In vivu, a fianc'à voi | Canzone Corse

L'arcusgi

In vivu, a fianca voi ...

LAMENTU DI U PRIGIUNIERU

Da ch'eo mi trovu
In prigione serratu
Chjamu la musa
Ch'ella veng'a u mio latu
Ma sì ella ùn hè cunfusa
Racunterà u mio passatu.

U capu in sena
Cù la manu à lu core
Pensu è ripensu
Cù qual'facciu l'amore
Ma più pensu à lu tenente
Ch'à li corsi ci ne vole.

Ciò ch'ellu vole
Di per mè una sone
Di quattru corsi
N'hà messu trè in prigione
È pò c'hà spiccati à tutti
Privu di cunversazione.

Quellu chì resta
In prigiò c'hè digià statu
L'hà rasatu la testa
È pò dopu l'hà serratu
Face chì di quattru corsi
Più nisunu ùn s'hè scurdatu.

Paisanu eo
Chjamatu per cinqu'anni
Ne pregu à Diu
Sempre allegri passali
Ma lu latru s'hè vandatu
In galera vole mandami.

Li pughjeranu
Li soi purgatoriu
S'ell'hà sapesse
Ch'eo scrivu nant'à stu fogliu
O lu mondu diceria
Ch'ell'ùn hà tamantu orgogliu.

Goffu è di cima
Di mezu pare un'imbutu
Da lu spinacciu
Ne fala à usu imbutu
O s'hè voi lu vidarete
O cum'ell'hè malfututtu.

PER A LIBERTÀ

Tù chì sì stat'un ghjornu inghjuliatu
Per difend'a to lihertà
Nun pensà più ch'ai straziatu
I to penseri lascia un pocu stà
Nun ti lagnà più nant'u to passatu
Ti sì battutu per pudè megliu stà
E pens'appena ch'indè cluestu mondu
Ci sò chì morenu per a libertà

Veni cù mè porghji la manu
Em'a cantà em'a cantà
Perch'elle compiinu
In lu mondu sanu
L'offese à la libertà.

Ascolt'un pocu tù caru fratellu
lu certi lochi luntanu culà
Ci sò di l'omi si so mess'arritti
Ma l'hanu chjosi per l'eternità
Senza pudè difend'e so idee
L'anu tumbati senza pietà
Eranu tant'omi fieri
E so morti per a lihertà.

Veni cù mè porghji la manu
Em'a cantà em'a cantà
Perch'elle compiinu
In lu mondu sanu
L'offese à la libertà.

E ghjè per quessa chì ti dicu
Un piantà mai di luttà
Canteremu per i nostri fratelli
Scunsulati per sempre culà
Ch'e nostre voce saltin'e fruntiere
Chì manc'un piombu le possi parà
Per falle sente scalend'in lu celu
Ci vole à luttà ci vole à luttà.

Veni cù mè porghji la manu
Em'a cantà em'a cantà
Perch'elle compiinu
In lu mondu sanu
L'offese à la libertà.

MAROSULI DI FOCU

Issu vecchju arrimbatu à lu so muraglione
I so occhji turchini, bagnati di tristezza
U core strintu in pettu, à mez'à 'ss'amarezza
D’addisperu ne stringhje u s’anticu bastone.

In corsu d’estatina, ghjunse un mare di fume
Cùn isse fiare di sangue, marosuli di focu
Stu trombu di spaventu, assalta ogni locu
Anneghendu in un lampu, una terra di lume

Isse pianure d’alive, issi valli di castagni
Piantati quand'ùn si sà, da li mio antenati
Un si l’anu francata, u focu l'hà stirpati
A mio terra si more, n'hè sentu i so lagni
A mio terra si more, n'hè sentu i so lagni

Mai più ùn vederaghju à l’autunu chi nasce
A ronda di e fronde chi ballanu per paghju
I prufumi di machja, ch'imbalsamanu maghju
Sò tante dolce stonde, chi sparghjenu a pace

Si sguassanu i chjassi, chi bagnanu memoria
Un n'aghju più nisunu per intratene stu locu
E ascoltà sta chjama, ci vole cusi pocu
In la to manu stringhji, u filu di a storia

I mio lochi sò morti, ùn ferma che carbone
Quandu starete à sente, oghje sta riturnella
Chi purterà dumande, cun 'ssa voce ribella
A l’intimu di l’esse, stu fiore di ragione ?
A l’intimu di l’esse, stu fiore di ragione ?
A l’intimu di l’esse, stu fiore di ragione ?

