A pena di più
UMANITA
​
In fondu di e prigiò
Si sente una canzò
Ch’un face chè parlà
D’un soffiu di libertà
Aghju fattu un sognu
Pè l’omi sempre uniti
Chè la so pensata
Un sippia fucilata
Venerà, Venerà
In tutte le cità
Venerà, Venerà
Ssu soffiu di libertà
Francatu lu core
S’hè fattu la voce
Pè pudè cantà
Ssu soffiu di libertà
Ch’ellu pigliessi fondu
E giressi u mondu
Pè caccià di a terra
A miseria è a guerra
Venerà, Venerà
In tutte le cità
Venerà, Venerà
Ssu soffiu di libertà
In fondu di e prigiò
Si sente una canzò
Ch’un face chè parlà
D’un soffiu di libertà
Aghju fattu un sognu
Pè l’omi sempre uniti
Chè la so pensata
Un sippia fucilata
Venerà, Venerà
In tutte le cità
Venerà, Venerà
Ssu soffiu d’umanità
QUANTU TEMPU DINU
Quantu tempu u dulore ni stringhjera u core
Quantu tempu dinù e nostre teste more
Averanu a sperà ind’e ghjorni più chjari
Cume tutti ss’eroi è ssi fratelli cari
Cascati un ghjornu pè l’onore d’una terra
Arditti è fieri sott’a stessa bandera
Quantu tempu averemu in noi st’amarezza
Quantu tempu dinù sterà la incertezza
D’avè un ghjornu un avvene cusì spampilullente
Chi ferà piantà la smisurata surghjente
Chi annacqua la terra di sudore è di lacrime
Senza pudè stancià a sede di l’anime
Quantu tempu sta lingua sterà sculurita
E quantu tempu dinù sse stonde di vita
Averanu a stà piatte senza rimore
Cume un prigiuneru in fondu a ogni core
Chi pensa è ripensa senza mai piantà
A ciò chi porta ogni populu a liberta
U MO LIBRU
T’hanu scrittu da mille mani trimenti
E spersu a li quattru venti
A fulena di l’imperi
T’hanu messu è scurdatu a le volte
Fora di tutte porte
A l’anghjone di le memorie
U mo libru u ti dò
Dui fillari d’una ferita
D’una cultura è d’altro
Trè parolle di la to vita
T’hanu tace tagliatu a foglie lu fiatu
Chè tù sià à l’appiatu
A fiancu di la storia
Mà quandu ùn ci arricorderemu più
Turnerà u tempu chi fù
Ti lighjeremu tù
BANDONEU
Ah Bandonèu
En la noche desconsolada
Tu armonia es venenosa
Bailando como mariposa
Cume tristessa in lu mio core
Rinasce sempre u mio dulore
A nebbia hè senza culore
Ah bandonèu
Bandonèu
Ah bandonèu
Orfanella
Vecu a mio terra chì s’apre
Tantu sò secche e so lapre
Cum’un fiume ch’un canta più
Bandonèu dimmi tù
Chì ridi cù singhjozzi amari
Perchè si campa a mezzi a i guai
Luntanu di li celi chjari Bandonèu
Tù serpentinu di u veranu
Soffiu di vita caldu è stranu
Di l’amore fà spuntà u granu,
di l’amore fà spuntà u granu
Ah bandonèu
Fuè su beso gran illusiòn
Y cabecea mi herido corazòn
Cuando es milonga tu canciòn
M’addispera a to canzona
Tutta a nebbia s’hè chjinata
A campagna è addurmintata
Ah bandonèu
Bandonèu
Ah bandonèu
Orfanella
D’una sorte senza memoria
Chì si scorda di a so storia
Cum’un sole ch’un luce più
Bandonèu dimmi tù
Chì brusgi cumè fulminente
Quandu lu to lagnu hè murente
S’ell’hè stiddu amore ardente Bandonèu
