Lingua Materna
Melancunia
Sta sera coll'in me a nostalgia
d'un estate chi more pianamente
purtenduci uttrove e i so pittori
chi danu a la furesta mille culori
so pertuti luntanu e rundinelle
adurmintati sa grilli' e cigale
so finiti l'estate e l'amore ardente
principianu e nuttacie d'angoscia
Ma chi s'he ghjunt'a fa in lu me mondu
tu chi campi' nde un altru circondu
misurgu dipoi la ta partenza
u disturbu maio d'issa spicanza
aghju davant'à me sempr'u to visu
Ii to occhji. issu bellu surisu
tandu vergu Ii ghjorni cusi belli
passati a ghjucà cume zitelli
so chi ogni tantu ci scriveremu
ste lettere. anelli di catena
catena d'amore chi ci unisce
ma in tantu ella c'imprighjunisce
funetta chi per a vita ci tena
di u ritrovu ell' a brama ci da
tirrendu piu forte di parte e da
fara chi sempre ci ritruveremu
Tirrendu piu forte di parte e da
sara chi mai più ci spiccaremu.
​
Amore aggrottu
​
Agruttata a u t'amore
0 quantu eiu ci sto be
Scurda mi vogliu ancu di l'ore
Quandu mi trovu vicinu a tè.
Agruttata a u t'amore
Un temu nisun'timore
Ma di sente batte u to core
Ci starebbi ore e ore.
Agruttata a u t'amore
Scatinata s'he la passione
Ma nisunu d'issu amore
Ne cunuscera a ragione.
Agruttata a u t'amore
Guerdu movesi stu tristu mondu
Eiu n'aghju mancu piu paura
Di l'affanosu celu di piombu.
Agruttata a u t'amore
Smenticata mi so di li guai
Si tempu fa eranu neri
Tu ai sappiutu imbiancali.
Agruttata a u t'amore
Ùn'temu mancu a morte
U t'amore hè cusi forte
Chi cambiatu a la mio sorte.
Agruttata a u t'amore
N'he vogliu tene u secretu
U t'amore he la mio grotta
Induvè mi n'he sto a l'aggrottu.
​
Fiumaltu
​
Un bollenu a meza machja
Chjuvellu di la natura
I.:inguernu sott' a la neve
I'estate nu a virdura
Bella in tutta staghjone
A l'ombra di San Petrone
Cusi nasce la surgente
Allegramente murmura
Altru nunda nun si sente
Tant'he calma a natura
A capra nantu a la zenna
Ritene la so tintenna.
Inscrociu l'arba barona
E si ne va vagabonda
Cantendu a so canzona
A u pesciu nentr'a l'onda
Si rigueira le funtane
Di l' ombria e le sulane
Falendu sotta stazzone
Si piglia l'acqua accitosa
E lascia a ogni pentone
Una cinta rughjinosa
Cun altri e pullone a fiancu
Traversa u ponte biancu
Traversa l'antica pieve
Chjuvellu di la natura
I'inguernu sott'a la neve
I'estate nu a virdura
Bella in tutta staghjone
a J'ombra di san Petrone
Qualchi volta furiosu
Di truvassi a lu strettu
Si sperghje nant'a u chjosu
E sorte di lu so lettu
Colla nanta u stradone
Cume Golo e Liamone
Da una surgente natta
E so acque cusi chjare
Torbite so dinvintate
I s'ha pigliate u mare
Soga era u so destinu
Di more in san Pelegrinu
​
Maria petra
​
Aghju in ment' una. gattiva stonda,
chi m'he accaduta, tant'anni fa.
si n'he andata la. me zitelluccia.
Maria-Petra, s'avia da chjama.
Bruna cu l'ochji verdi, saria stata,
dulcerosa e bella, cum'e un fiore,
un surisu, sempre, a le so labbre,
Maria~Petra, ciuccia di u so babbà,
Li saria piaciutu le fureste,
ventu. mare flum' e, alte muntagne
L'animali, a musica. a puesia,
Maria-Petra, n'ha pussutu campa,
Cum'e un tupacciu, addurmintatu,
chi ogni tantu fraga. per discità
issu vecchju, ricordu, cusi stranu.
