Forse
U mo pease
U mo paese si tù
A mo sperenza a più scema
A carta bianca
Ghitara da accurdà
U mo paese si tù
A mo sperenza si tù
Immensità di u celu
Stella incesa è da rimirà
U mo paese si tù
U mo paese si tù
A mo battaglia a mo guerra
Terra immensa è da carizzà
U mo paese si tù
U mo battellu si tù
Sopr'à u mare serenu
In a timpesta ch'è tù sai calmà
U mo paese si tù
Si tù a mo furterezza
Castellu da cunquistà
Di u to pettu mi vogliu innamurà
U mo paese si tù
U mo amore si tù
Pastore di a mo alma
Di centu fole è centu sunniate
U mo amore si tù
Si tù a mo debulezza
Forza di u tropp'amà
E mo fruntiere so tutte à cascà
U me paese si tù
Di u to pettu mi vogliu innamurà
U mo paese si tù
U mo paese si tù
U mo paese si tù
Tesoru meu
Si ghjunta una mane à bon'ora
Ai suminatu l'albore
Tesoru meu
Cu i to ochji culor'mare
Fatti di perle è più rare
Tesoru meu
Si ghjunta à tempu a u sgio Marzu
Ma u to sole un era falzu
Issa stonda in me hè stantarata
Ai sceltu di dà a manu
A quelli ch'eranu luntanu
Tesoru meu
Dighja a to pelle delicata
Cuntava i sorti di a fata
Tesoru meu
Inseme avemu vistu u veranu
Dighjà l'affannu era luntanu
E e to rise cusi calle
Mancu u vaghjime ùn po tene
N'ai scioltu tutte e catene
E i to fiori so cum'eternu
Ti cunteraghju e passate
Da a to terra rigalate
Tesoru meu
Mi purtrai ver di l'avvene
E pè u sempre ti vogliu tene
Tesoru meu
Citadella
S'è tù guardave à a finestra
Ci viderie i mio pulmoni
Quant 'elli vanu à a lestra
Per creà ventu é calafroni
Ci viderie u meiu u mondu
Apertu à i to centu sogni
E puderiamu girà tondu
Cum'è issi dui zitelloni
Ma tù si zittu, ingutuppatu
In un silenziu animale
Cum'un lione affànnatu
Dopu avè tombu e donne gialle ...
S'è tù guardaï e nant'u portu
Ci viderie e meie nave
Pronte à andà à mare forte
Per arrubà e toi e chjave
Ci viderie o caru meu
Chi u marosu ùn po tumbà
U desideriu ch'aghju eu
Di pudè ti tantu basgià
Ma tù si piattu, vituperatu
ln a to casa citadella
Ti contu un amore sunniatu
lncesu in celu cum'è a stella
Sola
Sola riposu sott'à a luce
Di e stelle andate
Riposu
Sola riscaldu sott'à fretu
Di a to pelle chjosa
Riscaldu
Sola ripensu sott'à u pesu
Di e stonde passate
Ripensu
Sola ritornu fin'à a casa
Duve ci simu amati
Ritornu
Sola rispiru u to prufume
Cusi prestu andatu
Rispiru
In i to ochji
ln i to ochji ci hè scrittu un mondu
A via chjara da piglià pianu
ln i to ochji a mo culomba
Ci hè l'universu à inventà
Da inventà Culombulella
Per ghjucà pianu cù l'acelli
E per fà ride e riturnelle
Di li cavalli è di l'agnelli
In i to ochji hè natu un mondu
Ci hè l'universu di e mo brame
ln i to ochji a mo funtana
Ci hè u marosu chi si calma
Si calma chi lù canti pianu
Per u sempre è lu long'andà
E per lu vechju è lu figlianu
Quelli d'un populu sempre à fà
In i to ochji ci hè a mo lotta
Lesiuccia mea a mo bandera
Tessuta pianu di monti è machje
Ci hé a to terra da inventà
Da inventà Lesiuccia rnea
Per andà pianu à I'aldilà
E per fà cresce a lotta mea
Di ato terra à suminà
Di a to terra à inventà
Caldamoni
U sole pichja ammazza l'ombre
Emmu parla nunda si sente
L'ora hè ghjacciata cum'è un frombu
D'una pistola ch'hà dighjà tombu
E mi carezza issu silenziu
E brusgia pianu è piengu assai
E ci carezza a noi issu ventu
Ch'un po parla ma scrive u tempu
A casa hè viota riceve l(ombre
Elle ch'un volenu più esse fora
Canta è rispira u mo mondu
Di pula grisgia è po di nunda
E mi carezza issu silenziu
