Issa terra
ISSA TERRA
​
Issa terra issa terra di milai di splendori
Issa terra issa terra di bellezz'e tant'odori
U signore l'ha vulsuta cusi bella
Ogni pezzi di a pianeta so qualla
​
Issa terra issa terra stata tantu tribulata
Issa terra issa terra stata tantu straziata
U demoniu l'ha vulsuta sfurtunata
Mai bene un averai o maladetta
​
Sempre in guerra sempre in guerra dapoi l'eternita
Sempre in guerra sempre in guerra nimu la fatta piega
Lu so populu guerrieru natu per a liberta
N'ha lasciatu a mai nimu u benista
​
A so storia a so storia mai n'un si squassera
A so storia a so storia sempre in mente firmera
E a l'ora di l'auropa di vule fa l'unita
Piu che mai noi mughjemu a nostr'iddentita
​
Issa terra luminosa e prufumata
Issa terra da lu mare berculata
Issa terra chi si chjama CORSICA
​
A so storia a so storia mai n'un si squassera
A so storia a so storia sempre in mente firmera
E a l'ora di l'auropa di vule fa l'unita
Piu che mai noi mughjemu a nostr'identita
​
​
CIRONE DI A SPERANZA
​
O lumera chi ti cunsumi
Ogni ghjornu per da lumi
Ma a to fiara si spegne
Sotta i venti di e ghjasteme
Chi soffianu incu furore
Lu to nome era L'AMO...ORE
Tu faccia focu e fiamma
Ma si ne va la to brama
Un voli piu acchjarisce
Ghjunta gativa nutizia
Si n'he morta L'AMICI...ZIA
​
O fiara chi sfracculeghja
Eppuru chi smucculeghja
S'he di puntu a la timpesta
Ne principia la to siesta
​
In bughjura stata scuperta
Ti chjamavi LIBERTA A ... LIBERTA
O ma tamantu cirone
Chi s'avanza e chi s'impone
Nantu a tutt'e miccie morte
Ne vole scambia la sorte
Per fa rinasce in dulcezza
Cirone di a speranza
Fratellanza tu sumineghji
Torna ci dacunfidenza
A to fede Sparpighjuleghji
A tutti l'omi a tutti l'omi
​
DA U 1768 A LU 1769
​
Parla ne vogliu di la mio storia
Scritta cun sangue e eu grande gloria
Per pude di ch'un pugnu d'omi fieri
Campendu tutti liberi e altieri
Funu vinduti da i Genovesi
In sottu a li cupidi Franscesi
In qualchi trist'e falzi marcati
Senza n'esse stati cunsultati
In'iss'annata di l'addispera
Chi annuncciava cu viulenza
Tanti strazi e tanta galera
A quell'accorsi per fa resistenza
Pigliendu l'isula cun viulenza
Fendu svanisce tutta sperenza
N'avende mancu nisun vergogna
A storia nostra n'he testimogna
Di ponte novu a grande battaglia
Tra i nostri eroi a canaglia
Chi a custrattu a la partenza
L'omu fieru di merusaglia
Di u so vulta pocu sperenza
O lu mio caru fratellu Corsu
U SUSSURU
A tutti l'incarcerati pulitichi
Sintite lu soffiu di li venti nantu a le cime e li razzi
Sussuru di l'incarcerati d'angoscia carchi di strazi
Ci portanu le so sciaure lacrime incu tante pene
Fendu cresce la causa corsa indu le nostre vene (murmuri)
In sti lochi bughji fratelli duve campate a paspone
