Di radiche spannate
Vechje torre
Torre corse sintinelle ardite
Sempre fiere in la vostra ruina
A storia hè muta ma l'omu induvina
E vostre atroce è murtale ferite
Ci so sempre in a vostra muraglia
I tufoni da induve tanti eroi
Sbravavanu a morte ancu per noi
Andendu à vita persa à la battaglia
Ancu oghje sguaidate l'orizonte
E si dumane surtia un cumandu
Cù l'omi curagiosi cum'è tandu
Risponderesti Noi simu pronte!
Torre antiche di li nostri lochi
Sacri ricordi di passati guai
Un perdite sperenza ùn si sà mai
Ponu ancu luce torna quelli fochi
Ancu oghje sguaidate l'orizonte
E si dumane surtia un cumandu
Cù l'omi' curagiosi cum'è tandu
Risponderesti Noi simu pronte !
U sognu
Un omu penserosu
Ver di u mare si vultò
Circhendu in a so vita
Un passu d'amicizia
Spichjatu à mezu celu
U chjerchju di a luna
Chì piatta u rimore
D'un artifiziu azzuru
È corre un sognu
Stu sognu fù la vita
Un certu sognu
Ch'o cercu sempre
È corre un sognu
Stu sognu fù la vita
Un certu sognu
Ch'o cercu sempre
A so mente và cunfusa
I so sicreti prufondi
Si ne vanu à caternu
E so sole sperenze
Tandu stinza i so bracci
E cusì piglia u largu
Per dà un fiatu novu
À tutte e so macagne
È corre un sognu
Stu sognu fù la vita
Un certu sognu
Ch'o cercu sempre
È corre un sognu
Stu sognu fù la vita
Un certu sognu
Ch'o cercu sempre
Pensava di nutà
Ver di una sponda opposta
Di fatti s'incappava
Cù l'arte di a morte
Ùn era più feroce
È s'hè addurmintatu
Incù pè cunpagnia
U so solu delittu
È corre un sognu
Stu sognu fù la vita
Un certu sognu
Ch'o cercu sempre
È corre un sognu
Stu sognu fù la vita
Un certu sognu
Ch'o cercu sempre
Hè corsu u sognu
Ripigliu a mio vita
Un certu sognu
Compiu per sempre
Nova virtù
Sentu un lagnu esce da l'abbissi
Cresce è mi pungne in core
Cum'elle sò disgraziate isse ore
Ritrattanu un altru visu l'affissi
Ci hè tante pagine di storia
Quesse ùn sò da ritene
Casticheghjanu ciò chì hè l'avvene
Ci imbastardiscenu a memoria
Core in fronte o giuventù
Cusì sincere sò isse brame
Femu lu inseme u nostru avvene
È insignemu una nova virtù
Sia corsu, ne sì capace
Cusì preziosu u to sangue
Fà stancià isse stundacce langue
Chì a to cuscenza sia in pace
Lettera à Corsica
Ùn abbia tù penseri serà a to sulenna scena
Quantu vurria disciuplicà le e sazie ore
Di l'angoscia mea, ne sò prontu à more
Chì à quellu l'esiliatu ùn li si tira catena.
Aiò fammi stu sullevu po metti tù à scrive
Senza artifiziu mattu, conta u mio paese
In l'attesa di l'abbracciu teni e mani tese
Quandu seremu inseme in ste dolce rive.
Tanti è tanti cuntrasti, è di rima corsa mai
È ùn ci la facciu eiu à inizià l'amicizia
In torna à sta ghjente, ùn piccia l'allegria
Eiu luntanu da tè sapendu induv'è tù stai.
Per mè sì la più bella ùn ne serà un misteru
È tù saluti a to ghjente è u sole intepidisce
Spergu rimirà cun tè i nuli chì facenu strisce
Ti lacu male vulinteri, cù u sintimu sinceru.
