Brasgi
Ritrattu di cori
quandu u vosciu cori
da maternu abbracciu
He francu e maiori
Piu che a scema minaccia
Piu che un attu di minacci
Fattu di curaghju chi mai si ni spachja
Fidelta suvrana fedi chi mai un si ghjaccia
Piu che a me scritta posta in qualchi stracciu
Meddu chi a spiranza chi brama un pattu
He u vosciu cori u piu lucenti ritrattu
Chi so i paroli pa luda issi tratti
Solu u sintimentu in u so bolu he a pattu
Tandu a musa dormi dormi po in fatti
Sta in u vosciu cori si rallegra e po s'aguatta
Prega chi un cuncertu di musica santa
Dessi l'innu veru a u cori 'lli musicanti
Ch'iddu fussi riccu di ghjoccu custanti
Pa urna i boci di u sintimentu ammanti
Di u sintimentu chi canta
A campa in altrò
L'Amori si n'hè andatu
A campa in altro
O era innamuratu
O vulia di inno
Hà presu i stradi ammati
Chjusu u so purto
lnno mancu hè andatu
Pà ghjucà à ballo
Quandu tuttu hè scappatu
Tuttu và à l'inghjo
Si tù ùn l'hà scultatu
Un hè micca in prighjo
lddu ùn hà sminticatu
Cio chi iddu ti purto
ùn hà mai sminticatu
Ma spiigati ùn la so
L'ammori si n'hè andatu
A campassi in altro
Soca era innamuratu
O era pà ditti inno
Sara in un altru latu
Ma pocu certu so
O forsa sarà in vata
Ma ùn so, nè si nè no
Si iddu si n'hé andatu
A fraquintà in altro
Soca era innamuratu
O vulia di no
l'ammori hé scapulatu
È indua truvallu ùn so
S'iddu s'hé innamuratu
Avarà i so raghjo
Soca hè rivultatu
Versu un altru scurto
Pà essa più asgiatu
O sicura à fà pro.
L'ammori si n'hé andatu
A campassi in altro
Soca era innamuratu
O era pà ditti inno
A me cità
Veni à veda a me cità
Pà creda à quissa realità
È scopra cio ch'iddu ferma avà.
Veni, allonga ùn si po chè imaghjinà
I guai muti, di a verità
Cio ch' una guerra po fà.
Parchi u mondu
Hè u nosciu nidu
Demi fiatu à u so spirà
Parchi a guerra u teni privu
A guerra ùn sà chè tumbà.
Riturnella
Ma oghji ti rispondu, tantu a to
Suffrenza hè un focu chi và
Hè a pena chi s' ascondi, a stundi
D'immensità, oghji a so chi a
Guerra ùn hà legi, hè un' uffrenda di
Guai pà l'umanità, da u so rispiru
lmmondu, curri u feli di l'intullarenza,
Cresci l' odiu è faci pinsamentu
È l'umanu trega à ritruvà
A paci di u pardunà.
Veni sà chi a guerra hè l'oscurità
Ma to raghjoni ch'aiutarà
Pà suppurtà tant' infamità
L'om' hà postu u so disminiu
Sin' à u cori di a dignità
Hà lintatu in 'ssu duminiu
A cova di l'infamità
Tù sè a più ghjusta rivolta
Ë a to ferta hè mea
Nimu, ùn a po smizà
Furtuna hè a noscia accolta
Hà più forza che l' armi 'IIi tirani
Idda insegna chi a vulinta 'll'umani
Vinci l'odiu è sà ritruvà
A so immurtalità.
Veni, quand'u soli ni spuntarà
Pà di Ii insembi à l' umanità
Di fà rinascia nova cità
A noscia sola fiertà
Tarra felicità
Hè cussi bella a vita malgradu
U so curteghju d'infelicità
A nantu à i so stradi c'invita
A vulè spassighjà
Hè cussi bella a vita
Chi ci dà soli in l'andà
Hè cussi bella a vita
Quandu a so forza hè d'amà
Nuddà hè più bellu chè a vita
Chè u so lumu infinitu
Tarra felicità
Tarra di lumu, fiurita
Sin' à i vaddi i più scuri
Chi a sorti po dà,
Ma nudda hè più bellu chè a vita
Chi issa mora, pà campà
Nudda hè più bellu chè a vita
Ortu d' amori chi dà.
