I belli ghjorni
Utopia
Ghjè un locu chi si trova inlocu
Duve la ghjente porta u contrafocu
Ghjè un reame pè l'incerte credenze
Un' isula di resilienze
So le parole ch'ùn so ancu à ghjunghje
Chi u silenziu ripete sin'à rughje
So l'altre è diverse manere d'esse
lnd'è la reta chi ci tesse
R :
I belli ghjorni
So di ritornu
ln scataforni
È à l'intornu
Da custi parte
Lu nostru arte
Ci vole à sparte
E nove carte
So le rabbie è li mughji è la terra
È l'imprubabile forza chi spera
Ghjè la rivolta di li sogni cuncreti
Chi ti fideghja cù l'ochji prufeti
Ghjè lu ciucciu privu di u nimbu
Chi aspetta à u limbu
So li to sogni ghjettati in l'azuru
Cume un arma carcata di futuru
So le margine à l'orlu di u mondu
Duve campi più ghjucondu
Basta le notte è basta le timpeste
Aprite l'ochji è pisate le teste
C'hè u lume dopu à lu negrume
Chi caccierà lu rancicume
Ghjave
Vergogna n'ai tù superbu capilita
Di mandà i zitelli à straccia la so vita
Offre senza risparu a soia a libertà
A so libertà, u so solu giuvellu
A so vita, la nostra, carrissima granella
Pè l'avvene scurdatu chi ne principia avà
R :
A so duv'ella hè a forza di resiste
Hè l'opera maestra di li tempi da vene
Uniscesi, creà, cuntinuà d'esiste
Una manu chi porghje è un'antra chi tene
L'ora ùn hè più quella di bramà una morte
Di cappià strada dritta, santificà e torte
L'ora hè di custruisce è di dà da sperà
Nùn mi sentu lu drittu di lampà u cumandu
S'ùn pigliu strada scema un antru ùn lu ci mandu
S'ellu mi rest'appena u sensu di u campà
Di contra à le muraglie a forza ùn ghjova più
Ma le chjave so in manu, ci brusgianu di più
Chi d'apre porte nove aghju amparatu à fà
ln omaggiu à Dumè Gallet
A l'andà
Quandu a vita fraga chè tù voli sunnià
Piglia u to saccu. ùn c'hè megliu à fà
U caminu ? Ghjè u core chi u sa.
Lascia le to carte, le notte è le drame
La strada s'avanza è dananz'u cadrame
U veranu ci porghje le so brame
R :
Simu à l'andà d'un bellu ghjornu !
Simu à l'andà ! Un fà ritornu !
Ci n'anderemu, u ventu ci purterà ...
Simu à l'andà à passavanti
Simu à l'andà di stà d'incanti
Ci n'anderemu, u ventu ci purterà..
Quandu ùn hai nunda chè li to dui pugni
Chè tù sai lu gustu ch'elli anu li pruni
Tù si cumu più di qualchiduni
Forse ùn puderemu esse tutti eroi
Ma ùn simu nimu in ssa banda di boi
Chè ci vole una altra vita per noi
L'emu da fà! L'emu da fà !
L'emu da fà ! À l'andà !
L'emu da fà ! L'emu da fà !
L'emu da fà ! À l'andà !
Marie Chuchena
Estaba Maria chuchena sentadita en la barranca
Sentadita en la barranca, estaba Maria chuchena
Con su vestido en las piernas, recogiendo flores blancas
Recogiendo flores blancas, estaba Maria chuchena
R :
Maria chuchena se fue a banar
A orillas del agua muy juntito al mar
Maria chuchena se estaba banando
Y el pescador la estaba mirando
Y le decia : Maria Maria !