ERAMU IN CAMPU

Eramu in campu d' amore graditu
Duve frà i fiori cercava più bellu

E io senteva un falso gridu
E mi sembrava che fussi un uccello

Io guardai da voce veneva
E vidi fra i fiori dormir una dea

Sappiate o bella che son cacciatore
Che gli ucceli fuggiti li prendo

Allor mi accostai con piè vacillente
Timido al cuore la voce tremente

Porto lo schioppio lo fischio e la rete
E prendo l'uccelli mia bella credete

Posto che voi l'uccelli prendete
Postreste assanare le mie ferite

LOTTEREMU CANTEREMU

Per l'omu di 'ssa terra
Chi a cunnisciutu a guerra
Aprim'u nostru core
Spartim'u so dulore
Per populu nigatu
Chi s'hè rivultatu
Intracciend'a so storia
Senza perde mimoria.

Lotteremu, canteremu
Con voce è core ribelli
Lotteremu, canteremu
Per noi è per elli
Lotteremu, canteremu
Contr'à la sottomissione
Lotteremu, canteremu
Sperenze è Nazione.

Per 'sse mamme ferite
Nott'è ghjorn' arritte
Fighjulend'u tavulinu
Duv'ell'un posa più nimu
A tè chi per Nazione
Dormi ind'è priggione
Aspettendu si sà
Ragiu di verità.

Lotteremu, canteremu
Con voce è core ribelli
Lotteremu, canteremu
Per noi è per elli
Lotteremu, canteremu
Contr'à la sottomissione
Lotteremu, canteremu
Sperenze è Nazione.

A st'omi di valore
Difendend'u s'onore
Di Paoli figlioli
Contr' affann'è taglioli
Contr'à l'ingannatore
Chi sparghje u so furore
Piseremu la testa
E parendu a timpesta.

Lotteremu, canteremu
Con voce è core ribelli
Lotteremu, canteremu
Per noi è per elli
Lotteremu, canteremu
Contr'à la sottomissione
Lotteremu, canteremu
Sperenze è Nazione.

Vince per ùn more
Hè scrittu in li core
Purghjimuci la manu
E femu fronte sanu
À lu statu francese
Simbulu d'offese
Li ci vole per sentenza
Un soffiu di putenza.

Lotteremu, canteremu
Con voce è core ribelli
Lotteremu, canteremu
Per noi è per elli
Lotteremu, canteremu
Contr'à la sottomissione
Lotteremu, canteremu
Sperenze è Nazione.

Lotteremu, canteremu
Cun voce è core ribelli
Lotteremu, canteremu
Per noi è per elli
Lotteremu, canteremu
Contr' à la sottumissione
Lotteremu, canteremu
Terra Corsa Nazione.

AMICU PASTORE

A l'orlu di a notte pagna
Ti movi per 'ssa muntagna
Ogni mane ogni stagione
Sì cumpagnu di lu machjone
'Namuratu di a so ricchezza
Campendu fieru è cù purezza.

U ventulellu matutinu
T'accompagna vers'e cime
E l'acelli in lu chjassu
Ricunnoscen'u to passu
Fenduti per qualchì stonde
Li so più belli chjam'è risponde.

Quand'u sole di lu so lume
Accarezza tutt'u fiume
U prufume d'ogni fiore
Trà li monti corre corre
E t'impone a verità
Un'hà prezzu a liberta...

E t'impone a verità
Un'hà prezzu a liberta.

RUVINA

Ma tù l'hai vistu 'ssu quarciu seccatu
Mustrendu pietosa scarza di fronde

Sfidendu quantunque di u celu le sponde
Malgratu l'offesa d'un ghjambu cascatu

È poi cunnosci u casale falatu
Purtelli accecati, ferite profonde

E mure è quadrere cascate in le gronde
Mughjendu in lu ventu 'ssu pientu malatu

Di populu corsu chi n 'hè diventatu
Omu di putere duve l'hai mandatu

Sè l' alburu seccu n'hà per poche stonde
Ne si causa tù d'avellu sfiatatu

Sè casa ruvina à nimu ùn risponde
L'elettu chè tù si, ne porta mandatu !