Paghjella
Lasciatu da li Babboni
Hè sacru lu nostru parlatu
Emu fattu ghjuramentu
Finche n'averemu fiatu
Di salvà a lingua corsa
Essendu à u so latu
Pueta
Sò d'un paese virdura, chì ghjè spartu da li monti
Bracci tesi ver di u mare, m'accarezza un ventu frescu
Cù u sole per cumpagnu, scrivu puema à la lestra
Sò pueta di a Landa è figliolu di sti lochi
A mo piuma m'accumpagna, a mo musa mi sussura
Sò guerrieru propiu arditu, u penseru di l'inglese
Pè la mo donna sparita, pè difende u mo paese
Incù lu mo bracciu putente, è in pettu a mo terra
Sò guerrieru di la Landa, è di li monti maestru
A mo spadda nantu à a piaghja, è i mo cumpagni avvezzi
Mi ghjudicarete in furia, assassinu o patriottu
Di li mei aghju primura, di a patria u sensu
È sì demoniu sò statu, perchè parlate di mè (ne)
Sò u capu di l'armata, da i signori traditu
Di u populu l'esempiu, in la storia sempre scrittu
Cum'è un ricordu di fola, ormai un omu drittu
Sò u capu di l'armata, da i signori traditu
I nostri lochi
Quandu vecu a bellezza di a rena di stù mare
Chì ci incanta di bianchezza è chi ci face l'estate
Una piccula carezza trà sciume è sciluppate
In la friscura d'auturnu in pieve di Castagniccia
L'arburu chì và scascendu mumentu di maraviglia
Aspetterà à u veranu per un surrisu fiuritu
Fidighjendu a muntagna supranendu à Niolu
Guardianu di a Balagna tenendu sempre à l'ochju
E so calanche di Piana cusì caru à u Corsu
Quandu vecu a purezza di u sole chì si chjina
Dendu tutta a so fiarezza à u Lione di Roccapina
Ch'ella dumorghi listessa sta stundetta di magia
Cimentu di memoria
Mischii di terra è di storia
Chì lu mondu ùn si ghjochi
À imbruttà i nostri lochi
I mesi
Ghjennaghju à lu mio focu
O quantu pensu è riflettu
Senza pudè andà in locu
S'ellu ùn hè lu mio lettu
Mi cuntentu di lu pocu
Tuttu mi face dispettu
Feraghju ch'hè lu più cortu
Ma pessimu è maladettu
Ùn parte senza fà mottu
Ma sempre incù lu rigretu
O ch'ellu varga piuttostu
Ch'ùn hè tantu un bon sugettu
Dopu à li dui lu terzu
Anch'ellu da à riflette
Ghjunghje lu mese di Marzu
Incù le so sette barette
È per fà ci sgherzi è scarsi
Le si caccia le si mette
Aprile ch'hè tuttu in fiore
Induve la ghjente spera
Hè anch'ellu traditore
Ci vole à dilla chì ghjè vera
Da à riflette à lu pastore
Ch'apprunta la muntagnera
Di Maghju nantu la cresta
S'affacca lu rusignolu
U cuccu li tene testa
Cantà ùn lu lascia solu
Onorata hè la furesta
Chì hà cacciatu lu so dolu
I ghjorni sò allungati
Quand'ellu ne vene Ghjungnu
Nantu à rena dispugliati
Sò cum'è l'ape ind'è lu pugnu
Tutti unti è filingati
Di sinamente à lu rugnu
Di Lugliu lu cuntinentale
Piglia parechje intraprese
Chita la so capitale
Si ne vene in paese
Per ùn passassila male
Guarda pocu le so spese
Aostu Santa Maria
Hè lu mese lu più bellu
Qual'hè chì ùn si steria
Induve tuttu hè bè è megliu
Hè finita l'allegria
Ci vole à piglià lu batellu
Vene Settembre è Ottobre
Simu digià di vaghjime
Tandu allora u pastore
Chita torna l'alte cime
È si n'empieghja di core
Per fà sente le so rime
Ma lu più tristu hè Novembre
Chì solu ne sorte pocu
Hè in accordu incù Dicembre
C'interdiscenu lu ghjocu
Per cunservà le mio membre
Mi ne ritornu à lu focu
So scritti
Da i più landani scritti, zuccati à fior di graniti
À i monumenti arritti, per l'onore è li diritti
Tengu la mio ragiò, da duv'è tù sì eiu sò
Cum'è tù sì eiu sò, l'ai scritta cusì
Tengu la mio ragiò, da tè quant'è tù sì