A vita ci apri i so porti
Un ci hè chjavi,
Un ci hè scorti
ln a so eternità
Po essa tempiu celestu
Chi acclama i festi
È sfronta u malistà
A vità hè a più vera stodia
Porta l'infimu sperà
ldda hè sulenna vittoria
Chi disfatta a po cuntrarià?
Hè un cuncertu a vita
Duva u certu è l'incertu
Vani insembu ad ascultà
Evviva issa vita chi canta
Da amarenu à incantu
Chi s'arricumincia
Hè cussi bella issa vita larra di felicità
Darà tempu ad ugni vita
D'es sa u tempu chi và
A vita a vita.
L’altra realità
Comu sarà chi u mondu hè scuru
Chi pochi ghjenti ani primura
Comu sarà chi u mali dura
Chi pochi ghjenti ani paura
Ci sà ghjenti senza misura
Chi campani senza avè cura
Campani solu pà spluttà
Pà sbaglià è po scaccanà
Un hè mai bella 'ss' andatura
D'issu mondu chi và à cutrura
Ùn hè bella mancu in pittura
È malgradu, dura, è dura
Ma camu creda à un futuru
À i paroli, à i scritturi
Avà ni semu à chi più tura
Comu farà, tanta impustura
Hè gattiva 'ssa pungnitura
Chi tocca u fruttu maturu
À quali tuccarà a sicura
Di cuncipi, ghjusta misura
Quiddu chi oghji ùn hà siccura
Di issu mondu, dulci turtura
Và sicuramenti à minà
ln gattiva realità
Ripresa
Hè una realità
Ma quali si po affà
Eccu a realità
À u modu d'avà.
In l’esistenzza
Hè scritta in qualchi locu
ln issu chjosu ind' è tù
ghjochiln a casa senza
Foculnfiurita di scopa, hè scritta.
ln un locu à mezu à i frondi
Un cristianu rispondi hè scritta
L'aceddu hà persu l'ali
'N un fieltru timpurali, hè scritta.
ln un vechju ritrattu
Tempu à un sguardu distrattu
Tù và à circà mondu
'N un fattu di circondu, hè scritta
'N una cursa di sfiera.
'N un sbruncu di galera, hè scritta
Sinn' à u fiumu lestru
Duva scappa a niva alpestra,
Hè scritta.
Pà un dubbitu mai vintu
Chi un' illusioni hà strintu
A nascita chi tù preghi
ln un attimu s'annega.
S'annega in malavia pudenti
Quant' è goia, chi ùn stà à senta
Ma un fiori sutt' à resca
Grazia à un' incesa d'esca
Hà scrittu.
À un filu di u destinu
Si teni ume caminu
lnsembi cio chi nasci
Mischja fruttu è casci
Hè scritta
À umbriccia d' ori stanchi
U tempu chi t' affianca
Hà scrittu, hà scrittu in l' esistenzza
Senza fatali cridenza
Hà scrittu l' esistenzza.
Ùn attimpà
Un attimpà à dumani
La scelta di l'aligria
Godi senz'altru li stondi
Chi dani la franasia.
Ti poni tanti quistioni
Di la nàscita d'u mondu
Di lu tènnaru amori
Chi veni da lu più fondu.
Ùn ti lacà mai svoglia
D'essa libaru di menti
Pensa sempri da par tè
Ancu par avè turmenti.
Ti brami a vita bedda
Colma di ghjorna di paci
Stantènduti lu to pani
È fendu cio chi ti piaci.
Un tema di di a toia
Cù tutt'i ta sintimenti
Viaghjendu 'n u to locu
Fidatu à la to ghjenti.
Ti canti una canzona
lmpruvisata di cori
È ti scàppani da bocca
Beddi paroli d'amori.
Un attimpà di campatti
Chi lu tempu si ni fughji
È ci laca à lu soli
Com'è cera chi si sdrughji.
