​
Intantu
U CASTICU
U ghjuvanottu arditu si
Da purta l'eternu carru
Fora di l'andati paterni
Ebbe a pate a fiara da ellu zingata
Malasciu a chi trafrancha l'assestu
Ogni marinaru da argo imbarcatu
Fece a malamorte
Offesu u mare fu a orde vindetta
Tiffeu fu u primu strintu da falcina
Orfeu cansatu si in infernu
In tempu d'una volta
Ci he turnatu pe u sempre
Sbrimbate e so carne funu
Sparnucciate
Mtre vinia a gallu u so capu
In l'acque di l'Ebru
Ercule rossu da u murtale rigalu di a moglia
Si fece da miccia in capu a eta
Anceu fu sbattutu da un cignale
E tu o Meleagru
Tu chi fusti a toglie vita a babbituzii
Sare ammazzatu da Mammata altariata
Rei tutti culpiti tutti
Ma chi fallu po fu a fa smarisce
In l'acque chete d'una surgente
Stu giuvanottu da Ecule persu
Andate andate o eroi
Andate a batte mari
Ma attenti a e fonte paisane
E quellu chi abbramava tantu u pilone d'oru
E da chi tuttu stalvo
Peliade fu sbrimbatu a messu a
Bullisgina ind'una paghjolla
Sazii site o Dii d'ave vindicatu u mare
Un tramannate a quellu chi eseguia
​
Paghjella
A'manu dritta ci he guegnu
Di monte Cintu figliolu
Chi ci spargje u so regnu
Da Calinzane a Niolu
Ci core pe li so monti
A musa di Pampasgiolu
​
L'arditezza
Soca era una smisurata arditezza
A guida a prima chi fu a strisge
E perfide onde
Annant'a cusi scaghjula barcella
Lasciatu si di mamma a batticcia
Di a so vita fece u spassu di i venti strosi
I mari l'ha battiti a casti
Fidendu si a un legnu mastinu
Tra vita e morte corciu sulcatu
Di nanzu a ellu
Nisinu cunniscia e sidere
Un lighja omu in l'affrescu stillatu
E i vascelli un ci la facianu a chisgia
E sbarsante lade o a capra d'Olinia
Nemmancu u buiaghju
Quandi u so carru trinca ad'ambarscia
Pe di Boreu pe di Zeffiru
Un ci era mancu nome
Arditezza di Tiffeu
A imbuffa e so vele
Annant'a u vastu mare
Da suggeri a i vanti
Un cuntegnu novu
E so tele ora e stindia a pienu
Ora burdighjava in li tretti di u miziornu
A briglia sciolta
A paghjella di l'impiccati
Sè vo ghjunghjite in Niolu
Ci viderete un cunventu
Di u tempu u tagliolu
Ùn ci n'hà sguassatu pientu
Eranu una sessantina
Chjosi in pettu à lu spaventu.
Dopu stati straziati
Da i boia o chì macellu
Parechji funu impiccati
Ci n'era unu zitellu
L'anu tuttu sfragellatu
È di rota è di cultellu.
Oghje chì ghjè oghje in Corscia
Fateci casu una cria
Si pate sempre d'angoscia
Intesu di Marcumaria
Era quessu u so nome
Mancu quindeci anni avia.
