Di sale e di zuccheru
L'INFERNU Dl PITCHIPOI
​
Ormai nim 'ùn si po scurdà
D'iss annate d'attrocita
Quantu ghjente funu pigliati
Per ess' a la morte mandati
​
In li treni ammuntillati
Infridduliti o assufuccati
Senza bei e patendu a fame
Invagunati, cume u bestiame
​
Stati messi a ripertoriu
Cum'un banditu o un falsariu
Un segnu in pettu affibbiatu
Culpevule d' ebreiu, esse natu
​
A capu, di tre ghjorni passati
In lu camp 'eranu sbarcati
Tandu a scelta principiava
A chi, pienghjia, a chi mughjava
Zitelli, vechji e li malati
Ferriti, stroppji e malandati
Cu I' angoscia e a I' addisperu
A quelli forni, purtati in veru
​
Infurnati a palittate
Rendendu e cappe infiarate
U celu era impiubiccatu
Di u stizzu umani affannatu
I li campi di l'orribilita, ch'ellu sia
In Auschwitz o a Treblinca,
A Sobibor, a Majdanek
A lu Chelmno, e a Belzec
​
Famiglie intere ne so sparite
Cume le fronde si so svanite
Un gran murtizzu fu sparghjatu
Chi 'ancu l'acellu n'he scappatu
​
Issu populu spaventatu
Di le so richezze spugliatu
Stati tosi e sd i nticati
Nantu a li bracci funu stampati
​
Pareghji stati asciuvarati
Per arrichisce, risparati,
Travagliendu cume li schiavi,
Schenetichi, ma puru vivi
​
Quant'elli funu inghjuliati,
Visi a l'ochji carafunati,
Tenendu arritti n'un si sa cume,
Quandu l'altri partianu in fume
​
Cun crudeltà e barbaria
Pagine nere d'issa storia
Per fa dopu tant' esazzione,
A quell'etnia l'estinzzione
​
NIVAGHJU
​
S'he calatta a nivaghja
A in'summati li stazzi
A natura pare stanca
Da li piani a li razzi
​
S'he fasciata la muntagna
Di lu so biancu mantellu
Quessa per certi he cucagna
Micca per lu pasturellu
​
Tu si bella e graziosa
Tu si bella e preziosa
​
ln' alpalatta nantu una chjappa
A muvra cura lu sole
Nentra u so nidu l'altagna
Aspetta li rasggi d'oru
​
Si un ghjuvellu d'inguernu
Cu le to stonde clemente
Ma prestu diventi inf ernu
Cu le to sfraghje tremente
​
Tu si bella e graziosa
Senza mai esse pietosa
Tu si bella e preziosa
Sopra tuttu tradimentosa
​
N'UN TI SCURDA CORSU
​
C'i aviamu fattu prumessa
Di viaghja ne sempre a cantu
Incu l'idea' a listessa
Pisa altu'a bandera bianca
Tutti avendu l'ideale
Di salvane lu culturale
Ma la forza di lu pudere
A fattu scambia le cose
Inbrugliendu e fendu crede
Anu fattu pianta le mosse
Cu l'accordu di certi
Ne simu ghjunti a li sperti
N'un ci scurdemu di lu passatu
Parechje famiglie ha' inganattu
In' infurchendu listessu passu
Ritruveremu inseme lu chiassu
​
Piu di unu e cascadu
Nentru' a l'onda di l'infernu
Di un a lasciattu
Lu so ricordu eternu
I sceleratti cu lu guvernu
Ci'anu messu tutti a caternu
​
Ma veghja sempre l'anticu
Per fa fronte a l'oppressore
A insitattu piu di'un figu
Chi'a pigliattu forza'e valore
Adirrizattu ancu lu vicu
Chi curia incu timore
​
N'un ci scurdemu di lu passatu
Parechje famiglie ha' inganattu
In' infurchendu listessu passu
Ritruveremu inseme lu chiassu
​
Chi stu cantu sia una chjama
Dapoi tamanta suffrenza
Per la ghjente chi si lagna
Ricirchendu la sperenza
Ripigliemu tutti cuscenza
Rinuvemu' amore' e fratellanza.
