Aleria
ALERIA
Quel venneri d'Aostu
Si discito la storia
La terra insanguinata
Apri la so memoria
U dulore di l'omu
Si compra a prezzu vile
Quandu chjama a ghjustizia
Li monstranu u fucille
Date la pace eterna
A l'omu marturiatu
Eppoi la liberta
A quelli chi he inghjuliatu
Un ha premur'di sangue
U statu tenebrosu
Fece morti e feriti
Cu u ministru scherzozzu
O vergine Maria
O mamma tant'amata
Venite a lu rinforzu
La pace sutterrata
( G.P Poletti)
Canta u populu corsu
​
​
EDMOND SIMEONI
Davant'à la terra intera
Per dà pettu à li scrucconi
Era un porta bandera
Di nome Edmond Simeoni.
È cun l'altri patriotti
Cumpagni d'insurrezzione
Per delittu di ghjustizia
Fù turratu in prigione.
Si sente cantà Niolu
È ancu in ogni paese
A gloria di i patriotti
Man'à lu statu francese.
Noi dimu à stu guvernu
Ch'ellu fia attenzione
U corsu ùn teme nunda
Chì si batte cun ragione.
Simu un populu magiore
Micca una pupulazione
Ùn la credenu l'eletti
Sempre ladri à l'occasione.
Per tutti l'imprigiunati
Libertà sparghji to ale
Cunduci la testa mora
À la gloria universale.
Cù li populi fratelli
Scriveremu a nostra storia
È cusì senza timore
Canteremu la vittoria.
​
​