Tù serpentinu di u veranu
Soffiu di vita caldu è stranu
Di l’amore fà spuntà u granu,
di l’amore fà spuntà u granu
L'ESTRU NATURA
In l’aria fresca è pura
Sentu a voce sicura
Di l’estru natura
Di’ssu cantu a friscura
Mi parla di un amore
Piattatu in lu so core
Stella lucente
In celu cusì grande
Ripigliu :
Voce di a mio cuscenza
Solu a to presenza
Fiurisce lu mio mondu
Mi face vagabondu
In ùn pratu abandunatu
Si lu fiore sbucciatu
Culore di vita
Di voglia infinita
D’amore sò le stonde
Chè mi portanu l’onde
Di u mare amurosu
Di’ssu cantu preziosu
Ripigliu
In l’aria fresca è pura
C’era voce sicura
Di l’estru natura
Di’ssu sonniu a friscura
L'IDEA VERA
​
Quandu in core si sente u dulore
Appiate forze, curagiu è furore
Pè un idea di grande valore
U vostru sangue serà lu vostru onore
Rinascerà lu veru sensu d’una lotta
Risplenderà l’idea vera chì vi porta
Da fà tremà quelli ch’a vulianu morta
E suminà l’ultimu granu senza rivolta
In core a voi fate nasce a rasgione
Un altra vita ùn lasciate impone
A tempu vostru, fate a revoluzione
D’esse maestri di a vostra passione
Chì di pensa, parlà è ascoltà
Sò primi passi versi un indentità
Nantu a ssu caminu solu in hè verità
Chè ssu pudere chì vole assuffucà.
U 7 BELLU
Quandu à lu 63
L’aghju vistu fuore di l’onda
L’aghju datu un piacè
Lu me core à a seconda
Noi pensemu di pudè
Campà inseme una stonda
Mà senza pietà per mè
C’hè issu scemu furibondu
Chì l’hà chjosa, caru rè
E purtatu in lu so mondu
‘induve l’ùn si pò sapè
Ind’hè a cima ind’hè u fondu
Avà pensu è ripensu
A lu mio tristu destinu
S’ellu ùn hà più nisun sensu
Ghjè causa d’un arlichinu
Senza la mio luca amata
Sò una ombra malavviata
Dumane è pò dumane
Ore viote mischine
Chì di ghjorni in settimane
Mi trascinanu à a fine
A l’ultima figuretta
Di la mio pazza storietta
Mà strapperaghju issa funa
Chè tira cun furore
Chjameraghju a furtuna
Pè fà compie issu dulore
Storia ùn hè aghju chè una
E ne vogliu esse l’autore
Cun la mio cara ritrova
Camperemu in armunia
Feremu una vita nova
Di piacè è d’allegria
E tuttu ùn sarà chè ghjocu
Pè noi altri in ogni locu
Più felice chè i rè
Cun li so valletti cari
Le so donne, quattru è trè
Son’ lu sette a danari
‘nd’a primera eiu sò quellu
Cugnumatu sette bellu
A L'AVENTURA
Cù la mio fede è lu mio core
Feraghju ‘ssu viaghju cun fervore
A qualè ch’ùn ci crede a ss’ore
Ùn scoperà, di u mondu u splendore
A l’orizonte vecu a mio vita
In l’altu mare u mio caminu
A l’orizonte vecu a mio vita
Leghju in lu celu u mio destinu.
Appiendu u sensu di l’aventura
Fendu armunia cù a natura
Stà in cità per mè n’hè dura !
Cappiu a u ventu a mio paura
A l’orizonte vecu a mio vita
In l’altu mare u mio caminu
A l’orizonte vecu a mio vita
Leghju in lu celu u mio destinu
A tutt’età si pò andà
A vita sempre si pò scambià
Hè ùn piacè di sunnià
È l’aventura ci aspetterà !...
