esciutu in lu 2013
Sorti en 2013
Brama di tè
SOLI
Paroles: Jean-Pierre Mattei
​
A lu sole di ghjennaghju ,
dorme lu mio paisolu
cu lu freddu di feraghju ,
s’hè cutratu lu linzolu
chi Mammona avia tesu,
trà l’ornellu è lu castagnu
ma si ne vanu isse cosse,
è un ferma piu ch’un lagnu
Incu lu sole di maghju,
si disceta lu vangone
s’infiara lu rusulaghju,
s’alluntana lu funcone
cu u cantu di l’acellu,
hè piu bella ancu la mio scola
ma si ne vanu sse cose,
un ferma piu ch’una fola
Sottu a lu sole d’aostu,
spatonscieghja lu rughjone
inde l’acqua di lu pozzu,
rinchere ancu lu friscone
e sott’un arcu di stelle,
prova a dorme u mio paese
ma si ne vanu isse cose,
un fermanu che l’offese
​
Paghjella di Ghisoni
Paroles: Bernard Paolini
Tocca tocc’a u Fiumorbu
In bassu a u Renosu
In a pieve di u Castellu.
Di Ghisoni sunieghju
Quà c’hè lu mio paradisu
i mei in u Campu Santu.
So chi mi ne vulterahju
O lu mio paese caru
aspitendu qui mi lagnu.
Auccia
​
Brammà di tè
Paroles: Jean-Pierre Mattei
Oghje s’affosca lu sensu
E s’abbughja lu pensà
Oghje smarisce lu versu
Cumu vulete cantà
Oghje hé tomba la speranza
S’affonda la vulintà.
Mi n’aghj’andà….mi n’aghj’andà.
Di isse sponde curaline
Quandu mi spiccu di tè
Francatu l’onde mastine
Nebbia sarà lu gudè
Pianti è lagni le cunfine…..
Brammà di tè….
Oghje s’infiara lu sensu
A l’alba di lu pensà
Oghje s’affacca lu versu
Vene quella di cantà
Oghje s’alza la speranza
E cresce la vulintà.
Aghj’a vultà….aghj’a vultà.
Di isse sponde curaline
Quandu mi bollu incù tè
Francatu l’onde mastine
Schiettu sarà lu gudè
Muchju è oru le cunfine….
Tuttu per mè….
Campesino
Da zonza a pinarellu
Incasa me
Paghjella per te
​
Arburu
Paroles: Bernard Paolini
sur une idée de Paul Morrachini
a tè, fratellu, fratellu meiu
O fratè l’arburu vechju
Contami torna a vechja storia, pianu pianu
Di a malacella sott’a la luna, tempu tetru…
Tu chi hà vistu tanti inguerni
Tu chi cunosci tanti sicreti
Cantami dino l’anticu versu,pianu pianu
D’a u fiume trà e muntagne,hè liberu…….
Dorme, fratellu , fratellu meiu
O fratè l’arburu vechju
U cervu ripiglia a to storia, mi maraviglia
E l’acellu u to cantu, in paghjella…….
Tu chi campa a stile lindu
Parlendu a u celu turchinu
Accantu a tè paru ranu ,fiaccu fiaccu
Vogliu campa a to manera,di scaravuglia..
Lamentu prigiuneru
​
Serenata addisperata di u Galgacciu
eiu un ci cantu pè mène ,
che ci so statu mandatu
eiu cantu pè Ghjassepu ,
ghjè lu toiu innamuratu
ma più un ci canteria ,
sè tu fussi la mia….
una dumenica di sera ,
versu quattru o cinqu’ore
eiu ti scontrai sola ,
è ti dumandai l’amore
tu cu pochi di parole ,
me mittisti in l’urrore….
guarda bè cio chi tu facci ,
O la mia bella donzella
di ricusami l’amori ,
purtantu un si più zitella
sai che sò un Galgaccianu ,
entru prestu in sistia….
cun lu mazzulu di fiore,
sia beatu lu lettinu
duve tu ripose tune ,
nimu ti fara l’anellu
Maria la mia culomba ,
eiu ne pigliu la mio morte
Quassu
Vaslse pour Palma
Manetta
Diu vi salvi Regina
​
​