​
FRATELLI VAN GOGH
​
N'he si spostu, oghje Vincente,
ln le piu grande gallerie,
Ricunisciutu da tante ghjente,
Apprezziatu, di e signorie,
Cum'un pittore di gran'talente,
​
Di li marchenti, l'arrichiscera,
Di a to vita fatt'a straziera,
Tu chi si mortu in da miseria,
​
Ricurdendi, rimucinendi, li to frastomi
Li to fiaschi e li to guai, a filu di ghjorni,
​
Sempr'isulatu, sterghju ne campava
E di li nife nude suniava
​
lnghJuliatu e mal vistutu,
Ogni ghJornu tu ti n'andava,
Davant'a lu vechJu callettu,
Tant'ore in vanu travagliava,
A corpu viotu affanu in pettu
​
Senza mai cheta tu pinghji,
Ritratti, fiori e paisaghji,
Ma n'eri sempr'in l'intrapachji,
​
Messu, ai in valore, tutta l'armunia,
Ma, la to pitture, n'un piaciva,
Piu, belli culori, a ella funu datti,
Di' i cunnuscitori, oghje stimati,
​
La to arechja fu' un gran' sugettu,
Per nutiziali e i scrivani,
Per lu to publicu imperlitu,
lncunsciente chi li malani,
E li malori t'anu scimitu,
Vissutu ai tant'inghjustezza,
Troppu grand'era l'amarezza,
Senza nisuna cuntentezza,
​
Corsciu, e malasgiatu, n'era a l'addisperu,
Pinsendu 'a lascià, 'ssu mondu neru,
​
Riposanu in pace, li dui fratelli,
Ch'immurtali so, diventat' elli.
​
Grazia a te Teo, per tutte le to privazione
State fatte, per fà cunnosce lu to
caru fratellone.
​
U PERSICHELLU
​
In fondu' a rortu c'he un persichellu
L'ha piantattu babbu tanti' anni fa
Di lamaghje e tuttu' intriciattu
Malgradu lu pesu cerc'a campà
A lu veranu li primi calori
A tempu ch' ellu spunta lu sole
Ellu prov' a di sbuccià li so fiori
In'sepalittu cume in'du e fole
​
U persicucciu in l'urticellu
Nantu cantava un bellu acellu
Mi ricordu quandu era zitellu
Ci'avia fattu lu so nidu lu merlu
​
In' cu cuscenza l'aghju dirascattu
Ùn pudia piu lascialu soffre
U persichellu chi babbu'assuattu
Parechji ghjorni prima di more
​
Tuttu pulittu e per mantene
U pocu chi babbu ci' ha lasciatu
In fondu a me smarite le pene
Oghje di sapellu piu affuattu
​
U persicucciu'in l'orticellu
Nantu cantava un bellu acellu
Mi ramentu quandu era zitellu
Ci'avia fattu lu so nidu lu merlu
​
Lu persicucciu torna fiurisce
A la ghjunta di lu veranu
In fondu' a l'ortu ellu rinvinvisce
D'esse dino pulittu e nettatu
​
LELLA N °: 31655
​
Lella, nun ci scurdemu,
Di to fatti, generosi,
Lella, noi cantemu,
Li to atti, tanti preziosi,
​
Nativa di cursichella
Si chjamava Vincentella
Piena di vita e rumurosa
Induvemule' e schirzosa
Da lu vistale a Ficaghjola
Ne era la fiera figliola
​
Bruna, bella ghjuvanotta
Vulendu sempre aiutà
Tutti li poveri e li famiti
I senza nuda, i mal vistuti
Tremendu core, di gran spartera
Sempre a so casa, aparta' era
​
Lella, nun ci scurdemu,
Di to fatti, generosi,
Lella, noi cantemu,
Li to atti, tanti preziosi,
​
Per i creaturi spagnoli
Ricoltendu late a paghjolli
Povari ciucci, abbisistati,
Tanti urfanelli, cundannati
Cu le so donne, le militante,
Funu satvati, puru' a millante,
​
Stata di e prime resistente
In ogni colpi era prisente
Vulinterosa, eu divuzione
Investita'in tutt'occasione,
​
Per appincità, tanti dulori
Per allighjerà, li gran malori
​
Lella, nun ci scurdemu,
Di to fatti, generosi,
Lella, noi cantemu,
li to atti, curaghjosi,
​
Di Ferraghju in quaranta dui,
Ammanugliendu dui ebrei
Di a pulizzaccia, propiu francesa,
Ne fu pighata, e tant' offesa
In lu campu d'AuschwitzBirkenau,
Lella, fu subitu mandata, e cui per sempr ...
