Corsica
Corsica
In un scomu di lu mondu,
Ci he un locucciu tenerezza
Ind'u mio core, maestosu,
Imbalsama di purezza
Ghjuvellu di maraviglie,
Un ne circate sumiglie,
Un truverete la para :
Ghje unica sola e cara.
Corsica.
Face sempre tant'in, inviglia
Su scogliu ciottu in mare,
Tesoru chi spampilla
Sacru cum'he un altare
Calma, dolce cum'agnella,
Generosa e accugliente,
Si rivolta e si ribella
S'omu disprezza a so ghjente.
Corsica.
Zitelluccia di Rumenia
Zitelluccia di Rumenia
Chi mi feghji scunsulata
Cu li to ochji, affannata
sentimi a me una cria
He finita la tristizia
Ti ne vogliu da nutizia
Zitelluccia chi mi feghji
Senza vede altru in giru
Tagliatu m'ai u rispiru
E i sintimi imbuleghji
Pensu a ogni zitellina
Di li ricordi pulvina
Zitelluccia chi ti lagni
Pianu pianu ind'u lettinu
A u to sguardu induvinu
Guai quant'e tu accumpagni
E cum' ellu ti fu greve
U tempu chi a vita deve
Zitelluccia chi li teni
U mio ditu ind'a to manu
Cum'e da di pianu pianu
A u furesteru: « veni ! »
m'ogliu sta vicinu a tene
A cunsula le lo pene
Zitclluccia chi si nata
Ind'un marture paese
Ind'una storia a le prese
Chi sera la to spannata?
Fa chi bella ora ne sia
O populu di Rumenia !
Diana
Un puderaghju cullà, dumane à lu tribbiolu
Incù li moi amichi à la caccia perchè lu mio core hè in dolu
Diana un ci sarà piu, è mi senteraghju solu
Diana un ci sarà piu, è mi senteraghju solu
Quandu elli l’ampareranu sta dumenica matina
I cumpagni cacciadori sta nutizia ghjalatina
Ch’ella si n’hè morta Diana, di le cucchje la regina
Ch’ella si n’hè morta Diana, di le cucchje la regina
N’hà cacciatu tanti è tanti cignali di la vadiola,
In vestita o puru in corsa ne paria una viola
Ella era sempre la prima, a mio cucchja pediola
Ella era sempre la prima, a mio cucchja pediola
Oramai sò finite è battute per Traghjettone
Un è sente ému più è mosse da lu puntone,
Di le to corse o Diana, si ne parlava in cantone
Di le to corse o Diana, si ne parlava in cantone
Avà ponu stà sicuri i cignali in Garganera
È puderaghju rientre più di bon’ora la sera,
Diana un ci sara più, mi pare mancu vera
Diana un ci sara più, mi pare mancu vera
L’aghju vulsuta interrà in piazza di la funtana
Vicinu à la so casetta, bella sposta à la sulana
Per arricurdacci sempre di lu to nome Diana.
Per arricurdacci sempre di lu to nome Diana.
Piuvia
Piuva, issu ghjornu custi piuvia
I nuli eranu tristi,
Lacrimavanu a piu pude
V'assicuru, l'aghju visti.
Piuvia, in un diluviu senza fine
u celu paria decisu
ad assuffuca lu mondu
Pe fa paca l'inghjustizie.
Cursichella induve si ?
Piuvia, quant'ellu pesa l'esiliu,
Accintu da quatru muri
Cun l'usci tutti inferrati,
Qui, di liberta so privu.
Piuvia, per ave mughjatu forte
Tutte le mio differenze,
Per ave cuntribuitu
A fa discita la mente.
Cursichella induve si?
Piuvia nisun legge di stu mondu
Ne imbastu ne catene
Un poderanu cambia
U sangue di le mio vene.
Piuvia, ma a strada di dumane
Sguassera tuttu issu bughju
Issu rimore di marchjone
Per un celu senza nulu.
Cursichella induve si?
I detti di u ventu
Per ogni petra,
per ogni teghja,
In ogni casa,
In ogni veghja,
In ogni chjassu,
A ventu chjaru,
O ventu lazzu,
A lume altu,
o lume bassu,
T'aghju intesu camnina.
