L'albore
Eiu Ti Mandu
Eiu ti mandu nant'a l'onde
In lu batellu chi va
Incu parolle inturchinate
Da lu mio portu qualla
Cu 'ssu pezzucciu di fogliu
Fattu d'inchjostru di memoria
U mare un sera piu ch'e oliu
Cu lu mio filu di scrittura
Eiu ti mandu, solu a te
Oghje in ogni tempu chi si passa
A mio fede he lu to sguardu
E in terra qualla
Ci he lu mio amore suminatu
Eiu ti mandu, solu a te
Pensendu a la to dolce pelle
Ti scrivu un testu chi ti vale
E ti dumandu in 'sse parolle
Imprestammi le to ale...
Brama D'amore
So solu senza te
Aghju a brama d'esse cun te
U mio core he tristu
Chi batte, c'era s'estate
Avia a passione d'ama
Ma cum'e, dicenu l'amore he cecu
Alora ci simu lasciati
A liberta
Ti tengu cara zitelluccia
Si luntana di me nant'a 'ssa terra
Ma si prisente in me
In lu mio core
Quellu chi ha fattu, u nostru amore
M'ai scambiatu a mio vita
M'ai mustratu a strada
Cum'e un sognu chi corre
In passendu cun te, tutte 'sse ore.....
L'albore
Nant'a a piazza di a scola
Si prumena una zitella
Cum'e he grande a so dulcezza
Tutti i mio guai diventenu carezza
Accantu a te, tutt'he tenerezza
E 'ssa canzona vale una richezza
E quand'ellu spunta u sole
sentu in me nasce mille fole
Sopr'a u paese pascenu e mufre
In fiuminale ogni pozzu ci sta truite
In le muntagne vole l'altore
E he sempre cusi dipoi l'albore
Quassu nant'a u Monte Cintu
Ci he l'anima di u ricordu
Chi mughja a fraternita
Per un avvene d'eternita...
In corsica di niolu
Sta u mio bellu paesolu
Di a costa ne so figliolu
E quandu so turmintatu
Ellu mi piglia per la manu
Infernu
Dà le to mane O fratellu
M'ai purtatu l'infernu
I mio lametu dà lu celu
I senterai per l'eternu
In'ssa ghjurnata istatina
Un diavule chì s'avvicina
Chì brusgia cù lu so calore
I to pulmoni, lu mio core
Sò a furesta addisperata
Di a nostra terra ruvinata
I paisoli sempre in dolu
Dà malasorte d'un figliolu
Vogliu chì le mio lacrime
Spenghjenu tutte le fiamme
Chì portenu quessu malore
Ci empienu di dulore
Un fate male à stu cecu
Oghje per ellu eiu pregu
Per fà ritruva la mente
È la so fete mai spente
Sò quessa maghja addulurata
Chì dà lu focu incadenata
Ind'è lu fume s'addispera
Avà ormai eiu ùn Sò ch'é sera
Ti lampu una chjama O ghjuventù
Per avanzà in'ssu cumbattu
Cun fedeltà è cun curagiu
Fà rinvivisce lu mio missaghju
Per un avvene piu
Senti 'ssu cantu chì ti dice
" Ùn pienta mai di luttà
È la furesta camperà"
Sò a furesta addisperata
Di a Nostra terra ruvinata
I paisoli sempre in dolu
Dà a malasorte d'un figliolu
Sò a furesta addisperata
Di a nostra terra ruvinata
I paisoli sempre in dolu
Dà a malasorte d'un figliolu
Sognu
Un ghjornu aghju scuntratu
Danvat'à u mare maestosu
Un sognu chi mi paria
Appena bughju
Mi so arrizzatu
È aghju fighjatu
Quallà nant'à u sole chi si pesa
Una storia s'hè fatta per fà cresce u colore
Di lu mio core
E aspettendu e fiamme mai spente
Di l'amore
Sô u ventu chi mughja
Quassù versu a luna
A voce di l'amore
Chi serà sempre in bullore
Una notte so cullatu
Versu un paradisu luntanu
Nant'à e stelle
Di a vita
So di'ssa terra
So di'ssa terra ribella
È di'ssa memoria guerriera
So di'ssu populu eternu
Sentu lu mio cantu sperendu
Camperà
A chjama di le to muntagne
Di li to fiumicelli d'oru
Per fà rinasce le valore
D'eri chi eranu tesoru
Libertà
Sentu una voce chi mi chjama
Dicendu veni à aiutà mi
A mio lingua si ne và
Avà ci vole à arrizà si
Cursichella