U tifu, a sa purtata.
​
Lella, nun ci scurdemu,
Di to fatti, generosi,
Lella, noi cantemu,
Li to atti, generosi,
A rifattu lu so nidu lu merlu
Ricaccia fiori' e frutti l'arburellu
​
SANTA MAMMA
​
Centumila ringrazii
Per te o mammarella
Di tanti sacrifizii
Per me o tlntarella
Chi ai sapiutu fà
Chi ai sapiutu dà
​
Tante ore passate
O la mio santarella
Tante stonde pigliate
O la mio curciarella
Per dami lu sape
Per daml lu vule
​
To sguardu luminosu
D'a piu forte timpesta
Mi sa mette a l'ascosu
Mi mette u core in festa
Solu ellu mi pardonna
Solu ellu mi cunsola
O mamma tenerezza,
O mamma di ricchezza,
La mio ma ... amma
​
Ti vogliu santifica
Per tutt'isse dulore
Chi ai sapiutu dà
Per fà lu mio bunore
Senza mai risparmià
Senza mai chetà
​
Cunsciente n'he so tantu
Di tutt' e privazione
D'issu rinunciamentu
E sempre cun passione
Quantu n'ai offertu
Quantu n'ai suffertu
​
N'un c'he alcuna pianta
Ch'esala u to odore
Sola tu Mamma santa
Mi riscaldi u core
Mi sai rincura
Mi sai appaccia
O Mamma di sperenza
O Mamma di sapienza
O la mio Mamma
​
La mio Mamma curaghju
Donna di gran valore
Per te sempr'averaghju
U smisuratu'amore
O dulcerosa Mamma
O la mio luminosa Mamma
SINTINELLE DI U CELU
​
Focu messu d'una manu ingratta
Chi l'usciu di l'infernu sia la to fiara ormai
In brusgiendu vita e furesta
Mai piu riposu tu ûn' averrai
Site venuti da mare di la
In' cumbattendu incu fierta "incu fierta'
Mischjendu vula e aiuta
Lascendu a vita' in Corsica "in Corsica"
Sintinelle di lu celu
​
Maladettu a quelli chi brusgianu a tarra
Vergogna a quelli chi strughjenu sta tarra
​
Animati per a passione
Di pilutta e vule serve "e vule serve
Luttendu' e fendu le prove
Di lu vostru amore e fede "amore e fede"
Sintinelle di lu celu
​
Ripigliu
​
Pigliatu l'ultimu volu
In d'un soffiu di spaventu 'di spaventu'
Lascendu daretu a voi
Malore suffrenze e pientu ·suffrenze e pientu"
Sintinelle di lu celu
​
Ripigliu
​
Errate sintinelle di' u celu
Ava vulatte a cantu'a e stelle "a cantu'a le stelle
In'essendu avicinu'a elle
Serette a fiancu di le piu belle 'di le piu belle"
Sintinelle di lu celu
​
Ripigliu
​
E fendu prova di curaghju
In pruvuchendu lu destinu
Oghje voi avette righjuntu
L'altri' anghJuli di' u paradisu
Sintinelle di lu celu
​
SONNIU UTOPICU
​
Aghju vistu un'arabuccia
Chi dava la so manuccia
A t'Ebreiu innamuratu
Sbendicendu lu passatu
Di a primura religiosa
Per'ssa stonda tanta preziosa
Ascultendu solu u so core
Inguffiatu di tant' amore
​
Ancu a cigala famita
Era tutta sturdulita
Ch'invintata a l'occasione
Cuntrari' a la tradizione
Di' a furmicula generosa
Curtesa e ancu pietosa
Spartendu ii so pruvisti
Senza pinseri d'imprevisti
​
S'assufuca la miseria
Ne rincula a strazziera
Si svanisce a viulenza
Piglia forza la sperenza
U vituperiu he scapatu
U razzismu n'ha piu fiattu
Cu sgio sulidarita
Rinasce 'a fraternita
​
C'era un vechju schiavu neru
Nantu a tola di u veru
Accapatu a u so patro
Accurdenduli u pardo.