Maria-Petra, n'un ti possu scurdà,
Issu vecchju, ricordu, cusi stranu
Maria-Petra. n'un ti possu scurdà.
​
Di noi
​
Vuleria supranisce
E zene di u lindumane
ln cun te vicinu a me
Stringnenduti forte e mane
E poi esse adduniti
Cum' e a e mane so li ditti
​
Le chemin des dames
Vecu un pratu sott'à lu sole
È tanti panni tesi nantu
Un acellu piglia u so volu
È aghju lu mio core frantu.
​
Culà l'ochji spenti miola sunieghja
Culà u mio estru corre à fideghja
Culà ci s'hè firmata la mio vita.
​
Vecu un pagliaghju fumichendu
Compulu à l'ora di a munta
È a mio memoria s'accende
Per un pizzacciu di pane untu.
​
Culà Francesc'Antone zappa l'ortu
Culà vecu ballà e barche in portu
Culà ci s'hè firmata la mio vita.
​
Vecu una scola è un tavulone
Sentu mughjà mille zitelli
È di babbò tante canzone
Mi danu u fretu à a pella.
​
Culà Fasgianu trascina duie legne
Culà sentu lu mio paese pienghje
Culà ci s'hè firmata la mio vita.
​
Vecu una ghjesgia sott'à l'invernu
Dui tizzoni è un casgile
A piaghja cutrata è inferma
Ch'aspetta lu mese d'aprile.
​
Culà sentu u ventu frà i pini
Culà di Roccu sentu u viulinu
Culà ci s'hè firmata a mio vita.
​
Vecu un chjarasgione fiuritu
È sentu fiscà i pastori
È tanti mumenti felici
L'aghju inchjudati in lu mio core.
​
Culà vecu a neve per i chjassi
Culà sempre voltenu i mio passi
Culà ci s'hè firmata a mio vita.
​
LIBERA ME DOMINE
DE MORTE ETERNA
​
Torquemata
​
Atti di l'intulerenza
Per dui l' omnopudenza
Brusgianu senza ghjudia
Mille zitelli di ghjudea
Ind' é fiame benedette
Per e sacrate vindette.
​
U celu s'empie di fume
S'insanguineghjanu i fiumi
Per fa l'anime megliore
Sumineghja u terrore
Patre di l'inchisizione
Senza pieta ne perdone
​
Per a terra di Spagna tant' amata
Tumasgiu di Torquemata
Di Diu porti l'armata
Versu a vittoria finale
Per un mondu idéale
ln nome di a purezza
E di a santa richezza.
​
E to ghjese maladette
Di sangue si so cuperte
E to prighere pietose
Dinventonu stridi furiosi
Ind' e passione di u destinu
Fu persu u sguardu divinu.
​
Sottu a l'ombra di Spagna Torquemata;
Ch'elli ribombinu ormai
ln nosti cori questi guai
Purtati da l'antica storia
Stampati in nostra memoria
Ch'un che di nunda di piu supranu
Che u rispettu di u cristianu.
​
Schoelcher
​
Era puru natu inde una ricca famiglia
ne hà prufitatu e a parechje a fatt' imbiglia
ma quandu ellu hà scupertu s'attrocita.
Ha vist'i cristiani di quella razza culurita
tu tt'intravulati avendu l'anima ferrita
vinduti cume bestiame a li marcati.
​
Sempr' a corpu viotu sottumessi impastughjatti
omici e straziendu capi calati spin' invurvati.
cantendu a sottu voce lu so dulore.
Da li so patroni demonii e scelerati odiosi
avianu paura pinsendu mancu a rivultassi
sapiendu chi solu a morte li cacciera.
Cu l'appughju di li so fratelli di a lumera
Vittoriu ha fattu chi s'arristessi issa galera
Chi di u schjavitu sia l'abulizione (Bis)
​
Salvatichella
​
So nata a la campagna
Allevata a lu fucone
Cun' mamma e surelle a fiancu
É Ii mio tre fratelloni
Sentendu cunta e folle
Di babbu e di mammone
E cusi s'he arradicata
A meia l'educazione.
