Canzone Corse

Paghjella di u tagliu

( tradiziunale ) 

Nun ti scurdà di Tagliu 
Solu chì ci ai una matre 
Cù li to cinque fratelli 
È le to surelle amate 
È duve sonu defunte 
Le cennere di u to patre 

Sognu è spiranza 
( Puesia di Marcellu Acquaviva )
 
Mi vanu quelli paesi 
Duve in sognu mi ne vocu 
Per i chjassi forse appesi 
A u cele in qualchì locu 
Nanzu chì i lumi accesi

 
Un tradiscanu l'imbrocu. 
Mi porta quellu viaghju 
Quassù in cima di a cullata 
Ne ritrovu u pagliaghju 
Cù a paghjola azzingata 

È rivecu u tilaghju 
Da a porta spalancata. 
Mi garba quellu vichjettu 
Cù a so baretta misgia 
Chì calfa un visu parfettu

 
Urnatu da barba grisgia 
Mentre ch'in tornu, un caprettu 
Saltillendu bela è intisgia. 
M'attira quellu bucchinu 
Duve una scultura affacca 

Poi a pippa è l'acciarinu 
Ch'ellu caccia da a stacca 
È u so ditu à ancinu 
Chì strigne l'arba tabacca. 
M'attira quellu fucone,

 
A fumicosa muraglia, 
A catena è u pilone, 
E narpie natu a madia 
È arrittu indu l'agnone 
L'anticu fucile à scaglia 

M'incanta a so mimoria 
È a so voce sincera 
È u Moru di a Vittoria 
Postu à mezu à a bandera 
Cù tutta l'eterna gloria

 
D'una razza cusì fiera. 
Quandu lu sognu hè finitu 
Vecu ciò chì simu avà : 
Un populu mezu sparitu 
Spapersu da mare in là

 
Ma i Corsi anu capitu 
Ch'in casa ci vole à vultà 
Sì la vita d'arimane 
Un turnarà mai più 
Oghje tante cose vane 
Sò tinute da virtù : 
È di qualità anziane 
Bisognu ci n'hè, dinù. 

Vociaru di ghjuvan cameddu 

( Tradiziunale Zicavu ) 
 

Quel tonu tremente è forti 
Da per tuttu ascoltu assai 
Quellu chì annuncia la morti 
Di Cameddu Nicolai 
Quellu banditu d'onore 
O Corsica più nun ai. 

In la casa di la Testa 
C'era matrimoniu è ballu 
Ch'ella li ghjunghji la pesta 
Cù li sproni da cavallu 
È po subarcalli tutti 
Quel ch'anu commissu il fallu.

 
Nun si hè mai vistu al mondu 
Nè letta nella scrittura 
Chì à l'omu furibondu 
La donna faccia paura 
Di tiralli di pistola 
Contru la matre natura. 

Fusti traditori di Cristu 
Più di ghjuda sè ribeddu 
Per un miserabile acquistu 
Tradisti à Ghjuvan Cameddu 
Tirati il collu à la corda 
Hè il sicondu to frateddu. 

O Camè lu me frateddu 
O Camè lu me cuginu 
Quale hè statu l'assassinu 
Chi t'hà purtatu à lu maceddu 
Per fani subire à teni 
Questu barbaru fraceddu ? 

Sonu in dolu li fiori d'i prati 
Più nun canta l'oguriu acellu 
Dicenu ch'anu ammazzatu 
L'eroe Ghjuvan Cameddu 
Eu lu bagnu cù il moi piantu 
Ma nun credu chì sia ellu. 

I corsi impinzutiti 

( Tradiziunale ) 
 

Ma sti Corsi impinzutiti 
Ne anu tutti la pazzia 
Di stringhje lu currighjolu 
Per purtanne la flacchina 
Per ghjunghje indu i so paesi 
Qualchì mese istatina. 

Chitanu li so paesi 
Si lascianu la so casa 
Per andà à fà quindeci anni 
In una carriera à l'armata 
Chì ne hè causa di què 
Hè la Francia scellerata 

Hè la Francia scellerata 
È la Corsica n'hè schjava 
Chì s'ella era cummerciata 
Tuttu lu mondu ci stava 
Ùn so boni ch'à truvacci 
Si una guerra si dichjara. 

