D'isule esiliati
Cun Voi
Per e strade diserte
senza nimu a chi parla
Un zitellu trimendu e malatu
s'he persu in lu tempurale
L'ochji chjari e u sguardu turchinu
Un surisu limpidu si spanna
Era un zitellu di i carrughji
chi nimu sgassera l'amarezza
Ma cantemu sta sera per voi
Voi chi site sempre soli
Per chi la vita per una volta
Scambiesi a pena
So chi oghje cantu
Un pudera rimpiaza
L'amore di una mamma
Ma di core simu tutti cun voi
Viulenza e miseria
so parolle da sgassadi e nostre menti
Per chi dumane la to vita
cume la meia sia fata d'allegria
Sta sera in questu locu
s'alzanu duie voce
In sperendu chi dumane
seremu mille e mille di piu
Ma cantemu sta sera per voi
Voi chi site sempre soli
Per chi la vita per una volta
Scambiesi a pena
So chi oghje cantu
Un pudera rimpiaza
L'amore di una mamma
Ma di core simu tutti cun voi
A Chjama
Sempre quassu pe isse cime caccighjendu lu cignale
Eo coglie le moi rime nantu a le piume di l'ale
D'un culumbellu turchinu chi mi ti porta vicinu
D'un culumbellu turchinu chi mi ti porta vicinu
Vole l'amicu di core lu to persicu fiuritu
Un ghjornu prima di more esse lu to preferitu
Fattu m'ai la scumessa di tena la to prumessa
Fattu m'ai la scumessa di tena la to prumessa
Vecu chi spunta lu fiore in cima di le calanche
E spessu esce lu sole a mezzu a le nulle bianche
Prestu la faremu inseme O caruccia le vindemie
Prestu la faremu inseme O caruccia le vindemie
Aiutami o signori Sta notte lu celu he chjaru
Da lu bughju a lu chjarore un possu fa contu pare
Accurdatemi issa grazia chi lu dolce un torni amaru
Accurdatemi issa grazia chi lu dolce un torni amaru
O Corsica
Cum'e l'acqua chi circunda
A to machja fiurita
U to grande celu chjaru
Mi pare infinitu
In cima d'una muntagna
Nasce un muvrellu
E ghje quessu u paradisu
Chi si chjama Cursichella
O Corsica
Tutti i vechji di li peasi
Mi cuntava a to storia
Cum'e una richezza antica
Stampata in la memoria
Mesi e anni so passati
Li to canti so firmati
Incu isse voce Montagnere
Chi francanu e fruntiere
O Corsica
A Culomba messagera
Chi piglia u so volu
Purtera u so messaghju
D'amore e di liberta
O Corsica
Pasturellu
Ne he brusgiatu a virdura
Tuttu negru he lu pughjale
He morta oghje a natura
L'omu ha fattu stu male
U focu ha varcatu e creste
Infiarmmatu cun furore
Machja boschi e fureste
In ogni locu u malore
Si diventatu assassinu
Chi porti tu lu spaventu
Ai compiu lu destinu
Mezu a fiamme e a u ventu
Di lu bravu pasturellu
Mortu in cima a lu chjusellu
Si ne he siccatu u guadellu
Piu acqua ind'u fiuminale
Cunsumatu l'urticellu
Perche ne si criminale
Ai cacciatu la vita
Brusgiatu tuttu u liccetu
Porti tu la calamita
Ferma un solu castagnetu
Si diventatu assassinu
Chi porti tu lu spaventu
Ai compiu lu destinu
Mezu a fiamme e a u ventu
Di lu bravu pasturellu
Mortu in cima a lu chjusellu
Ai fattu di stu locu
Un disertu abbandunatu
Tu lu scemu di lu focu
Ne serai cundannatu
Vita
Vita, quand’un fiogliolu si marita
E face vive in l’angoscia
Più di millaie di mamme.
Vita, per troppu ghjente si ferita,
Di li to guai è li to pienti
Sempre campà in la miseria
Cum’è u sole chì si pesa,
In li to ochji chì spendia,
Cum’è una lacrima difesa,
A sperà sempre lu destinu,
VITA…
Vita, un colpu bella, un colpu grisgia
A sperà sempre umanità
Di un avvene benestà
Vita, in armunia è allegria,
A festighjà è à cantà,
Corsa hè la to vita.