Mi techo tu casa mi techo la mia
Mi techo tu casa mi techo la mia
Mi techo la casa de Maria Garcia
Dime que flor te acomoda para irtela a cortar
Para irtela a cortar, dime que flor te acomoda
Si Azucena o Amapola, oh maravilla del mat
Para cuando tu estes sola, tengas con quien platicar
Por alll salièo volando una calendria amarilla
Una calandria amarilla, por alli salièo volando
Y en su piquito llevaba una rosa de Castilla
Y el viento la deshojaba como la una maravilla
Ghjustu tù
Possu passà le notte senza dorme
Tutte le matine anu e so forme
Di lu so senu lu mondu n'hè pregnu
Cercu in lu celu cheru u so segnu
Possu carcà ne mille filmi di spie
Tutte le sere so sere d'inviglie
ln cerca di u minimu indice
Chi dapoi à ellu nunda ùn mi dice
R :
Ch'ellu era solu eu
Ch'ella era ghjustu tù
Ci hè un qualcusellu
Chi dapoi tù
Ch'ellu era solu eu
Ch'ella era ghjustu tù
Ci hè un qualcusellu
Chi dapoi tù, ùn mi passa più
Ella hà postu in lu so muru una figura
D'un fiore cusi bellu in la bughjura
U manderaghju avà quellu missaghju
Nanzu ch'ella mi cappi à batalaghju
Ellu vecu a so risa in ogni visu
Perchè u sentu cusi indecisu
ln elle c'hè sempre un pocu di maga
Le storie chi piattenu una piaga
Testu Moru
Vogliu scrive un testu forte
A la piuma in tanaglia
Armà l'amore in cuorte
Piegà farru cume a paglia
Vogliu scrive un testu dolce
Di muri di sogni in duru
Per le voce senza voce
A l'incrichje di futuru
Vogliu scrive un testu moru
Sè un dumane ci affiora
Cume e nuvelle in coru
Testu per la testa mora
Vogliu scrive un testu moru
Per fà cascà ogni torra
Di un stintu in canoru
Testu per la testa mora
Vogliu scrive un testu d'ambiu
Un bellu è gran discorsu
Chè lu tempu sia scambiu
ln traccia à esse corsu
Scrive tornà scrive megliu
Scrive à perdene alenu
Abbagliatu da un lume
Chi spazza u negrufume
T'aspettu
È quandu a sera mi ne tornu ind'è mè
Mi sentu solu è pensu forte à tè
ùn socu lu to nome ne di quale si
Ma ti lasciu una piazza sè tù veni qui
Aghju fattu le scene sin'à più pudè
Ma sempre l'avvene si ricusa à tè
La sulitudine avà pesa ancu troppu
Hè bella a vita quand'ella hè in coppiu
R :
U tempu core prestu
À lu tempu appressu
Tandu eu t'aspettu
È lu mo core hè stessu
À lu to core spessu
Tandu eu t'aspettu
ùn sè tantu sbaccone ùn socu e parole
So cume u timidu chi fughje le folle
ùn aghju ch'un sognu è pocu à prumette
Una ghitara per le notte frischette
Ùn ne parlu mai ma ùn pensu ch'à què
Ghjornu dopu ghjornu sunnieghju di tè
Ci feremu un zitellu eppo tutti i trè
Viderai la mo stella cume saremu bè
A l'aventura
Cù la mio fede è lu mio core
Feraghju ssu viaghju cù fervore
À qualè ch'ùn ci crede à ss'ore
ùn scoprerà di u mondu u splendore
R :
À l'orizonte vecu la mio vita
ln l'altu mare, u mio caminu
À l'orizonte vecu la mio vita
Leghju in lu celu u mio destinu
Appiendu u sensu di l'aventura
Fendu armunia cù a natura
Stà in cità per mè ne hè dura
Cappiu à ventu la mio paura
A tutt'età si po andà
A vita sempre si po scambia
Ghjè un piacè di sunnià
È l'aventura ci aspetterà
Si
Si lu vascellu di lu mio più bellu viaghju
Si lu sole di lu mio più bellu raghju
Si la muntagna chi mi face gigante
Si lu fiume di gioia trabuccante
Si lu scogliu chi si campa di u mare
Si u fucone di le mio più belle fiare
Si a campia chi mi vole rasserinà
Si a fola chi sempre mi vogliu cuntà
R :
Si un'paese ch'o vogliu campà
Si una llngua ch'o vogliu parlà
Una cultura ch'o vogliu tramandà
Una nazione ch'ellu ci ferma à fà
Si a terra di lu mio più bellu esiliu
Si a furesta induve mi maravigliu
Si a stagione di lu più bellu veranu
Si l'agrottu di l'ultimu andaccianu
Si l'amore di la mio più bella passione
