esciutu in lu 2010
Sorti en 2010
Malincunie
Mare nostru
Spechju di e partenze vechje
Mare turchinu frisgiatu a bianche dentelle.
I'hai intesu sunà u cantu di u tempu
E se tu stai inutu eo si chi ti sentu
Mare nostru
Lacrima scorsa a i venti
Ochju d'acquale fattu di terra e di focu
Di e cunquiste passe u testimoniu premiu
T'hanu furatu u stintu, u core è lu geniu
Mare nostru
Saltendu scogli è batelli
Porti è bandere, credenze, sarre è cunfine
Tale ssu Rè bramatu da una sirena
Ti pesa una cundana a noi chi ci mena
Mare nostru
Tempu
Quant'hè longa l'ora longa
Quantu pesa u so cantà
Si bilancia ti rilancia
E ti lascia a lu to sunnià
Corta stonda a seconda
Chi un ti vole mancu rifiatà
Ti stuzzeca si trineca
Un ti lascia u tempu di campà
E'puru un si misura
L'universu e l'eternità, l'eternità
Chi idea ,chi miseria,
Chi ghjastema di vulè cuntà
A minuta chi he minuta
Tropu corta per imaginà
Stonda schersa strada spapersa
Se tu avvicini si mette a scappa
Una vita chi ferita
Quandi u tempu vene e si ne và
Mare scioltu mare accoltu
U to core si fascia purtà
quant'hè longa l ora longa .
L'Orezza
Qui l'Orezza l'hanu chjamata
Issa richezza di a natura
Altu pratu di Cursichella
Issù giardinu di virdura
U so castagnu frondutu
chi li dava fruttu e friscura
Qui Lamici scuntrerai
Ogni sera e ogni mane
Incu lu fieru san petrone
E a punta di e caldane
Poi tra mezu ci truverai
Calderucciu, tre funtane
Da le cunfine orezzinche
Scuprerai issu cantone
Chi ci dà u baticore
E ne cresce le mio passione
Guardemu a un lascia more
A ssu locu di tradizione
Ci hè dinù a malincunià
So le mio malicunie
Di gioie e ferite
Ch'éo ti vogliu cantà
Forse'cu le mio poche rime
Quattru parulie scritte
Per u to sunnia
Chi oghje strutte so le famiglie
Lazze di tutte invilie
Di un dumane à campà
Avalè arritti omi e done
Accuncemu le somme
D'un destinu à sfidà
Quale di è voce suprane
Mezu à le stelle arcane
Quale ci po francà
L'avvene inc'u stintu di resistenze
Di tutte l'anime corse
fin'à l'eternità
forzà paisanu
Auturnu
Inde a nebbia vanu da l'auturnu ascosi
Un boie è un paisanu inde a nebbia pagna
Chi veste i pughjali miseri è vargugnosi
Canta u paisanu in la grisgia campagna
L'amore datu in guanu à un indegnu core
E l'anellu traditu da una infida manu
Ormai l'auturnu l'estate hà fattu more
Inde a nebbia pagna duie ombre si ne vanu
E canta u populu corsu
ùn ci hè tempu à chi sà li soi
Par iss'orisonti ormai toi
Viaghja fieru è senza rimorsu
Chi canta u populu corsu
Un ci hè pena à chi sà la tarra
Quidda chi la to voci impara
In lu to fiatu chi si hè mossu
Ci canta u populu corsu
Un ci hè muru à chi teni à menti
Cio chi tù feci
E nun ci hè pienti
In lu me versu chi t'hè porsu
Ci canta u populu corsu
Un ci hè cunfina à l'alligria
Chi la to ghitara dicia
E li nosci rimi in l'inchjostru
Ci canta u populu corsu
Un ci hè tempu à chi sà la tarra
Par iss'orisonti chi ci impara
Lu to fiatu par sempri mossu
Chi canta u populu corsu
Essa la Corsica
Essa la Corsica chi nasci
In lu ricordu chi tu lasci
Essa la Corsica ingrandata
In l'a vena di a to scarpata
Essa la Corsica tamanta
Quidda chi vinci è chi s'incanta
Essa la Corsica ancu à fà si
Solcu dopu à li primi passi
Essa la Corsica l'idea
A tempu la toia è la meia
Essa la Corsica chi preca
Chi à la funa nun s'acceca
Essa la Corsica chi spera
In la so passioni lumera
Essa la Corsica ch'avvinghji
Chi fanca mari è monti è stringhji
Essa la Corsica insemi
E supranà li li ghjastemi
Essa la Corsica di loghji
Senza li travi o li pastoghji
Essa la Corsica infini
Da lu principiu à la fini
Crescia in la fedi cumuna
Cu middi visi è voci una
U merlu biancu
Dinù ne vuleria lascià corre
Libaru u filu di a mo memoria
Ammintuvavvi un tempu d'amore
Chi conta un passu di a nostra storia
A l'entre di u seculu andatu
Accoltu da e più grande capitale