Cum’è u sole chì si pesa,
In li to ochji chì spendia,
Cum’è una lacrima difesa,
A sperà sempre lu destinu, VITA
Canzona Prighera
​
Canta pe issa ghjente senz'amore
E isse vite di frastornu
Pe una mamma e lu so fiore
Chi sunnieghjanu lu ritornu
Prega per quelli chi so malati
E ci danu lu penseru
Pe quelli chi so falati
Troppu fondu in l'addisperu
Canta per tumba l'affanu
Prega per aiuta l'orfaniu
Canta d'amore prega di core
Prega d'amore e canta di core
Canta per quelli chi so famiti
Nati a maldestinu
Ch'omu vede scangeliti
Manghjati da u musinu
Canta per tumba l'affanu
Prega per aiuta l'orfaniu
Canta d'amore prega di core
Prega d'amore e canta di core
D'ISULE ESILIATI
Mi sbatte in mente e mi cunsola
Quand'ella vene a di a fola
Biancha di schiuma piu ch'e sale
Une vela chi sparghje l'ale
Mi spiomba in core e mi palesa
Una buriana chi si pesa
Si sparghje a tela turchina
Di sognu e d'alba cristalina
D'una voce sola simu
D'isule figlii
Eppo d'esilii
A l'eccu di l'alte cime
D'una voce sola simu
Mi cresce in senu un lindumani
Tessutu a parolle isulane
Un scalu a l'orlu di a brama
Per una terra chi mi chjama
D'una voce sola simu
D'isule figlii
Eppo d'esilii
A l'eccu di l'alte cime
D'una voce sola simu
In li to ochji
Versu te mi so vultatu
Per circa ne un appoghju
Cum'e un grand'innamuratu
Ti seraghju sempre a latu
Ancu per perde lu fiatu
Marchja senza paura
Stat i ne puru sicuru
In li to ochji li culori
So piu belli ch'e li fiori
Ci si vedenu le stelle
Intricciate di dentelle
O tu si la maraviglia
Di la piu dolce famiglia
Quandu la to risa ciatta
Tandu lu moi core spanna
E qui lu moi cantu dispostu
Chi per te aghju cumpostu
Stu cantu d'amore
Cun lu moi core
In li to ochji li culori
So piu belli ch'e li fiori
Ci si vedenu le stelle
Intricciate di dentelle
Pienghje
Pienghje cum'e u veranu senza fiori
Cum'e l'estate senza sole
Cum'e una donna senza amore
Pienghje cume u mare senza timpesta
Cum'e una vita senza festa
Cum'e un corsu senza la so terra
Ma la to vita scambiera
Lu veranu cantera
lu to cantu vincera
Ma la to vita scambiera
Lu veranu cantera
Nascera a liberta
Pienghje cum'e un zitellu senza a so mamma
Cum'è un spera senza fiamma
Un populu senza anima
Pienghje cum'è u ventu senza soffiu
Cum'è un sguardu in lu dulore
Cum'è un core senza amore
Ma la to vita scambiera
Lu veranu cantera
lu to cantu vincera
Ma la to vita scambiera
Lu veranu cantera
Nascera a liberta
Hè L'Amore
​
Mi faci vive l'amore
Mi faci canta corsu
So cum'e un omu persu
Per te so prontu a more
M'ampari ogni cosa
Chi nimu m'ha amparatu
Si cum'e un signore
Quand'e tu mi parli di l'avvene
He l'amore
He l'amore
Mi parli di l'amore
Cum'e d'un ghjocu falsu
Chi ti pglia un ghjornu
Senza sape perche
Ti dicu li moi sicreti
Ch'a nimu un aghju dettu
Ti facciu un surisu
Ch'aghju sceltu per te
He l'amore
He l'amore
Si tu la moi furtuna
Chi face batte lu moi core
Si tu fiore d'alivu
Chi face casca lu dulore
Inseme per la vita
Inseme per l'eternita
Pe construi in l'avvene
Una strada fiurita
Sarajevo
Qui lu frombu di cannoni
Ne dura da parechj'anni
Cascanu li muraglioni
Brutti ne serani i danni
Ind'u fretu e cun la fame
Ci si sentenu li stridi
Cun lu pientu di le mamme
Chi succorenu i feriti
Quantu si ne so cascati
Nant'a lu biancu lenzolu
Done e omi assassinati
Done e omi assassinati
Si ne vede insanguinati
Sott'u chjocu di le bombe
L'assassini so sullati
E ne crescenu le tombe
Ora he di piglia cuscenza
E stirpa questu lu male
E di forza a la sperenza
D'una pace universale
Quandu ci ne so cascati
Nant'a lu biancu lenzolu
Zitellucci Assassinati
Zitelluci assassinati
Ricordu di ghjuventu
Mi ricordu eru cun te
A pusa sopra a l'onda
Quandu u sole si n'andava
Per circa lu so riposu
Ci facia sunnia
Di l'avvene secretu
A parla di la to vita
E mi faccia canta
Ricordu di ghjunventu
Ne tengu in lu core
L'aghju scrittu in corsu
Nantu à u libru di l'amore
Li mesi so passati
L'amore s'he firmatu
A pensa in lu destinu
Aghju persu a nostalgia
M'ai cuntatu e storie
D'amore e di dulori
So chjose in lu moi core
E ti riveccu cum'e un fiore
Ricordu di ghjunventu
Ne tengu in lu core
L'aghju scrittu in corsu
Nantu à u libru di l'amore
​
​