E brusgia pianu è piengu assai
E ci carezza à noi issu ventu
Ch'un po parlà ma scrive u tempu
Finestre chjose e ghjelusie
So qui per purtà fantesia
A una stanza senza carezze
Lenzoli fatti da l'amarezza
E ci carezza à noi issu ventu
U soffiu di l'altu quassù
Diu u ci manda cisi viulente
Per fà pensà à l'aldilà
E po piu
Simu vicinu è luntanu
Simu pari è sfarenti
Cumu hè chi a mo voce
In u to core ùn ci entre
T'aghju datu a mo alma
T'aghju brusgiatu a pelle
So firmata cum'è persa
In u to mondu paganu
Cori, cori, colmi è calmu
Un serete mai più
A passione, o care, o cari
Hè una volta è po più
Simu forti è simu piatti
Simu noi è simu l'altri
Cumu hè chi u mo core
In e to mani, ùn batte più
M'ai datu e prumesse
A l'albore è à a Diana
Si partutu ùn ci po esse
Chè di u mo core sta nanna
Simu qui è simu quà
Simu colmi è simu in sbassu
Cumu hè chi u mo fiatu
Si mette a cantà dinù
T'aghju lacatu l'odore
D'un amore guadagnatu
U sudore di u tempi
Mai ùn l'averà sguassatu
Cori, cori, colmi è calmi
Un serete mai più
A passione o care, o cari
Hè una volta è po più
Cori, cori, colmi è calmi
Un serete mai più
U mo core colmu è calmu
Si mette à cantà dinù
Tarrana
Oghje l'alzi sô crisciutu è i castagni so morti
Cio ch'ùn hà fattu a piola, l'hà fattu a malatia
I mulini so sfundati i vechji forni so rotti
A farina hè diventata un piattu di fantesia
Avà si ponu spiantà e torre di u Pughjale
Quelli chi seculi fà eranu i nostri forti
Avà un ci hè più nunda per difende u lucale
E per fà èsintinelle bastanu i nostri morti
Quandu u sole s'alza
Versu Sant'Alesiu
Tuttu s'asserena, s'impone u silenziu
E si sente dinù chi colla in u vaglimu
A voce furestera chi noi ùn capimu
Quella d'un rè barbarescu chjamatu A ratimu
Ferite in Funtan'di moru, mortu in l'onda à saracinu
Fiche, sambucchi è pruni, vitarbe cù machjoni
Ponu fà sparisce, orti, case è casone
Ma sempre in u core di l'anzianu zitellu
Firmeranu cum'è prima u Pughjale è u Surbellu
Quandu u sole s'alza
Versu Sant'Alesiu
Tuttu s'asserena, s'impone u silenziu
Aio
Cumu soffia u Libecciu in u toiu u paese ?
Cumu canta a malacella in i to carrughji appesi ?
Cumu campi tù o caru, u mo doppiu u m o paru ?
Cumu campi è cumu mori? Aio !
Aio fèmu lu sparisce iss'universu di catene
Femu noi rinvivisce e funtane di l'avvene
U mo doppiu, u mo caru, cerca à scurdà è ghjasteme. aio !
Cumu pienghje u veranu in i to monti brusgiati?
Cumu brusgia l'attrachjata in i to ochji beati ?
Cumu canti, tu o caru, u mo doppiu u mo paru?
Cumu canti è ghjochi è ghjochi à carte ? aio !
Aio femu le rinasce isse muntagne paisane
Femu noi inghjallisce tutte isse miserie umane
U mo doppiu u mo caru, cerca à ùn mai più teme. aio !
Cumu dorme u zitellu annanatu in i to braci ?
Cumu li parla lu mare per piglià è fà lu parte ?
Cumu pienghji tù o caru, u mo doppiu, u mo paru ?
Cumu pienghji è cumu tombi ? aio !
Aio femu lu ghjucà issu zitellu in u ventu
Femu lu puru cascà per amparà li u stentu
U mo doppiu, u mo caru cerca puru à suminà. aio !
Cumu campi, cumu mori ?
Cumu scrivi tù a storia ?
Cumu campi, cumu mori ?
Cumu scrivi tù a storia ?
Cumu face u to mondu sempre viotu è sempre tondu ?
Cumu face a to manu per sciappà è po alzà ?
Cumu credi tù o caru, u mo doppiu, u mo paru ?
Cumu credi è cumu preghi . aio !
Aio femu la vugà st'isula cum'un batellu
Vele alzate anderà u nostr'amore ghjuvellu
U mo doppiu u mo caru, cerca puru à amà. aio !
