85
So
So di l'altu silenziu
In la terra di l'orti
Di l'ultimu licenziu
A'sti paese morti
Ma so
So di un'anima pesta
Da l'aassalti vigliacchi
E cundanna e arresta
Di mina un so fiacchi
Ma so
So di quella acqua lesta
Chi frighje da le cote
Di a storia furesta
Longu a le borghe viote
E'so
Simu di u stessu esiliu
Tra folle indiferente
U mo crede un he figliu
S'unnisce a la to mente
E'simu
Dumane intrecceremu
E curone di a pace
Inseme canteremu
L'unita chi si face
Seremu
Seremu cunviati
A'l'intimu di l'esse
A'populi mischjati
Ampareremu a tesse
L'avvene
Si di un locu di fole
Natu a mezu a u lume
Isse sponde oghje sole
Ti ne scorre lu fiume
Ma si
Si di un populu persu
Sbrisgiulatu in la storia
Fughji pe l'universu
A stampa di a memoria
Ma si
E'si di un svegliu seccu
A'l'albe di suffrenze
Quandu pichja u rimbeccu
Di tutte e indipendenze
Pastore ci vene
Una cappella bianca, si pesa frà le cote
Sopra à u nuciuletu, chi a tramuntana scote
Un chjosu è una funtana
Li so per cumpagnia
U chjoccu di a campana
Trema malincunia
È quandu a notte pagna sguillisce pè le valle
O chi u tempurale s’appronta pè lu valle
Pastore vene, pastore va,
Pastore ci vene, pastore ci va.
Una cappella bianca, adorna da filetta
Sviulita in le stagione casa d’ogni arretta
Incappella i monti
I da una ochjata fiera
Saluta l’orisonti
Chi bramanu preghera
Po quandu maghju volta à veste le cullette
E qui scemme d’amore incimanu e caprette
Pastore vene, pastore va,
Pastore ci vene, pastore ci va.
Nanna pe i ciucci g'oghje
Pè un morsu di pane intintu
E pè u pane senza cumpane
Quand’ellu manca u stanta pane
Pè e bocche d’oghje è di dumane
Dormi,
Pè i soldi di u scruccone
Dormi
Pè u solu senza sennu
Chi ride à n’importa quale
E pè i fiori senza mente
Chi muscanu n’importa quandu
E pè i sciali di l’estate
Inghjulia à l’imprigiunati
Dormi, dormi.
E sta canzona ch’a ti cantu
Si sparghji in la to memoria
Ghjè suminata la rivolta
Saremu degli à la racolta
Dormi,
Pè i ghjorni d’inguernu
Dormi,
Pè l’antiche vindute,
Pè tutte e stache empiute
Pè e brame scadute
Pè chi trappula senza esciuta
Pè i ghjorni d’incantu
Quand’ellu sbuccia u girastoria
Dormi, dormi.