Senza fiamma di luminelli per chjarisce certe stonde
Aveti incarcatu li venti in'su messaghju di dumane
D'esse titti d'accunsenti e sciolte saranu le mane (murmuri)
A fiancu a li vostri vecchji a ghjuventu s'addunisce
Un appiate piu pinseri chi ogni chjassu fiurisce
In le case luce una fiara chi ci da forz'e sperenza
Inseme li femu sente e voce di a fratellenza (murmuri PARLATU)
Tutta la vostra cuscienza he stata prova di lu vostru amore
Per la nostra Cursichella sterette sempre omi d'onore
ISULA DECADENTE
A tutti i magnoni di Corsica
​
Parla vogliu di la mio terra
Tanta felic'e generosa
E la ghjente gentila'era
Ma chi oghje n'he furiosa
D'ave fattu a so manera
Una numea cusi umbrosa
​
Terra nostra sbugiardata
Da parrechji ghjurnalacci
Terra Corsa imbruttata
Da linutiziali rupacci
​
Oghje tutt'he arradicatu
D'omi di nisun valore
L'ideale annu traditu
Per'i puderi e cu malore
Lu so populu ingannatu
Senza vargogn'e manc'onore
​
RIPIGLIU
​
Sta a sente la mio chjama
Populu abbacciacatu
Un lascia spegne a to fiamma
Ripigliendu lu to fiattu
E fa svanisce a macagna
Cu lu gran'spera ritruvatu
​
RIPIGLIU
​
PER TE MISSIAVU
A tutti i missiavi, babboni e caccari
​
Per te sta sera issu cantu
O lu mio caru babbunellu
Nuvembre a te m'ha arrubatu
Chi n'ere sempre ch'unu zitellu
Quandu tu ti n'he si andatu
Lasciendumi solu e urfanellu
Cu lu mio core adduluratu
Spugliatu cum'un ramicellu
A te Missiavu
Quante lezione imparate
Ogni sera, a lu to latu
Mi mancanu'e nostre vighjate
Privu ne so di u to affettu
Disgrazie cusi scelerate
U mio caccaru adduratu
D'un pude mai piu parla cun te
Per me estat'un gran piccatu
A te babbone
Vuleria chi'e mio canzone
Alzendusi vicinu a te
Ti fissi a te caru babbone
Onore e lu piu grande piace
Oghje canta'u to zittelone
Missiavu tant'amatu di me
Per ditti ch'a ognu occasione
Si sempre sempre, a fiancu'a me
A TE FILIPPU
a Edouard e Claudine di u
Theatre GALLI IN SANARY
​
Ti scriv'issa missiva
Chi diventera cantu
Quantu brama n'avia
Di te truvami accantu
In la to cumpagnia
Mio core lu sperava tantu
A sorte un'a vulsutu
Fra noi ci sia scontru
Celt'ore aghju pulsutu
Pensa che t'era pruntu
Cun duie righe ti dicu
Di me seria staut
Un mio sinceru amicu
Troppu prestu arrubatu
O FILI,cui sta sera, vola la, to malacella
O FILI, risintimu, chi tu si, cun noi e ella
Scuperti aghju i to canti
A to voce tremenda
D'Eduardu rigalati
O cusi bella offrenda
Tanti frastorni e pienti
Fendu di te, una legenda
Pers'in li to pensate
Di e te fugace amore
Tanti'ore addisperate
Solu e senza calore
Stonde affumicate
Causa di u to malore
Tant'ore disgraziate
Affanendu u to core
Amurosu, era tu, di la nostra isulella
Quantu sforzi, ai fattu, per esse vicinu a ella
O FILI...
