Guardendu a l'insu

L'albinu

A ME BRUNETTA

A la me brunetta
La me brunetta hè bella
Cinque, quatru, trè, dui è una
La me brunetta hè bruna

A la me brunetta
Cinque, quatru, trè, dui è una
La me brunetta hè bruna
La me brunetta hè bruna

A la me brunetta
Quatru, trè, duie è una
La me brunetta hè bruna
La me brunetta hè bruna

A la me brunetta
Trè, duie è una
La me brunetta hè bruna
La me brunetta hè bruna

CANZONA

Canzona di e mio lotte
Suminata da lu ventu
Intunata ghjorni e notte
Pe impastughjà u spaventu

Canzona di u viaghju
Quandu a partenza mi pesa
N'ogni locu a piglieraghju
Corsica la to pretesa

Canzona di e mio brame
Quandu m'arrizzu a mane
Musichella chi mi chjama
E chi mi porta luntanu

Canzona per un amore
Chi scuzula u mio core
Quand'ellu spunta l'albore
Di sera à tutte l'ore

Canzona per Cursichella
Di mille rime fiurite
E bella issa riturnella
Cu isse voce intenerite

DOPU A U FOCU

Nu i rispiru piu indocu
I to prufumi generosi
Quelli di e to macchje fiurite
So di negru pulverosi

Nu i vegu piu corre
I to ghjargalucci chjari
A mezza teppe scassate
So tutti incinderati

Nu i sentu piu cantà
L'accelli di e to valle
Appesi à u silenziu
U so volu batte l'ale

Nu u sentu piu fisca
U ventu in le to fronde
Un acula stancaccia
Franca sola e sponde

E chi mi ferma oghje
Sell'un so i to lagni
In sta calata di bazza
I to ghjorni so pagni

ISULA D'OGHJE

Isula d'oghje quale si
A mezu à l'onda suminata
Barca chi move è ùn s'affonda
Per suffià sempre a ventata
Nantu a so terra à scunfini ?

Isula bella chi ci chjami
Quandi u sognu hè à u veranu
Chi tuttu face testimoniu
A lu misteru più arcani
E mette à u core i so liami

Isula cruda chi si perde
A forza altiera di e virtù
Quelle chi ti fecenu fiera
A l'ochji di a giuventù
Si u to Palazzu un hè più verde.

Isula mea fà chi dumane
Ch'ellu ne sbucci torna un fiore
Ch'elli si piantinu i cartucci
Per fà la piazza à lu t'amore
A u travagliu è à u pane.

L'AGHJU INTESI

L'aghju intesi canta
Una sera à la festa
Cu una fede sincera
Quandu a voce s'intesta

L'aghju intesi canta
In vindemie o à l'aghja
Stantendusi u pane
Cu zappone o cu staghja

L'aghju intesi canta
In ghjesa tante volte
Per matrimoni o interri
Intrunendu e volte

L'aghju intesi canta
I pueti a la Santa
Fin chi a musa stuzzicà
Qui manc'unu ùn si pianta

L'aghju intesi canta
A babbu e a babbone
E di s'arte agarbatu
M'hanu datu a passione

MAMME

Eranu belle e parolle
In'u soffiu di a ghjuventu
Eranu fate in le fole
C'hai credutu ancu tù
Da le nanne à le paghjelle
D'issi canti infiarati
Spurgulatte le conelle
A la mossa eramu ligati

Ma oghje Mamme ci n'hè tante
Ma cu'na pena tamanta
Ma cu'na pena tamanta

Sta terra che t'hai diffesu
E che t'hai tantu accarattu
Oghje ghje à corpu stesu
Chi a lotta t'hà lasciatu
Stefanu, Petru o Carlinu
Eri un'humanu ancu tù
E lu sangue in le to vene
Era rossu ellu dinu

E oghje Mamme ci n'hè tante
Ma cu'na pena tamanta
Ma cu'na pena tamanta

Quandu l'unita si tacce
Cume crede in l'avvene ?
Possi un'ghjornu sbuccia a pace
E ch'ella colmi le to pene
C'hai lasciatu un figliolu
Un babbu, o un maritu
E in lu to core lu dolu
Mai un'avera smaritu

Mamme oghje ci n'hè tante
Ma cu'na pena tamanta
Ma cu'na ferita tamanta

NOTTI DI LUMI

U passu d'a notti à l'alba d'un bichjeru
E li versi d'eri n'i caneddi ghjuvanili
U ghjaciu chi si strughji in un trostu d'addisperu
E tanti lumi baddani par un andata veranili

E voci di a notti so tutti arraghiti
U fumu e i lagni ne sarani a causa
I risi so miseria i surisi feriti
E tanti lumi baddani par a festa ghjilosa

L'occhji di a notti so pieni di russori
Fora u cotriu ci secca l'alba spalancata
l menti un ci so più ch'impuiti di dulori
E tanti lumi baddani ricordu d'abbrugata

Qui si parla d'amori, e si ghjoca di morti
Ognunu si fighjula si cerca e si distrughji
Ma li notti so pieni di falsi malasorti
E tanti lumi baddani in u celu chi fughji

A ghjuventù si cappia e creda d'essa ghjunta
I vecchji un ci so più, hè prova di lu so mundu
A notti porta a festa e scumetti un assunta
E tutti baddani i lumi d'un chjerchu tondu.