Si u ghjornu di lu mio più bellu spirione
Si a ghjente di la più bella spartera
Si a volte l'agnellu, è a volte a pantera
Si la ricchezza di la mio miseria
Si lu pane di la mio più bella meria
Si lu straziu di lu mio più bellu stentu
Si la lacrima di lu mio più bellu pientu
Si a vittoria di lu mio più bellu sperà
Si a furtuna ch'ùn vogliu barrattà
Si l'alivetu di la mio più bella pace
Si lu ligame di l'unità chi si face
Munduko artistu
Scrive, Bizia, Cantà, Grazia
R :
Armate di e rime
Di e parolle sublime
Di l'omi la cuscenza
Di i populi la speranza
Errimaz beztitua
Hitz apartek piztua
Gizonaren gogoa Peskizan
haziz doa Hobe dezakeela mundua
Alma di l'umanità
L'arte ci dà la grande forza di sperà
Scrive, pinghje o cantà
So rasgio d'esse, di campà
Gizaki arima
Arteak hozitzen itxaropen Kima
ldatz, tinda, kanta
Bizirik sendi gira 'ta
L'artisti di lu mondu
So magi chi facenu sunnià lu core
È portanu l'amore
Ancu in l'odiu u più prufondu
Artistak munduan
Amets ereile diren aztiak dira
Maitasun distira
Hedatu arte herra minduan
Camperemu
Quandu esistenza serà to festa
Quandu sapienza serà più onetta
Quandu amore serà richezza
Cume un core senza rencichezza
Tandu voce ùn tremerà
Tandu voce schjatterà
Camperemu, camperemu
À l'alba chjara d'un altra vita
Camperemu, camperemu
À l'alba chjara d'un altra strinta
Quandu allegria sunerà forte
Quandu armunia pichjerà le porte
Quandu li fiori cresceranu
Sempre più fieri
lncù u veranu
Tandu l'omu nascerà
Tandu l'omu intunerà
Camperemu, camperemu
Cum'un paese sempre arrittu
Camperemu, camperemu
Cum'un paese sempre lindu
Quandu oppressione serà sbanita
Quandu nazione serà gravita
Quandu nivaghja serà campestra
Quandu figliolu serà furesta
Tandu u sole lucerà
Tandu u sole sperghjerà
Camperemu ...
In omaggiu à Baga è Armand
Basta!
À tutti li senza cultura
V'aghju da di un secretu
Face un pezzu ch'ella dura
Chi so corsu è chi ne so fieru
Ùn aghju aspettatu à voi
Pè cunnosce la mio storia
U gallicu hè vostru eroi
Micca u meu, hè sicura !
Tù chi si intelletuale
Cerbellu viotu è mente chjosa
E vacche averanu ale
Ghjornu ch'eo ti feraghju losa
Teni lu puru u to sapè
Sippia sicuru ch'ellu ùn scappi
Chi pè l'umanità lu bè
Stà ti ne zittu, ùn lu cappi
R :
perchè avà basta cusi !
Voi chi pensate lu mondu
Chi site li ricchi patroni
Mancu ùn sapete ch'ell'hè tondu
Ne site li grandi ladroni
Ma vergogna ùn sentite
Chi site degni, site fieri
Di le vostr'opere perfide
Li veri sumeri altieri
Quandu li populi furiosi
Si piseranu in ogni locu
Le vostre parolle pumpose
Ùn spinghjeranu quessu u focu
Tandu l'assaltu populare
Chi s'impazienta di schjattà
Vi ferà cascà di l'altare
È forse vi calcighjerà
Esistenza
À la vostra cuscenza
Brutta è vergugnosa.
Li rispondu " diffidenza
D'un populu furiosu
Chi da e radiche nostre
Spiritu è dignità
Facenu l'ore corse
U nostru campà
A nostr'identità
R :
Simu un populu fieru, una realità
Una parte integrale di l'umanità
Una lingua viva
Una terra invidia
È sempre serà
Alzemu la bandera
Femu la sventulà
L'anima bianch'è nera
Mai ùn si spinghjerà
Tutte le vostre legge
Ùn ponu fà cascà
À l'omu chi pruttegge
U so benestà
A so voglia di fà
À le vostre minaccie
Piene di falsità
"Li rispondu " linguaccie"
Chi ùn sapete chi fà
Pè attagnà ssu locu
Chi vi face trimà
Chi vi face sudà
L'imparzualità
Di lu vostru pensà
R :
Simu un populu fieru, una realità
Una parte integrale di l'umanità
Una lingua viva
Una terra invidia
È sempre serà
Puru sè vo credite
Chè n'avemu à piegà
Tutti quante vo site
Pudete abandunnà
Chi nostra mente hè forza
Da sempre è ancu avà
Nostra passione hè corsa
Nostra fideltà
Hè pè l'eternità
​
​
