà, O Tumà!
O Tumà, O Tumà!
O Tumà, O Tumà!...
Da surgente a funtane
Falla da u Montegrossu
Una sebbiata surgente
Li ci cantanu addossu
E ninfe e lu punente
Cun Dirza a su parente
Facenu "Chjama é Rispondi"
E la luna chi e sente
Li manda saluti biondi
Un nome dettu Nov'Ochji
U v'annu postu l'antichi
La si curranu i rochji
Staccati da l'alti spighi
Dillandi ghjè rinumata
Fra Carrozzu é Muvrella
L'acqua di a Spasimata
Vi rinfresca l'arganella
A l'usciu di u Dragone
Bocca di u Giru Vinti
S'aggrondanu lu Cannone
E leccie di i ricinti
Fattu a loghja più suttana
C'hè quellu di Sant'Antone
A u veghju carrughjanu
Lu si face testimone
A l'entre di u paese
Ci canta una funtana
Notte é ghjornu d'ogni mese
Spessu a son'di campana...
Stu locu sai
Un isula turchina, chi u mare s'alliscia
Un sole laziosu, li manda a so stiscia
I monti maestosi, l'anu fatta Regina
U ventu la s'abbraccia, quand'ellu s'avvicina
L'acquata la si bagna, in tempu di mullura
La si copre dinù, in un mantellu d'aria pura
Stu locu sai, hè u meiu
A tempu à lu veranu, fiuriscenu e stese
E stelle di l'arbucci, so elle tutte accese
A maghja e u listiccu, a culori mischiati
Sparghenu lu so adore, si n'empienu li prati
A scopa e a filetta, ballanu in le sponde
U trattu in furesta, le si pittina a stonde
Stu locu sai, hè u meiu
Veghjanu li paesi, chi un volenu more
A quelli chi ci stanu, li pienghje lu so core
Arrembi a u fucone, la si passanu soli
Si ne stanu in cità, oghje i so figloli
Anu straziatu nanzu, elli abbastanza
Ci tocca a noi avà, l'avvene di a sperenza
Stu locu sai, hè u meiu
Voglie
Vuleria esse un zitellu
E cume ellu sunnià
E vulà cume un acellu
Crucià u celu in libertà
Mi rinvia un sturnellu
Un sarè mai un acellu
Vuleria esse una fronda
Laziosa, vagabonda
Pè scambià ogni stagione
A tinta di u rughjone
Un grillu risponde assai
Fronda, ùn sarè mai
A mio voglia gira, gira
Chere, si lagna è suspira
In cerca d'un altru campà
D'un avvene di megliu stà
Vuleria esse una fata
Di virtù incurrunata
E accende una stella
Pè a nostra Cursichella
E fate so à e fole
E e stelle à u sole
A riposta mi fù detta
Da l'acella benedetta
A mio voglia hè smarita
C'hè u cantu eppo a vita....
Fiore Muntagnolu
In’sa notte aghju sunniatu
Ch’eru in li prati di virdura
Cu lu fiore di viaghja
Chi scopre pianu a natura
Sopr’a lu monte di nivaghja
Sottu a li pozzi di l’acqua pura
He natu quand’he spuntatu u sole
In la stagione invernale
In u sognu di dulore
Di l’omu infernale
Pe fa cresce lu so amore
U fiore giallu di u tempurale
Ma si tu u fiore di a memoria
Ma si tu u fiore di a vittoria
Ma si tu sempre u fiore di l’amore
Ma si tu sempre u fiore testimone
Quandu c’he u ventu stridaghjolu
Da u mezziornu a u tramonte
Pe u fiore muntagnolu
Una zitella porta e stonde
E un bellu rusignolu
Chi canta sinu a Golu
Ma si tu u fiore di a memoria
Ma si tu u fiore di a vittoria
Ma si tu sempre u fiore di l’amore
Ma si tu sempre u fiore testimone
So qui pe salva a to vita
Pe te fiore muntagnolu
Di a liberta s’he innamuratu
Pe fa u to versu novu
Di a sperenza infinita
Di un populu machjaghjolu
Ma si tu u fiore di a memoria