​
A mio casetta isulata
Piatta in lu vertanese
Ancu vecchja e scarciàta
Ricevi ghjente curtese
Cuma li to primi raggi
Quand' ellu spunta u sole
C'hè pace è serenita
Quessa he la mio vulunta
​
A mane a la svegliata
Dopu ave betu un caffe
Mi n' he vogu sottu a pineda
Ci pigliu un certu piace
Mi pare d'esse in paradisu
Quandu il sole carezza u mio visu
E di tutte isse sensazione
N'hé so piena d'émuzione.
​
Che tantu arburatura
Inturnata so di macchja
Mi sentu cusi sicura
Selvatichella so chjamata
Di campa cume voi altri
Eiu un' aghju primura
He la vita ch' aghju sce!tu
E senza alcunu rigrettu.
A vita ch'eiu m'aghju fattu
A passu cun' cuntentezza
Aghju per sola furtuna
A liberta chi richezza
E n'he ringraziu a Diu
Di dami a so salvezza
E ringraziu lu mio Diu
Di sparte tanta bellezza.
​
Tragica muntagna
​
Tanti signozzi e addisperi
Per quelli d'oghje è queli d'eri
Tanti pienti è grandi dulori
Quantu lacrime a crepa core
N'hè inghjeluside Ii giuvanotti
ln questa di Ii vostri aggrotti
​
Le vostre cime so invigliati
Muntagne in tutte stagione
Tante ghjente n'hè so beate
Cun'ventu è sole 0 nivaghjone
Cantanu le vostre vadine
D'aeque pure e cristalline.
​
È ch'ellu sia u Monte Cintu
Punta Minuta incu lu Falu
Bella Licciola incu Verdattu
A Paglia Orba è u Tafunatu
A Punta Artica incu lu Tozzu
Fiera Maniccia cun lu Timozzu
​
Quessi so siti di gran rispettu
Ci vole à mentenne l'USu
È quellu chi a vole fa soiu
D'impatruniscesi d'issu locu
Tandu si chi a dotta hè cara
Di a so vita ellu ne paga,
​
Muntagne bianche è luminose
Vestute 0 nude sempre pumpose
Bramade site per ogni cose
Spessu è tantu tradimentose
Tutti l'ani in le vostre zene
Di piglia vite vi cunvenne.
​
Cristella
​
Ritenutu aghju di te
Cu he grande la to dulcezza
N'he sentu sbuccia in te
A prufonda tenerezza
U to core cusi grande
Sempre ellu he pronto a da
Forze he un bisognu per te
Di sustenne e d'aghjuta.
​
Lingua materna
​
Di parla in la mio lingua
Ci pigliu piace tamantu
Di cantà in la mio lingua
Per parechji hè un incantu
Si certu t'anu smenticatu
Provu eiu a ridatti fiatu.
​
Lingua mea ti vogIiu canta
Tu la mio sola eredità
Lingua mai n'un ti lagni
Ancu essendu rinicata
Da certi di to flgtioli
Di malendrini affucata
Chi t'anu persu di vista
Rendenduti cusi trista.
​
Lingua mea parla sacratu
Di l'eruditu antenatu.
Lingua mea piu che nisunu
Quantu n'he si stata offesa
[n tempu di Santavugliu
In'de le scoIe difesa
Cun'li to fidi figlioli
A to fiama ferma accesa.
​
Lingua mea tantu straziata
Per me sacra in me stampata.
Lingua mea lingua materna
Per me resterai eternal
Da l'antenati lasciata
Cun'li babboni amparata
E cun' speme in st'avenne cunfusu
Chi to figlioli menteneranu l'usu.
​
Lingua mea he lu to nome
Corsa he lu to cugnome.
​
Casa di minana
​
ln la casa di minana
se voi sapete ascultà
C' he una voce zitellina
Chi si ne piatte quala
l'.aIbitronu e lu castagnu
Chi m' anu vistu ingrandà
S'anu chi di tantu in tantu
Mi si verenu affaccà
​
Ci'aghju qui massi tisori
Di poi la me ghjuvenru
E di sti mumenti aIlegri
Oramai un mi ne scordu piu.
​
A matina di bon'ora
U muscu di bon caffe
Chi minana priparava
Per me figliolu di re
Nantu lu gran tavulinu
Mele latte e cunfitura
Certe volta un biscutinu
Co magnavu cu gran primura.