Se casa ruvina à nimu ùn risponde
L'elettu chè tù si, ne porta mandatu

MARE

Mare fruntiera turchina
À lu mo esse liatu
Cumè l'ultima cunfina
A francà cum'un peccatu
Sempre allisci è azzechi
Pè l' etemu i mio lochi.

Mare d'una terra ribella
Chi hà fat t'a prumessa
À a libertà surella
D'ùn esse sottumessa.

Mare antica paura
D'una sterpa furestera
Chi spunta ind'a chjarura
Cù e so nave guerriere
Ci face teme l'orizonte
Mà sempre feremu fronte.

Mare d'una terra ribella
Chi hà fat t'a prumessa
À a libertà surella
D'ùn esse sottumessa.

Mare tracarcu d'inghjulia
Pè i luntani figlioli
À campà senza sumiglia
Fora di so paisoli
Si ingordu di ghjuventù
Di Cursichella lu fruttu.

Mare d'una terra ribella
Chi hà fat t'a prumessa
À a libertà surella
D'ùn esse sottumessa.

Mare chi abbaghjuleghji
U zitellu smaravigliatu
A mo terra sà chi oghje
Da tè ùn serà pigliatu
Tutt'i to battelli bianchi
Di sta faccenda sò stanchi.

Mare d'una terra ribella
Chi hà fat t'a prumessa
À a libertà surella
D'ùn esse sottumessa.

TERRA CORSA

In lu giardinu di a mio vita
I solchi so suminati
Di cursezz'à l'infinita
Di ricord'à l'antenati
Terra Mea la to storia
Hè fatta spessu di gloria.

La mio mente vagabonda
In cintu piglia partenza
E sculisce nant' à l'onda
D'un fiume di resistenza
Terra Mea sò guerrieru
Di lu to populo fieru.

Di li to lochi di valore
Certi ne volenu fà
Fra lu focu è l'oppressore
Diserti di puvertà
Terra Mea Terra Corsa
A to sorte femu nostra.

Terra Mea Terra nostra
Seremu sempr'à la mossa !

CULORE DI VITA

Si sente certe volte, venuta d’un si sà
D’Africa, d’Oriente, ô d’Americhe cùla,
Una voce luntana, chi parte à scapullà,
Per purta in lu to core, u soffiu di u sperà...

Ci parla di’sse lingue, venute d’un si sà,
Parlate da mille zitelli, nati da qu’à é là
So tanti canti d’acelli, e raggione di sperà.

Ci parla di’ssi canti, venuti d’un si sà,
Di fronte a mille putenze, si volenu firmà,
so tanti lagni di suffrenze, é raggione di sperà.

Ci parla di’sse culture, venite d’un si sà,
Forte da mille prufumi, sbucciati quà é là,
So tanti raggi di lume, é raggione di sperà.

Ci parla di’ssi populi, venuti d’un si sà,
Cumposti da mille culori, razze è identità,
So tanti campi di fiori, é raggione di sperà.

Ci parla di tutti st’omi, venuti d’un si sà,
Nati da mille orizonti, chi s’alzanu pé dà,
A libertà chi more, é raggione di sperà.

Ci parla di’sse lotte, venute d’un si sà,
Fate da mille rivolte, bramose di libertà,
Pé dà tutt’ognunu, u dirittu d’esse é di campà.

E sta fede chi lucce, Ghjosa in lu to pettu,
Pianu pianu si sparghje, e ti face dispettu,
Allora, apri u to core, e tendila sta manu,
Aprilla a stu mondu, pé scarinii dumane...

MORA

Si sente in ogni fiera
Dinù in ogni caffè
Si sente in Corsica intera
Stu ghjocu più vechju chè mè
Anzianetti è zitelloni
À mez'à duie paghjelle
Stinzanu li so ditoni
Mughjendu à piene cannelle

Una sera ind'un paese
Sò ghjuntu chi c'era a festa
Ancu in celu e stelle appese
Hanu pisatu l'arrechja
Vistu chi c'era un rimore
Di vucione chi cullava
Dapoi più di trè ore
Tut tu u mondu à sente stava.