E SI CORRE
​
Si corre pè li chjassi
Pè li valli è pè li sassi
Nu le streme senza fine
E la fede pè cunfine
Si corre a mente errente
Nudu fantu è core spente
Campà scemu a risparu
A cicchiciambara è a paru
Senza resa senza lagnu
Versu un lume di fanale
Cresce sempre di gran’destinu
Pè un palmu d’ideale
Si corre pè li sbieghi
Pè le stese cume ceghi
Cume voganu le vele
Pè li porti pè le stelle
Si corre l’ore morte
A muca d’offerte sciolte
Ognunu la so legenda
Chi ci porta a ingrandà
BELLU SOGNU
​
Sò in pratu di fenu tal’u mare terranu
Lu ventu face sciuma ch’accarezza la manu
Sò pescadore d’orzu in le foce verdigne
U filanciu sghiglia in l’aria sanguine
Smariscenu li grigi cù le boghe castagnine
Le foglie russiscenu à l’ore ultruine
Appaghju cù le teghje li so panni russini
Tira una tretta nu li valli li pini
Bellu sognu, bellu sognu, bellu sognu…
Nant’a lu faiu zembu s’arrembanu li fiocchi
E le meie le stese s’inventanu li ghjocchi
L’ellera rampighendu pè lu sgiò catellurcu
Spiega a la mosca ceca l’aria d’un ballu turcu
Sopra la rena bianca d’ogni petra vergina
Mezu a i fiori tronchi chè l’omu calcica
Splende lu mio reame di suveru di baina
Accantu a l’olmu grande chè lu tempu smentica
Una fata nutulone voga à l’alba calinda
Un topu inghjuliarinu tessa folle d’acqua linda
Un acellu chì pinghje lu muscu di lu tonu
Australe so le rive in lu mio bellu sognu.
Bellu sognu, bellu sognu, bellu sognu…
DA CAMPA QUI
​
Tù Maria
Da campà qui
D’un passu sicuru custrui
Fai cummerciu
In terra toia
Crea brama è l’impiegu
A to rivolta
Sì di lu cummunu
Una parte di l’unu
Una rietta per ognunu
Tù Ghjuvan Bà
Da campà qui
Per lu to sognu chì sparì
Sì pueta
In lingua toia
Per inventà lu sensu
E nove parolle
Site di lu cummunu
Una parte di l’unu
Una rietta per ognunu
Eù dumane
Vi seguideraghju
Porta petra a petricaghju
Po intese
Saranu le voglie
E feremu un paese
D’amore è di leie
Simu di lu cummunu
Una parte di l’unu
Una rietta per ognunu
I SGAIUFFI
​
A u tempu di quelle sulane
S’andava a ghjucà nant’a piè’
Di tutte ste cose luntane
Un mi n’arricordu più bè
Mà ci hè in stu ritrattu stancu
Un attimu d’eternità
Ci vecu i sgaiuffi di a banda
Di a piazza Santu Niculà
Ci vecu Alesiu, Paulu, Andria
Ci vecu Luigi è Dumè
Ghjuvan- Michele, Maria-cristina
Vicinu à tè si vede à mè
D’estate si ghjucava in portu
A macagna di u cumpà
U sumere manghjà l’uva
È scappa scappa sè tu ùn ci voli stà
A capu avanti, botte è stuppinu
Per seguitati da u cumpà
Trà mezzu a sciuma e calate
Un si piantava di scaccannà
Ci vecu Alesiu, Paulu, Andria
Ci vecu Luigi è Dumè
Ghjuvan- Michele, Maria-cristina
Vicinu à tè si vede à mè
In stacca ùn ci era una baiocca
Mai un bigliettu di sinema
Mà ci era a l’intrata a u scapochju
S’alta manera di pacà
Nanta u nostru tupezzu lisciu
U scapochju duvia chjuccà
A stu sonu di falsa stecca
In paradisu pudiamu intrà
Ci vecu Alesiu, Paulu, Andria
Ci vecu Luigi è Dumè
Ghjuvan- Michele, Maria-cristina
Vicinu à tè si vede à mè
A u tempu di quelle sulane
S’andava a ghjucà nant’a piè’
Di tutte ste cose luntane
Un mi n’arricordu più bè
Cuntemplendu u rittratu santu
Eò mi ne ritornu quallà
A mezz’a i sgaiuffi di a banda
Di a piazza Santu Niculà…
Rivecu Alesiu, Paulu, Andria
Rivecu Luigi è Dumè
Ghjuvan- Michele, Maria Cristina
Sò tutti quì in giru a mè !
