Esciutu in lu 2008
Sorti en 2008
Da musicà la vita
A ghitarra
Eiu ghitarra tralasciata
Nant'à u muru appiccata
Oghje mi vogliu lagnà
E dumane chi ne sarà
Sola sola, ùn possu stà
Senza musica, senza sunà
Mi ricordu certe sere
E serinate sincere
D'un amore infiaratu
A zitella spasimava
Da la voce di l'amatu
Chi cantava à più pudè
Forse un ghjornu venerà
Una manu mi frisgerà
Le mo corde da trimà
Nascerà un altru amore
Da pizzicà ne lu core
Lu mo legnu lacrimà
In la casa di l'amore
Seraghju eiu lu tesoru
A musicà la so vita
Nasceranu le canzone
Fiurisceranu li cori
D'una lea infinita
Amerindianu
Muntagne luminose
È stese pulverose
U sole per cumpagnu
Avanzemu
Sò fieri i mo guerrieri
Arditi i mo archeri
Mancu ùn si sentu un lagnu
Cavalchemu
In lu core di li mei
Hè sempre lu veranu
Senza timore
Sanu parlà cù li Dei
U spiritu Maiò
Maì ùn mi stà luntanu
È mi parla pianu pianu
Serenu u mo cininu
Riposa nant'à u spinu
Di a donna chì s'arca
Hè un surrisu
Quand'ella dorme infine
Sott'à i raggi turchini
Di a luna
L'usciu varca u Paradisu
In lu core di li mei
Hè sempre lu veranu
Senza timore
Sanu parlà cù li Dei
U spiritu Maiò
Maì ùn mi stà luntanu
È mi parla pianu pianu
Fora intorn'à le fiamme
S'adduniscenu l'alme
In un cantu vulendu sin'à e stelle
Da le bocche sfiatate
Di li vechji cascate
Si sentenu legende è riturnelle
In lu core di li mei
Hè sempre lu veranu
Senza timore
Sanu parlà cù li Dei
U spiritu Maiò
Maì ùn mi stà luntanu
È mi parla pianu pianu
Quandu l'acqua ghjè scarsa
È chì a terra arsa
Diventa infeconda
Noi ballemu
Aspittendu d'un ghjornu
Più bellu lu ritornu
E u celu iracondu
Noi prechemu
In lu core di li mei
Hè sempre lu veranu
Senza timore
Sanu parlà cù li Dei
U spiritu Maiò
Maì ùn mi stà luntanu
È mi parla pianu pianu
Figli di i figli mei
Stu cantu hè dedicatu,
A voi sradicati
Affinchè di li Dei
Un Spiritù maiò ùn vi stia luntanu
Voi Indiani Americani
Luna Bastella
Sole ciotta à lu punente, vene l'ora vesperale
Campanella face entre, l'animale à lu stazzale
Luna pare una bastella, in celu, ci hè una stella
Luna pare una bastella, in celu, ci hè una stella
Sentu passà un cavallu, chi risona in le ricciate
Fendu musica di ballu, cù canzone attricciate
Luna pare una bastella, in celu, ci hè dece stelle
Luna pare una bastella, in celu, ci hè dece stelle
Dopu lu silenziu casca è si manghja li rimori
L’ombra pocu à pocu ammasca è dà grisgiu à li culori
Luna pare una bastella, in celu, ci hè centu stelle
Luna pare una bastella, in celu, ci hè centu stelle
U velu veste di notte lu castagnetu vicinu,
E lu fiuminale è l’ortu, si cunfondenu à mulinu
Luna pare una bastella, in celu, ci hè mille stelle
Luna pare una bastella, in celu, ci hè mille stelle
U mio cavallu riposa, ruzzichendu lu so fenu,
Vicin’à me la mo sposa, mi stringhje à lu so senu
Luna pare una bastella, ùn vecu chè duie stelle
Luna pare una bastella, ùn vecu chè duie stelle
A Pizzica
U focu di l'amore pizzica le zitelle
Veni sta sera, veni à ballà cun mè
Scunghjura a malasorte, chi lu male hè in tè
O pizzicà, o pizzichè, sempre pizzica pizzichella
O pizzicà, o pizzichè, sempre pizzica pizzichè
Zinefra maladetta, chi zinga e giuvanotte
Lu to velenu, u si facenu signà,
Ballendu a pizzichella sinament'à l'albighjà
Quandu punghje lu core, lu dolce pare fele,
Balla sta notte, gira senza piantà,
Scunghjura a malasorte, dumane si ferà
Ballera furibonda chi allunsinga lu mondu,
Cara, sta sera, indiavulata si,
Scatena u to furore è veni à ballà cusi !
