Essenziali
Duventa qualè tù sè
lnsegnà ti la strada
Di lu to imaginà
lssi pizzateli ciatti
ln i to alburighjà
lnsegnà ti li noti
D'un novu musicà
È issi sintimi sciolti
D'un altra via à fà
Ripigliu
Duventa qualè tù sè
ùn c'hè mali à essa bè
Duventa qualè tù sè
Un c'hè via chè in sè
Duventa qualè tù sè
Un c'hè mali ad'essa sè
Duventa qualè tù sè
Un c'hè altra via chè in tè
lnventà ti li mari
D'un propriu navigà
E issi stundi i più rari
lss'isul'in l'acqui in dà
Dirascà ti li stradi
D'un toiu viaghjà
Allargà ti li vadi
Da sparghja u to pinsà
Ripigliu
Anima arrughjinita
Da sempri so statu un omu valenti
Cavallieri fieru di salvà u regnu,
Mi paria d'avè l'arti é l'ingeniu
Suttu un armatura di focu lucenti.
U cori cunvintu d'essa qualchissia
Mi facia altru, schjavu di u parè,
Piattendu à tutti cio ch'avia in mè
Circaia in vanu un finta via.
Ma oghji più ch'è mai
A paura hè svanita,
Chi una nova vita
S'avvia oramai,
Calcichendu i guai
D'un anima arrughjinita.
Chjusu in a curazza di l'artificiali
Scurdaia u visu di a me natura,
lncuscenti d'avè un anima pura
Pirdia u sensu di cio ch'hè essenziali.
Illusu d'inghjinà mi un idendità
Un vidia l'oru di u me veru stintu,
Fasciendu l'ardori ch'avia in drintu
M'alluntanaia solu di a virità.
Ma oghji più ch'è mai
A paura hè svanita,
Chi una nova vita
S'avvia oramai,
Calcichendu i guai
D'un anima arrughjinita.
Campà
A vita hè una richezza
Chi sin'à a fini s'ampara,
Ci culpisci é ci carezza
Si faci dulci pô amara.
Hè una storia scunnisciuta
Chi da par sè si devi scriva,
Attempu cheta si tramuta
Chi quantu rigala ci priva.
Campa a gioia avà
Senza mai rimandà
Chi dumani ùn si sà,
Ciô chi ti pô distinà.
A vita hè fatta di sguardi
Di passi tessi trà i cori,
À quandu prestu à quandu tardi
Tempu sbucciata si ni mori.
Hè una surghjenti d'avvena
Da fà ci spirà eppô creda,
Chi trà a risa é a pena
C'hé sempri un raghju à veda.
Campa l'affettu avà
Senza mai risparà,
É porghji pà tramandà
Ugni passioni à dà.
A vita hè cum'un pinseru
Chi tempu ghjuntu si ni fughji,
Hè d'illusioni é di veru
Quandu pari soda si strughji.
Hè cumuna eppo sfarenti
Faci di issu locu un mondu,
Da prufittà cù a so ghjenti
lncù l'amori più prufondu.
Campa a vita avà
Senza mai sminticà,
Di fà di l'umanità
A to fedi di campà.
Essenziali
U sguardu persu à l'orizonti
Avvintu d'omi ch'ùn capiscu più,
Sarru l'ochja, é ti vicu quassù
Pusatu à fighjulà tramonti.
Mi ramentu i to ciuffi biondi
Culori di issi campi di granu,
Quandu in u disertu landanu
Ghjunghjisti pà scropra d'altri mondi.
Pensu à spissu smaraviddatu
À cio ch'è tù m'insignasti culà,
U piacè di fassi ammaistrà
È d'avè qualchissia à latu.
Chi i maio campani d'illusioni
Scurdendu chi so stati ziteddi,
Cù in capu vulcani é steddi
E fiumi smisurati di passioni.
Ripigliu
Circhemu tutti un ideali
Una rosa à middi culori,
Ma da pudè veda l'essenziali
Basta à fighjulà cù u cori.
M'invengu bè di ugni parola
Quandu pari persa a spiranza,
Hè u tempu chi dà impurtanza
A l'amori chi nudda ùn cunsola.
ùn vali à fà langu camminu
ln circa di un novu albori,
Ch'ùn asistarà mai un fiori
Cum'è quiddu di u to ghjardinu.
ùn ponu avè pesu i sfidi
È a furia di ugni timpesta,
Chi quassù, in a volta cilesta
C'hè una luci chi mi surridi.
È ancu s'oghji sô urfaneddu
Aghju un sonniu ascosu in mè,
So cunvintu ch'ùn ghjornu vultarè
O lu me amicu principeddu.