Per ogni causa,
E ogni lotta,
A ventu gira
O ventu volta,
A ventu spira
O ventu toltu
T'aghju intesu camnina.
Per cio chi ferma
Di cio ch'he dettu
Per a to casa cu u so tettu
Per u ghjornu chi s'he chjinatu
Per u silenziu in core calatu
E per I'amore ch'un spinghjera mai
Ti senteraghju camina.
A tribbiera
0 tribbiate, o tribbiate
Incu le corne palmulate.
0 caspura, o caspura
Chi la paglia torni pula.
Torni pula, e torni granelle
Ne feremu pane e bastelle o o o.
Via tribbiera, e boi tribbiate
Chi dopu ,ri ripusate o o o.
Via l'osa, via l'osa
Tribbiemu la laziosa o o.
Volte i gira, e voca tondu
Chi lu tribbiu pigli fondu.
Pigli fondu e pigli cima
Volta i gira cume prima o o o.
Canta incu me
Allegria sia sempre issa parolla incantata
Chi sguassera l’ammarezza per imbelice la to vita
Canta incu me o sciaccamaneghja
Un guarda in tornu a te
Chi nimu ti fideghja
Canta, canta, canta incu me
A gioia hè medicina chì guarisce ogni male
Appena di sole in core,ghje megliu che un tempurale
Canta, canta, canta incu me
Averia in tornu a te ghjente chì face u musu
Dilli senza paura chi oghje ùn hè più l’usu
Ma di Cantà incu me o sciaccamaneghja
Rallegralli una stonda, eu qui pretendu
Canta, canta, canta incu me
S’aghju fattu sta canzona pe pude sgassa l’angoscia
Chi tutti i penseri smariscanu una volta
Canta, canta, canta incu me
Si tu
Surrisu limpidi chi spanna
U so visu cum'un sole
Affascinenti iss'ochji
Chi mandanu calisginelle
Labre ch'un pittore ha fattu
Venutu da l' alte stelle
Maraviglia, bellezza
Eu un vi ne contu fole
E'issi basgi di tenerezza,
Tamanta vere piume
Ch' accarezzanu a mio pelle
Spintu u lume,
Petti scultura viva
Ch'imbasalmanu di prufume,
Core chi s'infuria
Si scatena cum'un fiume
Corpu, lettu di vita
Calore ch'infiara
I mio sensi,
Dite senza disciplina
Chi frisgianu tuttu in te,
Palesanu issi suspiri
E tutti trimuleghja in me
Sessu, rigalu per gode
Notte infinite d'amore
Ch'aspetta a sumenta
Cume I' apa u fiore
Stonde a perdene fiatu
Sin'a u primu luciore,
Dolci e squisiti mumenti
Ch'un vogliu vede scorre.
A voce
Misteru di a natura,
Voce limpida e pura,
Puntellu di a tradizione
Ella si chjama passione
A voce
Ci he la voce desideri
Chi po rima incu penseri,
Si he impecata in le canzone
Per mughja revoluzione
A voce
Voce chi canta l' amore
Supranisce lu rimore,
Ci he quella chi da lu pientu
Quandu unu nostru he spentu
A voce
Face tante prumissioni
A voce di i capizzoni,
Sempre pronta per l'inganni
Sparghje amarezza e danni
A voce
Canta, canta, la mio voce,
Cante sempre l'allegrezza,
Di'venta puru feroce
S' omu neca issa ricchezza
A mio voce
U lamentu di Cursichella
Cursichella sfurtunata
Mamma di tanti figlioli
Sarai prestu abbandunata
Sì qualchì rimediu ùn trovi
Per tene vicinu à tè
I to frutti vechji è novi
Tutti i to figliulacci
Partenu à circà furtuna
Un ai più conti à facci
Ne menu speranza alcuna
Al menu chè t’ùn t’adopre
Di a pastoghja o di a funa
Si ne vanu à lu strangeru
Cum’è veri spatriati
Di tè ùn anu più penseru
Ne induve elli sò nati
Quelli valorosi Corsi
Pè a patria sacrificati
Chì ne penserà Sampieru
De Paoli o Sambucucciu
Videndu chì lu s’imperu
Hè miniciatu à di per tuttu ?
