Alma di qui
Felicità
Un so più solu à caminà
Un so più solu à sunnià
Un so più solu à festighjà
Un so più solu à caminà
Oghje pigliu l'alta strada
quella chi franca i monti
Per passà sopra à l'abissi
ci vogliu lampà i ponti
È piglià ti pè a manu
Per girà u mondu sanu
Un so più solu à caminà
Oghje quandu apru l'ochji
à cantu à mè ti ritrovu
Si a mo prima chjarura
à l'alba d'un ghjornu novu
S'hè spenta l'ultima stella
Ma la notte hè stata bella
Un so più solu à sunnià
Felicità
Oghje quandu sona l'ora
di gode si l'alegria
Aghju l'anima serena
è u core in melodia
A vita piglià u culore
Di u tempu di l'amore
Un sô più solu à festighjà
S'ella cala l'ombra pagna
per abbughjà u mo celu
Ch'un nuvulu di tristezza
m'ingutuppa cum'un velu
Si tù l'agnulu di speme
A furtuna di l'inseme
Amore di lu mio campà
Felicità
Isula persa
A mo tarra negru fume
ln dolu di machja fiurita
Senti u funestu prufume
Di a Corsica culpita
So digià i nostri alivi
Negri torti è agrancati
Cum'è omi brusgiati vivi
Morti in prighera addisperati
Ripigliu
Picciafocu senza fede
Essare d'anima roghjica
Più nimu ti vole vede
Fà stirpignu di a Corsica
Avà prestu abbisogna
Dumane quale hè chi sà
O picciafocu vergogna
Ti faremu inghjinuchjà
Di i Fiumi à l'aque chjare
Ci fermanu e venice
E da lu monte à lu mare
Un cantarà più parnice
Più sussuri à le funtane
Chi seccanu e surgente
Sunate puru o campane
U mortoriu di la ghjente
Si cunsumanu i rochji
Di a furesta chi si spenghje
Collanu e lacrime à l'ochji
Ma ùn vale solu à pienghje
Chi u soffiu di u ventu
Da Bunifaziu sinu à Ersa
ùn porti più issu lamentu
Quellu di l'isula persa
Fola di cantu
Sarà una fola forse
D'isse antiche fole corse
Quandu u passatu prisente
Stà accampatu in la mente
Mentre chi a sera à veghja
U ventu fora trizineghja
ln un soffiu a fola dice
U sognu dolce è felice
L'armunia di i trilli
Chjama è rispondi suttili
Di u pueta rusignolu
Musicante campagnolu
Dice dino a vadina
A parolla cristallina
Alliscendu e so note
ln a gamma di e cote
Cusi nasce a meludia
Eterna pulifunia
Allora à forza di sente
Si rallegrava la ghjente
Donne omi è zitelli
Giovani è vechji anch"elli
Cusi ùn cantava più solu
U pueta rusignolu
Hè a fola bella à cuntà
Di a passione di cantà
Quandu omi donne è zitelli
Fiumi è rusignoli anch'elli
lnventanu tutti inseme
Sta sinfunia di a speme
I trè di Muru
ln memoria di i trè giuvanotti muraschi
impiccati à un alivu da e truppe
di u Cunsulatu (1800).
A tradizione dice chi pocu tempu dopu
u ghjambu s"hè siccatu.
Populu muntagnolu
A mo muntagna à l'imbernata
Bianca cum'una sposa
L'avessinu induvinata
A to parolla ascosa
Ma à tè ti po capisce solu
U populu muntagnolu
A mo muntagna veranile
U tempu si riscalda
So e fureste d'aprile
Cullane di smeralda
Cusi ti sà apprezzà solu
U populu muntagnolu
Ripigliu :
Una muntagna
Tanttu prisente
Una muntagna
In la mio mente
A mo muntagna à i calori
Tu resti sana è pura
E scegli i culori
Per cambia di vestura
In tè si sà ritruvà solu
U populu muntagnolu
A mo muntagna di vaghjime
Splendi cum'un tisoru
Tendi sinu à e cime
Fronde ghjuelli d'oru
Cusi ti vole gode solu
U populu muntagnolu
A mo muntagna i ncurunata
Si altiera regina
U to regnu à l'alzata
Face ombra à la marina
ln tè si ricunnosce solu
U populu muntagnolu
A mo muntagna cum'una donna
Da sempre sunniata
Amante mamma o madonna
Veghji in a mo pinsata
Muntagna ti tengu cara solu
E so u populu muntagnolu
Lamentu a mammo
Stu cantu hè per tè mammone
Chi rivecu lu to visu
Ch'ellu ti trovi cun babbone
Tramindui in paradisu
Avete straziatu à bastanza
Per stantà vi issa baldanza
Per appanà la famiglia
Tù da la mane à la sera
Tenivi calda la ziglia
Ancu à lume di lumera
Inbalsamava notte è ghjornu
U muscu di lu to fornu
Per risponde à ogni chjama
Cù u surrisu d'una santa
Eri una seconda mamma
Cù una pazienza tamanta
A cantu si stava fidu