Stu ghjocu tradiziunale
Pocu à pocu ripiglia fiatu
Da Barbaghju à l'Ospedale
Passendu per Girulatu
Si sente in ogni fiera
Dinù in ogni caffè
Si sente in Corsica intera
Stu ghjocu più vechju chè mè.

UNA FIARA HE NATA

Di punte a u lepale, u pinu hà trimatu
Ghjè libecciu chi porta, u so soffiu dannatu,
E a natura sana, si strappa cum’un stracciu,
Una fiara hè nata, è stinza u so bracciu,
Una fiara hè nata.

U mufrone si ferma, è n’è musca u ventu,
L’orizonte s’inchjarà, in pettu à u spaventu.
Un prufume di morte, si sparghje è in un lampu,
Una fiara hè nata, in fondu di lu campu,
Una fiara hè nata.

E sti rami stinzati, ch’aspettanu e morte,
sò tanti bracci tesi, per scunghjurà a sorte.
U silenziu nasconde, una terra si more.
Una fiara hè nata è brusgia u mio core,
Una fiara hè nata.

Duve scurria lesta, l’acqua di a surghjente,
U so cantu di festa, annacquendu l’oriente,
Ci fermerà un scogliu, per sempre testimone.
Una fiara hè nata, à mez’à stu carbone,
Una fiara hè nata.

Una fiara hè nata
Di pettu a’ssa ruvina,
Contru à manu assassina

CRESCE SPERENZA

Cresce sperenza, Populu và
Incù la to presenza, Nazione si ferà

Aghju vistu pienghje più d'una mamma
Chi di u sa figlialu sentia la chjama
Ch' ellu li mandava da la so stanza
Per avè parlatu d'indipendenza

Cresce sperenza, Populu và
Incù la to presenza, Nazione si ferà

Oghje emu carnbiatu ancu di guvemu
Chi ci hanu prumessu u veranu eternu
Fiore di scope mai granate
Chi à u ventu si ne so andate

Cresce sperenza, Populu và
Incù la to presenza, Nazione si ferà

Nant'à sta terra duve simu nati
Parechji fratelli so morti suldati
Morti per fede o per amore
Per un pezzu di terra ch'ùn lasceremu corre.

Cresce sperenza, Populu và
Incù la to presenza, Nazione si ferà

À tutti l' eletti di Cursichella
Hè finita l' ora di ritumella
Date ci mezi per pudè campà
ln casa nostra è pudè ci stà
Date ci mezi per pudè campà
O lu populu corsu si n'incargherà

Cresce sperenza, Populu và
Incù la to presenza, Nazione si ferà
Cresce sperenza, Populu sà
Ch'incù a so putenza Nazione vincerà

A VIOLETTA

O la violetta,là fà,ella fà
Là fà sul campu che la rimirava
La so cara Cecilia ch'ella risembrava

Cosa rimiri,il mio caru Peppi
Io ti rimiru perchè tù sei bella
Bella sè voi venire incù mè à la guerra

No,no in guerra cun tè nun vogliu andare
Nun vogliu andare cun tè a la guerra
Perchè si manghja male,si dorme in terra

No,no in terra,in terra nun dormerai
Tu dormerai sul lettu di fiori
Cù u to caru Peppi chi t'innamori

O trumbitteri sunate,sunate
Sunate forte,la bella marchjata
Chi c'he la violetta chi parte à l'armata

FERITE

Quandu u celu si sprufonda
un lamentu ribomba
sbrangulendu lu mio core
ramintend'u mio dulore

Caru paese i to figlioli
pienghjenu tutti sti doli
è in pettu ogni ferita
s'hè stampata per a vita

Tanti fratelli so partuti
tanti fratelli oghje so muti
cerchendu a verità
cerchendu a libertà

Ancu u ventu scherzosu
ùn trova più nposu
pare spuglià la furesta
dicendu mai ùn ti scurdà

In Serriera una culomba
hà fiurit'una tomba
oghje so mille culombe
chi fiuriscenu e tombe
è annacquanu ogni fiore
incù lacrime d'amore

In ogni rughjone
sia piaghja o macchjone
in dolu hè la bandera
è una mamma s'addispera

Fratelli site partuti
fratelli oghje site muti
è di l'eterna storia
ne serete la mimoria
domine jesus christe
rex gloriae...