Da la rena è da lu monte, frisgi à palmu d'orizonte
À la croce di lu ponte, per l'idee scritte in fronte
Campa la mio ragiò, di cum'è tù sì, eiu sò
Da issa primura tamanta, fiore in core di lu settanta
À u levame di Canta, per sveglià a mente franta
Scrivu è scrivu sì, eiu sò di quale tù sì
Cum'è tù sì eiu sò, l'ai scritta cusì
Tengu la mio ragiò, da tè quant'è tù sì
Da muvrone di fede cintu, scrittu liberu di stintu
À u tizzone mai spintu, per luttà à pugnu strintu
È sempre cantà cusì, sò eiu quant'è tù sì
Da un populu d'amore, strettu di lingua è di core
À u sangue d'ogni valore, per scrive la di sudore
Campu la mio ragiò, di quant'è tù sì eiu sò
Cum'è tù sì eiu sò, l'ai scritta cusì
Tengu la mio ragiò, da tè quant'è tù sì
Da tè quant'è tù sì, da tè quant'è tù sì
A to vindetta
À bughju sì firmatu solu è lu to fiatu ùn hà riposu
In un missaghju maestuosu, ti vegu stende u to volu
Sopra à a terra chì sanguineghja, un celu rossu d'attrachjata
Chì a to ghjente s'ammazzeghja, pienghje a cuscenza assassinata
Pè isse petre oghje sminticate per un certu ottu di maghju
Di a cannella esce un mughju, e nostre scelte oghje sò fatte
In memoria di u to sperà, emu campatu o fratellu
A lacrima di u to populu, a to prisenza ramminterà
Da e to stelle alluntanate, volta per l'ultima sumente
Murtoriu ùn ne vogliu più sente, dacci un cantu per dumane
Sì tù lu sangue di dumane chì annacquerà issa rivolta
Cusì serà la to vindetta, cusì serà lu mio campà
Saumu
Que soi vadut en heurèr, leugèr
En Bedos, pais d'aulhèr, leugèr
On lo Gave e cor un drin mei doçamernt
Leugèr, leugèr, leugèrament
U tempu mi s'hè firmatu
Un annu ci sò statu
À u veranu sò andatu
Ver di u mare, mare luntanu
Quallà per l'oceanu
Ci hè ùn paese biancu
Chì l'acqua corre chjara
Per mè friscura ùn hè primura
Partir entau gran viatge
A noste qu'ei la lei
Que'm voi guardar sauvatge
Sorelh sorelh sorelh
Parte senza sapè
Parte perchè ci vole
Parte cù u ricordu
È sempre cù a pena in core
Mi sò lasciatu un sognu
Finu à u sale di mare
Sempre fede averaghju
È cù mè sempre vulterà
E puish voler un dia
Tornar trobar l'arriu
Quitar lo qui t'espia
Nadar a contre briu
Vultà senza sapè
Vultà perchè ci vole
Colpa di stu ricordu
È cù a stima chì pungne u core
Be n'ei long aqueth viatge
Tant e tant de hialats
Tant e tant de barratges
Combat combat combat
Saltatu mille volte
Cincinatu centu volte
Feritu quantu volte
Sbattuleraghju tutte isse porte
Quandu infine ci ghjunghjeraghju
En Bedos pais d'aulhers, laugèr
On lo Gave e cor un drin mei doçament
Legeru legeru cusì legeru
Un darrèr cop aimarei
T'à'm trufar deu temps qui passa
Suminà un' ultima volta
Pè lascià i mei in terra nostra
Di radiche supprana
Da le memorie impetrate arradicate à le lotte
À quelle stonde sebbiate tanti ghjorni è tante notte
Forse chì sti longhi passi ùn so stati solu i mei
Di rammentassi li chjassi ch'ùn simu mai ch'eredi
Da le strade suminate da qualchì dolce ferite
À le guerre impastate ab eternu sò fiurite
Forse chì issa lita strana ùn serà solu la mea
Di vultugliassi a mente senza mai tolta l'idea
Da l'amore ch'omu deve à a Corsica regina
A cuscenza d'ogni pieve da li monti à a marina
Forse chì stu sonniu stranu ùn serà solu lu meu
Di pigliassi appellamanu stintu corsu è galateu
REFRAIN
Per suminà un dumane e radiche sò quì
Sind'à l'epiche landane ùn ponu più smarrì
Ma spannassi sì
​
​
