Canzone Corse

STORIA ANTICA

Tantu ch'un bracciu tenerà
In aghjettu sta bandera
Un solfiu mentre i cori
Una vita pè l'onori

I mio culori bianch'è neri
Sò a mai in penseri
Testa mora fasciu alzatu
Un paese tant'amatu

Storia antica
Populu unitu
Nantu a strada di a libertà

A l'alba spampilluleghja
C'hè tant'omi à fideghjà
Capu à l'albore a gloria
Pè a Corsica a vittoria

A culomba pè a pace
Ghjè un isula capace
A sfrulla nell'eternità
Pè girà a nostra vita

Storia antica
Populu unitu
Nantu a strada di a libertà

Ma c'hè bisogna à cambià
Un fogliu anu da stampà
Trà l'amore a passione
Di una terra a nazione

Tantu ch'un bracciu tenerà
In aghjettu sta bandera
Un soffiu mentre i cori
Una vita pè l'onori

Storia antica
Populu unitu
Nantu a strada di a libertà

VOGLIU ESSE

Vogliu esse di quetta stesa
D'issi pueti spariti
È scrive senza pretesa
Le mio rime preferite

Esse erede di la storia
Di u seculu d'i luci
Culombu é Andrea Doria
Sambucucciu chi cunduce

Vogliu arricà la mio petra
Chi casa sciolta hè cultura
È cantà cun vechja cetera
L'alfabettu di a natura

Francà tutti i cuntinenti
Ogni novu lindumane
Fà cresce li sentimenti
Cum'é lu fà di u pane

Venerà la tribbisonda
Chi t'ampara ancu à more
Tempu chi rode la fronda
La mio arte é lu mio core

Tandu carcu di memoria
Di canti é d'impruvisate
Cum'é un vechju conta storie
Ch'aspetta l'ore beate
Ghjucheraghju à coppiu è nescu
Bivendu lu vinu frescu

LACRIME DI SUDORE

E battaglie nante core
Ne hà fattu un labore
E cerchendu un cagione
Pé mette un faccione

A persona azzicata
Piazza di pede in staffa
U campione spanticatu
Ché u quadrettu hà chjamatu

Un colpu à duie mane
Riuscita di dumane
E cù i mo pugni strinti
Tumbà i nemichi vinti

E pé e folle venite
Esibi e to ferite
Incappa ! Metti lu male
Hè à lu file di spalle

I colpi collanu in testa
Di un De Niro in festa
E lacrime di sudore
Minichere nel orrore

Passa l'acqua sott'i ponti
Cù solu pane à rompi
I ricordi in memorie
Daretu à stu tempu chi corre

Passa l'acqua sott'i ponti
Cù solu pane à rompi
I ricordi in memorie
Daretu à stu tempu chi corre
Daretu à stu tempu chi corre
Daretu à stu tempu chi corre...

U MALANNU UMANU

Natura umana cusi ingrata
Ai i cunfini cusi mischini
L'omi so nati diavulini
Un stanu sempre i più fini
Tant'a gioia hé sculurita

Un sò s'eu veghju o sunnieghju

O amicizia chi scimizia
Un' avia tanti amichi
Un so stati tutti antichi
Di fedeltà so pochi ricchi
U core à piccia piccia

Un sò s'eu veghju o sunnieghju

Di l'omi n'aghju una tichjina
A lu core m'anu feritu
U mio sognu adduluratu
A l'addisperu insanguinatu
A la mio vita chi strascina

Un sò s'eu veghju o sunnieghju

Cusi breve la to corsa
Cusi tristu lu to destinu
O chi tant'amore divinu
Diu hè d'avvene malduvinu
Un hà valore ché a borsa

Un sò s'eu veghju o sunieghju

CORRIDA

Nantu à sta rena ardente
Solu u ventu si sente
E daretu à ste porte
Chi nasce pè a sorte
Di cumbatte l'arcifalu

A pedi o in cavallu
Sorte u toru nacri fume
Contru stu vestitu
Vestidu di lume

Ouandu intacca di fronte
Pé tramutà stu monte
Vive trà l'amore di
A cara seniorita chi
U mandilellu in manu

Lotta pè u mondu umanu
E vive di u cumbattante
Manda un basgiu
Basgiu pè l'amante

Tinghje di sangue u pilamme
Duve incrugnanu e lame
U fiurettu frà u spinu
Pè sugellà u destinu
Di u toru affannatu

Trà a corrida hè natu
Pè a bestia ùn ci hè che a morte
Quandu ghjé l'omu
L'omu u più forte

Una «rosa» pé a bella
Trà a cità a nuvella
Di un grande matadore
U cappellu nant'u core
A bandera sopr'e spalle

Mostra quant'ellu vale
E frà l'incisa a sumiglia
Incù u babbu
Babbu a famiglia

L'ARTISTU

Sò l'artistu di lu sognu
Di e morte nature
Forse cun qualchi bisognu
Ma cun poche primure

Sa l'artistu di i culori
Senza donna o famiglia
Chi canta li so dulori
Senza casa ò mubiglia

Scena fatta à tavulacciu
Ed abbagliulante lume
Funambulu scemu ò pagliacciu
Faccitinta ò negrufume

Sò l'artistu di u viaghju
Soffiu di zitellina
Dormu in lu fenu di maghju
L'arte dà gran briachina

Chi la mio musa più bella
Mi dia la so ricchezza
Ch'aghju campatu cun ella
Omancu senza cavezza.