E sta canzona ch’a ti cantu
Si sparghji in la to memoria
Ghjè suminata la rivolta
Saremu degli à la racolta
Mi senti lu mondu interu
Eo vurria chi lu mondu
Fussi una machja d’amore
Lu lucissi d’altu celu
Un sole a mille culori
Lantantiru leru leru leru,
Lantantiru leru leru la
Mi sentu lu mondu interu
Lantantiru leru leru la
Eo vurria chi dumane
E bandere amazzulate
Fessinu scuppia lu cantu
Centu milla serenate
Lantantiru leru leru leru,
Lantantiru leru leru la
Mi sentu lu mondu interu
Lantantiru leru leru la
Eo vurria chi ‘ssu ghjornu
C’invitassi tutti à lu ballu
L’orisonti fussi in festa
A viulinu di cristallu
Lantantiru leru leru leru,
Lantantiru leru leru la
Mi sentu lu mondu interu
Lantantiru leru leru la
E curnaghje
U silenziu curria i chjassi, agranchenduci à tutti l’anscia
Ma parulla si fece presenza, una voce si messe à cantà
Tazzighjendu l’ore diserte
Di e mute ferite
Ingrandà u versu sperenza
A e labbre transite,
Da tandu, so trè curnachje appullate
A grachja l’ore morte, vergugnose di sè,
Pè mille è mille culombe
Alisparte à l’avvene, testimoni di tè,
Chi vanu, chi vanu
L’addisperu si perse in viaghju, si ne morse l’ultimu tace
Ogni rima stracciava u tempu, mutilendu e buggie di pace
‘ssi canti, ‘sse chjame infinite
S’assumiglianu à tè,
Chi rompenu l’ombra d’un zittu
A l’oramai vulè,
E oghje, so trè curnachje appullate
A grachja l’ore morte, vergugnose di sè,
Pè mille è mille culombe
Alisparte à l’avvene, testimoni di tè,
Chi vanu, chi vanu
Venite incu me
Vi ne vurria parlà
Di ‘ssu paisolu
Appesu à e cime,
Ci ghjoca u sole
Ci veghja a luna
Ma nimu ci stà
E case stanu ochji serrate
Tutte accumpulate
Li pesanu l’anni,
E tombanu l’ore
Chi ùn volenu more
Mà nimu à sà
Dite perchè, dite perchè
Dite, dite, ditemi perchè !
Un ghjornu s’è vo ci ghjunghjite
Fateli una vita
A soia hè ferita,
Dateli una voce
E dateli un nome
Piu nimu la sà
Vi ne vurria cantà
Di ‘ssi paisoli
Chi sanu a storia,
Andemu dumane
Ci so e funtane
Di una eternità
Venite incù mè, venite incù mè,
Venite, venite, venite incù mè !
Sognu
Un paisolu
Di teghje grisge
In core à tè
I dui vechji
Di u ricordu
Daretu à tè
Un zitellucciu
À mane instacca
Vicinu à tè
U mare chjaru
Cum’è i so ochji
In fronte à tè
Issu silenziu
Chi penciuleghja
In giru à tè
È u puema
Natu una sera
In pettu à tè
Un isulane
Rivittulitu
In corpu à tè
È un avvene
Amaestratu
In manu à tè
Malincunia
Sta sera
U ventu punghje piu che maì
E fora
Ballanu l’ombre timulose
Ardite
Si prufileghjanu à l’intornu
E u celu pienghje
Malincunia, malincunia
A notte,
S’hè cumpannada d’un nebbione
In le creste
Ferma agghjuppatu lu fenile
Indè l’occhji,
Facenu festa le moi rime
E u core strughje
Malincunia, malincunia
M'innamoru
L’aria accarezza. Si vede stelle
Indi l’occhji di e zitelle
U sole bellu ti face d’oru
E m’innamoru
A mezu pratu c’hè tanti fiori !
Femu cullane cum’è i signori !
U sole bellu ti veste d’oru
E m’innamoru
I pulloni infrondanu le rame
Cuntèmucci tuut’è nostre brame !
U sole bellu ti frisgia d’oru
E m’innamoru
Più chè l’acqua fresca di a funtana
Sè fresca, sè limpida, sè sana…
U sole bellu t’incroscia d’oru
E m’innamoru
Si so carchi di sangue i chjarasgi
Hè tempu di pindini è di basgi !
U sole bellu t’accende d’oru
E m’innamoru
Di surisi e di sogni
Di surisi è di sogni
Cum’elli sò i zitellucci
Cum’elli sò i belli ghjorni
Cusi ghiere tù
Di surisi e di sogni
Cum’è s’elli bastavanu pè cunsulà di tuttu,
Cum’è s’elli bastavanu a I freddi di l’anima,
Cum’è si l’orisonti ballavanu più belli,
A cumpave d’Amore pè ‘ssu paese caru
E brusgiave di fede di pettu à l’ore amare
Per un passucciu in più
Per un passucciu in più
Ma si l’ora m’hè trista, inviaghju t’aspettu
A cantaccilu un ghjornu
Di surisi
E di sogni
​
​
