esciutu in lu 1990
Sorti en 1990
A lingua d'inde noi
A LINGUA D'INDE NOI
He una lingua bella cun parulle di lume
Chi tesse la so storia A u filu di u versu,
Induve ellu si sente a corsa di lu fiume,
U pane di granellu incu lu casgiu merzu.
Tandu da paglia Orba passendu pè Bavella,
Stendu a sente parla a qhjente paisana,
Pare chi lu Muntese risona in paghjella...
Urdendusi una tela d' armunia sana.
Inde 'ssa lingua bella culurita di sole,
D'un gustu chi s'ascolta he digia savurita;
Ghje parlendu che prima nascenu le so fole,
È si beve parulle tantu be ch'acquavita.
È parenu le voce un filu di surgente,
Da unscogliu à l' altru ribombenu e so onde,
Qualchi volta fiumare per megliu fassi sente
Di qualchi cota troppu luntana di e so sponde.
He una lingua bella chi ha tantu viaghjatu,
Cume un pratu di Corsica persu per 'ssa Terra,
Strintu ind' una tanag1ia ma sempre suminatu,
Priggiuneru di u cotru in cima di una serra.
Ella ha lampatu ponti da sopra a l'oceanu,
Ha lasciatu u so nidu per qualchi a1tra sorte,
Ma cume a rundinella ch' annuncia lu veranu,
Rivene per cuntacci quante ella hè sempre forte.
Per dicci chi quallà in 'ssu paese stranu
Ha vulsutu apprunta li ferri di l'annoi,
Per impone e so veghje,annu dopu a l'annu
È chi si parla sempre a lingua d'inde noi.
He una lingua bella a chi la face fiurisce
Uffrendu i so tesori di schietta meraviglia,
Tuttu cio chi mancava per pudecci capisce,
A forza chi ci vole per campa l'armunia.
Quandu da Monte Cintu e voce mai spente
Di a ghjente nustrale cantenu l'allegria,
Pare chi lu Muntese s' he' fattu musicante
E ch' ellu ha accunciatu tuttu una sinfonia .
CANTERAGHJU
Da e serre d' i monti à i piani
Da sopr' i fiori aperti di Maghju
Da sopr'a. tutti i fiumi a tutti l'oceani
Canteraghju. canteraghju
Per a terra ch'aspetta e grane
Per i culori di u rosulaqhju
Per e cime nebbiose chi fighjanu dumane
Canteraqhju, canteraghju
RIPIGLIU:
Canteraqhju a vita cume un fiume
E nantu di lu sole ogni raghju
Vagliu scrive 'ssu nome in lettere di lume
Canteraghju, canteraghju
Per l' acellu chi scopre e stelle
Per a neve chi vola in Ferraghju
Cun tutti i versi d'i madricali e paghjelle
Canteraghju. canteraghju
Per a fratellanza cume un fiore
Per u pastore e lu s pagliaghju
Per tumba l'oddiu è per parturisce l'amore
Canteraghju, canteraghju
Per un paese Ch'un vole more
Duve lu sole hè sempre di Ghjennaqhju
Per un'altra liberta per un altru albore
Canteraqhju, canteraghju
Per 'ssa vita, 'ssi cori, 'sse vene
Per una cultura e un linquaqhju.
Per un populu chi torna crede a l' avvene
Canteraqhju, canteraghju
MA SI VIVU
Lu celu era di focu
Quandu t' hanu purtatu
Versu à l' eternu locu
Di lu t'ultimu fiatu.
È aqhju sempre in mente
'Ssu mughju silenziosu
D'un'assenza prisente
Daretu à l 'ochju chjosu.
Ma si vivu!
Di polvere si natu,
Polvere fermerai,
Ti si addurmentatu
Oghje e a l'oramai.
O prete un ti vergoni.
Di ringrazià Ghjesu
D'ave rubbatu i sogni
Di la mio giuventu?
Ma si. vivu!