Fendu piazz' a smenticanza
Cu la signora tulleranza
Ch'ellu avissu da campà
Tutta a so vita in liberta
​
E lu cuccu canterinu
Ferriniu 'è tantu mischinu
He scimàticu iss' acellu
Ch' ha succorsu lu fratellu
Pristenduli le so ale
Perche s'era fattu male
E n'un puddia piu ava
Lu so nidu, a tempu fa
​
so chi aghju sunniatu
Trosciu mi so discidatu
N'era tuttu abbacinatu
Ancu puru abbacciacatu
Tant'utopicu u mio mondu
Maravigliosu e prufondu
Pudderia essiste ormai
Per dumane e piu che mai
​
Fantasticu sognu di lume
N'un ti n'andaria in fume
Se no sapiamu insemme
Tizza a tella di a speme
E fa nasce cu vigore
A dolce voce di l'amore
Di a furtuna, di a saviezza,
Di a ghjustizia, e a tenerezza.
​
MUNTAGNOLU SUNNIADORE
​
Aghju passatu la nuttata
In ballu so pertutu a lu cantu di' u ghjallu
Sunniendu ch'era a cavallu
Nantu' a un pentone
C'era una' altagna chi calatta ella m'aspetava
U capu altu mi curava
A l'albore cuntentu
Cume' un zitellu mezu' a Scaldasole' e Monte Niellu
Aghju scontru lu pasturellu
Ghjuntu quassu a lu stazzu
Supranu u tribbiu gira torna incu fasgianu
In l'aghja stachendu' lu granu
Fra l'amichi felici e i parenti a mezu' a tanti fiori muschenti
So carezzadi da li venti
Cantanu le surghjente
In puesia in mischjendu gioia' e allegria
Cu lu filu di l'armunia
E in piu bella l'altagna
A ripresu so volu in lu celu maestosu
Mi so trovu orfanu e solu
Stempiatu e dilusu abbandunatu da custi
Tandu mi so svegliatu
In' sudore mi so discidatu
Un so quantu tempu duro stu sonniu
Nentru' a stu maravigliosu decoru
In terra di a testa moru
Duve ci campu nott' e ghJornu
​
L'ANDATURA
Ancu s'o pudessi un ghjornu, ammaistra u destinu,
Vede i mei di ritornu, ritruvallimi a vicinu,
Avelli tutti a l'intornu, per miraculu divinu,
Finchi la mio vita dura, ùn cambieria andatura,
Si durente una stagione, piuvessi un tempurale,
Chi 'u mare di padulone, cullessi per fiuminale,
E chi punt' à San Petrone, ci vulessi un fanale,
Aneu per fammi paura, ùn cambieria andatura,
S'in cor di meziurnale, s'accendissinu e stelle,
O ch'o vedissi'in Natale, un volu di rundinelle,
E chi'indè l'usu nustrale, un ci fussi piu paghjelle,
Seria stranu, he sicura, ma ùn cambieria andatura,
Si per fa e mio canzone, mi fughjissinu e rime,
O chi'u fiore di San' Antone, fiurissi a mezu vaghjime,
S'o vedessi u limone, maturà in l'alte cime,
Cambieria a natura, ma micca'eiu d'andatura,
Si dumane fussi detta, chi quindi l'arma si tace,
Chi senza piu fà vindetta, ogni corsu campa'en pace
Pigliendusi una fetta, senza quil'altru dispiace
Ci metterebbe primura, senza cambià d'andatura
Ma s'ind'una stanza chjara, mi discidessi a l'albore,
Sentendu scaldà a fiara, quella chi brusgia u core,
Si tu mi fighjessi o cara, incu l'ochji di l'amore,
Allora sia sicura, cambieria d'andatura,
Allora sia sicura, cambieria d'andatura.
