A strada
Dumanda
Sò cum'è i venti chì vanu à ballà
À cori cuntenti pè l'imensità
Sò cum'è una vita chì s'apre cusì
Nantu una infinita chì dice di sì
Sò cum'è i celi chì sanu vighjà
È stanu fideli è sanu aspettà
Ùn anu catene sò di libertà
Ma sò centu pene chì nisunu sà
O, O, O, Maddalè
I mei l'amori vulete sapè
O, O, O, cara di mè
Sò centu addisperi è un solu vulè
Sò duv'è vo andate ma qual'hè chì sà
S'è vo l'aspettate dopu à l'annuttà
Sò e mio cantate chì ùn ponu bastà
À dimmi l'estate s'ellu venerà
Cum'è una dumanda ch'eo vi vogliu fà
U core i manda induv'è voi à pichjà
Sarete la Dea la sola per mè
Quantu in casa mea ci starete bè
O, O, O, Maddalè
I mei l'amori vulete sapè
O, O, O, cara di mè
Di li mio addisperi site lu perchè …
Dì
Dì, tuttu hè finitu ti ne vai
Seremu soli à l’oramai
Face disertu in core à mè
Dì, u nostru focu l’anu spintu
Sò tutti l’altri chì anu vintu
Un mi dumanda più perchè
Dì, quand’ellu vulterà Natale
Chi u ricordu ferà male
Ùn canteraghju chè per tè
Dì, dì, dì, hè ora diggià
Dì, issa figliuluccia inzuccherata
L’anu tantu sunniata
Ch’ella s’assumigliese à mè
Dì, ma cumu hè che tu ùn rispondi
Vai diggia pè l’altri mondi
Cumu hè che tù ùn parli più
Dì, dì, dì, hè ora diggià
Dì, ma pienghjerai una altra volta
A tenga aperta la moi porta
Pè quand’è tù veni à pighjà
Dì, serai tù lu moi viaghju
Duve ne vo t’aspetteraghju
Una ferita in lu campà
Dì, dì, dì, hè ora d’andà
Ùn sò micca venuti
Un sò micca venuti
Da ch'elli eranu tristi
Anu chjosu e porte
Più nisunu l'hà visti
Un sò micca venuti
Sò cum'è prigiuneri
In li so cori muti
Battemu l'addisperi
E ùn anu partatu
D'altri toni o saette
Vulianu sapè
Senza chere vindette
S'elli ùn anu partatu
Ghjè chì u core li freme
Anu dattu a i soi
D'arricoglie a speme
Ella
Ella, l'hà pigliatu a manu pè ùn sentesi
Sola
Ellu
Ellu, andarete à sapè ciò chì li ferma in
gola
Vole sente a voce
Di a ghjusta famiglia
A cuscenza di l'omi
Chì cunsola è cunsiglia
Vole truva u passu
Di l'amore in esiliu
A forza chì li manca
Sin'à u reconciliu
Sin'à u reconciliu
Sin'à u reconciliu...
Rispondimi iè
Inventami l'ore
passata l'età
porghjimi una manu
sopra à lu chi fà
è insegnami l'alba
d'un altru culore
a spera di sole
d'un altru campà
Dimmi ciò chi manca
ciò chi venerà
à u core spietatu
di l'umanità
è insegnami l'alba
pè un altru amore
u veru calore
d'un altru campà
Insegnami l'alba
chi s'ole levà
a spera di sole
d'un altru campà
Iè iè iè rispondimi iè
Iè ieee rispondimi iè
Iè iè iè rispondimi iè
Portami luntanu
fammi viaghjà
sin'à u veranu
spuntatu digià
è insegnami l'alba
chi si leva in fiore
dammi issu favore
d'un altru campà
E insegnami l'alba
chi s'ole pisà
dammi issu favore
d'un altru campà
Iè iè iè rispondimi iè
Iè ieee rispondimi iè
Iè iè iè rispondimi iè
Inventami l'ore
passata l'età
porghjimi una manu
sopra à lu chi fà
E insegnami l'alba
d'un amore à dà
u veru calore
d'un altru campà
Iè iè iè rispondimi iè
Iè ie iè rispondimi iè
Iè iè iè rispondimi iè
Iè iè iè rispondimi iè
Anu lasciatu
Anu chjosu e scole u vechju campanile
A nepita hè crisciuta à cantu à u casgile
Anu lasciatu un fiore
Pè u mese d'aprile
Anu chjosu e case quand'elli sò partuti
Ma u sole hè vultatu mezu à i caracuti
Sò firmati l'amori
In li paesi muti
Abbandunate l'orte è i prati à vaccheghju
Ci corre una funtana è canta à trimuleghju
Sò firmati i strazii
À cantu à u cunceghju
Ci hè un purtone apertu di castagnu tarlatu
È nantu à u scalellu trentanove stampatu
Anu lasciatu l'ore
