A di ti
A di ti
Dopu avè giratu pè issu mondu
E esse scalatu in centu lati
Senza mai riposu nè rifiati
Eo lu smaritu avà rispondu
So ghjuntu à di ti
I mo viaghji
I mo verani
Si tù
L'anni so passati, tempu fila
Da tanti stalvati è le stagioni
Mi ne tornu oghje à i mo cantoni
I mo ricordi so centu mila
So ghjuntu à di ti
I mo viaghji
I mo verani
Un dite nunda
Forse era scritta
Chi zenza circà si
Un ghjornu à l'ispensata
Si truverianu
Unu à quill'altru vicinu
Di sorte accupiata
Forse era scritta
Chi à u primu sguardu
L'amore ci s'avia da calà
Forse era scritta
Qual'hè chi sà
Un dite nunda
Duv'elli vanu
Hè un secretu chi i porta
Un dite nunda
Più d'un veranu
Vene à pichjà ci
A a so porta
Forse era scritta chi mancu l'anellu
Sallatu à e so dite
O e prumesse è i patti
E ghjuramenti fatti
In le so vite
Forse era scritta
Chi nunda oramai più nunda
I pudia parà
Forse era scritta
Qual'hè chi sà
Un dite nunda
Duv'elli vanu
Hè un secretu chi i porta
Un dite nunda
Più d'un veranu
Vene à pichjà ci
A a so porta
Sona
Hè digià tardi
L'ora avanza
In caffè si canta
E tù sola sola
Si stata calata
Ma prima di parte
Piglia sta chitara
Sona Sona
Sona u to mondu
Sona è canta
U nostru ti vole
Da fà lu girà più tondu
Ti rivecu una sera
Nantu à quella scena
A to voce mora
E tù sola sola
A indulci l'amaru
Di e diferenze
Sona Sona
Sona u to mondu
Sona è canta
U nostru ti vole
Da fà lu girà più tondu
Tempu
Sentu sempre a pelle di e to mani
Ch'elli passinu puru i verani
E po l'ore
E po l'ore
E po l 'ore, si ponu more l'ore
Basta ch'o chjodi l'ochji appena
A sentu è cala a mo pena
Hè luntanu, hè luntanu
Issu tempu iè a so hè vera
Hè luntanu, hè luntanu
Ma t'aghju accantu ancu sta sera
Sentu sempre u caldu di i to basgi
Chi m'hà datu è mi dà tanti curagi
Ogni ghjornu
Ogni ghjornu
Ogni ghjornu, chi passa ogni ghjornu
Basta ch'o chjodi l'ochji appena
U sentu è cala a mo pena
Hè luntanu, hè luntanu
Issu tempu iè a sà hè vera
Hè luntanu, hè luntanu
Ma t'aghju accantu ancu sta sera
Sempre
Senti
Vulia di ti
L'ai fatti sbuccià mille fiori è di più
Ch'anu tracciatu e strade nove
Di u nostru locu
Senti
Cù e to mani
E à spessu à straziera sott'à l'acque è i venti
E di sudore è di curagiu
Vulia di ti
Porta le sempre
Canta le sempre
Quelle sperenze sempre
Canta le sempre
Porta le sempre
Canta le sempre
Quelle sperenze sempre
Un pientà mai
Senti
Quantu seranu
L'ore longue passate à impinnà la sta lingua
E tù cantà la ancu al dilà d'ogni fruntiera
Senti
Pè i carrughji
Ci si falatu à schere à bandere sincere
Sventuliate da un soffiu novu
Vulià di ti
Porta le sempre
Canta le sempre
Quelle sperenze sempre
Canta le sempre
Porta le sempre
Canta le sempre
Quelle sperenze sempre
Un pientà mai
Quallà
Un acellone parte
Piglia l'altu è po intisgia
In la nulata grisgia
Di u m'orizonte persu
A mente si trapende
Pè sopra à i ricordi
Di sentimenti cordi
E di tante vicende
E tù
Ti ne vai quallà Quallà
Chi ci serà quallà
Quallà chi ci serà
Ed eiu quindi
Ad aspettà
Una voce hè venuta
A schjari mi l'albore