Bramemu tutti un ideali
Una vita fatta di splindori,
Ma da pudè veda l'essenziali
Basta à fighjulà cù u cori.
Ripigliu
Zeru in punta
È chi ci hà da firmà di issu locu chi mori
Sottu à l'assalti scemi di issi bucchi d'argentu
È chi ci firmarà si nimu ùn si cummovi
Di issa inghjustizia muta di prumessi in lu ventu
Semu comè batelli nant'à l'ondi furiosi
Privi di l'armi degni di l'omi virtuosi
Semu comè zitelli faccia à l'orgogliu stremu
D'un maestru ch'inganna a so cuscenza d'omi
E vi mettu, è vi mettu, zeru in punta ...
Chi ci ferma à lu scontru d'un soldu chi ci lia
A necessità vani in li tempi accurtati
È sarani pulvina issi mimorii landani
Chè no ùn fussimu pronti ad'impittà l'arcani
Voddu creda chi l'Omu quiddu 'llu nosciu sennu
Ci farà ritruvà u sensu di a vita
Issa stedda chi si piatta in u nosciu cori eternu
Chi di tarra è di celu ci hè impastatu l'internu
E vi mettu, è vi mettu, zeru in punta...
Chjama à a rivolta
Simu centu fratelli
Di pettu à l'oppressione
Centu milla zitelli
Di Corsica Nazione
Di core indiati
E di mente liati
Lotteremu senz'odiu
Per fanne lu custodiu
Ripigliu
Oghji femu Cunsulta
Di Corsica regina
Chjamemu à la rivolta
Chi populu ùn s'inchjina
ln Paghju di Tavagna
Anu incesu li fochi
Di piaghja o di muntagna
Ripigliemu i lochi
Ci anu presu le fere
A roba è l'animali
E messu le pastoghje
A ghjente di u lucale
Ripigliu
Ricusemu i tassi
E sunemu lu cornu
Accampemu li chjassi
Ripigliemu ogni scornu
Issu populu chi more
Demu li un novu fiatu
Cum'un fiume chi corre
Di spera suminatu
Ripigliu
Oghji femu Cunsulta
Di Corsica regina
Generali è suldati
Cantemu à Palatina ...
Portu Meu
Un core chi rinasce nantu un'aria marina
Cum'un alba si face nant'à l'onde sanguinie
Era notte prufonda d'un core ch'ùn sappia
Tù si ghjunta gioconda à rende mi una via
Forse un appuntamentu chè no c'eramu datu
Fors'era in d'altri tempi sepolti in u passatu
Ti sè fatta regina per mette ti à palesu
Com'un raggiu divinu si falata, si scesa
Ripigliu
Portu meu
Casa è vela ...
Portu meu
Alma surella
I to ochji lucenti mi dedinu lu giru
Cambiessinu u mio mondu in un solu suspiru
lnizionu un viaghju è sguassonu tristezza
Chi nascia un abbracciu colmu di tenerezza
È quandi u ventu soffia par dimmi si sicuru ?
Rivegu lu to sguardu cusi prufondu è scuru
S'inalza in mè un cantu scrittu d'amore puru
Chi sguassa ogni passatu per tesse ci un futuru ...
Ripigliu
Puisque tu pars.
Puisque l'ombre gagne
Puisqu'il n'est pas de montagne
Au-delà des vents plus haute que les marches de l'oubli
Puisqu'il faut apprendre
A défaut de le comprendre
A rêver nos désirs et vivre des «ainsi-soit-il»
Sè tù sè cunvintu com'un sognu chjaru è lindu
chi tuttu cio chè no semu per tè mai ùn bastarà
È s'ell'hè in altro chi u to core batterà
Noi ti tenimu caru è nimu ùn ti ritenerà
Sè tù voli andà
Ti prighemu venti, anime più belle centu
Cù un amore più prufondu chi lu nostru ùn po di più
lmpara in issu mondu ma chè tù duventi tù
Sè ti cambiessi in altru ti pirdimu ancu di più
Garde cette chance
Que nous t'envions en silence
Cette force de penser que le plus beau reste à venir
Et loin de nos villes
Comme octobre l'est d'avril
Sache qu'ici reste de toi comme une empreinte Indélébile
ùn ne vogliu pienti ch'ùn so mai armi valenti
Certe strage stanu zitte è ùn pienghjenu chè in sè
È se l'indè tè campa luntanu da mè
ln u to esiliu prova à fà piazza à lu vultà
Ma senza tricà
J'aurai pu fermer, oublier toutes ces portes
Tout quitter sur un simple geste mais tu ne l'as pas fait ..
Ti pudia offre lu m'amore è la mo forza
Ma infatti ciô ch'o era ùn ti pudia bastà
Mai bastà ...