Di u tempu passatu
Da sottu à una croce truvarete una scritta
I nomi sò zuccati nantu à una petra arritta
Anu lasciatu un pientu
Una lacrima zitta
Nantu à un muraglione anu postu in turchinu
Corsica Nazione di pettu à lu destinu
Anu lasciatu un passu
À mezu à lu caminu
Anu lasciatu un passu
Cum'è un ultimu fiatu
Anu lasciatu un passu
U sole era chjinatu
Anu lasciatu un passu
Chì ùn hè ancu vultatu …
Amsterdam
Dans le port d’Amsterdam
Y a des marins qui chantent
Les rêves qui les hantent
Au large d’Amsterdam
Dans le port d’Amsterdam
Y a des marins qui dorment
Comme des oriflammes
Le long des berges mornes
In un portu quallà
Morenu i marinari
È di biere è di drama
In lu ghjornu chì chjama
In un portu quallà
Nascenu i marinari
In lu calore chì pesa
Di u mare in attesa
Dans le port d’Amsterdam
Y a des marins qui mangent
Sur des nappes trop blanches
Des poissons ruisselants
Ils vous montrent des dents
À croquer la fortune
À décroisser la lune
À bouffer des haubans
Et ça sent la morue
Jusque dans le cœur des frites
Que leurs grosses mains invitent
À revenir vers eux
E pè ride di l’ore
Sì tramutanu in core
Una vera timpesta
Hè cusì a so festa
Dans le port d’Amsterdam
Y a des marins qui dansent
En se frottant la panse
Sur la panse des femmes
Cusì ballanu in tondu
Cum’è soli à lu mondu
In lu sonu stracciatu
D’un arganettu andatu
È si mettenu in core
Pè pudenne ciarlà
È ricumencianne l’ore, sìn’à fassi trimà
È tandu d’un gestu grave
In una ochjata fiera
A si portanu brava
A so anima interra
Dans le port d’Amsterdam
Y a des marins qui boivent
Et qui boivent et reboivent
Et qui reboivent encore
Ils boivent à la santé des putains d’Amsterdam
D’Hambourg ou d’ailleurs
Enfin ils boivent aux dames
Chì li danu a goia
Tutta la so virtù
Pè una pezza d’oru
Sin à pudenne più
Se plantent le nez au ciel
Se mouchent dans les étoiles
Et ils pissent comme je pleure sur les femmes infidèles
Dans le port d’Amsterdam
Dans le port d’Amsterdam
Dans le port d’Amsterdam …
Quelli chì ùn anu à nimu
Vi facenu un surrisu
è posanu una cria
in lu so paradisu
ci manca qualchissia
S'inventanu l'amore
e sere senza cena
una lacrima corre
s'addurmentanu à pena
Vi piglianu a manu
li si pare di tene
un frisgiu di veranu
un filucciu d'avvene
A soia a furtuna
s'hè frusta in la memoria
è solu un chjar di luna
apacia la so storia
Vi dicenu i secreti
ch'elli portanu in core
si facenu discreti
quand'ellu ci vole à more
Un ghjornu si ne vanu
nisunu l'accumpagna
quallà a cuntaran
a soia a cuccagna
È noi ùn li sentimu
è noi ùn li vidimu
è noi chi ne dimmu
di quelli chi
quelli chi ùn anu à nimu
quelli chi ùn anu à nimu
quelli chi ùn anu à nimu
Tù mi dai à manu
U mondu pienghje si sente more
U mondu trema di mal'campà
È facce notte daretu à l'ore
U mio figliolu chi ci voli fà
Sta sera dormi tesoru bellu
Ùn possu micca ùn possu ò Bà
Aghju lu core sin'à quallà
Chi và chi và, Chi và chi và
Tu mi dai a manu
Anderemu o Bà
Girà lu mondu sanu
L'umanità
Purtaremu l'amore
A chi ùn ne hà
Isse mamme sole chi si ne vantu
È'ssu zitellu chi nascerà
Ùn canta mai u so veranu
U mio figliolu chi ci voli fà
Ci hè un battellu chi frisgia l'onda
A luna bella l'aiuterà
Anch'eo ò Bà vogliu risponde
U mio basgiucciu sin'à quallà
Chi và chi và, Chi và chi và
Tu mi dai a manu
Anderemu o Bà
Girà lu mondu sanu
L'umanità
Purtaremu l'amore
A chi ùn ne hà
Ùn possu più
E l'aghju torna in core è sta sera piu forte
U dulore di l'ore è e sperenze morte
È a vecchja canzona
Di i so falsi patti