Si una guerra si dichjara 
Una cum'è è quella di prima 
Tandu trovanu li Corsi 
Per buccali in prima ligna 
È chì s'ella ùn hè cusi ne 
Noi ùn emu micca stima. 

Alcudina 

( Tradizuinale zicavu ) 
 

Principià vogliu à lodare 
U san petri è Veraculongu 
Po ci hè Nebbiu cù la trova 
U fraulettu à fà la prova. 

Funtana di termineddi 
U terminu da faccia al Pianu 
Teppa Ritta fù chjamata 
O da quel terminu vicinu. 

Sattu quel toppe di prati 
Sguizzanu tanti roscelli 
Sottu son pesci sarrati 
È sopra pascinu l'agnelli 
Li cavalli è li ghjumenti 
È li boia cù li vitelli. 

O passendu par li Croci 
U Cavallari è Pallaiolu 
Sentu una sampugna rara 
Chì facianu tanti caroli. 

L'Alcudina chjama è invita 
O di l'altezza nun ci hè la para 
Guarda la Corsica unita 
O quantu giranu terra è mari 
È po guarda à Magior Segnu 
È parte assai de la Sardegna. 

Nanna di u cuscionu 

( Tradiziunale Zicavu ) 

Sù li monti di Cuscionu 
Natu c'era una zitedda 
È la so cara mammona 
Li facia la mannanella 

Nanna nanna è viu viu 
Aligrezza di mammona 
Ch'emu da allistrì la cena 
È da cusgia li pilona 

Chì hà da ghjugna lu to babbu 
Trosciu trosciu è briaconu 
Viula viu viula viu 
Viula viu è viula vola. 

Quand'è tù sarè ingrandita 
Ti daremu lu maritu 
La camisgia lu gunellu 
È la vesta ben guarnita 

Di stu pannu sfinacciatu 
Chì si tesse scartucciatu 
È sarà un bon partitu 
Chì sarà lu capurali 

Di tutti li muntagnoli 
Picuraghji à capraghjoli 
Viula viu viula viu 
Viula viu è viula vola. 

Corsica nostra 

( Parolle è musica di Ghjuvanpaulu Poletti )
 

Sentu lu chjoccu di la campana 
In a natura tuttu si spanna 
Un son di cornu da le muntagne 
Chì scaccia u Corsu da li so lagni 
L'ora hè venuta di fà l'unione 
Per la salvezza di la nazione 

Sta voce pura vene da u core 
Ci porta a fede, ci canta amore 
Parla di Paoli, di i so guerrieri 
Sopra à le cime è le fruntiere 
Di Ponte Novu canta la gloria 
Ci porta à l'arme, ci porta à more 

Corsica nostra, terra d'eroe, 
Rizzati libera, falla per noi, 
Portanu u nome di libertà, 
I to figlioli pronti à marchjà, 
Portanu u nome di libertà 
I to figlioli pronti à luttà. 
 

Terzetti 

( Tradiziunale Rusiu ) 
 

Nun ti scurdà di mè benchè luntanu 
Appia cumpassione d'un infelice 
Ch'eo vacu piengendo dal colle al pianu. 

Eo feci l'acquistu d'un sì bel terrenu 
Per ripusammi nella mia vecchiezza 
Ma oggi tortu mi guardi sò ridottu al menu. 

Io vincere vorrei la mia avversaria 
Cun quell'antichi gesti è belli modi 
Ma temu d'ùn furmà castelli in aria. 

Lamentu d'Antuninu 

( Tradiziunale Zicavu ) 
 

O cunsorti adurata 
Da l'oscura prigioni di Bastia 
In cù la mio penna amata 
Scriva ti vogliu in rima è puesia 
Cun amaru curdogliu 
Mia vita addulurata in questu fogliu. 

Io sonu incarceratu 
Richjusu in un'antica sepultura 
Trài ferri è laceratu 
Son divenutu una morti in figura 
Piengendu il poverinu 
La cruda sorte, il barbaru distinu. 