Qui stasera eiu sô
Si tu fiore di Maghju,.
Qui stasera eiu so
chi per te canteraqhju.
Grazie à te aghju vistu
ln l'eternu di e lotte
Chi l'amore he per sempre
Piu forte chi a morte.
Ma si vivu!
FULENA DI STELLE
Grande magu di l'alte sfere
Fammi scopre le to arcane
Vers'a quelle arie bianche e nere
Insegnami e parulle strane
Di u libru apertu di u celu
D'un colpu di lu to bastunellu
So cullatu in lu Carritellu
Pegasu c'aqhju affunatu
Per fammi visita u celu,
E tandu a galoppu serratu
Viaqhju cume à l'appasponi
Mezzu à mille cunstellazioni
Di 'sse fiare misteriose
Ochji d' una fata zitella
Di Nanne Bianche in Nevulose
Riscalderaqhju la mio bella
Cun tanti soli sfiamicanti
Per falli cullane a diamanti
Aqhju cavalcatu u Draqone
Versu e fruntiere di l'avvene
Vi salutu Vega,Orione
È Cassiuppea tante serene
E Lira di a so melodia
M'hà cuntatu a so nostalgia
Vi salutu celeste fiare
D'e Ghjallinelle accumpulate
Sapete quantu vi tengu care
Mezzu à lu biodu sfrombulate
E ogni notte, petre d'oru ,
Torna di voi m' innamoru.
DONNA
So tu sapessi li viaghjoni
Duve ci sinu ritrovi inseme
A longu d'i sogni i ruqhjoni,
Ver di quell' albe strane e sceme.
Ti vogliu esse 'ssi luciori
Ch'i..Re Maghi hanu seguitati,
Tu ochji d'arcu di culori
Li mio tempurali hai calmati.
RIPIGLIU:
Donna,s'i donna
È si tu l'uttava meraviglia
Per te la mio voce risona
Di mille mazzuli d'arnunia.
Donna,s'i donna
È l'altare di la mio pazzia,
E lu to risu quandu ellu tonna
He lu pui bellu rigalu chi sia.
Ti vogliu sparte le mio lotte
Contru a quelle indiferente stonde,
Ti voqliu annacqua le mio notte
Di la to chjoma a spisce bionde.
Eiu so l'errante di l'alba,
In cerca di l'ultime ore,
Ti vogliu curiola e vitalba
Per imbalsana lu mio core.
Per rompe u cotru di l'assenza,
Eiu mi so inventatu un mondu
Mezzu dulcezza, mezzu viulenza,
A u filu di u to corpu tondu.
Eiu vogliu per te scrive qui,
Tu chi si di lu n'inguernu a fiara,
Eiu ch'un aghju mai saputu di
Sin'a chi puntu eiu ti tengu cara...
HÈ A SOLA
Mi ferma nant'e lapre cume un licore"
Un profumu d'ella"
Cume l'acquata chi copre e stonde d'albore
D'a so visturella.
E mi ferma st'abbracciata,
Un mazzulu di dulcezza,
Trimuleghja sempre la mio pella assetata
D'a so carezza.
RIPIGLIU:
Hè a sola, chi vola"
chi colla in lu mio celu,
He culore d'un fiore
Cume un rigalu di u veranu .
He lume,hè sciume
D'u fiume di l'avvene
Hè lu sole ch'un vole
Lascià la notte vene.
Aghju appicatu a ghitarra in l'alti celi
Per chi u ventu canti
E furatu a fiara di millaie di candeli
Per fanne diamanti
S'he persu in lu tempurale
Lu battellu di e mio ore
Aghju vulsutu seguità lu fanale
Di lu so core...
CAMPEREMU
Simu di'sse culture
Minuritarie e sole,
Di'sse storie scure
Smenticate da i libri di scole.
Viaghjemu per e strade
Di'sse lotte di u core,
Di'sse lingue passate
È prestu distinate a more.