Bullori infribbacciati, giriole è tribbisonda,
Bella a mio bella, ti vecu spatanscià,
Ciambotta li to sensi, dumane ti passerà
Citadedda
A l’entre di lu to mondu, da lu tempu custuditu
Chì tuttu in lu circondu, pari pà sempri sculpitu
Pari pà sempri sculpitu, da stu ventu chì ti tocca
E chì mai ùn hè sparitu, à l’entre di la to bocca,
A l’entre di la to bocca, purtonu di l’immensità
Sculpitu in quissa rocca, teatru di l’antichità
Mistiriosa citadedda, bianca com’è la calcina
Sè l’ultima sintinedda, di pettu à la marina,
Di pettu à la marina, è lu mari prufondu,
Quandu l’acqua s’avvicina, à l’entre di lu to mondu
Teatru di l’antichità, pà tutti l’ispluratori,
Chì vulianu cunquistà u to elpali di valori
U to elpali di valori, divintatu un casteddu
Chì tutti li so signori t’ani missu l’aneddu,
T’ani missu l’aneddu pà fà di tè una regina
D’issu mondu cussì beddu chì strapiomba la marina
Mistiriosa citadedda, bianca com’è la calcina
Sè l’ultima sintinedda, di pettu à la marina,
Di pettu à la marina, è lu mari prufondu,
Quandu l’acqua s’avvicina, à l’entre di lu to mondu
Chì strapiomba la marina, sin’à Capu Pertusatu,
Fighjulendu ogni matina, l’orizonti à lu so latu,
L’orizonti à lu so latu, cù lu so riflessu giaddu,
Chì mai ùn s’hè scurdatu di Lavezzzi è di Cavaddu
Di Lavezzi è di Cavaddu, peruli di sta cullana,
Sò li maistosi scoddi di pettu à la sulana
Primu amore
Quandu a sera, s'accendenu le stelle,
E chi la luna risplende quassù
Quandu ne sentu cantà le zitelle
Eo pensu à la mo prima giuventù
Or di la prumaticcia innamurata
Hè quella chi ferma sempre in lu core
La dicenu ormai la più bramata
Ogni ghjornu è natte, à tutte l'ore
Duve si, duve vai,
Dite mi, induv'ellu và lu primu amore
S'ellu hè qui, o quallà
O s'ellu hè per sempre piattu in lu core
Tanti è tanti ricordi di zitellina
Dolci ramenti di u tempu fà
Quella beata è santa vintannina
Per li chjassi, in lu paese quallà
Ma qualchi volta, vene un sonniu stranu
Un visu ghjucondu da incantà
Chi sorge in mente cum'è un ingannu
Chi punghje lu to core è si ne và
Di mi induve ne corre la to vita
Ne dicenu ormai per l'Aldilà
O la mio rosa mora impampanita
Infine per sempre riposi avà
Cantu fondu
Studieghja li steddi chi so in cori à l'omu
Canta in l'universu, mai spruvistu nè domu
Nasci in ogni locu cù la furia di la fiara
Li s'appiglia à l'alba, da rida à rughja para, U Pueta
Cogli in li so mani i vicendi di lu mondu
Ni faci una liscia, sparghjendu un cantu fondu
Parla cù lu so stintu, surghjenti di la mimoria
Viaghja pà li loca, ricusendu ogni gloria, U Pueta
Hè sempri mani largu è li cresci la divizia
Mai si laca stoglia, diceppa la numicizia
SgraniddeghJa li rimi, accurdendu li so versi
Ramenia li passati, di tutti i tempi persi, U Pueta
Li tagliani di piola, li facini viulenza
L'impiccani di notti è la doglia hè immensa
Tramanda lu so sangui in lu vicu mimuriali
Chi la parola bona s'opponi ad ogni mali, U Pueta
Fighjula è capisci ogni faccenda umana
D'un cori smisuratu, ama l'umanità sana
Godi li campazioni più minuti è suttili
Campendu cù la ghjenti chi tralascia li fucili, U Pueta
Sbalanga la so porta, ch'eddu s'aprissi lu mondu
Chjama ad alta voci lu ventu chi voca tondu
Stà à senta li gridi di a parsona in pirdizia
Si lampa à l'aiutu da parà da l'inghjutizia, U Pueta
Brama cù la spiranza chi l'addonda lu so cori
Ghjorna novi da sparta i pruvanzi di l'amori, U Pueta
Sartè
Cità altera, cità maiò, arritta è fiera, cità di i sgiò
Fatta par sparta, fatta par dà, campà sempri in cumunità
A li to peda, lu Rizzanesi, fiumu sacratu di i Sartinesi,
Si scola lindu in la piana, da u Tallanesu sin’à Pruprià
