esciutu in lu 1980
Sorti en 1980
In Liberta
PAMPASGIOLU
Avemu vulsutu andà
Quallà ind' è lu filasormà
Avede lu nostru amicu ·
U pueta Pampasgiolu,
Ma lu cielu era neru
E l'acelli tutti in dolu
Ch' era mortu quella sera
U pueta Pampasgfolu,
Un' ne senteremu più
A la fiera di u Niolu
E più belle puesie
Di lu poveru Pampasgiolu,
Ma li toi li to versi
Un smarisceranu mai
L'avemu tutti amparati
I canteremu dumane,
Ma un pueta un po more
Quandu spuntera la viola
Tornerà lu Pampasgiolu.
A STREGA ADDISPERATA
Mezu vulendu
Mezu saltendu
à la so spazzula à cavallu
passava pè fiuminale
à la ma la stagione
a strega di u Negro Vallu
Fulminava spantanscendu
Ch' ùn era più tempo di fallu
Cù li zitelli d'avale
U mistieru di magone ;
Ch'ùn ci valia più cristallu
Nè corne furcu te nè bastone
Nè mancu Satanassu in ballu !
« Focu, dicia, più un accendu,
pé le strette à lu bughjone !
Chi tantu di straziassi ùn vale
O soca ùn mi ci intendu
à sta nova situazione:
Ogni sera à vesperale
Ognunu s' accoglie scaccanendu
Cù a Fataccia Televisione !. ».
U nasu
In lu mio stabilimentu
Un c'è che dui balconi
Faccia sole, acqua o ventu
Stanu sempre spalanconi.
Coglienu puzz 'e profume,
Aria fresca, trett' impuri
Beh ! chi fà ? Mancanu i scuri !
Mai ci s'accende lume,
E purtantu, amichi cari
Un n'è per ecunumia
Postu chi a casa seria
Fabrica di candilari !
LIBERTA
Riturnella :
Ti vugliù fà una canzunetta
pe fà u giru di a pianetta
una canzone cu due parulette
Chi parleranu di Libertà
Liberta per u fiore chi sbuccia
Liberta per l' acellu chi vola
E per u fiumicellu chi corre : Libertà
Libertà per a muvra quà sù
Libertà per u mare quallà
E per tutta l'umanità: Libertà
M'hai fattu una canzunetta
Aghju fattu u giru di a pianetta
Cu la to canzone a due parulette
Chi mi parlava di Libertà
Libertà per, a muvra qua sù
Libertà per u mare quallà
E per tutta a Corsica : Libertà
SERINATU PER ANGHJULINA
So venutu da luntanu
Cu ghitara e mandulina
A purtatti un serinatu
La mio bella Anghjulina
E dirtti quant' e tamantu
Lu mio amore cu stu cantu
Scuserei le mio rime
Chi un so tantu pueta
Ma l'aghju fatte sta sera
per mustratti lu mio affetu
e per dirtti d' arrizatti
Se tu si sempre al' lettu
Un' è mimi co sia pressatu
Ma la mio voce si stanca tantu
E cu tutt'e ste zinzale
Un so se teneraghju tantu
Spalancheghja la to porta
e ascolta lu mio cantu
Tutti l'acelli di u cantone
So vinuti accant'a me
Hannu messu lu capellu
E le guanti per fa be
Merulucci e petti rossi
Cantanu tutti per tè
So venutu da luntanu
Cu ghitara e mandulina
Hai appertu la to porta
Avà buscaci lu vinu
E chi questa notte ferma
Dolce e piena d' allegria.
UNA VOLTA C'ERA ÜN RE
Una volta c'era un rè
N'un castellu' n'un Castellu
Una volta c' era un rè
Figlioli n'a via trè
Lu primu tenia a fà
N'un Castellu n'un castellu
Lu primu tenia a fà
Chjosu in stanza a amparà
E l' altru dicia o bà
N'un castellu n'un castellu
E l' altru dicia o bà
U mondu vogliu girà
E lu terzu per cambià
N'un castellu n'un castellu
E lu terzu per cambià
Era sempre a caccighjà
Una volta riscuntro
N'un castellu n'un castellu
Una volta riscuntro
Pasturella per strado
Se tu mi voli spusà
N'un castellu n'un castellu
Se tu mi voli spusà
Regina ti vogliu fà
Ma preferiscu a Francè
N'un castellu n'un castellu
Ma preferiscu a Francè
Chi
hè pastore corne mè
Pasturella disse no
N'un castellu n'un castellu
Pasturella disse.no
U principe n'un spuso
Sta folla ziu cunto
N'un castellu n'urt castellu
Sta folla ziu cunto
Una sera a lu fuco (ne).