Eiu brammu un prisente
Di nova fratellenza
E ch'inde la nostra mente
Ella rinasci a cuscenza.
Populu meiu.
Populu corsu
Ti dumandu eiu
D'esse tè senza rimorsu.
RIPIGLIU:
Camperemu, camperemu
In memoria d'una terra è d'un'identità,
camperemu. camperemu
per alza lu nostru avvene in libertà.
N'un vogliu piu sta zittu
Contru à l' intulerenze,
E per u diritu
A tutte e nostre diferenze.
Cantemu lu passatu
Di tutte e nostre vene,
E di lu nostru fattu
Ci custruiremu un avvene .
HE CASCATU U MURU
Anni e anni d'oppressione
Per una viti nova ch'un venia mai
Dittatura, reppresione
In un'appologia di viulenza e di guai
Sott'e croce bianche e mute
Sempre lu stessu sognu cusi innargentatu
Orramai e mente so empiute
D'un ghjornu di Nuvembre
Induve tuttu ha cambiatu
Un altru tempu he natu
He cascatu u muru di l'intulerenze
Tandu un populu sanu s'he messu a canta
He cascatu u muru so permesse e sperenze
Per un passu di piu versu a liberta
Cume un ballu celestu d'acceli immaculati
Si sente in ogni locu i risi di i zitelli
Si so zitti per sempre i passi di i suldati
Per saluta l'unione di dui populi fratelli
Chi dumane lu viaghjone
Sia imbalsamatu di i fiori d'allegria
Brusgeremu tutte e priggione
Da Berlinu a Praga, Bucarest e Varsovia
Traccemu un'altra via
PAGLIA ORBA
Mezzu à e stelle
D'i jochi di l'inguernu
Incurunata
Cume una regina à l'erternu
Ditu puntatu
Cume per chere qualchi acellu
Si messagera
Di l'albe nove di u celu
Pugnu alzatu
D'una vittoria chi hà da vene
Tessi l'arcane
Di lu nostru avvene
RESISTENZA
Ind'a scurezza citadina
Ind'un scornu d'una strettina
Appena in altu c'he scrittu un nome
In Maghju di quaranta tre
N'un si sa mancu oghje perche
Qui in Aiacciu he mortu un omu
RIPIGLIU
È si chjamava resistenza
Si chjamava ancu sperenza
A raggio di u so lutta
Unu di piu assassinatu
Unu di piu chi he cascatu
Per ch'ella vinci a liberta
Spuntava l'alba cristallina
Quandu cume ogni matina
A u travagliu si n'he andatu
Falava À l'appasponi e strette
Quandu i suldati maladetti
Senza raggio l'han tumbatu
Vulemu esse i fratelli
D'i clandestini, d'i ribelli
Ch'avvianu altu lu visu
Di quelli chi si so battuti
È chi so morti a voci muti
Tutti i to pari o Lavisu
Da Corsica, Francia o altro
I figlioli morti in priggio
À nome di a Sant'Unione
per tutti quelli mentre a guerra
Chi so morti per a so terra
Aghju fattu questa canzona.
UNA FATA
Cume una spiscia fiurita
Nant'e rene di rancore
Si entrata in la mio vita
Senza rimore.
D'un'uchjata,d'un surrisu
Hai berculatu e mio ore
S' hè ficcatu u to visu
In lu mio core.
RIPIGLIU:
Una fata,
A le mio lapre secche
Cum'un raggiu di mele,
Fata,
Fammi scopre le stelle.
S'era persa la mio strada,
Girandulé fra li monti,
La mio vita abbandunata
À l' orisonti.
Ma d'un gestu hai riscaldatu
A brusta di a mio pazzia,
Ava so chi u to fiatu
He magia.
Cume un nulu di farfalle
Sopr'a u fiore chi s'apre
Vogliu ripusa le mio ale
Nant' e to lapre.
S' he suminatu u mio ortu
Di e grane di l' avve,
Aghju trovu u mio portu
Accant'à te...