Un ghjornu d'aprile
ln memoria di Patricia Carlotti chi ci lascio troppu
prestu par righjunghja l'anghjuli ... A Francis è Suzanne
I so parenti incù tutta a me affizzioni
M'eru arrizzatu issa mane d'aprile
Chi u sole mi faccia motu
Nunda ùn dicia chi cornu un fucile
U tonu m'averia rotu
Era una mane listessa à quill'altre
Un caffè l'avia iniziata
Un celu chjaru listessu à tanti altri
E po l'ombra d'una chjamata
Capischi tandu ch'ormai a me vita
Di neru seria amantata
Chi i bel' ghjorni di risa gradita
Di colpu s'eranu piantati
Un volsi creda chi qui u mio sangue
U m'amore s'era firmatu
Duie ore in troppu d'attesa angusciata
U mio core era sfurtunatu
A mo figliola u mo core hè afflitu
Issa strada mi t'hà arrubata
ùn aghju faltatu d'aveti la ditta
È tantu ùn hè bastata
ùn maladescu u celu o la sorte
Ma più noi è u lascia andà
Avà più chè mai e strade so torte
E un babbu i devi addrizzà
Oghje ch'hè oghje devu tene arritu
Per quelli chi so firmati
Puru sè di pienghje ùn hè un delitu
I mo ochji si so sarrati
Seraghju forte per fatti l'onore
D'un babbu ch'ùn pianta mai
Di purtà alta a fede è l'amore
di tè è tutti i to cari
Back to paese
So di l'alte cime
È di l'aldilà
So di iss'altru mondu
Sempre à cunquistà
l'm from the moon
And l'm from the stars
Lite is going to bloom
But l've gone so far
l'm back to paese
l'm just back to paese
So di l'altu mare
È di l'acque in là
So cio chi mi pare
Liberu d'andà
l'm from the light
And l'm from peace
I don't want to fight
I just want to be
I' m back to paese
l'm just back to paese
N'aghju vistu tarri
È po tanti amichi cari
Celi è luni senza mai piantà
N'aghju fattu tanti scontri
È giratu mari è mondi
Chè so più chè mai prontu
À vultà ...
U Borgu
duo Luigi Giafferi / Clemente Paoli
Tutti à fiancu lu generale
Per difende u Borgu nustrale
Tutti in giru à lu caru Pasquale
Per fà fronte à l'orcu culuniale
Aiô tutti fratelli Naziunali
Demu forza à l'assaltu finale
Aiô populu di issi fiuminali
Femu ceda l'armata murtale
So dec'ore di lotta fatale
Per noi altri suldati di Pasquale
Ma cun fede di pettu à lu male
Noi cantemu l'innu triunfale!
Tutti à fiancu lu generale
Per difende u Borgu nustrale
Tutti in giru à lu caru Pasquale
Per fà fronte à l'orcu culuniale
Cù le donne cumbattanti d'onori
So in vinochji ancu li gran' signori
Cù ste mamme tutte pronte à more
Un c'hè francie ch'ùn ci tenga torre
ln Oletta dapoi l'albore
Femu fronte à issu fiume chil corre
Qui De Ludre ci hà persu l'onore
A so spada ùn pigliarà più core ...
Tutti à fiancu lu generale
Per difende u Borgu nustrale
Tutti in giru à lu caru Pasquale
Emu vintu l'orcu culuniale !
A l'infinitu è aldilà
ùn c'hè terra, ùn c'hè nave
Chi ti possi purtà
Da supra l'urizonti
Comè lu to pinsà
Un c'he nunda chi dice
Chè tù devi piantà
È d'ùn essa fenice
Par sempri cummincià
Ripigliu
Oghji ùn n'ai più scusa
Par ùn cresce è campà
Stà à senta a to musa
Chi ti dice d'andà
Oghji hè toiu u dirittu
Di sparte è tramandà
Poi sunnià d'infinitu
È ancu aldilà ...
Un c'he locu piu grande
Chè quiddu in drent'à tè
È issa luna chi splende
Sempri da mari in sè
Ùn c'hè stanga chi sia
Di pettu à lu vulè
Di quiddu chi s'avvia
Versu d'altri sapè
Ripigliu
ùn c'hè trave chi tenghi
Sè tù voli avanzà
Abbasta chè tu venghi
Cùn tè à caminà
Cunnosci d'altri soli
È i poi truvà
Ma solu sè tù voli
Goda a to libartà
Oghji ùn ai più scusa
Par ùn cresce è campà
Stà à senta a to musa
Chi ti dice ch'avà
Hè toiu u dirittu
Di sparte è tramandà
Poi campà l'infinitu
È move l'aldilà ...
​
​