A TO BANDERA
D’Aragone tu si
U core a sventulà
Di li paesi mori
Ch’in Bastia Gaffory
Ha da purtà, ha da purtà
Bandera voli dì
Curagiu un ti piantà
Un alitu di ventu
Chi sfida ogni turmentu
E si ne và, è si ne và
Arritta hè fiera
A to bandera
Franchendu lu tempu
Storia sà
Arritta hè fiera
A to bandera
Franchendu lu tempu
Storia sà
Testa mora tu si
Pè un identità
Cume una vela sciolta
Un antica rivolta
A suminà, a suminà
Cuandu l’omu di quì
More senza invecchjà
Si bandera a mez’asta
Pè mughjà avà basta
E cunsulà, è cunsulà
Arritta hè fiera
A to bandera
Franchendu lu tempu
Storia sà
Arritta hè fiera
A to bandera
Franchendu lu tempu
Storia sà
UN PIANTA
​
Di l’ira umana hè natu
Un fiore canterinu
Ch’imbellisce l’idee è tutte e forze vive
Da l’alba à l’attrachjata
A to voce hè preghata
Un piantà !
In li to inni a l’onore
S’adduniscenu l’omi
In la to chjama a l’amore
Si spanna lu mio core
Da pienghje o festighjà
Una realità
Un piantà !
Qualè lu sia lu sensu
Ti purterà lu tempu
Contr’a terrore è spaventu
U to cantu hè immensu
Da la to zitellina
A la vita mischina
Un piantà !
Ricchezza di una terra
E di una tradizione
Ghjè umana è sincera
A to voglia d’unione
Da lu mare prufondu
E sin’a l’altru mondu
Un piantà !
CD 2
Versu tè
Vengu versu tè, muntagna immaculata
Vengu versu tè, portu in la mio scarpata
A voglia di campà cùn tè.
Vengu versu tè, per scopre sta surghjente
Di vita e d'amore, chi darà a la ghjente
A voglia di campà cùn tè.
Cume l'acellu feritu
Ch'un po piu gulà
Cume un populu unitù
Ch'un po piu campà
Ch'un po pio campà senza tè.
A culomba bianca di rossu hè taccata
U populu hè stancu di la so strazziata
E vene versu tè.
Vene versu tè, contra l'alienazione
Vene versu tè, per a Corsica Nazione
Chi sera libera incù tè.
Cume l'acellu feritu
Ch'un po piu gulà
Cume un populu unitù
Ch'un po piu campà
Ch'un po pio campà senza tè.
O muntagna cara per lu nome chi porti
Tanti e tanti populi pienghjenu li so morti
Ma venimu versu tè.
Ghjè stu nome chi ribomba
Ghjè stu nome chi ci porta
U to nome un' hè farzu
Chi ti chjiami LIBERTA.
U pesu di l'ore
Cunnoscu di i ghjorni
U soffiu calore di l'ora d'amore
U sguardu è l'asgiu di l'ora basgiu
U basgiu divizia di l'ora amicizia
L'abracciu accolta di l'ora rivolta.
Cunnoscu di i ghjorni
A mossa spera di l'ora sfruntiera
U farru suffrenza di l'ora sperenza
U visu spentu di l'ora tempu
U tempu stonda di l'ora mondu.
Cunniscimu i venti è l'ore angusciose
Nate à i primi tempi dipoi chè no simu
È mani tese in'un sbuccià sicretu
D'un idea chì move à u sguardu malatu
Donne omi negri è bianchi
Chì strada serà dumane.
Gracias a la vida
A tè Surella
Senti u stridu di u chjonchju
Ribumba trà mez'è fronde
E u rughju sopra l'onde
Di Tavignanu u camonchju
Acqua chieta sbond'i muri
Oghje nè simu sicuri
Ascolta u fiscu stridente
Di l'omu addisperatu
Nant'è sponde splendurente
Ellu cerca l'altu pratu
Quellu chì frischja a notte
Forse chjamerà a morte
Senti ughjulà lu ventu
E 'animali famiti
Q uè so voce di spaventu
E anime di riniti
Streghe maghi surpatore
Cresce lu nostru terrore
Ma un'appia timore
Sippii curagis'e fiera
Camina sin'a la sera
Senza teme lu rimore
Di sti lochi di furore
Nè feremu u nostr'albore
Tempu ghjunt'a la casetta
Trinca versu a Bocca piana
Quì ci canta una fuutana
E un nè manca filetta
Tandu sarè a mio fata
Eper sempr'a mio spusata
Un trema più zitelletta
Manc'un pensa a la morte
Un lettinu di liletta
Ci ferà fransà a notte
E inseme sparteremu
A passione chi ci move…
E schjarisce u caminu
di a notte clandestina.
