Grana di vita
RITTRATU
O quant'he bella e alta la to fronte
Pare la neve chi stà su l'altu monte
E di zuccaru e di mele
E di latte pura fonte
O li to ochji so duie perle lucenti
Quand'e tu guardi ferisci a tutti quanti
Ferisci vechji e zitelli
Li ricchi e li puvarelli
O la to bocca chi di zuccaru he piena
Quandu la vegu mi discioglie ogni vena
Per un basgiu sulamente
Feria un annu di catena
O le to mane so duie mani fatate
Un sanu tene chi penne dilicate
E poi quand'ella scrive
Pare un'anghjula chi ride
Li to capelli tirati a fili d'oru
Quandu li vegu, cara, mi ne innamoru
Per tuccalli solamente
Feria un annu di purgatoriu
O tuttu l'oru quellu di la turchia
Cun tuttu quellu di la culunaria
Un abbasta per pagalla,
Cara, la to simpatia...
A GRANA
A grana di u tempu viaghja incù u ventu
E cusi pà andà a l'alba di u tempu
Si ne và a campa a l'alba di u tempu
Ascolta ziteddu di a vadella
Un vali a pena di susciulà
A vita di puglia ci voli a lasciala
Pà andà puri à quiddu valdu
A grana di u tempu viaghja incù u ventu
E cusì pà andà a l'alba di u tempu
Si ne và à campà a l'alba di u tempu
In u valdu canta la campagnola
A u spirionu di a to vita
Una bianca culumbula bia una goccia
E pò fala pà una sposta
A grana di u tempu viaghja incù u ventu
E cusì pà andà a l'alba di u tempu
Si ne và a campà a l'alba di u tempu
Canzona chì trinna lu me cori
E chì sumidda à una storia
Voci chì parti à zappudà
Eppò sumina a grana d'amori
A grana di u tempu viaghja incù u ventu
E cusì pà andà a l'alba di u tempu
Si ne và a campa a l'alba di u tempu
PAISUCCIU
A mezu a muntagna aghju lu me paisucciu
C'he fiumi e castagni e a natura spampanighja
Vicinu a me casa aghju lu me focu di vita
E la me spiranza brusgia u lume a l'infinita
A meza la via di dulceza binadetta
Cresci una filetta chi fiurisci pa una festa
Nantu a la campana s'he pisatta una stedda
Idda chjocca sempri a listessa riturnedda
In u me paesu e in lu me amori
Sbuccia una surghjenti e chi si spiccia in me
A mezu a muntagna aghju lu me paisucciu
C'he fiumi di vita e a natura spampanighja
A Mossa
S'hè mossu un vichjuleddu una mattina da cul'ansù
Dicia sò tantu fieru d'essa incù tè ò ghjuventù
A circustanza chjama è s'idda chjama ancu di più
Se forza è curaghju u supranu mi voli lascià
prontu mi truvaraghju par u sustegnu è par pruvà
Chì ghjenti senza pinseri oghji ind'è noi ùn ci n'hè più
Ghjenti senza pinseri ùn ci ne sarà mai più
Cusì dicia u vechju chì vistu n'avia tanti più
Sò certu chì parechji in u me rughjonu inssù
Dicini chì sò pazzu d'essa incù tè ò ghjuventù
Mà sò chì tù vol'essa u versu ch'iddi ùn ani più
E ne sò bè cunvintu chì a più sana oghji sì tù
E ch'ai fattu manera è ti ringraziu ghjuventù
Ghjenti senza pinseri ùn ci ne sarà mai più
Populu m'ai intesu è si oghji u turmentu hè di più
Segnu chì u casticu hà resu vita à i to virtù
Si biotani i paesi quandu cundanna a ghjuventù
Si biotani i paesi è eccu una prova di più
Chì a mossa s'hè stesa è com'ella mi dici tù
Chì ghjenti senza pinseri oghji ind'è noi ùn ci n'hè più
Ghjenti senza pinseri ùn ci ne sarà mai più
MIMORIA ZITIDDINA
​
A mimoria qualchi volta
Quandi u tempu sumina
Veni a faci a so colta
Ni locca di a zitiddina
E cusi chi ugni tantu
Ni semu tutti stunati
Di ritruva ugni tantu
E i nosci ghjocca sagrati
Quiddu batellu di scorza
Cuntitaia i nosci standi
Ci paria u mari forza
A cistara in petra tonda
Na noscia tar in furori
Chi nascia d'altri monda
Fughjticci come l'ori
Tribulati come l'onda
Avigniamu i nida
E fughjani l'aceddi
Ungnunu facci a vita
E pa ghjunghja in i chjuseddi
Praticaiam'a chjusi ochja