CALICALOCE
Calicaloce'
dammi una noce
cinciminellu
dammi un anellu
sumera nera
dammi una pera
pesciu marinu
dammi un cinquinu
dallu à mè dallu à tè
e cusi sarai lu rè.
acula nera
dammi una pera
pesciu marinu
dammi un cinquinu
calicaloce
dammi una noce
cinciminellu
dammi un anellu
chi mi vogliu marità
cù a figliola di Pasquà,
MINUELLU
Quandu si tasta pè a prima volta di l'annu
frutta, fritelle ècc si dicia :
Minuellu, minuellu,
Ch'èu ingrassi cum'é un vitellu,
Ch'èu sia forte cum'é un toru,
Tuttu lu mondu mi carchi d'oru,
Ch'éu sia lestu cum'é lu ventu
Tuttu lu mondu mi carchi d'argentu.
Vogliu suminà a libertà
Nellu campu di l'amore
Annacqualla di li mio pienti
Ingrassala di lu mio sudore
Ed' ognu pede si spargnera
Fin'che càmpa l'umanità
Ricerche di E Cardelline
PER NATALE
Eu vogliu un biscuttone
Chi sarà tamant'à mè
.
Sera carcu d'uva secca
E di noce per fà bè
si ripiglia
Eu vogliu un cavallu ;
A so sella sera gialla
Perteremu per stu mondu
E mai un si pianterà
Eu vogliu un vitturone
Cù quattru rote è lampio
In Passendu per stè strette
Ne saraghju lu sciampio
Si ripi'glia
Eu vogliu un castellu
Torre ci ne sera tre
Imbideraghju l' amichi
E ne saraghju lu rè
Eu vogliu una mazzetta
Questa di legnu un'sarà
Una mazzetta di fata
Cusi tuttu mi darà
Si ripiglia
MONDU TONTU
Sent' o zitellu
Lu mondu e tondu
boga a bughera
stu vagabondu
A palla viva
Simu in lu tondu
a chjèrchju parù
gira lu mondu
Monte Tritorre
Cu lu Ciarbellu
ballanu inseme
a l'Albitrellu
La saparelle
tene a la ziglia
tuttu lu fume
d'elle si piglia
Pecura bianca
troppu s' alliscia
La tusarella
ch'un trova spiscia
(fatt'a ghjumelli
sèmpre abbucciata
canta la cioccia
s' hè ralicrata
E li chjerchjoni
sott' a li celi
parenu soli
sent'o zitellu
E li chjerchjoni
parenu soli
chi so lu versu
di l'universu
A MANU
Per fà tutti li mio affàri
N'aghiu cinque tutti spari
Unu solu è vanitosu
E un brama che d'esse sposu;
U mezzanu ch'è u più grande,
E u più scarsu pé faccende
Ma,n 'aghjiu'unu curtazzanu
Chi a 'ogni cosa dà di manu.
u secondu è impiègatu
Cume guida ed è stimatu.
U più chiucu, u curciarellu
Da spazzinu è bonu anch'ellu !
A LEZIONE Dl VIULINU
Riturnella
Amparami u viulinu
Amicu Turchini
Amparami u viulinu
Chi cusi feraghju ballà
Feraghju ballà è stelle
Cu tutt'e zitelle
A luna è lu sole
Nant'à l'arcu di culore
Feraghju ballà a volpe
Cu i falculelli
E sera santa ghjurnata
Per cioccia e piulelli
Feraghju ballà u ragnu
Nantu a so tela
E sera zilimbrina
Per a farfalla nera
Feraghju ballà a babbu
E ancu a babbone
Tandu un'è pasperaghju
Eu di lu bastone
( do vrinzivri do vinzivra)
U FOCU Dl SAN GHJUVA
Infila a to pilusa
ci n'andem'a ballà
in piazza di u paese
e focu pè San Ghjuva
Abbraga u to villutu
ci n'andemu'a ballà
in piazza di u paese
E focu pè San Ghjuva
Calz'i to scarpi neri
ci n' andem' ballà
in piazza di u paese
E focu pè San Ghjuva
Piglia u to vileccu
ci n'andem'a ballà
In piazza di u paese
E focu pè San Ghjuva
Incalfa u to capellu
ci n'andem'a ballà
In piazza di u paese
E focu San Ghjuva
Avà che tu si prontu
O chjomba di carnavà
In piazza di u paese
Hannu finitu di ballà
​
​