CORE VIVU

Cume un batellu chì s'affonda
Sbattutu da lu marosu
U mè core in la ronda
Di l'ore cerca riposu
Cumè un chjosu insalvatighitu
Ch'un cunnosce più rustaghja
U mè core innumighitu
Sparisce sott'a lanaghja

U mè core terra sfruttata
Senza à t'acquàta hè siccatu
U ventu scemu di a spiccata
Corre in lu mio sangue malatu

Cumè ana leccia in la furesta
Aghjumpata sott'a la venta
U mè core in la timpesta
Di li guai è lu turmentu
Cumè un prigiuneru languente
Volta in la so pagliaccia
U mè core fruttu ardente
S'hè persu in la to fumaccia

U mè core terra sfruttata
Senza à t'acquàta hè siccatu
U ventu scemu di a spiccata
Corre in lu mio sangue malatu

Cumè la si tronca l'ardetta
Sott'u passu furesteru
U mè core toccu di a saetta
Sbrighiuleghja d'addisperu
Cumè una barca in lu mare
Chì lotta per truvà porta
U mè core in l'acqua amare
Di li to ochji si nè mortu

U mè core terra sfruttata
Senza à t'acquàta hè siccatu
U ventu scemu di a spiccata
Corre in lu mio sangue malatu

A ME BRUNETTA

A la me brunetta
La me brunetta hè bella
Cinque, quatru, trè, dui è una
La me brunetta hè bruna

A la me brunetta
Cinque, quatru, trè, dui è una
La me brunetta hè bruna
La me brunetta hè bruna

A la me brunetta
Quatru, trè, duie è una
La me brunetta hè bruna
La me brunetta hè bruna

A la me brunetta
Trè, duie è una
La me brunetta hè bruna
La me brunetta hè bruna

IN MEMORIA

Per un populu vivu
Chì un vole esse domu
Per un zitellu chì dumane
Serà omu

Per quellu chì d'amore
Vole pude campà
Per quellu chì in prigiò
Ùn ci hà nunda à chì fà

Per stu pezzu di terra
Chì deve firmà nostru
Per stu cellu turchinu
È stu mare d'inchjostru

Per una casa vechja
Chì ùn vole sprufundà
Per una strada nova
À meza oscurità

Ùn aspetta dumane
O fratè, ùn aspetta
Quale ella sia a manera di lotta
Dumane

Per l'omu affunatu
O schiavu di un patrone
È chì deve piegassi
À ciò ch'ellu l'impone

Per quellu chì dumane
L'impiegu perderà
Per una donna
Chì si vole liberà

Per tutti quelli chì
Un ghjornu sò cascati
À un campu d'onore
Feriti marturiati

Luttendu per a patria
Vulendula salvà
Per a nostra memoria
Chì ci aiuta à sperà

Ùn aspetta dumane
O fratè, ùn aspetta
Quale ella sia a manera di lotta
Dumane

ASKATASUNERA

Quale si ? Eskualduna naiz
D'induve si ? Mendiko gizon naiz
U to paese, cumu si chjama ?
Euskadi ene herria da

Nor zara ? Eiu so corsu
Nungoa zara ? Vengu d'un paisolu
Zein da zure, Herriaten izena ?
U mo paese, Ghje CORSICA

Simu fratelli
Anaiak gara
Circhemu a strada
Askatasunera

U populu corsu, Campa di stonde amare
D'ii nostr'antenati, A lingua si more
L'usu nustrale, Di campà
Senza rivolta, Smariscerà

Baita, Nere herrian
Bainan euskara, Beti bizi da
Eskualdunak izan, Nahi dugu
Presoak etxean, Nahi ditugu

Simu fratelli
Anaiak gara
Circhemu a strada
Askatasunera

Ghje ora ava, Tutt'inseme
Per noi, Di custrui l'avvene
E di lottà, Senza piantà
Sin'à l'alba, di a Liberta

Jeiki jeiki, Denak extean
Orain ibili, Gara bidean
Haurrek gurekin, Herriarentzat
Eskuz esku, Askatusunera

Simu fratelli
Anaiak gara
Circhemu a strada
Askatasunera

SCRITTORI DI A STORIA

I so versi sò zitelli
Chi correnu, acelli in li chjassi.