Ghjennaghju
Un ghjornu singhjuzzava a vigilia bughjura
I carrughji attuniti cuntavanu i so morti...
Tandu entre u pastore cum'è batelli à i porti
Calmi è s'indinoghja è sdrughje a paura.
Preca à core scioltu è si sparghje l'amore
S'hè zitta ancu l'aria aspettendu a chjama
Di a voce porta pace chì tutta a ghjente brama
S'hè piatta ancu a zerga è parla u signore.
"Statu omniputente tù chì stai in l'imperu
Di forse accanite è di ferru è di focu
Lacami sti figlioli è lacami stu locu
Ùn mandà più saette contr'à u so addisperu.
Ùn parlemu di lege è guardenu li dritti
Si sò pisati tutti contr'à la to inghjustizia
Di mani è di voce ne cresce una divizia
Sguizzera torna u sangue sè tù ùn li lachi arritti..."
Ma queste ùn sò voce chì sente a preputenza
Hè debbule u Signore in pettu à u statu petra
I fiumi impauriti correnu à l'ombra tetra
Di a guerra chì rinova quell'antica viulenza.
Moyshele
Cece Pesce
​
El pueblo unido jamàs serà vencido
(Quilapayún / S.ortega)
​
Porte d'infernu
Sumenaci tù
Nantu a petra di a miseria
Pè fà l'ultima cugliera
Eu ùn possu più.
Annacquaci tù
Nant'à stu campu di guerra
Ciò chì ferma a nostra terra
Eu ùn possu più.
Viaghjaci tù
Duve hè passatu lu focu
Ciò chì ferma u nostru locu
Eu ùn possu più.
Strignelu tù
Stu pezzacciu di carbone
Chì ghjè l'ultima canzone
Di la mio giuventù.
Eu ùn possu chè
D'una sorte maladetta
Fà ne l'ultima vindetta
Fermerai tù.
Fermerai tù
À cuntà u mio passatu
Cum'è una sfiacculata
Di mai più,
Di mai più,
Di mai più.
Piccula marina
L'onda s'allonga è si chjina.
Ùn si sente un rimore
In sta piccula marina
È tuttu piglia valore.
Ogni parolla risona
In lu calmu di lu serenu.
Pè fà l'ultima canzona
U mio versu serà lenu.
Cù lu so pinnellu a luna
Allatta ogni muraglia
Di strisce bianche l'affuna
Ùn ci serà mai più battaglia.
A timpesta hè pruibita,
È cum'è à mezu à u disertu
Ci hè un nidicale di vita
Chjosu à lu ventu incertu.
Lacatemi una notte
U calmu di la turchina
Tenite chjose le porte
In sta piccula marina.
L'arbasgiu
In scola quandu ci andava
Quantu volte la mancava
Per un si o per un no
Un sapia lezzio
Allora babu dicia
Quandu in casa ne ghjunghjia:
"Sè tù voli fà cusi
Zapperai lu giardi"
Ma nun so, nun so perchè
Quandu m'aghju compru un carru
Ma nun so, nun so perchè
Si ne ridenu di mè
Dopu quandu so ingrendatu
A l'armata ci so statu
Per un si o per un no
Mi mettianu in prigio
Allora babu dicia
Quandu in casa ne ghjunghjia:
"Voli sempre cummandà
Ma custi t'anu da affilà"
Dopu fattu lu suldatu
In paese so vultatu
E mamma m'hà dettu:
"A và, t'averesci da marità"
L'una o l'altra dummandata
S'anu fattu una risata:
"In anzu, stàccine, chè avè
Un arbasgiu cum'è tè"
Vai puru o Guargualè
Un ti manca più chè un carru...