L'addisperu chi tona
E parulle è po l'atti
À dicci lu veranu
Vai
Vai
Vaici tù
Eo
Eo
Eo ùn possu più
U listessu cunsigliu è tanti so partuti
L'avvene à testa o agliu è i sogni caduti
È l'amarezza in gela
Isse limosine à sparte
À ritruvassi sola
Pè e strade diserte
È 'ssu tempu chi mena
Nantu a listessa pena
Vai
Vai
Vaici tù
Eo
Eo
Eo ùn possu più
E pagine arrubate in le nostre memorie
E buggie malate e chjame derisorie
È 'sse quistione poste
À vulè campà qui
E so falze risposte
È i basti cusi
Quand'elli vulteranu
À parghjeci a manu
Vai
Vai
V aici tù
Eo
Eo
Eo ùn possu più
Ùn ti ne scurdà
È s'è tù voli
tù voli andà
u mio battellu
à navicà
stasera voca
pè issi quallà
porta l'amore
è lu campà
salutami li nostri
chi sò da mare in là
è tutti l'altri
ùn ti scurdà
vai
è ùn ti scurdà
è ùn ti scurdà
di u to vultà
vai
ùn ti ne scurdà
ùn ti ne scurdà
Vo lu mondu
A empie u mondu cù tanta brama
Una ora sola ùn basterà
U ventu dice u to nome
Da rompe a chjostra di lu campà
Cap dels laments ja no seveixem
I el temps del plany és acomplert
Però podrem viure tanta joia
quan ens mirin els teus ulls
Sòn hores tébies
Sòn hores dolces
Sòn hores belles que el temps ens porta
Anmar houïssov abroumè sirde nim
Yev espassoum ko veradartsin
Varvel è hoghe arekagui bès
Yerguinkn ou dzove gantchoumèm kez
Jamern antsnoumèn
Orern antsnoumèn
Ou taramoumèm
Dzargui neman
Jamern antsnoumèn
Orern antsnoumèn
Mintche ouchanoumè
Var abakan
Cavalcu mari è corgu mondi
Sò circataghju di libertà
Ghjente chi strazia u so campà
Aixi quan prego aixi quan Iluito
Guardo una mica d'espereca
Pel sol que cal fer Llevar
Guieinki tsave el tchèm lessoum
Leretse vorpe darineroun
Datargue houissov
Manem galis
Vortche achgharov
Karchèm galis
È vò lu mondu
È vò lu mondu
Sòn hores tèbies
Sòn hores dolces
Sòn hores belles que el temps ens porta
E vò lu mondu
E vò lu mondu...
Rifà i passi
Dopu dece anni à meza vita
spartela in dui a ferita
Ognunu andà da u so cantu
È rinnicassi pè un tantu
Cum'è un traccia una cunferma
Un figliulucciu chi vi ferma
È i ricordi accatastati
Di quelli mumenti beati
È pò un ghjornu à l'ispensata
Truvassi à listessa abrugata
È dissi cumu và
È mettesi à parlà
Si maritatu è tù chi aspetti
lascià da cantu i rigretti
A cunfidenza è pà l'accuse
Centu quistione è mille scuse
Pò tremindui à core in manu
Rifà i passi pianu pianu
Mezu à i torti è e ragiò
È issi dui anni di prigiò
È po cusi in una carezza
Cum'è a vera tennerezza
Dissi una volta ancu dipiù
Dissi una volta ancu dipiù
U mio solu amore sj tù
U mio sole amore si tù
A voce rivolta
Golu ci conta
L'ore candelle
D'eternità
Libecciu alliscia
L'ore zitelle
Di libertà,
U sole innora
E cime quassù
E u mio cantu
Ti chjama dinù
O terra Corsa
Di li mio turmenti
O terra Corsa
Dimmi s'è tù senti,
Sò muntagnoli
Arradicati omi di quì
À d'altri soli
Sò spalluzzati
Ma stanu quì,
Sò to figlioli
È ancu di più
Quand'ella hè l'ora
Rispondi ancu tù
Populu Corsu
Pè l'ultima volta
Dilli chè tù si
À voce rivolta …
Quantu omu pò
Duve andaranu l'altre pene
Quelle chi l'anima si tene
In li silenzii di l'età
Quelle chi omu ùn po scurdà
Duve andaranu l'altre pene
Chi ci scunsolanu l'avvene
Quelle chi pesanu à purtà
È chi ùn si volenu appacià
Da cio ch'è no pudemu si
Pè tutte l'albe à vene qui
Quant'è no saperemu Fà
È sparteremu pè andà
Quantu omu po
Quantu omu po
Quantu omu po
Da cio chè no pudemu si
Pè tutte l'albe à vene qui
Quant'è no saperemu fà
Ci stringhjeremu pè andà
Quantu omu po
Quantu omu po...
