A me patria
A ME PATRIA
​
A mè patria sì chjama libertà
Libertà, sempre, sempre sì chjamerà
A mè patria sì chjama libertà
Libertà, libertà.
V'aghju scurpatu un ghjornu incù pena
Figlioli di'ss'umanità
In u vostru vighu c'era cateni
Di miseria è di povertà
Vile inghjustizia ch'ai vita serena
Mi sò intesu spavintà
Ma a cuscenza pà sciula a catena
Pratendi'ssa verità.
A mè patria sì chjama libertà
Libertà, sempre, sempre sì chjamerà
A mè patria sì chjama libertà
Libertà, libertà.
Ghjenti di cori spersi in questu mondu
Virtu è di predicà
Si in certi lochi l'indicenza abonda
Di i putenzi ne a vulintà
È incù'ssa fede sarà sempre incesu
U drittu in'ss'umanità
Mai più un populu sarà appesu
Chjamendu'ssa verità.
ZI' ANTO
Caletevi o Zi’ Anto
A nantu a ‘ssa petra tonda
Mi tinaraghju in puso’
E chjachjaremm’ una stonda
Un mi vulete cunta
Qualchi passatu tramenti
Un fattu di tempu fa,
Ni saria bè cuntenti.
Eu a vi dicu franca
Di a luna un n’aghju attechja
Sola vostra barba bianca
Un mi da micca spavechju...
Contetimi i sirati
A lu ghjiru di u fuconu
Quand’i nostri antenati
Spartianu o bucconu
Quand’ a nostra Cursichella
Un’ era tant’ affannata
Quand’a vita era piu bella
Bè ch’ella fussi stintata
Ditimi di u mulateru
U lamentu o a canzona
U chjoccu di i sunaglieri
Vicinu a la stazzona
Ditimi lu ballu stranu
In fondu di li pineti
Quandu sbuccava lu branu
Di li cervi e li muvretti
Eu a dicu franca
Di a luna aghju spavechju
Sola a vostra barba bianca
E sempre lu me attechju...
SUSPIRI
Un cè valsutu lu turcu
Cu lu stintu rapacinu
Un c’è valsutu lu grecu
Nemenu lu sarracinu
A piegati lu ghjinocchju
O a turrati mischinu
Nemancu archibusgiata
Di lu bastimentu inglesu
Ne a crudeli imbuscata
Di u sbiru ginuvesu
Un l’anu imputicata
A fierta di u paesu
Dapoi che tu se nata
Sina u ghjornu passatu
Nimu ùn t’a impastughjata
Nimu ùn t’a capu calatu
Solu u dinaru pazzu
T’a da ghjuca u strapazzu
A VECCHJA
A vecchja chi stava sola quassù
Avia malgratu l’anni e l’affanni
U core cume in a so ghjuventù
A gioa avia vintu i danni
Issa donna chi stava sola quassù
Sta mani se n’é andata luntanu
Luntanu di u sole di a so ghjuventù
S’è spenta a l’alba di u veranu
E oghje cume se fussi zitellu
Rivecu in u so strettu casellu
Issa donna preghendu per l’urfanelli
Sprima i cosi più belli
Che sempre eu vogliu di
Figlioli di ‘ssa terra spugliata
Da l’anni so came ella smezzata
Ma in me fiurisce sempre a sperenza
Vedendu chi a fratellenza
E rinata e cusi
‘ssa vita sera rispettu fideli
U tempu tumbera l’ori crudeli
E tandu ancu per ghjughje mancanza
Sparisce tutta suffrenza
Eccu figliolu di qui
A vecchja con’ imuzione infinita
Dicia in ultîmi ori da a vita
Paese forza un ti spenghjare tu
Tu u figliolu ch’un aghja mai avutu...
U LAMENTU DI I PALAVISANI
Addiu a te furesta cara
Boscu di li Palavisani
addiu, l’omu ti pripara
U to sfatteghju di a so mani
Dici che per da l’acqua in piaghja
Chi ta pineta, devi raghja
Addiu a te arba barona
Ch’imbalsamavi lu cuntornu
Anu svultatu i cantoni
E casticatu u to sughjornu...
Dici che per da l’acqua in piaghja
Chi tu barona, devi raghja
Addiu a tè o bianca nocca
Rusulaghju di l’inguernata
Addiu, addiu avali ti tocca
Anch’a tè d’essa sterminata.
Dici che per da l’acqua in piaghja
Chi u to nocca, devi raghja
Addiu pini maestosi
E larici d’alta statura
Addiu fiori muscatosi
Chi adurnavati apianura...
Dici che per da l’acqua in piaghja
Chi tu natura devi raghja
Addiu belli spassighjati
In ssa furesta tant’ umbrosa
Addiu cari innamurati
E d’Agnaronu e di Cardosa...
Dici che per da l’acqua in piaghja
Chi tu amore, devi raghja
Addiu corbu e pinzalonu
E cantunicci arghjentati
Ch’avete intesu u brionu
Di quissi loghi tant’amati
Dici che per da l’acqua in piaghja
Chi tu muntagna, devi raghja.
RICORDU
O ghjuventù passata,
Zitella luntana
Per sempri di mè.
O passioni vultata,
Amori o dannu
Dumani par mè.
Dimmi induve sì
Chì possu fà quì
Senza tè.
Dimmi induve sì
Sò solu cusì
Senza tè.
O soli d'arimani
Acellu chì canta,
L'amori di l'avveni.
O piovi di a mani,
È pienta tamanti
Tristezza chì veni.
Dimmi induve sì
Chì possu fà quì
Senza tè.
Dimmi induve sì
Sò solu cusì
Senza tè.