Cum'è l'acellu in lu nidu
Ma oghje u fornu hè spentu
ln dolu di panattera
Dentru ci ghjoca lu ventu
A di un eterna prighera
Parolla arricumandata
Per un'ultima furnata
Quassù in isse loche sante
Sarè in bona cumpagnia
Lode ti ne cantu tante
E dicu amme è cusi sia
Ogni ghjornu chi Diu face
O Ghjilo riposa in pace
Puttana vita
Passanu ghjorni è settimane
Tempi straziati à colli è fali
Oghje ci mena è per dumane
Un s'aspetta tanti rigali
Hè aspessu istrosa è dissapita
Puttana vita
Zitelli d'Africa è d'Asia
Ochji sburlati da a fame
In quelle tarre di scarsia
Morenu in collu à e so mamme
Ind'una tristezza infinita
Puttana vita
Correnu i tempi di sprufondu
E a pianeta ùn hè più ferma
Scimattulisce u nostru mondu
In quà è là a tarra trema
Hè una cità sipillita
Puttana vita
Nantu à issa tarra avvilinata
So scarse ancu l'albe di lume
L'aqua si torna truvulata
L'aria sente u fracicume
L'umanità sana hè ferita
Puttana vita
Nè mancu per cantà a pace
A culomba ùn truva stagione
Infernu di pessime strage
Ribomba sempre u cannone
A guerra ùn hè mai finita
Puttana vita
A passà la cun tantu straziu
Si puterebbe esse stanchi
E di campà perde u laziu
Ma sai quant'è tu ci manchi
Quandu s'appronta a surtita
puttana vita
Ma cara vita...
Ochji
Ochji di celu azuru
Cum'una fede ascosa
Ochji di verde scuru
Furesta misteriosa
Ripigliu
Ochji chi dite
Cose vissute
Ochji chi site
Parolle mute
Dite m'infine di chi culore
Saranu l'ochji di l'amore
Ochji petra turchina
Per un ghjornu di festa
Ochji d'aqua marina
Ci dorme a timpesta
Ochji di sole d'oru
Vi cunsuma l'ardore
Ochji di scogliu moru
Di brusta è di furore
U trenu di rumania
I vechji
I vechji ùn sanu più
I culori di l'ora
Nè di vita chi fù
Nè di u sole fora
S'hè cala tu l'imbernu
À cutrà i so sciali
A via di l'eternu
S'aprenu i viali
I vechji ùn anu più
Nè furie nè passione
Ma quandu a giuventù
ln mimoria s'impone
Rivedenu ogni stonda
Di i temponi fà
ln la notte prufonda
Hè Longu sunnià
Parolle cum'è fune
Da ricullà u tempu
Sinu à e vechje lune
Ardore oghje spentu
E ramintà si à pena
Fiori di giuventù
Eterna cantilena
Una volta è po più
Avà stanu ochji chiosi
Per leghje si à l'indrentu
Messaghji misteriosi
Ch'ellu scrive u tempu
U ghjornu chi rivene
Lampa una Luce cruda
A trama di e pene
Si mette in carne nuda
U sole chi si chjina
Li abbughja a mente
ln core hè maltacina
Di lacrime dulente
Piombu nantu a vita
Li pesa u silenziu
Di quandu a sorte invita
A l'ultimu licenziu
Alma di qui
Si in la ruina d'un ponte
Petra mimoria à pricà
Omi cù u core in fronte
Morti pè a libertà
Si parolla trista à di
Alma di qui
Si in l'antiche paghjelle
Di e belle serate corse
Quandu fratelli è surelle
Cantanu è megliu forse
Più cà cià chi si po di
Alma di qui
Batti in core di a teghja
Bolli in l'aque di u fiume
Si ventu chi trizineghja
Si mare biancu di sciume
Di furie ch'ellu ùn po di
Alma di qui
Luci in l'ochji di u vechju
Quandu a strada hè finita
Si leghje cum'in un spechju
Sciali è miserie di vita
Chi solu u silenziu sà di
Alma di qui
Si madre di cumunione
Trà l'omi è u so paese
Si prighera è passione
Per piglià e so pratese
Alma eterna bella à di
Alma di qui
Ruvina
A vechja casa si ne fala
Un hà più tettu ùn ci hè più scala
Solu u sole hà per dicoru
Quand'ellu a si scialba d'oru
È tandu ella
Hè Cusi bella
E quandu vene l'ora dolce
Sentu a risa d'un zitellu
D'un omu risona a voce
Una donna canta à u purtellu
A vita ella
Hè cusi bella
Ma vene à scuri issa pace
U nuvulu di l'addisperu
L'ultimu mughju eppo a strage
E u silenziu pagnu è neru
A morte ella
Hè cusi niella
Cum'è un eternu Licenziu
Pienghje l'alma d'issa ruvina
E segna ogni petra silenziu
Una malasorte assassina
E tandu ella
Hè cusi niella
A vechja casa si ne fala
U tempu rozu ci si cala
E a fulena di a storia
Lampa e mure di mimoria
Una casa
tantu bella
Una casa
Tantu niella
​
​