In un sognu armunia
Magineghjanu a magia, di so passi.

E so voce sò staffile
Chi chjoccanu allegrie, in li venti.

A la notte bughjicosa
Facenu trimà l'ascosa, à lumi spenti.

In a salla chi si tace
Corre un soffiu di pace, e canzone.

A noi tutti sò offerte
Dà quelli chi volenu sparte l’emuzione.

Elli sò tanti guerrieri
Di a lingua è sò fieri di e rime.

Quand’ella sciappitteghja
O ch’ella spampiluleghja, à l’infine.

A l’omu chi s’ammulisce
A u populu chi si dice senza avvene.

Ricordanu a sperenza
D’una terra fratellanza, à vene.

Cantanu a nazione
In core imaginazione, mai in vanu.

Sò scrittori di a storia
Ma senza sete di gloria, di l’umanu.

A puesia ùn hà sensu
Chi gira cum’è u ventu, sempr’in tondu.

In una sola canzona
Sò e mille rivuluzione, di u mondu.

SUNATE LU CORNU

Aiò! tutti i fratelli chì hè l’ora
D’armà schjoppi è di cigne carchera,
Da lu monte à lu fiume à la serra
Chì lu cornu ripigli à sunà.

Ripigliu:
Sunate hè lu cornu
Ùn ci hè più riscattu
À populu fattu
Bisogna à marchjà.

In lu cornu risona la voce
Di Sampieru è di l’altri guerrieri
Chì per vive liberi è fieri
O per more, curagiu ci dà.

Aiò ! tutti ! fratelli chì hè l'ora
Di cessà frà noi altri ste lite,
Ci emu fattu abbastanza ferite,
N'anu risu abbastanza culà.

Stintinati ci semu abbastanza
À l'azzizzu d'un vile nimicu,
Tocca ad elli per ghjustu castigu
À purtanne lu dolu è trimà.

Aiò ! tutti ! fratelli chì hè l'ora
Di stirpà sta razza maladetta
Grida in celu, per noi vindetta
Tantu sangue è tanta infedeltà.

Un vidite ste donne ammantate ?
Un sentite di Baziu lu Vechju,
Cirnu, d'elli, un spavechju ferà.

Tutti sottu à listèssa bandera
Bianca, ornata di la testa Mora,
Aiò Corsi chì turnata hè l'ora,
Di l'antica nostra libertà.

LOTTA GHJUVENTÙ

Intorn' una bandera
Un pugnucciu s'hè pisatu
Mughjend'a la terr'entera
Babbu ghjè incarceratu
Ma sò d'un populu fieru
E per ellu lotteraghju
Francia è to sole sumente
So schiavitur'è affani
Annacquate di surgente
Sanguinose tutti 'anni
Ch'imbruttanu l'innucente
E prutège l'assassini

Intorna una bandera
Mille pugni so pisati
Strident'a la terr'entera
Libertà per l'inghjuliati
Corsica Nazione era
Un ci simu sminticati
Francia tutt'è to milizie
Un ghjorn'anu d'à cascà
E tutte lè to inghjustizie
Approntati a pagà
Aspettendu ssè nutizie
Sempre fronte si ferà

Lotta ghjuventù
L'avvene si tù
Lotta ghjuventù
L'avvene si tù

Intorna quessa bandera
Populu si piserà
Cantend'a la terr'entera
L'alba di a so Libertà
Fendu risplend'a lumera
Infine di l'unità
Francia tandu morcerà
In l'umanu a cuscenza
Una scelta si ferà
Un appia tantu speranza
Chì corsu un si scurderà
Di tant'anni di suffrenza

Lotta ghjuventù
L'avvene si tù
Lotta ghjuventù
L'avvene si tù