I Vinti Cinqui Baroni

I Chjami Aghjalesi

esciutu in lu 2006

Sorti en 2006

CULOMBU

Partianu e grande nave
À vugà sopr'à lu mare
Luntanu,
Era u seculu di l'oru
Per secula seculoru
Cristianu.

In lu portu si cantava
E' lu ventu scuzzulava
Le fune,
Era gioia è allegria
In u vinu chì curria
À fiume.

S'imbuffavanu le vele
Fatte di e forte tele
Di l'avvene,
Dendu brama à li zitelli
Di li paesi nuvelli
Da vene.

Tunavanu li cannoni
Da sopr'à li muraglioni
È lu molu,
In la vechja citadella
Signuzzava ogni zitella
In dolu.

È le donne e più avvezze
Si spartianu carezze
È danari,
Contr'à un sognu di speranza
In l'ochji di a partanza
Di i marinari.

À li maghji di mezana
À lu ventu è à la sulana
E bandere,
Chjucchittavanu cuccagna
Per a regina di Spagna
A più fiera.

È li grandi li signori
Sempre avvezzi à l'onori
Di lu mondu,
Fighjendu l'avventura
D'un Calvese di furtuna
Culombu.

Furesteru di lu mare
Senza tituli nè terre
L'esiliatu,
Lasciendu l'isula bella
In l'ochji di Lisabella
Innamuratu.

Chì ricurderà la Storia
S'ell'ùn hè fiume di gloria
Passatu,
M'arricordu una regina
Chì in un castellu pienghjia
U so innamuratu.

BALLATA DI MATTEA

Un lu vidarei piu u capu a a falcunaghja
I culombi chi d'aprile volanu sempre per paghju.
Un farei piu sunate a u sole di e murnaghje
Ne puru ti sintaremu impruvisa nant'a l'aghja.

D'ottobre in campu furnellu quandu sara la stagione
E giuvanotte a cugliera aspitteranu e to canzone.
Piengu di sape chi di marzu quandi u sole he piu vivu
u n sarei piu cu noi sott'a i rutoni d'alive.

Quandu pensu a li to ochji u mio ciarbellu si move
E piengu li mio suspiri mentre corre l'oliu novu.
M'avii tantu prumessu d'esse sempre a lu mio latu
Ma quandu un t'aghju vistu ghjunghje, si n'he struttu lu mio fiatu.

Megliu ch'un ci pensi piu cha a mio memoria scrochja
Morgu pianu di sape che t'hai sceltu d'altri ochji.
Oghje dapoi tanti anni ormai a to strada he meia
Di scopre tante billezze da e cime di San Parteu.

CREDENZA

Aghju credutu di vede per annant'ö lu stradone
In lu ventu chi curria a stampa di un strione
S'he incesu in la mio mente un timore anticone.

Aghju credutu di sente in la corsa di lu fiume
A voce di lu mazzeru po s'he persa ne le schjume
M'he parsu nant'ö l'acqua vede sparghjesi un lume.

Ci so gattivi sughjetti sempre pront'ö annuchja
So la disgrazia vi tocca l'ochju fatevi lu signö
Ci so le ghjasteme perse sempre pront'ö amazzö.

Mi pare chi la natura he tracarche di parolle
Le magie di l'antiche so sicuru nun so fole
Ci so le forze suprane in la notte o ö lu sole.

LES TROIS CLOCHES

Village au fond de la vallée,
comme égaré, presqu'ignoré.
Voici qu'en la nuit étoilée
un nouveau-né nous est donné.
Jean-François Nicot il se nomme.
Il est joufflu, tendre et rosé.
A l'église, beau petit homme,
demain tu seras baptisé.

Une cloche sonne, sonne.
Sa voix, d'écho en écho,
dit au monde qui s'étonne:
"C'est pour Jean-François Nicot.
C'est pour accueillir une âme,
une fleur qui s'ouvre au jour,
à peine, à peine une flamme encore faible
qui réclame protection, tendresse, amour."

Village au fond de la vallée,
loin des chemins, loin des humains.
Voici qu'après dix-neuf années,
cœur en émoi, le Jean-François
prend pour femme la douce Elise,
blanche comme fleur de pommier.
Devant Dieu, dans la vieille église,
ce jour, ils se sont mariés.

Toutes les cloches sonnent,
sonnent, leurs voix, d'écho en écho,
merveilleusement couronnent
la noce à François Nicot.
"Un seul cœur, une seule âme",
dit le prêtre, "et, pour toujours,
soyez une pure flamme qui s'élève
et qui proclame la grandeur de votre amour."