U lamentu di Filicone
Impiecà vogliu la musa
Per fanne duie canzone
Mi ritrovu indu le poghje
È dimoru in Albitrone
Ne sò tristu è scunsulatu
Chì ghjè mortu Filicone
L'aghju fattu un cimiteriu
Tuttu cintu à muraglione
Nunda chè di maestranza
Ci aghju qualchì pataccone
Senza cuntà l'altru restu
È po tutte le curone
L'aghju fattu a so cascia
Tutta piena di pattume
Po ripostu lu so capu
Nantu à un cuscinu di piume
Ùn vogliu fà cum'è quelli
Chì li si lampanu in fiume
Terre d'oru (en duo avec Sting)
You'll remember me
When the west wind moves
Upon the fields of Barley
Di u sole fieru
Ti ne scurderai
Caminendu in terre d'oru
So she took her love
For to gaze a while
Upon the fields of Barley
È d'una carezza
Si sò strinti à pena
Mezu à quelle terre d'oru
Will you stay with me
Will you be my love
Among the fields of Barley
Di u sole fieru
Ci ne scurderemu
Una notte in terre d'oru
See the west wind moves
Like a lover so
Upon the fields of Barley
Ci sarà l'amore
Nantu à e so labbre
Mezu à quelle terre d'oru
I never made promises lightly
And there have been some that I have broken
But I swear in the days still left
We'll walk in the fields of gold
We'll walk in the fields of gold
Many years have passed
Since those summer days
Among the fields of Barley
È issi zitellucci
Mentre u sole ciotta
Mezu à quelle terre d'oru
You'll remember me
When the west wind moves
Upon the fields of Barley
You can tell the sun
In his jealous sky
When we walked in fields of gold
D'una volta in terre d'oru
When we walked in the fields of gold …
Senti u niolu
Una chjesola
Un campusantu
A vechja scola
Stà chjosa à cantu
A vitriola
Ci nasce nantu
Una casetta
À a sulana
Una vechjetta
À a funtana
Face una arretta
A meridiana
Veni o figliolu
Andemu à veghja
Senti u Niolu
Chì trimuleghja
Hè Pampasgiolu
Ch'impruviseghja
Un chjassitellu
Una vadina
Di pancastrellu
Crosciu à mullina
Corre un zitellu
Pè a chjarina
L'aghja impetrata
I so baroni
U tribbiu guardia
Si stà pensoni
Hè muta a piaghja
Senza patroni
Veni o figliolu
Andemu à veghja
Senti u Niolu
Chì trimuleghja
Hè Pampasgiolu
Ch'impruviseghja
A strada
Era sempre zitellu è mi sapie dì
Sottu à u to cappellu à u sole di quì
Dumane ingrandarai principiave cusì
Quand’è tù partarai arricordati sì
Poi batte lu mondu è girà le cunfine
Cambià ciò chì ti pare u principiu è a fine
Poi rifà i passi è cambià le primure
Quandu nimu risponde quandu l’ore sò dure
Ùn ci hè nunda chì preme
Ùn ci hè nunda chì vale
Ùn ci hè nunda chì preme
Ùn ci hè nunda chì vale
Un amicu un amore
A to voce cantava
Era vera diggià quandu Marta filava
Un amicu un amore
È po mi ne scurdava
Un amicu un amore
Una terra una strada
Poi pura chjama precurà ne a sorte
È po ricumincià apre tutte e porte
Vultarai dumane à u primu viaghju
È nantu à e to mane u listessu terraghju
I cunnoscu i fiori da i tempi lasciati
Era diggià cusì ùn eramu ancu nati
Dumane ingrandarai principiave cusì
Quand’è tù partarai arricordati sì
Ùn ci hè nunda chì vale
Ùn ci hè nunda chì preme
Ùn ci hè nunda chì vale
Un amicu un amore
Cusì pocu bastava
Era vera diggià quandu Marta filava
Un amicu un amore
È po mi ne scurdava
Un amicu un amore
Una terra una strada …
​
