esciutu in lu 1994
Sorti en 1994
Culori
CHJAMU...
Chi appennuccia di a forza di sta tarra
Venga tucca e corde di la mio ghitarra
Per ch' ella soni piu forte è piu chjara,
Cu appennuccia di a forza di sta tarra.
Chjamu li venti tutti carchi di melodia
Per fammi sparte u sicretu di l' armunia
E ch' u viaghju sia d' allegria,
Chjamu li venti tutti carchi di melodia.
Chjamu li mari è li so mantelli di sciume,
Forza tremenda, è tandu, lestrezza di piume,
Chi e tastiere ci trovinu u so lume,
Nant' à 'ssi mari cun mantelli di sciume.
Chjamu lu tonnu incu saetta è tempurale
Per fa scuppià la so putenza immateriale
Cun batteria è bassa nant' e so ale,
Chjamu lu tonnu incu saetta è tempurale...
E SPISCE DI CAPITELLLU
Duie spine di vetru in sognu d' orisonte
A u pede chi pesa nant' à la petra stretta,
Quandu si face crosciu lu mandile in fronte.
Quandi lu soffiu he stancu e chi lu core aspetta
Cullendu sempre cume per carezza lu celu
Versu a nebbia chi tesse mille mantellucci.
Hai lasciatu quaghjo l'ombra verde di melu,
D'a Restonica l'onde n'un so piu che filucci
Un chjerchju di granitu ciuttatu d' una stella,
Cume un altare smensu fi un diu putente,
Alza i so muri grisgi, strana citadella.
Chi piatta in lu so pettu e t' acque lucichente
Quandu l' elpa si tace e chi la notte vene,
Chi trema lu silenziu a le to porte d' oru,
L' unicorne e le fate, li maghi e le sirene
Ghjunghjenu à mirassi in lu to spechju moru.
Ripigliu:
Fiore
Turchinu d' albore
Chi cresce e chi corre
A l'orlu di u celu
Strisce
Lucichente e lisce,
Cusi so e spisce
Di Capitellu
SPEREMU PER DUMANE
Nant'à'ssa Terra scema,
Sempre a mezu infiarata.
Chi po fa un puema
In faccia à un'armata ?
A l'usciu di l'inferni
Eccu le mio preghere
Per'ssi Sgio d'i guverni
Mai t'echji di guerre.
Ripigliu
Speremu per dunane
D'un piu vede i doli
D'e millaie di mamme
Pienghjendu i so figlioli
Chi li campi d'onore
Si fessinu giardini.
Duve sempre l'amore
Un avera piu fine
Da Libanu feritu
A l'arche d'Armernia.
Natale affamitu
D'un ciucciu d'Etiopia
Tanta miseria umana.
Di torture e d' offese.
Per gloria americana
Russa o puru francese
Cristianu o senza fede,
Ebraiu o musulmanu,
Ch'importa lu to crede
Basta sia umanu;
Nighemu e pretenzione
Di'sse putenze in lita,
Alcuna riligione
Vale piu ch' una vita
Credu a l'Utopia,
E vi porghju la manu
Se Diu un he bugia
'Ssu cantu Un sera vanu
MAMMA NATURA BLUES
A te Mamma Natura
Vogliu dedica le mio canzone
Parlu di l'aria pura
Sempre chjosu inde la mio priggione
D'e cita di bughjura,
Di fumacce e di polluzione.
L'omu s'he scatenatu
Per tumba tutte e cose e piu rare
Cio ch'a scienza l'ha datu
N'ha fattu macelli a fiumare
Oghje un figliolu he natu,
Ellu l'ha chjamatu nucleare.
Ripigliu :
A Terra more pianu
E l'umanu s'amusa,
He carca di catramu
E di fanga a mio Musa,
O, Mamma Natuta blues,
O, Mamma Natura blues
L'omu he senza ciarbellu
Ma forse, un ghjomu, rifletterà,
E pregu chi l' acellu
N'un si pianti mai di cantà
Lu mondu sera bellu,
In questu Un vogliu dubità
TRE PARULLE ...
Tre parulle d'amicizia
Chi ghjunghjenu à scaldatti lu core,
Cume una bella nutizia.,
Cume un veranu ch'un vole more:
Tre parulle chi so tanti
Colpi a e porte di l'indefferenza,
Cume tre muri tamanti
A l'edifiziu di a fratellenza
Tre parulle di mele
Per appace lu to pientu malatu,
Quande tu brammi a quelle
Chi per d'altri suspiri l'hanu lasciatu
Tre parulle di lume
Chi vestenu le to notte sole,
Cumee u mantellu di sciume
A l'onda chi corre sott'u sole.