Quattru Staghjone
​
Quandu vene veranu
He in ballu a natura
U sole ghjje supranu
U suchj'he in'altura
Aghju vistu l'accelucciu
Fendu nidi infuriati
Per riceve piucunucci
Senz'esse scumudati
Quandu vene a sichina
Di tami Bramata
Eiu trovu mischina
D'esse d'acqua privata
Aghju vistu e tundere
E spera budanziosu
Suppurtendu straziera
Senza n'esse furiosu
Tuttu more e rinasce cun te cara natura
Ne so quattru giretti chi a ci dic'in primura
Mi ne vene in mente di fa u paragone
Tra a vita di l'omu e u giru di e stagione
Quandu vene vaghjimu
Chi scambia lu culore
Un'aresta piu nimu
Si tacce ancu l'amore
Aghju vistu i grataghji
Carchi di e so castagni
Ancu puru i granaghji
Ch'anu zittu i so lagni
Quandu a neve fallava
Nant'a l'immensi prati
A l'ochji rigalava
Li piu belle ritratti
Aghju vistu a muvrella
Patrona di a muntagna
Drit'e fiera cusi bella
Da un sguardu a l'altagna
VEGHJA IN FESTA
​
Noi sunemu per fa canta
Citadini e paisani
Quelli chi di mare di la
Vincinenti o puru luntani
Canzona di Cursichella
Sottu un celu luminosu
Chi per noi he la piu bella
Ognunu casc'in amurosu
Aio tutti insemme cun voi
Femucci sta cantata
S'ella vi scapa a rimella
Fatte puru la la la la
Chi sta sera in allegria
Tutt'he gioia e simpatia
Signor'o madamicella
Cu'noi cantanu le stelle
Pianta sta felice veghja
Chi u sonnu s'abbaghjuleghja
D'ave sparte sti mumenti
Noi ne simu cuntenti
Prestu ci ritruveremu
Cun piace tutti a speremu
Aio tutti insemme cun noi
Finiscimu issa serata
Aio tutti inseme cun voi
Chi n'he cumpia a vighjata
S'ella vi scapa a rimella
Fatte puru la la la la
Intunendu a riturnella
Stu ricordu di tarentella
Stu sonu di tarentelle
Piace a parechje ghjente
Ne facce balla anch'ella
Tanta elle n'he andente
Tuttu quessa a una fine
Sopratuttu e belle cose
Rigalemu a ogni cunfine
Le nostre voce armuniose
CIAGHETTA
​
S'ell'he stata una vagabonda
Vole oghj'accurdassi'una stonda
Per parla a lu so grand'amore
Chi n'he sa risente lu so dulore
Di titti li so frastoni d'eri
Angusciosi neri e cusi veri
Divintata era salvaticata
Solu da ellu fu'alunsigata
Amansata la cun lu so granu
Postu per ella in la so manu
Si sent'ella cusi be cun ellu
Ne ringrazia ogni ghjornu lu celu
Da quand'ell'era una zitella
Sempre ella he stata una ribella
Di tant'inghjustizzie in la so vita
Ellu ha medicatu la so ferita
Ind'a poesia issa scrivana
Per nostru piace ella si spanna
A u filu di ghjorni tessa la trama
D'amore ne spartera la gamma
In le so stonde di picundria
Li lascie cumpone a sinfunia
L'affettu tremendu ch'ella li porta
Ava piu nisunu a ella importa
GEORGE SAND
​
Nera mancu troppu bella
Ma avia un so che
Chi d'esse vicina a ella
Prucurava gran'piace
Prima donna emancipata
Tistarda ribell'e fiera
Ne reggia la so vita
Campendu a la so manera
Generosa e donatore
Er'una donna di be
Spartendu cu grand'amore
Campava lu so bonore
Sott'a l'ochju di a verita
Essendu lu precursore
Di'cun l'omi a parita
Grand'amurosa he stata
Lascendu a maldicenza
Brusgiant'e appassiunata
Sburdendu di tullerenza
Da parrechje scurnachjone
Ghjudicata e dinigrata
Ella ha sapiutu impone
La so tremend'operata
A l'intornu di stu scrittore
​
L'omi di piu gran talenti
Musicanti e pittore
Ch'anu stampat'i so tempi
Ha cumpostu la so fiura
Fatta di umanita
A so piuma senza paura
Scrivia'in felicita
Ghjorghju he stata un pudente
Apustulu di a liberta
Chi a toccu tant'a ghjente
E per tutta l'eternita
A MUNTAGNATA
​