U scrittu
ln un vechju libru sminticatu
Chi a me vodda avia scantatu
Aghju ritrovu un scrittu anzianu
Chi insembu s'era addurmintatu
Ma a mimoria hè tistarda
Hà i so stundi di laziu straniu
ln u so passa è veni
Ci sponi pianu, pianu u so rimenu
Quand' eu rileghju quissu scrittu
Di ditti è prughjetti beati
Mi dieu cornu po stà zittu
È ùn essa un poccu avvargugnatu
Allora senza dà lizzioni à qualchissia,
Incù issa cantata
Tinu solamenti à di, cio chi
Pratesa hè duvintata
Or tantu, n'era ghjusta è bella
A noscia fedi appassiunata
È s'eu rivoltu à facci un ghjiru
Hè prova chi menti ùn hà faltatu
Ma forsa circa una raghjoni
Pà tanti sintimi sbagliati
È curri curri a so canzona
Rifaci a so libarata
Si no pudemu di chi u ternpu
Un hà mai ori misurati
Dimu dinô chi i nosci l'ori
lnveci, l'avemu picciati
Quandu u suffiu di l'accordu
Pà ghjuventù darà spiranza
Un femu più di u ricordu
Un' illusioni, un abbastanza.
Un mondu di splendori
,Si mira in mari
Un locu caru
Si mira in mari
Un locu chjaru
Si mira in celi
Trà soli è luna
Ma più fideli
Un ci hè nissunu
Si mira in cori
Guasi d'ugnunu
U so splendori
Po essa cummunu
Si mira in cori
Da biondi à bruni
Ugni culori
Vali pà unu
Hè una tarra
Di cunfidenza
Chi si nutrisci
Di tullarenza
Hè una tarra
Duva l'inghjustizia
Và da par edda
ln pracipiziu
D'ipucrisia
Ci hè senza scritti
Veru rispettu
È pà u drittu
Mai dispettu
Ugni raportu
Ferma curdiali
À i so porti
Un ci hè micca odiu
Nè ghjilusia
Nè falsu cennu
Un ci hè farriali
Mai prucessi
Nemmenu accessi
Nimu si taci
Ma tuttu hè paci
Hè una tarra
Chi hè sulidaria
A libartà
Hè vulintaria
Tuttu hè incantu
È puesia
Cantu di festa
ln armunia
Hè un bellu mondu
Induva u geniu
Faci ribombu
Ma da sustegnu
A so misura
Hè a prupiziu
A so fattura
Sempri ghjudiziu
Circallu hè prova
Issu mondu chjaru
Si tù u trovi
Staremu cari
Saremu salvi
D'ugni scumpientu
Tandu ancu i lavi
Sarani in pientu
L’amori và
Saltuchjulaia annantu à i stretti
Bella quant' è l'acqua, 'lli cimi
Chi suttu à i teghji s'inframetti
Pà tena sumenti sublima
A notti era un paisaghju
Fiuritu in paru di cunfidenzi
È i stelli blondi, di passaghju
A più curtesa, 'IIi prisenzi.
Riturnella
Và sicuru l'amori và
Traghii in a pena, 'IIi dà felicità
Fruta, ni staghjoni, l' eternità
È, annacqua, u disertu, chi dà
Chi farà l'umanità final
S'èrani piatti, i pinsera
ln u sicretu, 'lla niscentria
Si u prisentu, tinia, a veru
U prisaghju, ni parturia
Ma, no dighjà, aviamu crettu
Po cridraremu à tempu andà
L' amori appronta u so lettu
Si spanna, è va à curtighjà.
L'amori ùn hà sintimi vili
Hè di a vita l' ànima, cori
À dicembri, dà soli d' aprili
A so anciata ùn hà rancori
Cusi so crisciuti i nosci anni
Natura, circa à spampana (ssi)
À granà, mutà i so pan ni
L'amori veni à festighjà.
La madame
Quandu dà u so avvisu, annant' à a sucietà
Ni spalanca, u so surrisu, èccula battalà .