​
A Paghjella Di L'impiccati
​
Sè vo ghjunghjite in Niolu
Ci viderete un cunventu
Di u tempu u tagliolu
Ùn ci n'hà sguassatu pientu
Eranu una sessantina
Chjosi in pettu à u spaventu
Dopu stati straziati
Da i boia o chì macellu
Parechji funu impiccati
Ci n'era unu zitellu
L'anu tuttu sfracillatu
E' di rota è di cultellu
Oghje chi hè oghje in Corsica
Fateci casu una cria
Si pate sempre l'angoscia
Intesu dì Marcu Maria
Era quessu lu so nome
Mancu quindeci anni avia
​
A canzona di a malata
Pigliu una penna eppo a scrive mi mettu
In puesia a dipigne stu sugettu
D'un esse piu furtunatu di rime quantu rigrettu
Pe spiica quella pustura di a figlia ch'era in lettu
Collu e scale e pichju a lusciu chjosu
S'affacco tandu un sguardu luminosu
Dicendu cosa circate amicu cusi pietosu
Cercu a vede a malata subitamente risposu
Mi disse allora he spressu chi vinite
Cu pena in dolu a lu male currite
Soca voi a malata di moltu a cunniscite
Aspittate ch'o a parli pe di li qual'e vo site
Entri in la stanza e fece sta riclama
Ci si he un tale chi di vede ti brama
S'e tu lu voli riceve he prontu pe la to chjama
Tandu da per me sintiu dite li ch'ell entri o mamma
S'apre in un colpu di a stanza a sarratura
Entru e salutu cun tutta a primura
E'poi stesu la manu a l'angelica figura
M'appari guasi lu pientu videndu la so statura
Cusi m'intesu allacia lu moi core
Videndu soffre quellu limpidu fiore
U m'avaria chjappu eiu piuttostu u so dulore
Ma quessa un oudia fa la crede mi u Signore
Di tantu in tantu lintava un tristu lagnu
Chi suminava in me vilenu pagnu
O dipoi stu ristorbu un ne riposu e piu n'un magnu
Era inundata di larme la so stanza
Quand'e li dissu d'un perde la spiranza
Ch'e li purghjiu la manu priparendu la partenza
Ma sempre prichendu a Diu ch'ellu li dessi bona scianza
A mi lacaiu viva pe u momentu
Poi partiu cu lu core scuntentu
Quelli suspiri lagnosi divintonu per me spaventu
Durnate lu moi caminu aghju vucceratu e pientu
​
U sipolcru
He bellu ca ghjuntu a fine
U libru di e scritture
E u mondu s'addurmente
In e pessime friture
Ci ere tu omu sperava
Di o Diu di mi la strada
T'anu allucatu in a tomba
Ch'e tu possi arriposa
Ma un pintone ci impedisce
D'esse vicini a vighja
Pe pienghje lu to suspiru
Pe chere u to perduna
Un credu chi pediniella
Sia forte quant'e te
Tu chi cummandi a lu ghjustu
U puvarellu e u re
Ma to luce piu n'un vecu
So orfagnu e mi m'avvecu
Tra i debbii maio
Addurbatu va l'omu tra e fulene appese
In li debbii maio di e so alte chimere
L'omu di e baldanze di l'infinite attese
Scutumia chi he a inita e spere
L'omu di nome toiu l'omu di nome meiu
Viandante chi he a vistica e prove
Di lu so ghjornu vechju quessu chi un fu mai reiu
E chi sciolse i so sguardi in'sse mascare novembre
​
E loche
Sarre senza piu fine di chjampita billezza
Cu e vostre borghe accolta nate attempu a u mondu
Duv'ellu balla u muvrellu in'eternu vagabondu
Duv'e va lu me sguardu e duv'e mi ci affondu
Tresca d'alti sciappali e di zenne appinzate
Fatta a sdresge e niule chi vi danu arrembu
Ad'appacia lu core chi passa cu l'abrucata
E si cerca u licore di u so piu dolce lembu
​
L'anniversariu di Minetta
​
Per tutti l'anni chi so scorsi
Per le to gioie e le to pene
Per li fatti e li discorsi
Per lu sangue di le to vene
​
Ripigliu
E'per la to memoria cara
Chi luce sempre in core a me
Vogliu gode ogni stonda permessa
Vogliu gode la per te
​
Per li to ochji a la funtana
U t'amore immensita
A cara santa nostra mamma
Per l'oghje e per l'eternita
​
Ripigliu
​
Tu si la mio surella cara
Quella ch'he nata a tempu a me
E'si di me stai luntana
Seraghju sempre accantu a te
​
Ripigliu
​
Caracolu di brame
D'un amore chi si cerca
Ma chi s'imbriaca d'odiu
Quand'ogni fiume si assecca
Sa e ferite tamante
Cu e carne negre e frante
L'altru he visu di bambace
Chi face da mizianu
Tra u sonniu chi si face
E u basgiu piu grazianu
Sa e spere di l'attrachju
Quandi a pena face spachju
L'orma di l'omu s'avanza
A u sugliare d'un mazzone
Da ritruva ogni stanza
Poi leghje a bughjone
​
Sumiglia
S'he distessu ind'e l'aria un affanu di morte
E so fatti di marmaru i visi sott'a lu sole
So d'abissu i silenzii e in pulvina e fole
U mondu incrudellu sbattutu ha e so porte
Caminera ab'eternu issu stolu senza fine
Cu la to sipultura sdresgendu ogni bagliore
E chi facia ruvidu u trimendu dulore
Chi rode u campa a iss'ore visparine
E'quandu in tempi a vene invichjara u ricordu
Ogni palmu di sta terra si purtera a l'iglia
Un sonniu fattu veru chi in un intimu accordu
Di te si n'avara qualchi fida sumiglia
​
​