A la ghjunta di l'istatina
U pastore a si bramava
A l'albore di a matina
Tandu ellu n'he muntagnava
Per rituva lu piazzile
E accuncia lu so casgile
Rinvivianu tant'i rughjonni
Cu la ghjente le capre e li muntoni
Issa vita benedetta
Di campa in Cursichella
N'un ci n'he micca piu furtunata
A vi dice'a mio bella riturnella
Priparendu lu so caghjatu
Deliziu di u palatu
Fra u casgiu chi asciuvava
E lu brocciu chi sguttava
Travagliendu cu gioia e passione
Godendu l'aria serena
Chi ci si da tantu saluta
Di l'imbelu a l'ascolta
E lu sonu di a tintenna
Campendu in a piu pura tradizione
Issa vita benetta
Di campa in Cursichella
N'un ci'he micca furtunata
A vi dicc'a mio bella riturnella
STERPA U FOCU
A tutti i spigna focu morti in serviziu
​
Cusi bella sta muntagna
Cu a so macchja e li so fiori
E per me di i parlani
Saria guasgi un onori
in a punta un vadinu
Passa a meza l'albitroni
Si vera di tempu in tempu
Cume i petri d'una curonna
​
Ma l'omi un'annu cura
Di a bilezza di a natura
Un so s'ell'he per l'intaressu
A ci faranu ancu aspressu
S'avicccinanu a l'appiatu
Facenu cume u latru
Senza core ne primura
Brusgianu la me natura
​
Fiari d'infernu u focu sterpa
In paesi si senti pienti e lamenti
​
He picciata la campagna
C'he un castagnu chi si lagna
Perche u focu lu si magna
E u ventu l'accumpagna
Tutta vistuta di dolu
He brusgiatu ancu violu
He u me core chi si lagna
​
Ma sempre culore d'argentu
In a punta a vadinu
Suita sempre lu so filu
E pari chi a muntagna addi pientu
Chi a muntagna addi pientu
UN FIORE
​
Un fiore coltu da un zitellu
Per un ghjornu nuvellu
Sotta un turchinu celu
​
Un fiore a l'adore muschentu
Chi face sica lu pientu
D'un amore chi s'he spentu
​
Cume li so belli i fiori
Cu centumila culori
Spernuzendu l'odori
Secritti di tant'amori
​
Un fiore un gestu di calore
A pena spunta l'albore
Fendu nasce un prim'amore
​
Un fiore dolce cum'a carezza
Per caccia ne la tristezza
D'un mumentu di tenerezza
​
RIPIGLIU
​
Un fiore quande ti senti sola
Avendu l'angoscia in gola
Per ritruvane la gioia
​
Un fiore in'acquattu di candella
Di lacrime di una zitella
Chi spera in la so stella
​
RIPIGLIU
​
Unfiore a quellu che cascatu
In le memorie ci a legatu
Lu ricordu di u passatu
​
Un fiore a l'ora di la morte
Lu misteru ferma piu forte
Ghje per tutti listessa sorte
E CANTEGHJE
​
Cun un aggrottu incantatu
Issu locu di maraviglia
Sottu a lu pede di l'aragnascu
Mi fu lasciatu da minnana
In fondu a l'ortu un fiumicellu
Chi cant'e core eu grande gioia
Arbur'e fiori di cuncertu s'annu da cun ellu tutt'a friscura
E imbarsa u sole quandu vene l'estate di vule cu tinaccie tutti sicca
Cui ci aghju fattu la em casa
Una casuccia a l'usu Corsu
Chi per tutta la me nidata
Ghje un rifughju piu che sicuru
Quandu lu sole s'inciuttuleghja
In lu mare cusi vicinu
​
In sti culori ireali colla sempre un vintulellu rinfriscaticciu
Carcu di mill'odori e di centu prufumi propiu a lu bon muscu istaticciu
NANNA DI L'ACELLI
Dormi dormi o rundinella
Chi di fora n'he bughjura
Fa la nanna o turturella
Un abbia nisun paura
Dormi dormi o merulla
Nant'a te ne veghje mamma
Fa la nanna o cumumbella
A u calore di la so fiamma
Dormi dormi cardellina
In lu to dolce niducciu
Umule he a to piumina
Lu mio bellu accelucciu
Dormi dormi a capinera
Amoredi me cusi caru
D'avetti un mi pari vera
Si di me l'acellu raru
Dormi dormi chjaculella
U to sonnu prov'a piglia
Un fa cum'a malacella
Chi tutta notte ne veghja
​
​