Ùn parla chè di i so vitturi di viaghja è di continents
Quissa hè a so più grand' sicura
Un ni po essa autrement ..
La Madame, in u so salottu
I pensa tutti, évidemment
Passa è veni, è cura liu so rottu
Cusi suveta un pocu, le mouvement
U pari d' essa una rigina
Si credi ghjà Reine de Saba
Sugnighja d'altri loca, è di i ruini
Ma micca di u paesu indua idda stà
lncù u so caniche à u bracciu
Splendi à so piatà
Pà l'urfaneddu, hà datu un stracciu
Cusl si voli pruvà
Ch'idda campa, in u so tempu
Hà i so difficultà ...
Vaghi à l'infemu chi mali pensa
Ch'ùn si pà sudisfà. .. ha
La Madame in u so salottu
Avà si faci une beauté
Ma in u so capu di marmotte
Ci hè ghjustu un granu di caffè
La Madame in u so salottu
Un sà chè di : absolument
Possu di ch' eu n' aghju vintu, u lottu
Ma qualchi volta, hè dino un tourment. ..
In u so palazzu pumposu
Qui, la Madame si ni stà
Trà mezu à i cosi valurosi
Di l' èpica d'avà.
Hà missu a cavizza è u imbastu
Più dà, ma duva ùn sà
Ni parlarà, in un ripastu
Pà fà creda, à chi ùn sà
È La Madame in u so salottu
Ricevi l' amichi di qualità
È dopu d' essa tichji corn' è botta
Sbrùmani ... in fratemità
Tutti s'amiconi parfetti
A neci si poni, cuntraria
Ma u so cori hè un suffiettu
E l'aria ùn i po chè bulà
E l'aria ùn i po chè bulà (bis)
U paradisu
U paradisu hè qui
Un circà puri più
U paradisu hè qui
Un hè mai statu insù
Insù versu u celi
U menu voli di mai, più
Ancu l'aria si ghjela
Bulendu culà insù
M'aviani imparatu
Chi u viziu è a virtù
Pà troppu aduprati
Erani schiavitù
Stà à senta ad ugnunu
Ma micca troppu in più
Ugnunu veni nisunu
E disguastu hè di più
Si un paradisu hè statu
Pocu avirsatu fù
Parchi u me custatu
Ni dissi tantu è più
E cussi lestru, lestru
Aghju dicisu in più
Nè diu nè maestru
Nè d'inghjo, nè d'insù
Comu creda ch' un diu
Ni stessi inghjo o insù
Pà renda cussi privi
Bravi ghjenti è più è più
Làsciali creda, è di
Chi u paradisu hè insù
U paradisu hè qui
Ma ùn lu truvemu piu
Daretu
Daretu à e chirchinnere
Di le vite à palpone
E po di le straziere
Chi a sucetà scema impone
Chi ci hè?
Daretu à quellu chi hè mortu
A mane à la prima ora
Mortu cutratu di tortu
D' ùn pudè dorme cà fora
Chi ci hè?
Daretu à u impastughjatu
A l'alba in lu so lettu
È parchi avia mughjatu
Trè balle si piglio in pettu
Chi ci hè?
Daretu à lu murtoriu
Di fà campà in lu spiombu
Tanti chi so in dilorriu
È tacene u ribombu
Chi ci hè?
Luci
Faraghju luccicà per tè
Una candela u focu è a cera
Scuntreranu u to visu
E isse qualchi parola
D'una meia preghera
Chi t' accumpagneranu
Sin' à chi paradisu ?
Faraghju luccicà trè lacrime
Di nunda trà u bughju
Di l'ora è l'oru di a fiara
E di parola detta taceraghju lu tuttu
Chi di parola pensa ùn arricheteraghju
Laca mi fà ti scorta sin'à lu to paese
E metti à luccicà issu pocu in li to ochji
Cio chi issa fiara scalda
E cio ch' ella sumena
Di biancu chi si caghja
E d'ora chi ti portami
Tracci lu caminu duve ch'o
T' accumpagnu sin' à chi fiara taci
E chi tuttu s'impagni ...
​
​