Stendi u so sguardu, sin’à a muntagna, quassù li forchi,
duva và l’altagna
Zonza ,Bavedda è Surbuddà sò li paesi ch’edda vedi in dà
E vedi Cagna à lu meziornu, l’Omu ti varda tuttu lu ghjornu
Di punta ad edda, ci hè Roccapina, hè la so spiaghja la più divina
E lu Lionu a sà curà è a fighjula in Eternità
E ci hè ancu una turricedda, chì si ni stà, zitta è ribedda
E lu calvariu di San Damianu, di la cità hè lu vardianu
E feghja è cura à Sartè com’una guida, lu so rè
E li so mura sò li rampali contr’à u nemicu è lu furdanu
Daretu ad edda, ti ni stà cheta pà piattà tutti li to secreta
Ci hè chì Sartè hà un distinu, pà certi, ùn vali un cinquinu
Par Edda, ùn ci sarà mai bè, ma sò ghjilosi di Sartè
Ci hè chì trà Borgu è Sant’Anna, ci sò nati pienti è affanni
Ci era vindetta da lu bisbigliu, danni, sciaguri è parapiglia
Da Piazza Porta à Manichedda, è da Sant’Anna à la Scaledda
Stretti, carrughji, li to ghjuvedda, loca di ghjocu par li ziteddi
E ci hè Lu Corsu pà spassighjà, da man’à sera, ci hè da cuntà
Tutti li fatta di la ghjurnata, tutti li foli di sta cuntrata
Vennari Santu, contr’à u piccatu, U Catinacciu, croci hà purtatu
Santa Maria, ghjesgia maiò, aprarà tutti li so purtò
L’omu farà lu so viaghju è mandarà u Gran’ Missaghju
Pà Cursichedda … Paci eterna … scaccià casticu, dolu è pena
Cità altera, cità maiò, arritta è fiera, cità di i sgiò
Fatta par sparta, fatta par dà, campà sempri in cumunità
A li to peda, lu Rizzanesi, fiumu sacratu di i Sartinesi,
Si scola lindu in la piana, da u Tallanesu sin’à Pruprià
Stendi u so sguardu, sin’à a muntagna, quassù li forchi,
duva và l’altagna
Zonza ,Bavedda è Surbuddà sò li paesi ch’edda vedi in dà
Velenu di male
Velenu chi s'infilza è brusgia le mo vene
Chi sdrughje la bellezza, annegrisce l'avvene,
Velenu chi mi rode è chi mi face soffre
Mullizu infuschitu è toscu inghjallicitu
Si macellu, si sterpizia, si sfracellu, ingurdizia,
Si l'infernu, à caternu, tù ci mandi è ci infanghi
Rubbaccia chi ci sterpa è chi ci face more
Materia chi ci surpa, chi à tutti ci dole
Velenu di le pene chi ci porta culà,
Duve più nun si vene, chi ci hà da infracicà
Lindezza di u sangue chi corre in le mo vene
E purezza chi langue, chi schjarisce l'avvene
Dulcezza di un amore chi ci porta la pace
Rinvivisce lu core ch'ellu ùn si po più tace ...
Avà campu, avà godu, avà cantu la mo gioia
Avà ridu, avà stridu, hè più bella la mio stella
Cuddiddora d'alivi
Com'una nannaredda gobba, piicata in dui a donna
Frà li muchji è li machjoni, cuddia a donna l'alivi
E a donna cusi incruccata, senza pudè alzà u capu
Cuddia l'alivi, cuddia ... i so mani senza arrestu,
A cadenza sempri uguali, impiani u scusali,
Impiani u scusali
E u scusali impia lu bacinu
E u bacinu impia lu saccu
E a donna sempri calata, cuddia cuddia l'alivi
E quiddi diti beddi baddaiani senza piantà
Frà i cardi è i lamaghjoni
E u scusali impia lu bacinu
E u bacinu impia lu saccu
E quiddi diti neri baddaiani baddaiani,
E à rombu di baddà
Di poi l'alba chjara, stancaiani, stancaiani
E u scusali impia lu bacinu
E u bacinu impia lu saccu
E à rombu di stancà, truncaiani, truncaiani
E à rombu di stancà, cascaiani,
Cascaiani, cascaiani
E u scusali impia lu bacinu
E u bacinu impia lu saccu
E quandu a notti affaccaia,
A cuddiddora spustaia
« Ci sà, ci so, era ora »,
A signora cuntaia,è u sgià calculaia
Calculaia cusi bè :
« Deci à mè è unu à tè ! »
E u scusali impia lu bacinu
E u bacinu impia lu saccu
« Imbèh, pinsaia a donna,
Mancu una stampa d'oliu da empia
Una vigliosa, par vighjà un mortu
E a donna si n'andaia, caminaia,
Caminaia chi a zitidduchja aspittaia :
A so cara cara cara mamma ...