Ripigliu
Cunfidenza, rispettu, tulerenza,
Per un avv'ene piu prontu a riceve
nostra cridenza;
Ghjelusia calonnia, rise torte
Ribombenu in lu core di l' omu
ind'un mughju troppu forte
D'una sintenza di morte.
Tre parulle di succorsu
Per una pace orarmai diffesa,
A te chi senza rimorsu
Hai ricusatu la mio manu tesa.
Tre parulle di vita
Quande elle so in innu cantate,
Tre parulle ferita
Quande elle n'un so piu pronunciate.
U CANTU DI I SCHJAVI
Quandu canti, eiu cantu cun te liberta,
Quandu pienghji piengu anc' eiu à fiumara,
Quandu tremi, eiu pregu per te libertà,
Gioia o dolu ti tengu cara.
T'arricordi di 'ssi ghjorni di straziera,
Terra meia, di catene, priggione e galera.
Quandu canti, eiu cantu cun te libertà.
E quandu si assenta si spera.
Quale si, riligione, sonniu o realita,
Un' idea di revoluzionnariu ?
Eiu credu che tu si a sola verita,
A grandezza di a nostra umanità
Eiu capiscu chi si po more per salvatti,
Chi si passi la so vita a brammatti
Quandu canti., eiu cantu cun te liberta.
Gioia o dolu ti tengu cara.
E canzone di gloria crescenu d'u to vule
U camminu di a storia ci purterà à te,
Libertà, libertà.
CULORI
Bianca la nebbia, bianche e stelle,
Veghjanu, mute sintinelle,
Nant'u reame di l'altagne.
Bianchi li cori inghjuliati,
E mani di l'impriggiunati
Ch' hanu verita per cumpagna.
Rosse le fronde di Vaghjime,
Mantellu sangue nant' e cime
Ch'elle volenu artippa.
Rosse la lotta è la bandera
D'una causa pura è vera
Chi ci parturiscerà liberta.
Verde di l'erba u tappettu
Chi vole accuncià cume un lettu
A la fronda chi casca pianu.
Verde l'ànime di sperenza
Chi aspettanu cunniscenza
Di l'alba d'un novu veranu.
Turchini lu celu è lu mare
Inghjinuchjati a l'altare
Di questu orisonte di sciume.
Turchina l'ora di a vittoria,
Quandu dumane chjamendu gloria
Ci purtera sin'a u lume
Se l'Auropa qui s'avvanza
Cu u so màzzulu di speranza,
L'avvene novu custruimu.
Dentru e dodici stelle d'oru
T esseremu a testa di moru
Per ramintà cio chè no simu.
Ripigliu
Esciute d'una stessa unione,
Storia. bandera e nazione
Di la so terra hanu i culori.
Nati d'una stessa natura,
Populu, lingua è cultura
Di sta terra seranu i fiori.
PER ESSE TOIU.
Per esse toiu, seraghju mare
Per megliu spusa le to sponde,
Carezza le to forme tonde,
E alliscia le to rene chjare
Per esse toiu, seraghju ventu
A u muta di e staggione,
Per portatti le mio canzone
D'un fiatu ch'un sera mai spentu.
Ripigliu
Vogliu fammi mughju di gioia
Per esse toiu a l'oramai,
E quande tu risponderai
Tandu a mio voce sera toia
Per esse toiu, piossa e sole
Feranu l'arcu di culori
Per annacquatti di luciori
In mille stelle in farandole
Per esse toiu, seraghju cantu,
Solu per te inventeraghju
Nove parulle d'un liguaghju
Fattu di lume e d'incantu
Ferma tuttu l' avvene a tesse,
Ch'importa rimitu o re
S'eiu campu à l'ombra di te,
Per esse toiu, o n'un piu esse
INTULERENZE
A Terra era zitella per'ss'épica l'untana
Quande ella ha parturitu a nostra razza umana,
Nata di qualchi misteru di l'evoluzione,
Hà chjamatu u so sonniu: Civilisazione.
E fiare di a cuscenza tandu si so incese,
Ha conquistu lu focu, fabricatu l'arnese,
Suminatu a sapienza per meghu pude chere
A rombu di stirpere i fiutti di u putere.
Ripigliu :
Intulerenze, intulerenze,
'Ssa parulla he scritta di lu to sangue. Omu
Intulerenze, intulerenze,
Quanti seculi di piu per campa le to differenze?
Dicianu d'a guerra chi l'ultima sera,
Ghjustu per dassi u tempu di ricumincia.
Oghje à fiancu nostru, un ghjera micca privista.
Ripiglia lu so volu l' acula fascista
D'Etiopia a Libanu sin'a l'Armenia,
Da lugoslavia induve spira a demucrazia,
So sempre vivi i campi di cunsentrazione,
So sempre quante alti i muri di e priggione.