Village au fond de la vallée.
Des jours, des nuits, le temps a fui.
Voici qu'en la nuit étoilée,
un cœur s'endort, François est mort,
car toute chair est comme l'herbe,
elle est comme la fleur des champs.
Epis, fruits mûrs, bouquets et gerbes,
hélas! vont en se desséchant...

Une cloche sonne, sonne,
elle chante dans le vent.
Obsédante et monotone,
elle redit aux vivants:
"Ne tremblez pas, cœurs fidèles,
Dieu vous fera signe un jour.
Vous trouverez sous son aile avec
la vie éternelle l'éternité de l'amour."

SCIROCCU

Si pesa lu sciroccu da l'Oriente inzuccheratu
È scimiscenu l'adori da l'urbe à e marine,
Me l'arance hè sanguine frutti è suleoni.

Ventu di u meziornu salvatichu è infiaratu
Accarezza è fraia e culline tranquille
È la fiaccula ghjalla à la notte s'incrochja.

Aria impiumbata essenze di morta
Trizineghja l'isula sopr'à u mare d'oliu
È si pianta a vita cum'è una fiura.

Zittu sin'avà l'alivu di a piazzetta
Ci ghjoca a musica di a rinfriscata
È l'onda di u sognu ci porta pianu pianu.

U trattu prufumatu di citrunella d'oru
Ci ramenta paesi à e strane sumiglie
In un abbracciu turchinu s'addunisce l'Atlantide.

Tandu si a natura i so guai smintica
È rinvivisce tuttu l'antichi nemichi
Di pett'à lu ventu alluntaneranu
Quell'ochjata murtale.

CATENA

Fideghja lu to fratellu
Li stringhje una catena
A listessa di a toia
À noi tutti ci mena.

Sè nò tiremu tutti inseme
Forse ch'un ghjornu sciapperà
Da fà ne un frombu, frombu, frombu
Chì ribombi da mare in là.

Sè nò tiremu tutti inseme
Forse ch'un ghjornu sciapperà
Da fà ne un frombu, frombu, frombu
Cumu un cantu di libertà.

Discorre cù u to fratellu
Ci vole appruntà l'avvene
Sol'un idea cumuna
Hè la forza chì ci tene.

In terra di Cursichella
S'hà d'addunisce la ghjente
Per un abbracciu cumunu
Chì serà nova sumente.

Sè no vulemu da veru
Ch'ùn ci sia più pastoghje
Nè pè l'unu nè pè l'altru
È canta sottu à e loghje.

A TE A CORSICA REGINA

À tè la Corsica Regina
À ella tù
È lu pocu di sta rima
À ciò chì fù.

À tè lu ventu chì scuzzula
L'alburoni intimuriti
Spazzendu in terra la pula
Di li to passi smariti.

À tè l'abbracciu di sta terra
À i purtelli di a notte
Quandu si tace ogni guerra
È s'aprenu le centu porte.

E centu porte di l'avvene
I centu mesi di u ritornu
Ciò chì fughje è ch'omu tene
Cù a sperenza chì ùn ghjornu...

À noi d'un lacà travià
È d'un pienghje à mille voci
U tempu hè fiume ùn ci vole à fà
Ch'elle s'ingorghinu le foci
À tè la Corsica Regina...

L'EMILIANA

Cavalcheghju pè la "pampa"
Incù pistole è fucile
Facciu chjuccà lu staffile,
Cavalcheghju pè la "pampa".

Aghju centu cavallieri,
Cù le mustacce in battaglia,
Sò tutti omi di vaglia,
Aghju centu cavallieri.

Per la legge sò banditu,
Ma la legge di li mei,
Hè quella ch'o facciu eiu,
Per la legge sò banditu.

Quandi lu sole s'arrabbia
U "sumbrero" chì mi campa,
Mi face casa in la "pampa",
Quandi lu sole s'arrabbia.

À la festa patrunale,
Dopu finita la messa,
Facciu ballà le prumesse,
À la festa patrunale.

Annu passatu à la fiera,
Cumprai una mitragliosa,
Più cà lu ventu furiosu,
Annu passatu à la fiera.

A sera à la prima stella,
Ci riscaldemu à le fiare,
Femu sunà le ghitare,
A sera à la prima stella.

Ci fischemu la "tecchilla",
Per lu restu di la notte,
È "tortigliasse" sò cotte
Ci fischemu la "tecchilla".

Quì finisce la canzona
Cumpagneri è paisani,
Di Zappatta Emilianu
Quì finisce la canzona.

U MARE DI CHINA

Eramu una bella squadra
È tuttu era in cumunu
Ma spessu venia a ladra
A sera ne mancava unu.