​
LAMENTU DI UN BANDITU
​
Oramai meza machja eiu so banditu
Ma si banditu sogu e per onore
Per vive for di legge e da rimitu
Ancu di l'arba eiu rispettu lu fiore
U drittu he la rasgio di li me guai
Un corsu he curaghjosu e vile mai
U drittu he la rasgio di li me guai
Un corsu he curaghjosu e vile mai
A vita di u banditu he mischinella
Si sta cu l'arme nude a fiore di lettu
U volu di' una fronda o di' un acellu
Mi porta di u nimicu lu suspettu
Cume l'antichi corsi omi di core
Pronti simu a tumba e pronti' a more
Cume l'antichi corsi omi di core
Pronti simu a tumba e pronti' a more
Solu' una stilittata mi cunfonde
In tutta sta natura generosa
E quandu chjamu e chi l'ecu risponde
Senza dammi la voce di la me s'posa
Di basgi quandu' eiu mi trovu privu
Mi pare d'esse piu mortu che vivu
Di basgi quandu' eiu mi trovu privu
Mi pare d'esse piu mortu che vivu
O Corsica anannata da lu mare
Tarra d' eroi abbandunata e sola
E to virtu le tengu tantu care
E cio che di la sorte che mi cunsola
Di sangue per rompe le to catene
Per te daria u core le me vene
Di sangue per rompe le to catene
Per te daria u core le me vene
​
VOGLIU SCRIVE
​
Vogliu scrive nantu arena,
Li mio guai è la mio pena,
Vuleria, chi' i mio turmenti,
Si n'andessen'in li venti,
Per un lasci'alcuna traccie,
Di tante stonde malaccie.
Vogliu zucca nantu a le petre,
Per stampale ne per sempre,
Le mio gioie' è le scuccagne,
Le risate è le macagne,
Le serate d'allegria,
Sempr'in bona cumpania,
Le serate d'allegria,
Sempr'in bona cumpania.