N'un ci scurdemu puru di Walesa, Mandela,
Casticati per una liberta cusi bella;
Ramentate quel'morti tra mille marturiati,
Luther King e Gandhi n'un seranu smenticati.
Sunnieghju d'un mondu, di una terra bella,
Duve la riligione, o u tintu di a pella,
N'un seranu mai piu raggione di lutta,
Alzemu un mondu d'amore e d'ugualità
TONDU L' AMORE
Tondu
Lu corpu di l' amore biondu
Tondu cume po esse u mondu
Ch'aspetta una nova presenza.
Tondu,
Agrottu caldu e prufondu
Chi piatta tuttu in lu so fondu
U fiatu novu di a sperenza.
Tonda,
Ghjarcalu chi pichja e chi gronda
Chi sfrombuleghja la so onda
Per scavassi d'altre cunfine
Tonda,
Lu mio core balla la ronda,
E questa gioia chi m'innonda
Un avera mai piu fine.
Tonda,
Mare cun cusi bella sponda.
Celu duve turchinu abbonda
Induve volu, acellu scemu.
Tonda,
Ti sera l'amore una fronda
E la to ciuccia capibionda
He lu fruttu che coglieremu.
Ripigliu:
Sentu ride l'ora digia
Di'ssu mughju chi scopierà,
Tondu l'amore.
E cresce cume un fiore...
L'ACQUA
Acqua di la mio funtana,
Oghje qui, dopu luntana,
Si sempre pronta a scappa
Chi lu to nome hê liberta.
Acqua pura corri, corri,
Disceta li nostri cori
Un ti ponu impriggiuna
Chi lu to nome hé'liberta.
Acqua si nata tuttu in cima,
E po la rena s'avvicina,
Dalli a forza di lutta
Chi lu to nome hé'liberta.
Fiume chi mori goccia a goccia,
U to sangue ci da l'angoscia.
Ma ci face arricurdà
Chi lu to nome hé'liberta
Acquaia di la mio muntagna,
Hai u core chi si lagna,
Si sempre pronta a scuppià
Chi lu to nome hê liberta
Acquaccia di cuntinente.
Terbia pagna eppo chi sente,
Ti si venduta a un re
Chi t'ha imbruttata à piace
Acquuccia di u bainu,
Quandu mi si avvicinu
Ti vurrebbi assumiglià
A te chi ti chjami liberta
BALLATA PE GHJUVAN-NATALE
V'aghju à cunta, amichi, una storietta vera,
Corciu Ghjuvan-Nata, chi lu m' amicu era,
A ghjente li carcava d'offese.
Scaccanava, li trattava di tontu di u paese
Ripigliu
Spassighjava cun volpe, muvra, ricciu e cignale,
Chi li prestava tanna, sere di tempurale.
Stittem'a sente, 'ssa strufetta he di u lucale,
Stàtem'a sente, ballata pe Ghjuvan-Natale
Ellu parlava spessu cun l'acelli in furesta.
Avia sempre in faccia un surrisu in festa.
Chjamava lu versu cu e surgente.
Viuletta, filetta, so le so cunfidente
Ripigliu
Curria cu i falchi, l'ape e le farfale,
Dice chi qualchi fata l'ha datu duie ale.
Statem' a sente, mai un chjinera le spalle,
Statem'a sente, ballata pe Ghjuvan-NataJe.
Tandu, ditemi puru., quale he u piu scunitu
D'un latu un citadinu., da l'altru, ellu, rimitu,
A notte, mentre chi a ghjente dorme,
Ellu va cavalca sott'e stelle l'unicorne
Ripigliu
Se sentite una voce, passendu in fiuminale
Cu lu ventu canta un qualchi madricale.
Statem'a sente, lu so fiatu he immurtale,
Statam'à sente, ghje a ballata di Ghjuvan-Natale
UNICORNA
Unicorna, fatina
Tu voce chjara di spiscina,
Alta sapienza traculina,
Tu arcu di scienza.
Unicorna, fatina
Tu ch'un hai micca cunfina,
Schjariscemi a strada divina
Di a cunniscenza.
Ti mustreraghju a via
Chi va da sulana a umbria,
Tandu da cuscenza a tuntia
Apri la to mente
Sera longu u viaghju
Ma saviezza t'ampareraghju,
Per chi tu porti lu messaghju
A chi vole sente.
Unicorna, fatina
Se qualchi volta la vadina
More luntana di a marina,
N'un mi lascia persu.
Unicorna, fatina
Empie a mio mente cantarina
Di a purezza medicina
D'u to universu.
Ne anne ne fraccassu,
Per che tu apri lu to chjassu,
Basteranu quadra e cumpassu
Per vince a bughjura.
Unicorna, fatina
N'un so cio ch'a vita destina.,
Ma se tu mi stai vicina
Qui a fiancu a me,
Unicorna, fatina
U lume nascera da te
​
​