Oghje ti vecu sunnià
A ghjuventu piglià cuscenza
Chi l'anima un hè piu avà
E ch'ellu si ne more u so campà
Terra mea
O Corsica la to fiamma
L'aghju in pettu cum'è un'alma
In fondu di lu mio core
Ti canterraghju sin'à more
Corsica
Stai accantu à mè
Ti purteraghju à lu fiume
Ricatarendu petrette bianche
Abbagliulerà ti cù u lume
Di u mio core chi si franche
Ci bagneremu in l'acque chjare
Duie carezze, basgi d'amore
À l'infine sin'à u mare
È po piantà ci duie fiore
Ùn lascia pienghje lu mio core
È stai accantu à mè
Lu to visu m'hè zuccatu
Per l'eternità
S'arrizzeremu à l'albore
Di'ssa ghjurnata à lu to fiancu
Ti purteraghju lu mo calore
À lu to corpu fattu d'oru biancu
Dopu riculleremu i fiumicelli
Per richjappà ci e care muntagne
Ascultendu u cantu di l 'acelli
È cunfissà ti l'amore è le so fiamme
U tempu passa
Un figliolu hè natu in paese nostru
U tempu l'ha fattu zitellu vostru
Parenti è amichi ne so tutti fieri
Di vede ingrandà stu chjucu senza penseri
Da zitellu pianu pianu omu diventerà
In lu so paese la so piazza troverà
E cusi un ghjornu e granelle suminate
In l'ortu di a vita e rosule sbucciate
L'ore passanu senza mai arristà
L'omu ùn puderà mai fà le pientà
E simane, i mesi, per noi parteranu
Eri, oghje è durnane i ghjorni si 'anderanu
Barbara furtuna
O Barbara Furtuna sorte ingrata
A tutti ci ammulisce, u core in pettu
Pensendu, à quella libertà passata
Addiu Corsica, mamma tantu amata
Nel separar di tè senza ritornu
O chi dulore nel anima scunsulata
Un Pianteremu
Di st’arba maladetta
U nostru paese si techja
A ghjuventù di CursichellaÀ ‘ssu vilenu corre anch’ella
Oghje hè tempu di finisce
Contr’à ‘ssu malore ci vole à reagisce
Quelli chì volenu tumbà
Anu da smarrisce
I nostri ghjuvani i faranu capisce
À la punta di l’acu ci hè l’infernu
È sti mulizzi lampemu li à caternu
Oghje ind’è u nostru core
Ghjè l’inguernu
Ma dumane vinceremu
Sta canzona hè fatta per tè
Chì vendi ‘ssa rubaccia
Stà à sente a mio ghjuventù hà da esse pura
Insemu cù i nostri pugni lotteremu
Per fà ti cascà in lu bughju eternu
Ùn avemu micca bisognu di a to droga
Per fà la campà
A nostra terra sarà una rivolta
Per mustrà a putenza ch’ella porta
R
Ma dumane, lotteremu
Ma dumane, un pianteremu
L'esiliatu
Nanz'à un viaghju supranu
Mi ne so andatu sempre luntanu
U mio paese di forza aghju lasciatu
Per vince un pezzu di pane furzatu
Di sta partenza ùn ristava ch'è pienti
Aghju lasciatu i mio cari parenti
N'aghju pigliatu per quarant'anni
Treni, avio è batelli
Aghju lasciatu quallà la mio armunia
Per vive cum'è un strangeru
Cun tristezza è malincunia
Ma per mè un ghjornu l'esiliu s'arresterà
È ritruvendu i mei u mio core s'aprerà ...
Chi se dumane?
Chi se dumane?
À l'orlu di a vita
Chi serà dumane?
Per un populu smaritu
Epica nera è sanguinosa
Chi hà strappata in pettu
A i nostri fratelli
Amore è spartera
A l'oramai sminticati
Stà à sente e nostre voce
Stà à sente i to figlioli
Risenti'ssi lamenti
Affundati di suffrenze ...
Suminemu u granu di a pace
Per fà chi dumane
'Ssa lotta principiata
Trovi un sensu di verità
Sunniata più ch'è mai
Senza esse scunsulata
Amore di sempre
Amore d'una mamma
Quellu chi si cerca
Per la sempiterna eternità
Cù a forza di perdunà
Cù la to sincera pietà
Fà schjarisce'ssu caminu
E lucicà lu to surrisu
D'un zitellu appena natu
Di a virtù chi l'annu datu
Un omu diventerà
Cun'ssu caminu di benestà ...
​
​