Vai puru o Guargualè
Compra à quattru è vendi à trè.
Sciringa
Ci simu allevati inseme in lu stessu carrughju
Pensendu a l’avvene incu sogni zitellini
Ma oghje la to strada ti porta versi u bughju
Un liquidacciu biancu ghjè un micighju in le to vene
Quella pulveretta bianca indè lu sacchitellu
Durante una stonda ti face sunnia
Eccu induv’ellu hè u to spiritu ribellu
A vita di le to mani l’hai lasciata cascà
Sappiè chi sunnia poi spera la vita ùn’hè mica campalla
Ti discieti a matina fidighjendu in la to stacca
E quellu biglietacciu tu speri caccia
Ma sopr’à tutti li tuvoni di li to bracce
Un sai cuanti manghjoni si lascianu ingrassà
Un senti mancu i brioni di u populu decisu
Chi vole stringhje in le so mani l’avvene
Ma tu in le to mani ci stringhji una sciringua
Issu laciamentu chi maturà ghja è so vene
Allinsigatu incappiattu ti lasci tumbà
Tu chi porte l’avvene à l’aghju di a sciringua
Tu chi campi per tuttu cio che artificiale
Ma aprilli ‘ss’occhji è supranici a rimigna
Piant d’ùn campa ch’è nant’u, lettu d’ospedale
Fiancu a fiancu marchjeremu versi lu nostru avvene
E tu dinù dumani puderai briuna
Chi tandu serà sangue chi correra in le to vene
A vita l’hai ammannita ti ci poi aghjumillà
A ‘ssa manu tesa contra à to morte un spiru ùn li gira
Esse noi
Bianca cume la schiuma di u mare
Chi ghjunghje da mille oceani
Per pudè di cio ch’ella li pare
La mio voce mughja per dumane
Per l’omu chi vole campà sanu
Ind’ un paese ch’ellu a fattu soiu
E chi vole alza la so manu
Senza piu sperà in’un appoghju
A so ch’ogni verità ch’e detta
Un vole sempre esse intesa
E ghje in’un spiritacciu di vindetta
Chi la lotta ferma appesa
E ancu si la mio voce hè sola
A vulè sprimè lu mio pensa
E chjaru ch’incu la mio parulla
Oghje ognunu deve cuntà
Da cuandu mi svegliu la matina
A cuandu mi vogliu addurmintà
La mio lotta ghje cui vicina
E ghje per ella chi vogliu cantà
Femulle compie ’sse lite
Chi c’ hanu d’arruvinà
E ch’ogni idee unite
U populu sannu vincera
Un aspettemu piu a sintenza
Di cuellu chi si vole impatrunisce
E chi per avecci in’ a so manica
Ogni ghjornu ellu ci alliscia
Seguitemu lu nostru caminu
Ghje fiuritu di tante sperenze
E cusi seremu piu vicini
Di u campà e di l’indipendenze
Bianca cume la schiuma di u mare
Chi ghjunghje da mille oceani
Per pudè di cio ch’ella li pare
La mio voce mughja per dumane
Trà more è campà
In mente oghje mi vene
Un surrisu di tè
Da nantu à quella scena
Di piazza Tien an Mè
Rivuluzione movi
Mancu si po piu di
A cerchi è ùn la trovi
A mezu à li cheppi
E tù chi ti ne ridi
Di tanchi da fermà
Tamanti li to sfidi
D’oriente quallà
E tù sai
Sai more
Sai more
E sai campà
E tù sai
Sai more
Pè un palmu di libertà
Po t’aghju vistu corre
Davanti à i sullati
Un populu in bullore
Di ghjente rivultati
E ancu marchjà pianu
In centu mila è piu
Carrughju fattu umanu
Da tanta giuventù
Sempre n’ere cuntentu
Di longu à li stradò
Quale essu fussi lu ventu
Quale essu fussi lu prò
Retrato de Sandino con sombrero
(Quilapayún)
​
​