Ci hé un figliolu di cirnu ch'hà innuratu
E cime di u cantu universale
Da mè ghjustu una voce merlu biancu
Ghjustu una voce senterai
Da mè ghjustu una voce merlu biancu
Ghjustu pè ringraziatti assai
Manon carmen l'africana
Passione rialata
Di la to voce eliseana
Ne trema sempre anc'oghje l'operata
Eo so chi ind'è a volta a più suprana
Cun tè Napuleone di u bell'cantu
Galoppa cavaleria rusticana
Eroica pè un viaghju tamantu
Da mè ghjustu una voce merlu biancu
Ghjustu una voce senterai
Da mè ghjustu una voce merlu biancu
Ghjustu pè ringraziatti assai
L'anima toia un more mai
Saleccia
dop'avè sculpitu u mondu
A u tempu primaticciu
A l'orlu di l'agriate
Diu s'hà fattu un capricciu
Hà zuccatu un paradisu
In'ssu locu tantu aspricciu
O Diu lu più supranu
Site statu bè manescu
D'avè creatu à Saleccia
Locu tantu pitturescu
Marina à mezu à scogli
Machja verde sole è frescu
Quand'ellu sprichja lu sole
Sopra l'onda cristallina
Ci spruzza mille culori
A fior'd'acqua ballarina
Tù si la preziosa perla
Nant'à lu mareterraniu
Si più bella che la vènere
Escendu da lu so bagnu
Spechju di l'agriate
Arrimbata à lu to stagnu
In tempu d'angosce é doli
A tagliu di rena bianca
Per spallà u resistente
Accusto lu Casabianca
Ma oghje canta la pace
L'acellu nant'à la branca.
Amor
Un nasucciu ajfilatu, l'ochji neri
Inc'un sguardu chi caccia tutti i penseri
In fronte a capilera sia un decoru
E trecce castagnine culore d'oru
Di altezza ch'ella sia mezana
I merli a culor di mela ingrana
Incu l'anche finarelle micca minute
Ma chi solu da me sianu piacciute
Di vita propiu snella e mani assutiliate
Simile a quelle di e piu belle fate
Ch'ella possi riluce tale un stellu
E di la sucieta sia un mudellu
Alegra, virtuosa dolce e fattia
E ombra ch'ella un'appia mai di ghjelusia
Ch'ella appia benesta quantu che bellezze
Senza purtantu ave troppu richezze
Ch'ella mi porti un amore prufondu
Per quindi e ancu per qu'ellu altru mondu
Gentile cavalieru
Induve si statu a cena, u mio caru gentile, n'un possu piu dine
O di me o di me
Induve si statu a cena, gentile cavalie
So statu ind'è la mio cara, u mio core sta male ma male mi stà
So statu indè la mio cara , u mio core sentu andà
Chi ti'hà datu per cena, u mio caru gentile, n'un possu piu
Dine, o di me, o di me;
Chi ti 'hà datu per cena, gentile cavalie'
M'hà datu l'anguilla in arrostu , u mio core sta male ma male mi stà;
M'hà datu l'anguilla in arrostu , u mio core sentu andà
Ma dimmi chi pezzu ti hà datu, u mio caru gentile, n'un possu
Piu dine, o di me o di me ;
Ma dimmi chi pezzu ti hà datu , gentile cavalie'
M'hà datu u capu e a coda, u mio core sta male ma male mi stà
M'hà datu u capu e a coda , u mio core sentu andà
E dimmi cumu l'hà piscata,u mio caru gentile, n'un possu piu dine o di me o di me
E dimmi cumu l'hà piscata gentile cavalie'
Incu a stanga di l'ortu, u mio core sta male ma male mi stà
Incu a stanga di l'ortu , u mio core sentu andà
Chi lascii a la to mamma , u mio caru gentile , n'un possu
Piu dine o di o di me
Li lasciu l occhji da pienghje , gentile cavalie
Chi lasci a la to cara gentile n' un possu piu dine o di me o di me
Li lasciu tre palmi di corda per pudella impiccà
Un ci hè bisognu a di
Un ci he bisognu a di tutti i mo batticore
Unu à unu lampati à pressu à li to sguardi
Un antru ghjornu hè natu, pisatu d'a to voce
Chi sveglia i ricordi vissuti tempi fà
A piazz era bianca è tu ci si passata
A palma di u sole un vulia stancià
un surisu si hè fattu a l'arice d'u sonniu
Hè principiatu tandu l'arcu di nostri ghjorni
A cullana di l'anni un ci hà mutatu nunda
A passi piu sappiuti u chjassu hè piu frollu
Duv'è no simu andati un la di mai a nimu
Qualchi celu ghjelosu ci puria annuchjà
Cumu hè ch'u sole ciotta
Malgradu a nostru amore
U lume serà tontu à un sente issa risa
Chi avvampa è to labre per sopra
L'attrachjata
​