SE GUARDENDU A L'INSU

Se »guardendu à l’insu
In lu celu supranu
Un’la senti po tu
Quantu u core si lagna ;
S’ammudulisce u ventu
Per lasciami parlà
E cio ch’aghju da li
Un hè micca «“ o, la, la“
Un hè micca «“ o hi me“,
Ch’ùn vogliu traparlà.

Ma un saresti tu
Di l’oru di l’attracciu
Uscita, o da l’insu,
O dalu zampinàghju
Chì à l’utornu ghje
Culore di maraviglia ;
Un s’aresti po tu
Principezza, regina,
A la mio ghjuventù
Quella chì s’assumiglia.

Dicci mi teni tu,
Mi teni da fratellu,
Ma cio ch’eo manghju qui
So buconni o fritelle ?
Sarratu che ne so
In la cella suprana
A l’usu chì si sà
Un hè micca cristianu –
Che tu mi preghi tu
I castighi, l’affani.

Mischiendu li culori
Di l’orcu in lu completu
Quellu chì ghje pittore
E quantunque pueta
E chì campa à l’insu
In altu pregatoriu
Un s’interessa più
A i nostri capatoghji

SERINATU

Scusate o madamicella
S'o vi svegliu quista sera
La mio dolce culombella
Rosula di primavera
Chi per me site a piu bella
O la mio capelli negra

Aghju francatu e campagne
Sotta soli e tempurali
Vulatu cume l'altagne
Abughju e senza fanali
Lavatu e mio macagne
A l'acqua di li spisciali

Per voi a mio innamurata
Canteraghju notte e ghjornu
Signurina tanta amata
V'aspettu à cant'à u fornu
Pigliate a mia casata
Chi per me ghje sempre un sognu

Ava se vo perpetite
Vi vuleria carezzà
Per imbellisce e vostre dite
Un anellu vi vogliu dà
Per guari e mio ferite
Vi vuleria spusà

Aprite a vostra porta
E venite cu me fora
Chjamu per l'ultima volta
Venite ch'avà ghje ora
Sta bella notte ci porta
A fiurisce u nostru amore

SIA TU

Sia tu lu viaghju
A l'incontru di a storia
E stu caminu chjaru
In l'ortu di a mimoria
" Ma si tu la mio terra sia tu lu viaghju "

Sia tu quella fiaccula
Di le nostre sperenza
Sempre accese a lu mondu
Chjara di tutta cuscenza
" Ma si tu la mio terra sia tu quella fiaccula "

Sia tu l'alba pagna
Luntana di li mio ghjorni
Per chi'u sole d'issa stonda
Fessi nasce i mio sogni
" Ma si tu la mio terra sia tu l'alba pagna "

Sia tu lu versu novu
Di le canzone allibrate
Po e voce arrabiate
Ogni volta piu calle

" Sia tu la mio terra
Sia tu lu versu novu
Ma si tu a mio terra
E si tu lu versu novu "

STA SERA

Sta sera cresce in me
A voglia d'avetti a fiancu
Di stami solu cun tè
Di scurdami ch'o so stancu

Sta sera brusgia in me
A fiama di a speranza
Sta sera ti vogliu di
Mi pesa a to assenza

Sta sera cresce in me
L'amore ch'eo ti piattu
Sta sera ti vogliu di
Chi pensu à te à l'appiattu

Sta sera vogliu lascià
U versu u piu inchietu
Vuleria fà sapé
Ti tengu caru in secretu

Sta sera vogliu lampà
l'ultima chjama d'amore
Ch'ùn possu più suppurtà
D'ùn sente u to calore

TRIBBIERA

Soffia un trattetu caldu
Nant'à un'aghja guardiana
Quaghjo fondu à lu valdu
Fiscanu falce e furlana
A sierra e diggia in ballu
Nu i chjosi a sulana

I baroni elli so pronti
A riceve a tribbiera
L'accuppiata di li boi
E pale per a spulera
E le vuciate di babbu
Da la matina à la sera

U sole à capulatu
Si cumiera la ghjurnata
U talavellu incruciatu
Ficatu per a nuttata
Alluntanera e streghe
Di u granu cusi stantatu

Po culleranu e mule
Cu i sacchi e u baccinu
Per misurà a racolta
Ringraziendu à San Martinu
E purtendu nu a sporta
Brocciu, lonzu, fritelle, vinu.

S'accuncera la tratoghja
A coppia e i stallavelli
Dopu una bella manghjatta
Cu à fiancu i zitelli
Dopu una bella cantata
A u pede di l'arbitrelli

Dimu à quist'annu chi vene
A la prussima stagione
Azzinghemu e catene
In lu vechju baraconne
Chjuvendu daretu à noi

TURCHINU INFIARATU

Ghje appena d'allegrezza
Ch'oghje ti vulemu contà
Ghjustu affùa issa trisfezza
Chi mai ùn ci lascera

Vai chi ùn trimeremu
A elli ci penseremu
Vai chi fermeremu
E mai ùn ci scurderemu

Ghje incu la mio chitara in manu
Ch'eiu ti vogliu fà sunnia
Cantendulle pianu, pianu
E stonde di lu benista

Ghje incu la mio brama di cantà
Ch'eiu conteraghiu ogni sero
E a feraghju ribombà
Sta voce à u mondu interu

So'ssi ghjorni di spaventu
Ch'eiu vogliu imbalsama
E'ss'inganni murterecci
Ch'eiu ùn vogliu più campà
U pisiù caterone