Ma si tu u fiore di a vittoria
Ma si tu sempre u fiore di l’amore
Ma si tu sempre u fiore testimone
Ma si tu… sempre u fiore muntagnolu
Corciu Paese
Si stende in su l'ouganda
A panzianu piu sottu
A mezzu c’he u Rwanda
He listessu lu so mottu
Sopr’a sta terra africana
A notte he disgia calata
Eranu tanti a sulana
A strazia a so ghjurnata
Da e casette senza purtelli
Colla u soffiu di l’omi stancu
Dormenu a latu i zitelli
Ci n’he cinque chjughi e mancu’
Ma un mughju strappa lu silenziu
E si sparghje in l’aria accesa
Nant’a u sonnu corre u sciempiu
Chi pronta un era a difesa
O tu o tu figliolu persu
Di u pease di Rwanda
Un trovi piu lu to versi
S’he mossa tanta scimita
Ghjunti da francia e d’altro
Incu d’altri a da pro
Ma la t’anu strinta la manu
E ava elli si ne vanu
U to nome stampatu
U to nome l’avia stampatu
Nantu a rena molle
Ma u mare u s’ha trascinatu
Incu’se tre parolle
Ti tengu cara
U to nome l’avia stampatu
Nant’un fogliu di carta
Ma u muntese a s’ha purtatu
Incu’sa chjama sparta
Veni’cu me
U to nome l’avia stampatu
Nant’a buchja zeppa
Ma annu u focu ha brusgiatu
Alivu fronda e ceppa
U to nome u m’aghju stampatu
Nant’u core zittu
Per te d’amore inguiduppata
He u mio solu dirrittu
U scumpientu di a Flatta
Eramu in core d'istatina,
Di lugliu, u ghjornu vint' unu.
Si mosse un ventu di sicchina
D' accucane qualchì unu.
E Vetta, l'hà infiarata
Una manu scellerata
Un ci hà trovu nisun' straziu
A rodesi cardi è fenu,
Vicinu à Sant' Ignaziu
U chjosu ne era pienu.
A pigliassi a cullata
Un' uretta l' hè bastata
Ghjunti sò i cumbattanti
A parà nantu à lu fronte,
Brucavanu i orilenti,
Neru era l'orizonti.
In la machja chì sudava
U focu s'incaminava.
Partani, dopu e bardine
Si murianu anch' elle,
Si scuprianu e cunfine
Di quell' antichi chjuselli
Mulava u so pindinu
A rota di u mulinu.
Si sentianu i lagni
Di tinte capranelle,
Sottu à i fieri castagni
E quelli di e vitelle;
Circavanu i caselli
Omi, donne è zitelli.
Pienghjanu lu pastore
E a ghjente in lu pagliaghju,
Ci vulià lascià corre,
Era u solu avantaghju;
Chì à u Vile di coce in fornu
Hà da vene lu so tornu.
Hà da vene lu so tornu.
Hà da vene lu so tornu.
Parla u core
In la memoria c’he scrittu
Stu ghjornu dopu a natale
Era lu stado dirrittu
Crosciu da u timpurale
Sottu a la prima girata
A to vita s’he firmata
Una ciuccarella chjama
Da poi in casa toia
T’aspetta incu a so mamma
Ti dava tamanta gioia
Ma risponde ora un poi
Chi a l’eternu tu ti trovi
In lu chetu campu-santu
Un si piu solu oramai
Chi si n’he vinuta accantu
A zitella che tu sai
A tendi cumpagnia
Ogni tantu una cria
Pe circa di dalla vinta
A i to crudi malanni
A forza un l’hai finta
Hai luttati tre anni
A forza unl’hai finta
Hai luttatu tre anni
E u vint’unu d’aprile
Di soffre ne eri stanca
Chi da stu male ostile
Nisunu un la si franca
Chi da stu male ostile
Nisunu un la si franca
A u destinu funestu
A morte he a so paga
Ma sempre tardi e prestu
Laga aparta una piaga
Ma sempre tardi e prestu
Laga aparta una piaga
Ci so tanti scunsulati
Fra parenti e amici
Voi l’avete lasciati
Oghje so elli infelici
E quandu soffia lu ventu
Porta lu nostru scumpientu
​