U mo doppiu, u mo caru cerca puru à campà ? aio !
U lamentu di Nicoli
O cum'è tu cunniscie
E bellezze di lu core
Prima di piglià le vie
Chi purtonu da more
Quandu chi le negre spie
Lentonu lu so furore
A cità n'era durmente
E le case insunnulite
Quandu à quellu muru arrente
S'apriinu le to ferite
L'anima turno dulente
E le lacrime salite
Quale sà cum'ellu fece
Lu boia quella matina
A imponeli la so lege
Cù la so manu assassina
Ma à tè nun pobbe rege
For di metteli a ruvina
Paddy
A mo terra chi sveglia
Neve è sole à ogni fà
Di u ghjornu è di u celu
Sermpre pronti à ghjastimà
A mo ghjente chi si sveglia
Sogni è cori impastaii
Di lumera è appaciati
Da u cantu di l'alma
A mo manu chi si pesa
Eo ch'a vogliu piglià
E nostre brame difese
Cicole à fantasimà
Viaghjà e vele tese
Senza mai sbarcà
Di issa nave lum'accesi
E viaghjà
A mo mente chi s'asconde
Daret'à li boschi faschi
Di a mo terra chi rispira
Mi suspira di cantà
A to manu chi si stringhje
Nant' pelle di a bella
Ch'è tù leni tantu cara
Ti sà cusi bè amà
A mo manu chi si pesa
Eo ch'a vogliu piglià
E nostre brame difese
Ci vole à fantasimà
Viaghjà e vele tese
Senza mai sbarcà
Di issa nave lum'accesi
E viaghjà
Forse
Forse u sole avia amparatu à u tonu di piattà a so luce daret'à un tendone
Forse l'acqua dicia à e mille surghjente di pudè dà la vita à millaie di ghjente
Forse a terra avia in ella u furore chi m'ai datu tù ogni mane à bon'ora
Forse n'aghju amparatu fole è parolle ingir'à e to spalle sempre aperte o Bà
Forse l'ora serena avia una fine per fà nasce più belle l'ore anderine
Forse u fustu finu di a mo zitellina avà scopre beatu una nova matina
Forse chi a mo terra mi l'ai data tù sempre cusi sinceru chjamendu mi o ciù
Forse chi a to voce avà hè cum'un filu ch'eo lasciu corre in darnu daret' a tè o Bà
Forse chi l'uceanu è u neru marosu so qui per fà cappià u core amurosu
Forse chi a timpesta è a bianca saetta sempre s'intricceranu sempre mi l'ai detta
Forse chi a mo pelle hè fatta da a toia è chi pensendu à què rinascerà a gioia
Forse chi a mo pena un hè in luniversu ch'è una goccia spapersa a lacrima per tè
Libaru
Si libaru di u mo amore
U celu hà cappiatu
U so ultimu culore
Si libaru di u mo amore
A vita hà strappatu
U filu d'amore
Si libaru di u mo amore
A nostra a passione
Hà spusatu cent'albori
Tu u mo amore
Si libaru di u mo amore
Sentu a vuciarella
Chi sà spinghje u m'ardore
Silibaru di u mo amore
Quant'è n'ai messu tù
Pugni in lu mo core
Si libaru tù u mo amore
Chi sta notte sia
A fine di u furore
Tù u mo amore
Si libaru tù lu mo amore
Ogni stonda hè persu
U soiu u valore
Si liberu tù u mo amore
Pigliu a nostra storia
Per un super'errore
Si libaru tù u mo amore
Sentu dighjà l'ansciu
Di u rigrettu chi more
Tù u mo amore
Gloria
Paisolu di virdura fala
U vaghjime regna cum'altare
Canta a funtana
Dormu à a sulana
D'inguernu è d'estate
T'aghju sempre amatu
Tù, elli è eo
Feremu noi
Elli è eo
Più pienti ma gioia
A tè gloria
Paisolu petre memoria
Dimmi, dimmi la to storia
Mammone pianu
M'insegna u landanu
Eri, oghje è dumane
Ti vogliu appellamanu
Tù, elli è eo
Feremu noi
Elli è eo
Più pienti ma gioia
A tè gloria
Paisolu di dulcezza
U vaghjime ch'accarezza
Vale, poghji è muntagna
So sogni di cuccagna
Aria, o aria fresca
Fà ballà a muresca
Tù, elli è eo
Feremu noi
Elli è eo
Più pienti ma gioia
A tè gloria
D'inguernu è d'estate
T'aghju sempre amatu.
​
​