VINCEREMU
Populi di stu mondu
Femu fronti pa sfida
I nazioni in putenza
Chi s'appruntanu a regna
Luttemu sempre uniti
Pa ricusa carita
Pa un esse asssughjettilî
E perde tutta dignita
Pa dumane tutti insemu
Femu femu l'unnita
Vinceremu vinceremu
Pa' ch'in terra sia fraternita
Vincerema Vinceremu
E naziona sempre campera
Populi di ‘ssu mondu
Calcigati da a puverta
Se no un vulemu sempre
Quessa sorte assufuca
Quandu ghjunghji putenza
pa' vuleci inghjinucchja
Femu sempre rîvolta
Si' no c'anu inssanguina
Femu sempre rivolta
pa ‘ssi ghjenti senza pieta
Pa dumane tutti insemu
Femu femu l'unita
Vinceremu Vinceremu
pa' ch'in terra sia fraternita
Vinceremu Vinceremu
E Nazioni sempre campera.
Sbarcanu
Sbarcanu di branu, d'estate e ancu d’ inguernu
Ci n'é stesi, arritti quasi nudi e pensendu
Chi ci voli a fa in Corsica e un infernu
Incun' elli patroni, e i Corsi affuchendu
Ma no semu cetti
Che pà ‘ssi ghjenti bramitti
A piu cativa ferita
E che no siamu uniti
Sbarcanu i riconi versu i palazzi bianchi
So fatti d’orgogliu e mancu appena
Stanchi di vuleci inculcà tutti i so tradizioni
Ma perdenu u tempu campendu d’illusioni
Oghji quessi belli
Ci anu impostu abbastanza
Videranu anch'elli ch'in ruina è tutta chanza
Tutti ‘ssi furbani so ghjenti perniziosu
Compranu ‘ss ‘eletti e sempre silenziosi
Spartenu arrubendu tutti i nostri rughjoni
Pa’ chi nienti ferma, pà tumba a Nazione
Ma tutti attinzioni
Ch'un ghjornu in’ ssi scurtona tutti ‘ssi brancona
Un diventenu sprona
Si svarsa inghjustizia cume
L'acqua di u piovu ma di tantu in tantu incu
Un amore novu volta qualche
Corsu ch'un pudia piu stà fora
Sapendu chi a Nazione incu certi avia da more
Populu sia attenti a ‘ssa situazioni
E pà ùn andà dritti fina disparizioni
Fa ch'ella rivenghi a tempu l'unioni
Pà lampalli fora tutti quessi brumioni
Pa lampalli fora
Un n’aghi cumpassioni e se tu ùn voli more
Da culunisazioni canta a voce sciolta
D a l’altru di u vangonu
Pà chi sotta volta risonghi ‘ssa canzona
Pa nummalli tutti ci vuliria l’annata
Ma pa ‘ssa canzona rima ti si scitata
Fina chi a nazioni ch’elli anu incatenata
Veghi un ghjornu sbuccia u fiori di a liberta
CUSCIENZA UMANA
Facia ‘ghja tantu tempu
Ch’eu vulia canta per tè
Oghju eccu chi u mumentu
E vinutu in faccia a mè
Paria chi tu durmissi
Cume i toi accantu a tè
Paria chi tu durmissi
Ma a morte era ‘ghja in téè
In ‘ssa terra santa u branu
Era natu per campà
Tu l’avii dattu supranu
Cridendu a l’umanita
Ma l’umanita è sfarenti
Solu tu po ghjudicà
Mamme e figlioli so in pienti
Mette in dolu a Libertà
T’impastoghjanu i zitelli
Eu u la possu suppurta
Seraghju sempre ribellu
Faccia ‘ssa calamita
Ogni crimine è odiosu
E quessu, nome ùn a
E stella in tempu bughjosu
Pensa per un smenticà
Un n’avaniu mai cretu
Chi u to core Umanita
Fussi sempre cusi strettu
E mi fessi raminta
L’anime carche di sangue
Chi so ghjunti a assassina
I nucenti diagraziati
Sia qui sia qualla
Faccia a quessa barbaria
Mondu stride infamita
Ch’ella sia induve elle sia
Cundanna sanza pieta
E di ‘ssa abiettu distinu
Nimu un si smenticarà
Ch’in ‘ssu ghjornu darruvinu
A to terra crescerà
Guarda ch’un ghjornu a stanga
A forza di suppurta
E a forza di sta in ‘ssa fanga
Da u male trunchera
Allora cuscienza sana
Svegliati per un crepa
E si l’omu s’alluntana
Forzallu a raghjunà
Paria chi tu dormissi
Cume i toi accantu à tè
Ma u me core s’è sfissu
A morte era ‘ghja in tè...
U CAFFE
Si sa bè ch’e tempu persu
Di raminta cosi andati
Ma ci voli ancu per schersu
A ssu mondu fa cuntati
A la ghjuventu d’avali
Di fatti veri e sacrati
Quandu vinia l’istati
Cù tutti i so macagni
Chi la piaghja era crudeli
E brammati li muntagni
I ghjenti di lu padolu
Spartiani i so lagni
Spersu cum’è un bastimentu
Trallasciatu in altu mare
Senza ne vela, ne ventu,
Senza mancu marinari
U paese carzulatu
Era biotu e scunzzulatu
Si u soli accunzzintia
A muta piazza e rughjonu
In carrughju si surtia
Tutti, a metta s’in pusonu
Era ora d’allegria
Quidda di a caffiteria
Era pocu allinzingatu
U caffè di tempu fà
A puntu inzucharatu
E buddenti a vulinta
Trattinia l’amicizia
Aiutava ancu a campa
In sti tempi scillirati
Di ssu populu mischinu
I caffiteri so sfilati
E bistrotu è l’imbruschinu
Ghjitattu in sti falati
Cume un vecchju catinu...
​
​