A ruvina hè generale
E smarisce fondu è fruttu
Un ci hè più Corsi di sanna
Un ci hè chè scarti di natura
Di la so povera mamma
Soca ùn anu più primura
Ma la vergogna hè per elli
S’ella more di malcura
Facciu un ardente preghera
E la mandu à Santa Stella
S’ellu ci fussi manera
Chì per avà s’hè zitella
D’allungà un pocu la vita
A la nostra cursichella
Quì finiscu u mio lamentu
Chì troppu male mi face
Mi scappa guasi lu pientu
Ne soffru è po mi dispiace
Chè tù campi o Cursichella
Incu u riscantu in pace.
Chè tù campi o Cursichella
Incu u riscantu in pace.
Catalinetta
O chì belle anche ch’ella hà Catalinetta
Anche à cavichja
È pedi à muzzicò
Catalinetta era,
E Catalinetta sò.
Catalinetta era,
E Catalinetta sò.
Chì belli ghjinochji ch’ella hà Catalinetta
Ghjinochji à chicchirichì
Anche à cavichja
È pedi à muzzicò
Catalinetta era, è Catalinetta sò.
Catalinetta era, è Catalinetta sò.
Chì belle cosce, ch’ella hà Catalinetta
Cosce à misgiscia
Ghjinochji à chicchirichì
Anche à cavichja
È pedi à muzzicò
Catalinetta era, è Catalinetta sò.
Catalinetta era, è Catalinetta sò.
Chì bellu culu ch’ella hà Catalinetta
Culu à trumbù
Cosce à misgiscia
Ghjinochji à chicchirichì
Anche à cavichja
È pedi à muzzicò
Catalinetta era, è Catalinetta sò.
Catalinetta era, è Catalinetta sò.
Chì bellu corpu, ch’ella hà Catalinetta
Corpu d'aranciu
Culu à trumbù
Cosce à misgiscia
Ghjinochji à chicchirichì
Anche à cavichja
È pedi à muzzicò
Catalinetta era, è Catalinetta sò.
Catalinetta era, è Catalinetta sò.
Chì belli petti ch’ella hà Catalinetta
Petti da inquadrà
Corpu d'aranciu
Culu à trumbù
Cosce à misgiscia
Ghjinochji à chicchirichì
Anche à cavichja
È pedi à muzzicò
Catalinetta era, è Catalinetta sò.
Catalinetta era, è Catalinetta sò.
Chì bella bocca ch'ella hà Catalinetta
Bocca da infurnà
Petti da inquadrà
Corpu d'aranciu
Culu à trumbù
Cosce à misgiscia
Ghjinochji à chicchirichì
Anche à cavichja
È pedi à muzzicò
Catalinetta era, è Catalinetta sò.
Catalinetta era, è Catalinetta sò.
O chì bell'ochji ch'ella hà Catalinetta
Ochji di topu
Bocca da infurnà
Petti da inquadrà
Corpu d'aranciu
Culu à trumbù
Cosce à misgiscia
Ghjinochji à chicchirichì
Anche à cavichja
È pedi à muzzicò
Catalinetta era, è Catalinetta sò.
Catalinetta era, è Catalinetta sò.
Chì belli capelli ch’ella hà Catalinetta
Capelli da fà funa
Ochji di topu
Bocca da infurnà
Petti da inquadrà
Corpu d'aranciu
Culu à trumbù
Cosce à misgiscia
Ghjinochji à chicchirichì
Anche à cavichja
È pedi à muzzicò
Catalinetta era, è Catalinetta sò.
Catalinetta era, è Catalinetta sò.
L'acqua viva
A isse curone d' acetu
Di balagna chi ti lagna
U mare chi s' agranca
Un vole esse piu latinu.
A isse curone d' acetu
Di balagna chi ti lagna
U marosulu sihe sbattutu
A tutti i so campanili.
A isse curone d' acetu
Di balagna cru ti lagna
L'ansciu di una cialamella
Ci ha appesu una speranza.
A isse curoIle d' alivu
A cialamella he mora
E l'acqua viva corre
Lesta cume he a bandera.
​
​