Sumenu cù la mio mente
La mio voce o la mio penna
È a fola di u mistente
Hè qui a mio sola strenna
Cun surisu o forse tristu
Eiu mi chjamu l'artistu

GUERRA

Quandu un omu lotta pè a so nazione
Lascia a so famiglia è parte in missione
S'empienu di lacrime l'ochji di u zitellu
Chi vede u so babbu parte in battellu

Hè chjamatu pè l'armata ùn pò più rinculà
Ci hè un duvere à fà, un paese a salvà
E ghjè ora di andà cun tutti i so amichi
D'armassi di curagiu pè parà i nemichi

Pè pudè campà sò obligati à tumbà
Pè pudè manghjà sò obligati à arrubbà
O chi tristu destinu pè tutti sti suldati
Ch'ùn volenu più esse sempre trascinati

Ma l'omi anu sempre a guerra in core
Un si pò campà solu di sogni é d'amore
Ma ci hè sempre a speranza è capisceranu
Chi si pò dinù esse manu indi a manu

Ma ci hè sempre a speranza è capisceranu
Chi si pò dinù esse manu indi a manu

U CARNETTU

Quandu turnu a vittura
Pè marchjà ind'a natura
Tandu ùn m'arricordu più
E si ne và a misura
U ricordu d'induve fù

Quandu vò a fà e corse
Mi manca sempre qualcosa
U più hé l'acqua citosa
Dunque averaghju forse
U cerbellu à l'arritrosa

Allora m'aghju cumpratu
Un oggiètu di valore
Megliu ch'un ordinatore
Ghjè un picculu carnettu
Ma à nim'ùn l'aghju dettu

Avà ùn mi scordu micca
Di u manghjà pè u cane
O di a baghetta di pane
Un ci serà più panicca
U libru l'aghju ind'e mane

Ma hé statu un'affare
Quandu scrivu questu versu
Chi mi pare ess'u terzu
Vogliu lampammi in mare
U carnettu l'aghju persu

L'ABBRIVU

Tanti seculi suprani ci anu amparatu l'amore
E a forza di u core trà u sguardu di tant'anni
Tanti populi maiò anu bramatu e terre
Di un populu sinceru tutta a fede di li mei
Tanta ghjente innamurata di a terra sfurtunata
M'anu datu a passione u sapè a tradizione
Ma stu tempu di a storia hè stampatu ind'a memoria
Quella d'ogni antinatu sintinella di u passatu

Eu sò u soffiu novu
Chi innalza la bandera
Chi rinvivisce a terra
L'abbrivu di u rinnovu

Sò a fiamma lucente
Di e valore spente
Per fà rinasce a celente
Ind'i core di a ghjente

Sò u lume cummunu
Accatizzatu da l'olmu
A sperenza d'esse unu
U sognu d'esse omu

Sò a spannata in celu
Di e vite sbucciate
Chi dà curagiu à quellu
Chi piglia strade dannate

Tanti seculi suprani ci anu amparatu l'amore
E a forza di u core trà u sguardu di tant'anni

DESTINU

Ti seguidemu sempre in tutt'i lochi
Tù chi d'a vita fai nasce i fochi
Quelli chi danu u piacè di l'eternu
O chi brusgianu in fondu à l'infernu

Destinu

Ci porti trà ghjorni è anni passati
Cume e foglie purtate da u ventu
E ind'e noi sumeni u spaventu
Fin'chi i nostri cori sian' affannati

Destinu

Un ti cunniscimu ché tra u passatu
Pezzu di vita ché tù ci ai datu
Ma ùn ci hé manera di sapenne più
Chi ciò chi ghjè dighjà fattu, chi ciò chi fù

Destinu

A tè solu s'addirizzanu sti versi
Pé fà chi l'omi un sianu più persi
E ch'elli ti cantinu cume un innu
Innu di a vita, innu di u destinu

Destinu

Maria Chuchena

Estaba Maria Chuchena sentadita en la barranca,
Sentadita en la barranca, estaba Maria Chuchena,
Con su vestido en las piernas, recogiendo flores blancas,
Recogiendo flores blancas, estaba Maria Chuchena.

Maria Chuchena se fue a bañar
A orillas del agua, muy juntito al mar,
Maria Chuchena se estaba bañando,
Y el pescador la estaba mirando, Y le decia
Maria Maria.
Mi techo tu casa, mi techo la mia,
Mi techo tu casa, mi techo la mia ;
Mi techo la casa de Maria Garcia.

Dime qué fior te acomoda, para irtela a cortar,
Para irtela a cortar, dime qué fior te acomoda,
Si Azucena o Amapola, oh maravilla del mar,
Para cuando tu estés sola tengas con quién platicar

Maria Chuchena se fue a bañar
A orillas del agua, muy juntito al mar,
Maria Chuchena se estaba bañando,
Y el pescador la estaba mirando, Y le decia
Maria Maria.
Mi techo tu casa, mi techo la mia,
Mi techo tu casa, mi techo la mia ;
Mi techo la casa de Maria Garcia.

Por allì salio volando una Calandria amarilla,
Una Calandria amarilla, por allì salio volando,
Yen su piquito llevaba una Rosa de castilla,
Y el viento la deshojaba como la una maravilla.

Maria Chuchena se fue a bañar
A orillas del agua, muy juntito al mar,
Maria Chuchena se estaba bañando,
Y el pescador la estaba mirando, Y le decia
Maria Maria.
Mi techo tu casa, mi techo la mia,
Mi techo tu casa, mi techo la mia ;
Mi techo la casa de Maria Garcia.

​

​