Mi svegliu à fà del giorno 
Al murmuru giocondo di l'acelli 
In terrazza ritornu 
A cuntemplà li fiori è l'arbuscelli 
Quel valli è colline 
Quel ricchi è magnifichi. 

Addiu Ulmetu amatu 
Locu in duve eu son natu 
Addiu amici cari è parentelli 
Adiu li affeti mei, cari surelli 
Addiu per sempre andati 
Li bel giorni per mè son passati. 

Madrigale (Ecco bella) 

( Tradiziunale Tagliu ) 
 

Ecco bella del mio core, mio core, 
L'anima t'invio. 
T'invio l'anima il mio pè, mio pè 
T'invio l'anima del mio pè 
Perchè ti adoro. 
Ti adoro o bella è chè sperar poss'io. 
Poss'io sperar da tè ? 
Poss'io sperar da tè, da tè, qualche ristoro. 
Ristoro ai miei tormenti, 
Ognor desio, desio, sempre 
A goder, a goder listessa sorte. 

Seri sera 

( Tradiziunale Orezza)
 

Seri sera mane seretta 
À tè u culcone, à mè una fetta 
Seri sera, serriola 
Nè bastone, bè paghjola 
Nè farina macinata 
Per facci una spulendata. 

Ripigliù 
In lavasina, cusì vicina 
Cusì luntana, luntana da mè, 
Caru frate, ùn ci pigliate 
Noi semu capre chì femu imbè ! 

Seri sera, prusciu Martinu 
À tè pocu pane, à mè micca vinu 
Seri sera trinca viulinu 
Pocu travagliu ferà Martinu 
Ma farina macinata 
Da fassi una spulendata. 

 

Lettera di u mulatteru à u corsu 

(Parolle è musica di Ghjuvanpaulu Poletti ) 
 

O Corsu caru cumpagnu 
Di tante sorte mischina 
Veni à ascultà lu mio cantu 
S'è no ne vai in ruvina 
Stà à sente la mio storia 
Ancu s'è tù ùn ai voglia 

O quant'aghju incaminatu 
Incurunendu li cresti 
Chjucchittava la mio frusta 
Pè li monti è li furesti 
Cù lu sole è lu muntese 
Più ch'è in ogni paese. 

Passava tutte ste gorghe 
Scurtatu da tante ghjente 
Chì per vedemi affaccà 
Eranu tutti impazienti 
È mi facianu onore 
O Corsu cun tantu amore. 

Qualchì volta à l'attracghjata 
Nantu à qualchi muraglione 
Cù li vechji è li zitelli 
Scuppiavanu le canzone 
Felice era u nostru cantu 
Chì ogni ghjornu era santu. 

Quandu falava la notte 
Durmia per ste campagne 
Si sentia le tintenne 
Spaperse per le muntagne 
È sottu à lu mio pilone 
Mi facia un casarone. 

S'o t'aghju cantatu o Corsu 
Per sti tempi d'una volta 
N'aghju tamaritu rimorsu 
È la memoria s'hè sciolta 
Ma ti pigliu à testimone 
Per dà fiatu à le mio canzone. 
 

Dio vi salvi regina 

( Tradiziunale )
 

Dio vi salvi, Regina 
E Madre universale, 
Per cui favor si sale 
Al paradiso. 

Voi siete gioia è riso 
Di tutti i sconsolati 
Di tutti i tribolati 
Unica speme. 

A voi sospira è geme 
Il nostro afflito core, 
In un mar di dolore 
E d'amarezza. 

Maria, mar di dolcezza, 
I vostri occhi pietosi, 
Materni ed amorosi 
A noi volgete. 

Noi miseri accogliete 
Nel vostro santo velo, 
Il vostro figlio in celo 
A noi mostrate. 

Gradite ed ascoltate, 
O Vergine Maria 
Dolce, clemente è pia, 
Gli affeti nostri. 

Voi, dai nemici nostri, 
A noi date vittoria, 
E poi l'eterna gloria 
In paradiso.

​

​