​
AMICHI CARI
Bona sera vi salutemu
Fa la veghja cun'voi vulemu
Favi scopr'a nostra cultura
Chi v'incantera di sicura
Senza nis'una pretenzione
Di sparte ancu le canzone
Cun'li nostr'usi è tradizione
Ne risenterete a passione
Sciacamanate tutti cun'noi
E poi canteremu cun voi
Sta sera in la vostra cumpagnia
Simu in festa è in allegria
Di sti canti di cursichella
Ne sbucciera la paghjella
D'isse voce spurgulate
Muntagnole tant'apprezziate
C'he voceri'è madrigali
Terzine nanne altri rigali
Stalvatoghj'è filastrocchate
Chi vi so cusi be cuntate
Sciacamanate tutti cun'noi
E poi canteremu cun voi
​
I VENTI
Ventulellu silenziosu
Dolce e calmu he lu to solu
Subitu tradimentosu
In t'accupiendu a lu tonu
Spazzi u celu nivulosu
Cu lu to soffiu lagnosu
Spazzi u celu nivulosu
Cu lu to soffiu lagnosu
Ventulellu misteriosu
Metti in ballu le fureste
Fende in coplu maravigllosu
Sussurendu nantu a le creste
Ma prestu ne tornu infernu
Cu lu to spritu tremende
Ma prestu ne tornu infernu
Cu lu to spritu tremende
Ventulellu amurosu
Alisci i frutti in la pianura
In furia scambi furiosu
Quandu brusgia l'alburatura
Cu lu to lagnu pietosu
Mez'a le fronde murmura
Cu lu to lagnu pietosu
Mez'a le fronde murmura
Ventulellu generosu
Necessariu e preziosu
Goffu ventu pretenziosu
Ghjiri tutu a l'oritrosu
Ventulellu orgugliosu
Cume tu si misteriosu
Ventulellu orgugllosu
Cume tu si misteriosu
​
FOCU DI CASA
In casa si una cumpagnia
Lu carminu canta l'allegria
Fora si un grande in'nimicu
Lascie strice eu lu sterminu
Quand' ell'un c'he piu maestria
Tandu ne diventi' una ruina
Tutti l'anni a listessa epica
U focu corre bruscia e sterpa
Accumpagnatu da lu ventu
Chi s'accorda in cun talentu
S'accuppianu per fa ne festa
In strughjendu vita e furesta
Focu di casa mandi calore
Focu di fora sparghji terrore
In duve pareghji cantoni
Brusgianu assai rughjoni
Si pensa prima' a lu pastore
E ancu a qualchi prumutore
In' aiutendusi di li fochi
Per pulisce e vende li so lochi
Dicenu chi lu pastore
Accende e po lascia core
Per rinnuva ne lu so pascu
Cume sempre elli anu fattu
Quessa un he mica un misteru
A chi cunosce lu mistieru
Focu di casa mandi calore
Focu di fora sparghji malore
E in quanta li prumutori
Poca importanu li dulori
ln avendu nisun' primura
Di strughJe la nostra natura
Per impiesi lu portafogliu
Un' anu primura di lu dolu
Focu di casa mandi calore
Focu di fora sparghji malore
​
TEMPI ANDATI
Ditemi caru amicu, perche stu mondu hè cusi stranu,
Chi m'accorgu di piu in piu chi nunda oghje, ùn he sanu
E quandu spessu rimentu la mio bella ghjuventu,
Chi luntana he daretu, ma u ricordu mai s'he spentu
E cume ? Ch'un si ne vede piu tribbiere di granu,
Quandu in ogni cantoni si davanu la manu,
Per nutrisce famiglie sane e i paesani,
Perche ogni casa, avessi a so parte di pani
Ùn si ne sente piu siguere in le sponde,
Chi faccivanu trima arburetti e fronde,
Fatte di segantini in quelli tempi fà,
S'omi aggalabeti di lu so sape fà
Ma perche ? Ùn si ne sente piu canti di le furlane,
Accumpagnate di quelle voce isulane,
Cume li faccivanu quelli di tempi andati,
Chi eranu di noi li vecchji antenati
Ne menu si sente piu fracassu di li sigoni,
Duve u sonu ribumbava in ogni rughjoni,
Cun la mossa di vecchji canti tradiziunali,
Intesi da le foce trincere e pughjali
E cume ? Ch'ùn si ne vede piu mule per lu stradone,
Chjamate muronne, rusine o culombe,
Impumpunate e fiere, inssumate da voi,
Ch'eranu maraviglie per l'occhji e per noi
Si so dino zitti li timpani di sunagliere,
Quand'elle affilate marchjavanu cusi fiere
Cusi belli ritratti di la mio ghjuventu,
Chi disgraziosamente ùn vulteranu piu
I tempi avaranu scambiatu, ma,
Voi di l'andà, ùn so siccate le vostre funtane
Le vostre memorie so sempre suprane
Le vostre sperenze tantu luntane
​
​