Ventu
Ventu, ventu chi soffii da l'alte cime
Duve ne vai à spassighjà
Tù chi franchi centu cunfine
Di mi cum'ellu hè quallà
Di mi, s'ellu ci hè rose senza spine
E fiori senza annacquà
E s'ellu ci hè fere mastine
Incù sguardu d'umanità
Di mi, di mi s'ellu ci hè core umanu
Sempre, sempre prontu à porghje è à dà
E senza rifiatà
E s'ella si tenda la manu
Per mai più teme falzità
Ventu, tù chi cunnnosci li sicreti
In supranendu da quassù
Di mi s'è un ghjornu, i nostri eredi
Guderanu ogni virtù
Di mi, si ci hè amore senza fele
Si ci hè avvene da sperà
S'elle s'accendenu le stelle
Per chi cerca lu so salvà
Di mi, s'è un ghjornu, in sta terra in brama
Di pace, di gioia è di felicità
E per l'Eternità
s'ella s'accenderà torna la fiamma
A u celente, celente immensità
Ella
Corre l'amore in le so vene,
Tragoni di sangue è d'oru
Lochi di tamante piene
Schizzi di stelle in fucaloru
Arde l'amore in li so ochji
Perle marine, imbalsamate
Orizonti zifrati à torchji
Forme divine è po fatate
Trema l'amore in la so pelle
Piane di seta è di dulcezza
Contra di soni è riturnelle
Un ballerinu l'accarezza
Campa l'amore in la so crela
Lenza di latte è di culatu
A bughju fidu o ficu o mela
Tante dilizie in lu peccatu
Qual'fù lu Diu affascinatu
Chi à la brama dete pascura
Impastendu lu suminatu
Duva ella imbuccia a me primura
Blue jean
Blue Jean, si chiamano i pantaloni
Che porton’le ragazze d’oggi
Per far vedere i loro… popopopopopom…
Bucchia di banana…
Quando io vedere ragazzina buona
Subito pensare à cose sporcaccione
Quando io vedere ragazzina racchia
Subito pensare à fare la pernacchia
Blue Jean, si chiamano i pantaloni
Che porton’le ragazze d’oggi
Per far vedere i loro… popopopopopom…
Bucchia di banana…
Quando io vedere ragazzina strana
Subito pensare à l’Africa lontana
Quando io vedere ragazzina racchia
Subito pensare à fare la pernachia
Blue Jean, si chiamano i pantaloni
Che porton’le ragazze d’oggi
Per far vedere i loro… popopopopopom…
Bucchia di banana…
Quando io vedere ragazzina bruna
Subito pensare à un chiaro di luna
E quando io vedere ragazzina buona
Subito pensare à cose sporcaccione
Blue Jean, si chiamano i pantaloni
Che porton’le ragazze d’oggi
Per far vedere i loro… popopopopopom…
Bucchia di banana…
Gira
Gira gira, a ronda di lu tempu
Chi sguilla, scappa,fughje è si ne và
Cum'è spazzate prestu prestu da lu ventu
L'ore mischine di lu nostru campà
Gira gira a ronda di la vita
Chi d'ora in ora lesta si ne và
Cum'è sta manu bianca, secca inghjalatita,
D'un fiatu spentu à pocu andà
Di mi duve so quell'tempi andati
Quand'eramu tutti per sè,
Tanti ricord1 ricamati,
A l'orli di li nostri piacè
Gira gira a ronda di li ghJorni
Chi scherzosi vanu senza piantà
Cum'è sperenze nate, nate in li sonnii
Quand'ùn ferma mancu un sunnià
Gira gira a ronda di e sperenze
Quelle nate dopu à li ghjorni amari
Quandu, ascosi quassù, tutti à li celente
Veghjanu i toi è po li to cari
Di mi chi fermerà dumane
Di le to gioie è li to guai
Quandu chjuccheranu e campane
Per lu sempre è per l'oramai...
​
​