​
Si passava la ghjurnata
Cun dulœzza e alIegria
Sinamente à la serata
À ghjucà inseme in armunia.
​
Una vita cusi tranquilla
Senza ave nissu castichi
A campa cu a natura
A mezu Ii nostri amichi
Ma quantu n'aghju rigretti
Di sta vita paisana
Di sta ghjente cusi bravi
Chi so partuti qualla.
​
C'era Ceœ u capraghju puru e sinceru,
Lalola e zia Livia di u topu, e piu brave
C'era Graziosu, Toto, zi Petru, Antone di u caffe.
Zu Pichjarinu, Ghjasipolu, Matteu, Meme e Santacho,
Ghjuliu di e Piazze, ziu Petru calabranu
E za Livia barachedda
​
È dapoi tant' annate
Tutt'issu vecchju passatu
A u filu di e staghjone
N'un s'he micca scancellatu
ln la casa di minana
Se voi sapete asculta
C'he sta voce zitellina
Chi si ne piatte qualà.
​
Ci'aghju qui massi tisori
Di poi la me ghjuvenru
È di sti mumenti allegri
Oramai un mi ne scordu piu
​
Nantu rena
​
So falatu nantu rena
aghju vistu una zitella
ch'appruntava a so cena
e si stava da per ella
quant'ella m'ha fattu pena
d'esse sola e cusi belia.
​
Mi n'he sa calatu a cantu
fendu'un bellu surisu
ella n'ha fallu altre tantu
ma per rendemi décisu
s'hà circatu un'altru cantu
per fà mi scambià d'avisu,
0 cume tu si mal'pensa
eiu so bene allevatu
facciu tuttu cun' cuncenza
cusi so stati amparatu
tanta puru la to scenza
un'faci mica un piccatu.
​
Mi pari be degurditu
tu per esse un paisanu
avia dighja capitu
a vedeti da luntanu
chi so ti dava lu ditu
tu ti pigliavi la manu.
Un' fideghja piu faccia'l'altri
perch 'ognunu pensa à se
ma perche nai privacci
d'issi piu belli piace
veni'furia ch'eiu t'abbracci
è fà l'amore cun'me.
​
Dopu Issa bella stondata
ch'e n'aviamu passatu
aghju dettu a quella fata
Ii vogliu resta featu
ma ella si n' he andata
è solu mi sa firmatu.
​
BANDERA NOSTRA
​
I n trenta cinque di lu seculu diciottu
di ghjennaghju fù pigliat' a decisione
in la cunsulta di' u gruppu patriottu
di adutta l'emblema di a nazione.
​
Bianc' e nera di lu moru stampata
ella hè per li so figlioli cari
l'isulani è l'altri di a pianetta
a luce chi riscalda tutt'i cori.
​
Quand' in lu celu ella sbattuleghja
alzendus' sempre più fiera' è più alta
ch' in lu ventu cù rimore sciaffitteghja
sussureghj' a scialma di a libertà.
​
Testimone di la nostra antica storia
baldanzosa hè issa bandera Corsa
una ricurdenza d'issa memoria
ghjè l'esserè di la Corsica nostra.
​
Ella ci dà forza curaghju è fiatu
per ricusà ogni sottumissione
ella hè per lu so Populu fattu
un vivace simbulu di a nazione.
​
Pronti à tumbà so sempre l'insurreti
nantu à strada di a liberazione,
cunquisti sensa esse mai arresi
i Corsi' ùn campan' in duminazione.
Dio vi salvi regina
​
Dio vi salvi, Regina
E Madre universale,
Per cui favor si sale
Al paradiso.
​
Voi siete gioia è riso
Di tutti i sconsolati
Di tutti i tribolati
Unica speme.
​
A voi sospira è geme
Il nostro afflito core,
In un mar di dolore
E d'amarezza.
​
Maria, mar di dolcezza,
I vostri occhi pietosi,
Materni ed amorosi
A noi volgete.
Noi miseri accogliete
Nel vostro santo velo,
Il vostro figlio in celo
A noi mostrate.
Gradite ed ascoltate,
O Vergine Maria
Dolce, clemente è pia,
Gli affeti nostri.
​
Voi, dai nemici nostri,
A noi date vittoria,
E poi l'eterna gloria
In paradiso.
​
​