I stritti lamaghjunosi
E di li tinti vinochja
Mancu'n'eramu pietosi
Macchja
Machja corsa disbitatta pienghji u to mal'distinu
Da lu focu arruvinata t'ani minatu n'u spinu
Mà si leva a ciucciata machja corsa disbitatta
Mà si leva a ciucciata machja corsa disbitatta
Lingua corsa di l'antichi da u frusteri calcicata
U to branu dà piu spichi a to voci hè incamurrata
Ma i pastori i to amichi lingua corsa di l'antichi
Ma i pastori i to amichi lingua corsa di l'antichi
Populu corsu addupiatu comu farè à campà
Se a morti cundanatu a quali ti voli fidà
O chi sarà u to piccatu, populu corsu addupiatu
O chi sarà u to piccatu, populu corsu addupiatu
Ma ci si tu l'incarciaratu O ci si tu u machjaghjolu
U nosciu populu ammazzatu lingua e furesta so in dolu
Ma tuttu sarà salvatu ci si tu l'incarciaratu
Ma tuttu sarà salvatu ci si tu l'incarciaratu
Ci si tu l'incarciaratu
E si leva la ciucciata
E si leva la ciucciata
Come
Come un caminu in a muntagna
E chi codda a u distinu
Di l'antica spiranza
Come un prighjuneru incatinatu
E chi spera in a ghjustizia
Pà a vita di l'umanu
Come una tarra di a tradizioni
Operai e paesani
Patriotti di a nazioni
Come un son di cornu pà i muntagni
E chi chjama a l'isulanu
Pà a so libartà
Come Corsica noscia Svighjata a tempu
Pà u viaghju di a storia
E avà canti a to gloria
Come una tarra di a tradizioni
Operai e paesani
Patriotti di a nazioni
ADDIU U ME RUGHJONU
Quandi l'ultimu batellu
Si stacca da la calata
Tandu pienghj in Cursichella
Ugni mama adulurata
Ugni mama adulurata
Quandi u tenaru vaghjimu
Arrughjnisci a machja
Ti ni va frateddu corsu
A stintà a to vitaccia
A stintà a to vitaccia
Da u rughjonu sarrincu
Movi come rundinedda
U fiddolu fiori di casa
Spiranza di mamaredda
Spiranza di mamaredda
O lu me nidu sbiutatu
Indu so i piulacona
Chi lu bramu imbalsamatu
A missu in ni to rughjona
A missu in ni to rughjona
Quandu i to monta turchini
Svaniscini a l'abuccata
Alta-Rocca u me locu
Adiu pà un'anata
Adiu pà un'anata
SONIU DI VITA
Fala l'aria fina, fina i piaghji
Cori l'acqua linda e s'empi u raghju
Antonu e Andria a mezu a finaghju
Trattani e furlana in mesi di maghju
Trattani e furlana in mesi di maghju
L'arghja a u sulivu aspetta a branata
Badda ancu lu granu ch'a trovu l'annata
Prontu e u mulinu e u mulinaghju
Aversa lu vicu e canza u rutaghju
Aversa lu vicu e canza u rutaghju
Suttu a i nosci cristi c'he capre e capraghju
C'he boia impaghjiatti a u beddu pilaghju
A nivi in punti ramenta a frivaghju
Spunta e a natura chi ci da curaghju
Spunta e a natura chi ci da curaghju
Dopu a quissu saltu in nu tempu passatu
Induva a vita schietta s'he addurmintata
Era cusi bedda quissa suniata
E incu lu rigrettu mi socu svighjatu
E incu lu rigrettu mi socu svighjatu
I PRINCIPI
I principi di a tarra
Incu i so mani di farra
Tanti puvari ghjenti
Briachi da u pientu
So barbari pultroni
Chi ci danni illusioni
Pò cu i so battagliona
Ci tenini a frascona
Ci tenini a frascona
Si principi fiurocci
Chi alzani a voci
Passani u so tempu
Fiurindu i munimenta
Si ghjentareddi assesti
Tichji di sague unestu
Adoprani di a buccia
Pò findu a so via
Ni ridini di a sorti
Di i ghjenti chi so morti
Di i ghjenti chi so morti
Si principi smaniosi
So tutti quantu sposi
Ani sempri manenti
L'armati prurinenti
E incu l'arti e lu tempu
Allestrani i ghjenti
E pò tutti in armunia
Tremani di pazzia
Tremani di pazzia
Si strazzi senza loccu
Chi ascendini ugni foccu
Tumbani incu sapienza
U fruttu di li cuscienzi
Ma quandu u carcu e grevu
Scumpiaremu st'allevu
Un stà Populu stesu
Quandi a vita e presa
Un stà Populu stesu
Quandi Nazioni e presa
​
​