A parlà mi d'amore
E di vita spartuta
N'hè spuntatu un veranu
Di disei accuppiati
Campemu innamurati
Zenza angoscia nè dannu
È tù
Ti ne stai quallà
Quallà
Chi ci serà quallà
Quallà chi ci serà
Ed eiu quindi
Facciu a mo vita avà
Vuria
A to risa
E i to capelli
Mancu i to ochji
So cambiati
E mi pare
Chi u to prufume
Hè listessu à tandu
Iè mi pare
So quanti i sogni
Chi si so firmati
Annant'à i banchi
Di a nostra scola
Da quandu simu nati si
Ch'o ti vurria di cusi
Vurria di ti tù si mea
Si mea
Un si sà
Nunda di a to vita
Sè tù l'ai datu
U to core
Fughji torna
Torna cum'è sempre
Un ne voli catene
E m 'avvecu
Chi tutti issi sogni
Un so ch'è campati
Annant'à i banchi
Di a nostra scola
Da quandu simu nati si
Ch'o ti vurria di cusi
Vurria di ti tù si mea
Si mea
Pare eri
A carta s'hè ingiallita
Appinuccia stracciata
Ma a fiura hè pulita
U tempu l'hà salvata
Seranu quarant'anni
Un pare mancu vera
Guarda i nostri panni
Tandu chi moda era ?
Pare eri...
Una duie è po trè
Sfilanu centu stonde
Iè mi ricordu bè
E nostre chjome bionde
Inseme à batte lochi
Sempre cusi vicina
Era di mille fochi
A nostra zitellina
Pare eri
Oghje chi bellu ghjornu
Una manu ti piglia
Vi simu tutti intornu
S'ingranda a famiglia
Da u so paradisu
Quelli chi ùn so più qui
Anch'elli in un surisu
Vi dicenu di si
A carta s'hè ingiallita
Appinuccia stracciata
Sicura chi a vita
Cum'è noi hè cambiata
Ma tutti latu à latu
Era quessu u pattu
Ma di mi stu ritrattu
Sai quale l'hà fattu ?
Pare eri. ..
Pediscalza
Quand'ella s'avanza
Lesta è sgualtra
Ch'ella inizia un passu
Pediscalza
Si suspende
Ogni suspiru
U silenziu
Natu in giru ... tandu
Quand'ella s'avanza
Pediscalza
E si scioglie e chjome
È u mondu capalza
Hè a passione
Entrata in ballu
Pè una festa
Hè a catena
Mandata in pezzi
Hè a timpesta
Và è vene è volta
Girivolta
U pannu legeru
Si ne porta
I suspiri
Cù i cori
In un mondu
Di culori ... tandu
Quand'ella s'avanza
Pediscalza
E si scioglie e chjome
È u mondu capalza
Hè a passione
Entrata in ballu
Pè una festa
Hè a catena
Mandata in pezzi
Hè a timpesta
C'eramu noi
N'averemu suminatu canzone
N'averemu scumpartutu passione
Stonde beate è pene dinù
Nantu à e strade ribelle
N'averemu betu notte inseme
E po inventatu lu mondu, l'avvene
Una chitara accurdata à u core
Pè sente batte l'amore
C'era issa vita un fiume sgualtru
Eramu noi issi zitellacci
C'eramu noi è c'ere tù
U mele di a mo giuventù
N'averemu vistu nasce stagioni
Battutu tanti paesi è rughjoni
Una paghjella una piazza un caffè
E si spartia un tesoru
C'era issa vita un fiume sgualtru
Eramu noi issi zitellacci
C'eramu noi è c'ere tù
U mele di a mo giuventù
Di qui
Appena più di sole in le nostre e case
Falatu da u celu è cum'è rigalatu
Dopu à tanti penseri
E à l'angosce d'eri
Crede torna à e fate inseme cù i mei
Di qui, di qui,
Simu di qui
Appena più d'amore in li nostri i cori
Prufumatu di gioia un surrisu di toiu
Natu nantu e to labbre
Cum'è flore chi s'apre
Cum'è l'ore cantate inseme cù i mei
Di qui, di qui,
Simu di qui
​
​
