Esciutu in lu 1977
Sorti en 1977
Musa di u populu
A serra a veghja
Mamma o ma
O tempu mattu
Spera
Baratti d'aprile
Settembre
O settembre chì furtuna
di stagione assignalata
ore dolce ad una ad una
da l'albore à l'abrucata
parenu u sole è a luna
nati quì pè l'accurdata
O settembre deliziosu
à culori luccichenti
colmu di tutti i talenti
pittore maravigliosu
faci u tempu laziosu
è calmi timpesta è venti
O settembre chì piaceri
dopu una statina ardente
di gode li ghjorni interi
sott'un celu tralucente
à mezu à natura bella
turnata nova ind'a mente
O settembre d'uva gialla
è di ficchi pisciatini
quandì l'acqua hè sempre calla
in i fiumi canterini
chì sarà in l'aria chì balla
di ricordi zitellini
O settembre quanti odori
maturati in sulleone
cum'è mazzuli di fiori
prufumu di a stagione
chì li mandò sti favori
qualchì fata per passione
O settembre puesia
ti si tene tantu caru
ma cumu ti diceria
fighjendu lu mare paru
ci lecu una nustalgia
sarà qualla di u scularu
​
I bacchi rossi
Veranu
Notte,casa
Ma francescu
Castagniccia
Arietta
Partenza
Giracapu
​
U to nome
U to nome, mi n’arricordu
quand’o u intesi a prima volta
U to nome rima a terra
è mi scumbuglie
U to nome hè dinù a mio miseria
u mio penseru
chì balla u rondu
in giru à u mondu
U to nome m’hè pianu pianu diventatu
una brama stellata à i quattru venti
s’o u vogliu assumiglià
à u volu di i to ochji
sviliti forse da a pena
ma guardiani eterni
di i nostri viottuli,
di i nostri paesi
è di i nostri limiti
s’o u vogliu assumiglià
à u sonu di cristallu
di a nostra libertà
Nascita
Indu u ghjornu suttanu a pampana hà trizinatu
Mentre ch'aostu passa è vene
E a si sciala longu mare,
Calzu sì è calzu nò
L'avenire hè infilaratu
State à sente o zitelli,
Chì qualcosa nasce oghje
In u trastusgiu di l'estate,
In i calori piaghjinchi;
Qualcosa nasce oghje
Di pazienza trapassata,
In e poste à e lustinche
Di u chjampidu dulore;
Qualcosa leva oghje
Issu cavallu Libertai
Chì ci ruzerà davanti,
S'omu sà apreli l'ale;
Qualcosa oghje leva
Versu l'Aleria rumana,
Un sole novu ribomba,
A storia corsa chjama à dumane.
​
​
